isihcikēwiniwāwa 13
13
1ēkospi māka otayamihāwak anita āntiyāk kā ayācik, ki ayāwak okiskiwēhikēwak mina okiskinohamākēwak, pārnapās, mina simiyan naicar kā isiyihkāsot, mina losiyas sairini ohci, mina mānēin o wiciopikimākana ērat ana tētarārk, mina sāl. 2mēkwāc māka ē ayatoskawācik kā tipēyihcikēyit mina ē iyiwanisiisocik, kā kanātisiyit ahcāhkwa ki itikwak, pākānitowik pārnapas mina sāl anima atoskēwin ohci kā ki isi natomakik. 3ēkwa, ispi kā iyiwanisiisocik mina kā ayamihācik mina kā sasāminācik, ki sipwētisawēwak.
4ēkosi wiyawāw, ē ki sēpwētisaokocik kā kanātisiyit ahcāhkwa, ki itohtēwak sēlosiyaihk; ēkota māka ohci ki itāsiwak sāipalasihk. 5mēkwāc māka sālamisihk ē ayācik, ki wihtamwak kisēmanito ot itwēwin ot ayamihēwikamikoyihk cowa: ēkosi mina cāna ki ayāwēwat ē nanisokamākocik.
6ispi māka kā sāposkakik anima ministik piyis anita pēpas, ki miskawēwak pēyak ē mitēwiyit, kiyāskiwē okiskiwēhikēwa, cow, pārcisas ē isiyihkāsot; 7ē wiciayāmāt anihi oyasowēwikimāwa, sarciyas pālas, onisitotamowi ayisiyiniw. ēwako ki natomēw pārnapasa mina sāla, mina ki natawēyitam kita pēhtahk kisēmanito ot itwēwin. 8māka ēlimas ana mitēw (cikēmā ēwakwēyiw o wiyowin ē itwēstamawātamihk) ki nānakāskawēw, ē natonahk kita kwēskināt oyasowēwikimāwa tāpwēyēyitamowinihk ohci.
9māka sāl, kā isiyihkāsot mina pāl, ē moskinēskākot kā kanātisiyit ahcāhkwa, soki ki kanawāpamēw, 10mina ki itēw, ā kiya kā moskinēskākoyan kahkiyaw kakayēyisiwin mina macātisiwin, okosisa macāya, kiya kā notinaman kahkiyaw kwayaskitātisiwin, namā ci wikāc ki ka poni wanātāwān kā kwayaskwaniyiki ot isitwāwina kā tipēyihcikēt? 11ēkwa māka, mātika, ocihci kā tipēyihcikēt ki pātakonikowān, ēkosi namawiya ki ka wāpin, ēkā ē wāpamat pisim nomakēs. sēmāk māka ki pakamiskāk pikisēyāpatamāwin mina wanitipiskāw; ēkosi ki papāmotēw ē natonawāt nāntaw awiya kita sakiniskēnikot. 12ēkwa ana oyasowēwikimāw, ispi wiyāpahtahk anima kā ki itocikātēyik, ki tāpwētam, ē māmaskātahk o kiskinohamākēwiniyiw kā tipēyihcikēyit.
13ēkwa māka pāl mina anihi kā wicēwikot ki sipwēyāsiwak pēpās ohci, mina ki takwāsiwak anita parka pāmpiliyaihk: ēkota māka cān ki nakatikwak mina ki kiwēyiwa cērosalamihk. 14māka wiyawāw, ē sāpopimotēcik anita ohci parka, ki takosinwak anita āntiyāk pisitiyaihk; ēkosi ki pihtokēwak ayamihēwikamikohk ē ayamihēkisikāyik, mina ki nahapiwak. 15kā poni ayamitāhk māka oyasowēwin mina okiskiwēhikēwak, kā oyasowātakik ayamihēwikamik ki isitisaamākwak awiya ē itikocik, niciwāmitik, kispin ēyāwēkwē itwēwin ē wi isi sikimāyēkok ayisiyiniwak, pikiskwēk. 16pāl māka ki nipawiw, mina ē ayitinikēstawāt ki itēw,
isrēil ayisiyinitik, mina kiyawāw kā kosikwēyimāyēk kisēmanito, natotamok. 17#ēksatas 1:7; ēksatas 12:51o kisēmanitomiwāwa oki isrēil ayisiyiniwak ki nawasonēw kotāwinawa, mina ki opinēw ayisiyiniwa mēkwāc ē ot itāwiniyit icipt askihk, ēkosi ē ispakēpitonēyit ēkota ki pē ohci wayawitaēw. 18#nampars 14:34; tiyotaranami 1:31nāntaw māka nēw mitanaw tahto aski ki sipēyitamawēw ot isihcikēwiniyiwa pakwātaskihk. 19#tiyotaranami 7:1; cāsyoa 14:1ispi māka kā nisiwanācihāt tēpakop ē itahtoskānēsiyit ayisiyiniwa kēnan askihk, ki miyēw ot askiyiw kita otaskiyit, nāntaw nēwāw mitātahtomitanaw mina niyānanomitanaw tahto aski: 20#oyasowēwak 2:16; 1 sāmyoil 3:20mwēstas iyikohk māka ohi ki miyēw oyasowēwa piyis sāmyoil okiskiwēhikēw. 21#1 sāmyoil 8:5; 1 sāmyoil 10:21ēkosi mwēstas iyikohk ki natotamāwak kihci okimāwa: kisēmanitowa māka ki miyikwak sāla okosisa kis, nāpēw pēncimin o piskitotēwisiwinihk ohci, nēw mitonaw tahto aski. 22#1 sāmyoil 13:14; 1 sāmyoil 16:12; nikamona 89:20ispi māka ēwakwani ohpimē kā ayāt, ki pasikonēw tēpēta kita o kihci okimāmiyit; ēwakwani mina kā isi ācimāt, kā itwēt, ni ki miskawāw tēpit okosisa cēsi, ayisiyiniw ē itastēk nitēh, kē itotahk kahkiyaw kā itēyitamān.
23ohi nāpēwa ot awāsimisiyiwa ohci kisēmanito ē ki isi asotamākēt ki pētamawēw isrēila opimācihiwēwa, cisas; 24#mārk 1:4; lok 3:3ispi cān nikān kā kakēskimāt, kahkiyaw isrēil anima paptāisiwiwin kwēskipimātisiwinihk mwayēs takosiniyit cisasa. 25#cān 1:20; mātyo 3:11; mārk 1:7; lok 3:16; cān 1:27cān māka ē ati tipipayitāt ot atoskēwin ki itwēw, awēna kiyawā ētēyimiyēk? namayēw niya ēwako. māka mātika, ni pē askwāk pēyak, o maskisina ositihk ēkā ē tēpakēyitākosiyān kita āpikonamwak. 26niciwāmitik, awāsisitik ēprēām wēciyēk, mina tahto kiyawāw kā kosikwēyimāyēk kisēmanito, kiyānaw oma pimācihiwēwi itwēwin kā isitisaamākawiyahk. 27cikēmā aniki cērosalamihk kā ot itāwinicik, mina oyasowēwiyinimiwāwa, wiya ēkā ē kiskēyimācik, ahpo ot itwēwiniyiw okiskiwēhikēwa kā ayamitāhk tahto ayamihēkisikāw, ki tipipayitāwak ē nānipomācik. 28#mātyo 27:22,23; mārk 15:13,14; lok 23:21-23; cān 19:15ēkosi āta ēkā ē miskahkik kēkway kita ki ohci nipaimiht, ēyiwēhk ki kakwēcimēwak pailata kita nipaimiht. 29#mātyo 27:57-61; mārk 15:42-47; lok 23:50-56; cān 19:38-42ispi māka kā tipitotakik kahkiyaw kēkwāy kā ki masinaikātēyik wiya ohci, ki nitinēwak mistikohk ohci, mina ki pimisimēwak nahinitowikamikohk. 30māka kisēmanito ki waniskānēw nipowini ohci: 31#isihcikēwiniwāwa 1:3ēkosi ki wāpamik micēto kisikāw anihi kā ki pē wicēwikot cērosalamihk, kālalihk ohci anihi ēkwa kā ācimikot ayisiyinināhk.
32 #
nikamona 2:7
ki pētamātinān māka ē miywātotākwahk anima kā ki isi asotamāhcik otāwimāwak, 33kisēmanito ē ki isi tipitotamawāt kit awāsimasinawa ēwakwēyiw, anima ē ki waniskānāt cisasa; kā itasinahikātēk mina niso nikamonihk, kiya nikosis, anohc kā kisikāk ki ki nihtāwikiitik. 34#aysāya 55:3mina anima kā ki waniskānāt nipowinihk ohci, ēkā wikac mina nisiwānātisiwinihk kita isi kiwēyit, omisi ki isi pikiskwēw, ki ka miyitināwāw kā kanātaniyiki mina kā kēcinātaniyiki o kisēwātotākowina tēpit. 35#nikamona 16:10cikēmā itwēw mina kotak nikamonihk, namawiya ki ka miyāw ki kanātisim kita wāpahtahk nisiwanātisiwin. 36cikēmā tēpit, ispi wiya ē mēkwā pimātisit kā atoskātamwāt o kakēskimiwēwiniyiw kisēmanitowa, ki kawikwasiw, mina ki wici pimisinomēw otāwiya, ēkosi ki wāpahtam nisiwanātisiwin: 37māka wiya ana kā ki waniskānikot kisēmanitowa namawiya ohci wāpahtam nisiwanātisiwin.
38ki ka wi kiskēyitēnāwāw māka, niciwāmitik, ēwako awa ayisiyiniw ohci ki tēpwātamākawināwāw asēnamākowin maciitiwina: 39mina wiya ohci kahkiyaw awiyak kā tāpwētawāt kwayaskwastowāw kahkiyaw kēkway, anima ēkā kita ki kwayaskwastamākoyēk mosis oyasowēwin. 40ayākwāmisik māka, kēka nāntaw isi ki ka otihtikonāwāw, anima kā ki itwēcik okiskiwēhikēwak;
41 #
hāpākak 1:5
mātika, kiyawāw opiwēyimiwēskak, mina māmaskātamok, mina nisiwanātisik; cikēmā nit atoskātēn atoskēwin ki kisikāmiwāhk, anima atoskēwin ēkā nāntaw isi kē tāpwētamēk kispin āta awiyak wihtamākoyēk.
42ē ati wayawicik māka, ki natawēyitamwak ohi ayamiwina kita wihtamācik mina kitwam ē ati ayamihēkisikāyik. 43ispi māka aniki kā ki māwaciitocik ēti sāsipwētēcik, mihcēt aniki cowak mina kā ayamihāwātisicik kwēskinākanak ki pimitisawēwak pāla mina pārnapasa: ēwakwanik, ē kitotācik, ki sikimēwak kita tāpitawēyitamiyit o kisēwātisiwiniyiw kisēmanitowa.
44kitwām māka ē ayamihēkisikāk kēkāt kahkiyaw otēnāhk kā ayācik ki pē māmawi itohtēwak kita pēhtahkik kisēmanito ot itwēwin. 45māka ispi cowak wiyāpamācik ē isi osāmēyatiyit, ki moskinēskākwak isawānakēyimowin, ēkosi ki ayānwētamwak anihi kā ayitwēyit pāla, mina ki pāstāmowi pikiskwēwak. 46ēkwa māka pāl mina pārnapas ki sokēyimowi pikiskwēwak, mina ki itwēwak, ki itastēw kisēmanito ot itwēwin kiyawāw nikān kita wihtamākawiyēk, māka wiya ē mitākwēnamāsoyēk, mina ē itakimisoyēk ēkā ē tēpakēyitākosiyēk kita ayāyēk kākikē pimātisiwin, mātika, ni kwēskistawānānak cēntāilak. 47#aysāya 42:6; 49:6cikēmā ēkosi ni ki itasowātikonān kā tipēyihcikēt, ē itwēt,
ki ki itayitin kita wāstēnamawacik cēntāilak, kita ki pimācihiwēyan isko ē kākisipaskamikāk aski.
48ispi māka cēntailak oma piyēhtahkik, ki mamahtākosiwak, mina ki kistakitamwak kisēmanito ot itwēwin: tahto māka kā ki oyakimihcik kākikē pimātisiwinihk ki tāpwētamwak. 49kā tipēyihcikēt māka ot itwēwin ki ātocikātēw misiwē itē ēwakwānima aski. 50māka cowak ki sikiskawēwak ē ayamihāwātisiyit iskwēwa kā kistēyitākosiyit, mina kihciyiniwa ēkota otēnāhk, ēkosi ki opwēiwēwak kita māyitotāmiht pāla mina pārnapasa, ki wayawiwēpinēwak māka ot askiwāhk ohci. 51#mātyo 10:14; mārk 6:11; lok 9:5; 10:11māka wiyawāw ki papawisitēyistawēwak, ēkosi ki pē itohtēwak āykāniyamihk. 52ēkosi kiskinohamawākanak ki moskinēskākwak mamahtākosiwin mina kā kanātisiyit ahcāhkwa.
Currently Selected:
isihcikēwiniwāwa 13: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
