isihcikēwiniwāwa 14
14
1ki ayispayiw māka aykāniyamihk, ē ki pihtokēcik ot ayamihēwikamikoyihk cowa, ēkosi ē isi pikiskwēcik, mihcēt kā māmawēyatēyit cowa mina karika ki tāpwētamiyiwa. 2māka aniki ēkā kā tāpwētahkik cowak ki mikoskātēyitamiēwak cēntāila, mina ki sikiskawēwak kita māyi itēyimāyit ociwāmimāwa. 3kinwēs māka ēkota ki ayāwak, ē sokēyimowi pikiskwēcik kā tipēyihcikēt ohci, ēwako ki wicitāw o kisēwātisiwi itwēwin, ē pakitēyitahk wāpahtahiwēwina mina mamātāwi isihcikēwina kita itocikātēyiki ocihciwāwa ohci. 4māka kā osāmēyaticik ayisiyiniwak otēnāhk ki niswayakiitowak; ātiht māka ki wicēwēwak cowa, ātiht mina apāstila. 5māka ispi miyāmawi mawinēskākocik cowa mina cēntāila asici oyasowēwiyinimiwāwā, nanēpēwākāc kita itotākocik mina kita pimwāpiskaokocik, 6ki kiskēyitamwak, mina ki itāmowak otēnāhk laikēoniyaihk listara mina tarpi, mina askihk ēkota wāskā: 7ēkota māka ki wāwitamwak miywācimowin.
8ēkota māka listara ki apiw pēyak nāpēw, ēkā ē ki waskawit ositihk, ē ki isi nihtāwikihikot okāwiya ēkā wikāc ē ki pimohtēt. 9ēwako awa pētawēw pāla ē pikiskwēyit: ēkosi wiya, soki ē kanawāpamāt, ē wāpahtahk māka ē ayāyit tāpwēyēyitamowin kita ki iyinikaimiht, 10ki itwēw ē kisiwēt, nipawi kwayask ki sitihk. ēkosi ki pasikosipatāw mina ki pimohtēw. 11ispi māka ē māmawēyaticik ayisiyiniwak wiyāpahtakik pāla kā ki totamiyit, ki tēpwēwak, ē itwēcik laikēoniya pikiskwēwinihk, manitowak kotitikonawak ayisiyinihk ē isinākosicik. 12pārnapasa māka ki isiyihkātēwak, copitar; ēkosi pāla, markori, cikēmā ēwakwani kihci ē pikiskwēyit. 13ēkosi copitar ayamihēwiyinikān ot ayamihēwikamik tipiskoc otēnāhk kā ayāyik, ki pēsiwēw mostoswa mina wawēsicikana kihci iskwātēmihk, ēkosi asici ayisiyiniwa kā māmawēyatiyit ki wi itotam macostēamākēwin. 14māka ispi aniki apāstilak, pārnapas mina pāl, piyēhtahkik, ki yāyikipitamwāk o kikiskācikaniwāwa, mina mēkwā ē osāmēyatiyit ayisiyiniwa ki ispayiowak, ē tēpwēcik, 15#ēksatas 20:11; nikamona 146:6mina ē itwēcik, okimātik, tānēki ohi kā itotamik? nistanān nit ayisiyiniwinān tāpiskoc kiyawāw kā isi ayāyēk, mina ki pētamātinān miywācimowin, kita ponitāyēk ohi pakwanata kēkwaya ēkosi kita atoskawāyēk kā pimātisit kisēmanito, kā ki ositāt kisik mina aski mina kihcikami, mina kahkiyaw kēkway ēkota kā ayāk: 16ana otāhk otē kā pē ayāniskē pimātisihk kā ki iyinamawāt kahkiyaw ē itaskānēsiyit ayisiyiniwa kita pimotātotamiyit wiyawāw ot isitwāwiniyiwa. 17māka ēyiwēhk namawiya ki isi nakatam ēkā kēkway kita ācimikot, wiya ē ki miyo totahk, ē ki miyikoyēk kimiwana mina miyo opikicikēwin ēspitāyawaki, ē moskinatāt kitēhiwāwa miciwin ohci mina mamahtākosiwin. 18oma māka ē ayitwēcik akawāc ki kipitinēwa ayisiyiniwa ē wi macostēamākocik.
19māka ēkwa ki takosinwak cowak āntiyāk mina āykāniyan ohci: ēkosi ēwakwanik ki sākocimēwak kā māmawēyatiyit ayisiyiniwa, ki pimwāpiskawēwak māka pāla, ēkosi ki wāyawitāpēwak otēnāhk ohci, nipiw ē itēyitahkik. 20māka kiskinohamawākana ē wāskākāpawistākot, ki waniskāw, mina ki pihtokēw otēnāhk: ēkosi wiyāpaniyik ki sipwē wicēwēw pārnapasa tarpiihk isi.
21ispi māka kā kakēskimiwēcik miywācimowin ēkota otēnāhk, mina mihcēt kiskinohamawākana kā osiācik, ki kiwēwak listaraihk, mina aykāniyamihk, mina āntiyākihk, 22ē ayāciācik ot ahcākoyihk kiskinohamawākana, mina ē sasikimācik kita tāpitawēyitamiyit tāpwēyēyitamowin, wiya ē sāposkamahk mihcēt āyimisiwin ēkosi isi piko kita ki pihtokēyahk kisēmanito ot otēnawiwinihk. 23ispi māka kā oyakitamawācik ayamihēwiyiniwa kahkiyaw ita otayamihāwak ē ayācik, mina kā ayamihācik asici ē iyiwanisiisocik, kā tipēyihcikēyit ki isi kākisimostamawēwak, anihi kā ki tāpwētawāyit.
24ki ati sāpo pimohtēwan māka pisitiya, ēkosi ki takosinwak anita pāmpiliya. 25ispi māka kā wihtahkik itwēwin parkaihk, ki ati itohtēwak anita atāliya; 26ēkota māka ohci āntiyāk ki itāsiwak, ita kā ki ohci pakitinihcik o kisēwātisiwiniyihk kisēmanitowa anima atoskēwin ohci kā ki tipitotakik. 27ispi māka tēkosikik, mina kā māmawi natomācik otayamihāwa, ki akinē acimostawēwak kahkiyaw kēkway kisēmanitowa kā ki itotamiyit wiyawāw ohci, mina kā ki isi yotēnamawāyit tāpwēyēyitamowi iskwātēm anihi cēntāila. 28ēkosi namawiya piko akanak ki wici ayāmēwak kiskinohamawākana.
Currently Selected:
isihcikēwiniwāwa 14: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
