isihcikēwiniwāwa 15
15
1 #
lipitikas 12:3
ātiht māka nāpēwak cotiyaihk ki pē ohtohtēwak mina ki kiskinohamāwēwak ociwāmimāwa, ē itwēcik, kispin ēkā sarkamsāisiwiikawiyēko kā ki isihcikēt mosis, namawiya ki ka ki pimācihonāwāw. 2ispi māka ēwakwanik mina pāl asici pārnapas namawiya piko apisis kā mamiywākācitocik mina kā kakwēcitocik, ociwāmimāwak ki oyakimēwak pāla mina pārnapasa, mina ātiht kotaka wiyawāw ohci, kita natawāpamāyit apāstila mina kā nikānēyitākosiyit cērosalamihk ēwakwēyiw oma ohci. 3wiyawāw māka, ē ki nomokē wicēwikocik otayamihāwa, ki sāpopimotēwak anima pināisi, mina samēria, ē wāwitahkik ō kwēskiisitwāwiniyiw anihi cēntaila: ēkosi māka ki kihci miyēyitamiēwak kahkiyaw ociwāmimāwa. 4ispi māka kā takosihkik cērosalamihk, ki pitokaikwak otayamihāwa, mina apāstila mina kā nikānēyitākosiyit, ki wāwitamwak māka kahkiyaw kēkwaya kisēmanitowa kā ki ayihtotamiyit wiyawāw ohci. 5māka ēkota ki pasikowak ātiht pārasiya kā owicēwākanicik, aniki kā tāpwētahkik, omisi ē itwēcik, natawēyitākwan kita sarkamsaisiwiicik, mina kita ayākwāmimihcik kita kanawēyihtahkik mosis oyasowēwin.
6apastilak māka mina kā nikānēyitākosicik ki pē māmawi itohtēwak, kita māmitonēyitahkik ēwakwēyiw oma. 7#isihcikēwiniwāwa 10:1-43ispi māka mistahi kā ayotwēwētohk, pitar ki pasiko, omisi māka ē ki itāt, ayisiyinitik mina niciwāmitik, ki kiskēyitēnāwāw tānisi kayāsis ēkwa kisēmanito ē ki nawasonit kiyawāw ohci, cēntailak niya nitonihk kita ohci pēhtahkik miwācimoi itwēwin, ēkosi kita tāpwētahkik. 8#isihcikēwiniwāwa 10:44; 2:4kisēmanito māka, kā kiskēyitahk mitēh, ki acimēw, ē miyāt kā kanātisiyit ahcāhkwa, tāpiskōc kiyānaw kā ki totākoyahk; 9ēkā māka pitos ē totākoyahk kiyānaw mina ēwakoni, ē pēkitāwāt otēiyiwa tāpwēyēyitamowin ohci. 10anohc māka tānēki kā wi kakwēciāyēk kisēmanito, kita tāpiskaāyēkok kiskinohamawākanak, anima ēkā kā ki kaskitācik kotawinawak ahpo kiyānaw kita pimiwitāyahk? 11māka ki tāpwēhtēnānaw anima o kisēwātisiwin kā tipēyihcikēt cisas Christ kita ohci pimātisiyahk, tāpiskoc mina wiyawāw.
12kahkiyaw māka kā māmawēyaticik ayisiyiniwak ki kipitowēwak, ēkosi ē ki natotawācik parnapasa mina pāla, ē wāwitamiyit tāniyikohk wāpahtahiwēwina mina mamātāwiisicikēwina kisēmanito kā ki atoskatahk cēntailināhk wiyawāw ohci. 13ispi māka kā poni pikiskwēcik, cēmis ki naskwēwasimēw omisi ē itwēt,
ayisiyinitik, mina niciwāmitik, natotawik: 14simian ki akinē wihtam tānisi kisēmanito nistam kā ki isi kiokawāk cēntaila, kita otināt ēwakoni ohci kē ot iyinimit o wiyowin ohci. 15ēwako māka oma naiskamomakaniyiwa ot itwēwiniwāwa okiskiwēhikēwak; kā itasinaikātēyiki.
16 #
ēmās 9:11,12 ki ponipayikwāwi ohi ni ka pē kiwān, kāwi māka ni cimatāwān wiki tēpit, kā ki pakitiniyik: mina māka ni ka osihtān anihi kā ki nisiwanātaki ēkota, ēkosi kita oyaskitāyān.
17kā iskocik ayisiyiniwak kita nanātonawācik kā tipēyihcikēyit, mina kahkiyaw aniki cēntailak, kā aspi wiyihcik ni wiyowin,
18itwēw kā tipēyihcikēt kā kiskēyitamoiwēt kahkiyaw ohi micimāc ē pē askiwahk ohci. 19ēkosi māka niya ē itwēyān ēwako oma, ēkā kita mikoskāciayakok aniki cēntailināhk kā ohci kiwētotawācik kisēmanitowa: 20#ēksatas 34:15-17; lipitikas 18:6-23; lipitikas 17:10-16māka kita masinahamawayakok, kita kanawēyimisocik ēkā kita wiyipiikocik manitokāna mina pisikwātisiwin, mina awiya ē kipikitonēpisoyit ēkā kita mowācik, mina mihko. 21cikēmā mosis kayās ohci ki ayāwēw misiwē ita otēnāhk anihi kā kakēskimiwēyit oyasowēwin, ē ayamihtāhk tahto ayamihēkisikāw ayamihēwikamikohk.
22ēkosi māka ki miywāpisimikwak apastilak mina kā nikānēyitākosicik asici kahkiyaw ot ayamihāwak, kita nawasonacik ayisiyiniwa wiyawāw o wicēwākaniwāwa ohci kita isitisawācik māka anita āntiak kita wicēwāyit pāl mina pārnapas; ēwakwani ohi, cotas, pārsapas kā isi āniskēyikāsot, mina sailas, ē kihci ayisiyiniwicik ociwāmimāwak. 23ēkosi māka ki takonamoēwak masinahikan omisi, apastilak, mina kā nikānēyitākosicik, mina ociwāmimāwak, isitisahamwak ē ātamiskawācik anihi ociwāmiwāwa kā cēntailiwiyit anita āntiak, mina siriya, mina silisia; 24cikēmā ē ki pētamāhk, ātiht ota kā ayāyahk kā ki ohci sipwētēcik ē ki mikoskāciikoyēkok ayamiwina ohci, kita ki wanāikocik kit ahcāhkowāwak, ēwakwanik ēkā niyanān ē ohci miyāyākik oyasowēwin. 25nit isi miwāpatēnān niyanān, ē māmawi itēyitamāhk, kita nawasōnāyākik ayisiyiniwak, mina kita itisaamātāhk ē wicēwācik nāspic kā sākihāyākok pārnapas mina pāl, 26ayisiyiniwak kakwēspanātanohk kā ki itatakik o pimātisiwiniwāwa anima o wiyowin ohci kā tipēyimikoyahk cisas Christ. 27ni ki isitisawānānak māka cotas mina sāilas, wiyāwāw kēhciwāk otoniwāhk ohci ēwakwani kē wihtamākoyēkok. 28cikēmā ēkosi isi miywāpisimik kā kanātisit ahcāhk, mina niyanān, ēkā awasimē kita nayataitāhk iyikohk ohi kā natawēyitākwaki; 29kita nakistamēk anihi kā pakitinamācik manitokānak, mina mihko, mina awiyak ē ki kipikitonēpisot, mina pisikwātisiwin; ēwakwani kispin nakistamēko ki ka miyoayānāwāw. kit atamiskātinān.
30wiyawāw māka, ispi kā pakitinicik, ki pē takosinwak anita āntiyāk; ispi māka kā māmawi natomācik kā māmawēyatiyit ayisiyiniwa, ki miyēwak masinahamākēwin. 31ispi māka kā ayamitāyit ki mamahtākosiyiwa ē isi miyotēēskākocik. 32cotas māka mina sailas wistawāw ē okiskiwēhikēwicik, mistahi ki pikiskwātēwak ē sasikimācik ociwāmimāwa mina ki āyātēyitamiēwak. 33ispi māka ēkota kinwēsis kā ayācik. ki sipwētisaokwak ociwāmimāwa pēyatakēyimowinihk kita natawāpamācik mina anihi kā ki pē isitisahokocik. 34māka sailas ki natawēyitam ēkota kēyāpic kita ayāt. 35pāl māka mina pārnapas ki ayāwak ēkota āntiyāk ē kiskinohamākēcik mina ē kakēskimiwēcik ot itwēwiniyiw kā tipēyihcikēyit, asici mina mihcēt kotaka.
36mwēstas iyikohk māka ē kakisikāk pāl ki itēw pārnapasa, kiwētāk ēkwa mina kiokawātanik ociwāmimāwak tahto otēnāhk ita kā ki kakēskimiwēyahk kā tipēyihcikēt ot itwēwin, māhti ēsi ayāwākwē. 37pārnapas māka ki itēyitam kita wicēwikocik cāna mina, ana mārk kā isiyihkāsot. 38#isihcikēwiniwāwa 13:13māka pāl namawiya ki miywēyitam kita wicēwikocik anihi kā ki nakatikocik pāmpiliyaihk, ēkosi ēkā ē ki ati wicēwikocik atoskēwinihk. 39ki ohcipayiw māka kisikitotitowin, ēkosi ki paskēwiyitowak, pārnapas māka ki otinēw anihi mārk kita wicēwikot, ēkosi saiparasihk ki isi sipwēyāsiw; 40māka pāl ki nawasonēw sailasa, ēkosi ki sipwētēw, ociwāmimāwa ē kākisimostamākocik o kisēwātisiwiniyiw kā tipēyihcikēyit. 41ki ati sāposkam māka siriya mina silisiya, ē ayatēyitamiāt otayamihāwa.
Currently Selected:
isihcikēwiniwāwa 15: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
