isihcikēwiniwāwa 16
16
1ki takosin māka mina tarpiihk mina listaraihk: cist māka, ēkota ki ayāw pēyak kiskinohamawākan, timatī ē isiyihkāsot, cowiskwēw ē tāpwētahk okosisa; māka otāwiya ki karikiwiyiwa. 2ēwako awa ki miywācimik ociwāmimāwa kā ayāyit listaraihk mina aykāniyamihk. 3ēwakwani pāl ki natawēyimēw kita sipwē wicēwikot; ēkosi ki otinēw mina ki sarkamsaisiwiēw cikēmā cowa ohci ēkotē kā ayayāyit: wiya kahkiyaw ē kiskēyitamiyit otāwiya ē ki karikiwiyit. 4ē ati ayitotēcik māka sāpo otēnāhk, ki pakitinamawēwak oyasowēwina kita kanawēyitamiyit, kā ki oyakitakik apāstilak mina kā nikānēyitākosicik cērosalamihk kā ayācik. 5ēkosi otayamihāwak ki maskawisiāwak tāpwēyēyitamowinihk, mina ki yahki mihcētiwak tahto kisikāw.
6misiwē māka ki ayitotēwak anima pariciya mina kalēsiya aski, ē ki kitaamākocik kā kanātisiyit ahcāhkwa kita wihtamākēcik itwēiin ēsiyaihk; 7ispi māka tipiskoc misiyaihk ēyācik, ki kakwē itohtēwak pitiniyaihk; māka ahcāhkwa namawiya iyinamākwak; 8ēkosi ē sāpo mayāskakik misiya, ki otitamwak taroās. 9ēkosi isinamowin ki wāpahtam pāl ē tipiskāyik; poti ki nipawiw nāpēw māsitāniya ohci, ē kākisimototākot, mina ē itwēyit, otē māsitāniyaihk pē isi asowaa, mina wiciinān. 10ispi māka kā wāpahtahk isinamowin, sēmāk ni ki natonēnān kita itohtēyāhk māsitāniyaihk, ē kēcinaoyāhk kisēmanito ē ki natomikoyāhk kita kakēskimāyākik miywācimowin ēwakonik.
11ē sipwēyāsiyāhk māka taroas ohci, kwayask ni ki itāsinān anita sāmotarēs, ēkosi wiyāpahk niyāpolisihk; 12ēkota māka ohci pilipay, ēwako otēnaw māsitāniyaihk, nistam ēkota anima ē piskitakitēk aski, roman kistapiwin: ēkota māka otēnāhk ni ki itasi ayānān mihcētis kisikāwa. 13ispi māka ēyamiēkisikāk ni ki sipwētānān wayawitimihk kihci iskwātēmihk ciki sipihk, ita itakwanotokē ita ē ayamihāhk ē ki itēyitamāhk; ni ki nahapinān māka, ēkosi ni ki kitotānānak iskwēwak ēkota kā pē itohtēcik.
14pēyak māka iskwēw litia ē isiyihkāsot, ē ātāwākēt mikwēkinoyiw, taiataira otēnāhk ē ohcit, ē ayamihēstawāt kisēmanitowa, ni ki pētakonān: ēwakoni o tēhiyiw kā tipēyihcikēt, ki yotēnamwēw kita ākamēyimototahk kahkiyaw anihi pāla kā ayitwēyit. 15ispi māka kā pāptāisiwihiht, mina kahkiyaw wikihk kā itasit, ni ki natawēyimikonān, omisi ē itwēt, kispin ayākwāmisistawēw kā tipēyihcikēyit kā itakimiwēkwē pihtokēk nikihk, ēkota māka wikikēmok. ēkosi māka ē akami natawēyitahk ni ki itotamwānān.
16ki ayispayiw māka, ē ati itohtēyāhk ita ē ayamihāhk, pēyak oskinikiskwēw ē kikiskākot kosāpatamowi ahcāhkwa ni ki nakiskākonān, ki pētamawēw māna mistahi kaskicikēwin ot okimāma kosāpatamowin ohci: 17ēwako māka ē pimitisaokoyāhk pāl mina niyanān, ē tatēpwēt māka, omisi ē itwēt, ōki ayisiyiniwak ēwakwani ot atoskēyākana mamawēyas kā kihcāyiwit kisēmanito, aniki kā wihtamākoyākok pimātisiwini mēskanaw. 18ēkosi māka oma kā totahk mihcētokisikāwa. māka pāl, ē mikoskātēyitamiikot, ki apamikāpawistawēw, omisi māka ē ki itāt anihi ahcāhkwa, ki wihtamātin o wiyowinihk cisas Christ, kita pē wayawiyan. ēkosi māka ki pē wayawiw ēwako ē ispayik tipaipisimwān.
19māka ispi ot okimāma wiyāpahtamiyit anima ē pakosēyimototahkik ot otisiwiniwāw ēkwa ēkā ē ihtakwaniyik, ki otihtinēwak pāla mina sailasa, ēkosi ē ki itohtaācik anitē atātowikamikohk, ē itohtatamawācik anihi oyasowēwa, 20ispi māka kā itohtaācik ita ē ayāyit oyasowēwikimāwa, omisi ki itwēwak, oki ayisiyiniwak, ē cowicik, nāspic mikoskācitāwak kit otinawinaw, 21mina ē kiskinohamākēcik isitwāwina, ēkā ē itastēk kiyānaw kita otinamahk, ahpo kita nākatawēyitamahk, ē romaniwiyahk. 22aniki māka ayisiyiniwak ē māmawēyaticik ki pasikōstawēwak: aniki mina oyasowēwikimāwak ki yāyikipitamwak o kikiskācikaniwāwa, ēkosi ē ki itasowēcik kita papakamaoht nipisiya ohci. 23ispi māka kā mistahi papasastēwācik, kipahotowikamikohk ki isi wēpinēwak, ē ayākwāmimācik okipahowēwa mitoni kita kanawēyimāyit: 24ēwako omisi ē ki isi ayākwāmimiht, ki isi wēpinēw māwac pihci kipahotowikamikohk, ēkosi ē ki mamācikositēyāpitikāwāt.
25nantaw māka ē āpitātipiskāk pāl mina sailas ki ayamihāwak, mina ki nikamostawēwak nikamona kisēmanitowa: kipawākana māka ē natotākocik. 26sisikoc māka ki kihci kihkwan, ēkosi ita kā aspastēk kipahotowikamik ki nanamipayiw: mina sēmāk kahkiyaw iskwātēma ki yotēpayiwa, kahkiyaw māka o mamācikwapisowiniwāwa ki āpikopayiyiwa. 27okipahowēw māka ē koskoskāt ē mēkwā nipāt ēkosi ē wāpahtahk kipahotowikamikoiskwātēma ē yotēkotēyiki, ki otitinam ot isawēsk, ēkosi ē wi ati nipaisot, sāsay ki tapasiwak kipawākanak ē itēyitahk. 28māka pāl ki tēpwēw, omisi ē itwēt, ēkāwiya nānitaw itotāso; cikēmā kahkiyaw ota nit ayānān. 29ēkosi natotam wāsaskotēnikana ki pihtokē kwāskotiw māka ē nanamipayit, ē ki pahkisihk māka ot āstamiwiniyihk pāla mina sailasa, 30ēkosi ē ki pē wayawitaāt, omisi māka ē itwēt, okimātik, kēkway kē totamān kita pimācihoyān? 31omisi māka ki itwēwak, tāpwēyēyim kā tipēyihcikēt cisas, ēkosi māka ki ka pimācihon, kiya mina kikihk kā ayācik. 32ēkosi māka ki wihtamawēwak ot itwēwiniyiw kā tipēyihcikēyit, mina kahkiyaw anihi wikiyihk kā ayāyit. 33ki otinēw māka ēwako ē ispayik tipaipisimwān ē tipiskāk, ē ki kisipēkinamwāt o papasastēokowiniyiw; ē ki pāptāisiwihiht māka, wiya mina kahkiyaw ē ihtasit, sēmāk. 34ispi māka kā pitokaāt wikihk, ki oyastamawēw kē miciyit, ē miyawātahk māka, ē tāpwēyēyimāt kisēmanitowa asici kahkiyaw wikihk ē ihtasit.
35ispi māka ēti kisikāk, oyasowēwikimāwak ki isitisawēwak otiniwēwa, ōmisi ē itwēcik, kiyām kita sipwētēwak ēwakonik ayisiyiniwak. 36okipahowēw māka ki wihtamawēw ōhi itwēwina pāla, ē itwēt oyasowēwikimāwak ki pē isitisahowēwak kita pakitinikawiyēk: ēkwa māka sipwēhtēk pēyatakēyimowinihk. 37māka pāl ōmisi ki itēw, mitoni mōsis ni ki papasastēokonānak ēkā ē ohci oyasowātikawiyāhk niyanān ē rōmaniwiyāhk, ē ki isi wēpinikoyāhkik mina kipahotowikamikohk; ēkwa ci māka kimōc ni wi wayawitisaokonānak? namawiya ēkosi; māka kiyām wiyawāw kēhciwāk kita pē itohtēwak kita wayawitaikoyāhkik. 38otiniwēwak māka ki ācimostawēwak ohi ayamiwina anihi oyasowēwikimāwa: ēkosi ki sēkisiyiwa, ispi piyētamiyit ē romaniwiyit; 39ki pē itohtēwak māka mina ki kākisimototawēwak; ispi māka kā wayawitaācik, ki kakwēcimēwak kita nakatamiyit otēnaw.
40ki wayawiwak māka kipahotowi kamikohk ohci, mina ki pihtokēwak o wāskāhikaniyihk litiyawa; ispi māka kā wāpamācik ociwāmimāwa, ki mamiyotēēmēwak, ēkosi ki sipwētēwak.
Currently Selected:
isihcikēwiniwāwa 16: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
