isihcikēwiniwāwa 17
17
1ispi māka kā sāpo pimohtēcik āmpipolis mina āpaloniya, ki otitamwak tēsalānaika, ēkota ot ayamihēwikamikowāw cowak ki ayāyiw: 2pāl māka, kā isi nēkāmi itotahk, ki pitokawēw, ēkosi nisto ayamihēkisikāw ki wāwitamawēw kihci masinahikēwinihk ohci, 3ē wāpahtaāt mina ē wihtamawāt, ē ki itastēyik Christ kita kotakitāk; mina māka kita waniskāt nipowinihk ohci; ēkosi awa cisas: ana, ki itēw, kā wihtamātakok, ēwako ana Christ. 4ātiht māka ki tāpwētamoāwak, ēkosi ki wicēwēwak pāla mina sailasa; mina kā ayamihāwātisicik karika kihci mihcēt, mina kihci iskwēwak namawiya cakawāsis.
5māka cowak, ē sikiskākocik isawānakēyimowin, ki otinēwak ātiht ē kiskwēyātisiyit maci ayisiyiniwa, ēkosi kā māwaciācik mihcēt ayisiyiniwa, ki opwēkamikisiwak otēnāhk; mina ē mawinēskamwācik o wāskāhikaniyiw cēsana, ki wi wayawitaēwak ita ē ayāyit ayisiyiniwa. 6ispi māka ēkā kā miskawācik, ki ispitēwak cēsana mina kotaka ociwāmimāwa ita ē ayāyit kā oyasowātamiyit otēnaw, ē tēpwēcik, oki kā ki kwētipinakik aski ota mina kotitikonawak; 7ēwakoni cēsan ki pihtokahēw; ēkosi kahkiyaw oki naspāc isihcikēwak ē itastēyiki oyasowēwina sisar, ē itwēcik kotaka kihci okimāwa ē itāyit, cisas ē itiht. 8ki mikoskātēyitamiēwak māka kā māmawēyatiyit ayisiyiniwa mina anihi kā oyasowātamiyit otēnaw, ispi ohi piyētamiyit. 9ispi māka kā āyāciisicikātācik cēsana mina anihi kotaka, ki pakitinēwak.
10ociwāmimāwak māka sēmāk ki sipwētisawēwak pāla mina sailasa nipātipisk anita piriyaihk: ēwakonik ispi ēkota tēkosikik ki pihtokēwak ot ayamihēwikamikoyihk cowa. 11oki māka awasimē ki kihcitwāwēyitākosiwak iyikohk aniki tēsalānaikaihk, anima ē ki otinakik itwēwin cikēyitamowi mitonēyicikanihk, mina tahto kisikāw ē natonikēcik kihci masinahikēwinihk, māhti tāpwē ohi ēkosi kita itastēki. 12mihcēt māka ēwakonik ki tāpwētamwak; mina aniki karik iskwēwak kā kihcāyiwicik, mina nāpēwak, namawiya cakawasis. 13māka ispi aniki cowak tēsalānaika kā ayācik kēskēyitahkik ot itwēwin kisēmanito ē wicikātēyik piriyaihk mina, ēkota mina ki pē itohtēwak, ē opwēācik mina ē mikoskātēyitamiācik ayisiyiniwa. 14ēkosi sēmāk ociwāmimāwak ki sipwētisawēwak pāla kita itohtēyit kihcikamihk isko: māka sailas mina timatī ēkota kēyāpic ki ayāwak. 15māka aniki kā kiskinotaācik pāla ki itohtahēwak ātins isko: ēkosi ē ki miyikocik ē itasowātāyit sailasa mina timatīwa kita pē natikot kiyipa, ki sipwētēwak.
16ēkwa māka mēkwāc pāl ē papēāt anita ātinsihk, ot ahcāhkwa ki mikoskātiskak piciyaw, ē wāpahtahk otēnaw ē moskinēk manitokānak. 17ēkosi ki wawitamawēw ayamihēwikamikohk cowa mina kā ayamihāwātisiyit ayisiyiniwa, mina ita ē atātohk tahto kisikāw anihi ēkota kā nakiskawāt. 18ātiht māka ēpikoriyan mina istāyik otiyinisiwakēyimisowa ki nakiskāk. ēkosi ātiht ki itwēwak, māhti kē itwēkwē awa osāmiton? ātiht kotakak, māna piko pitosi manitowa wi oyayēw: cikēmā ē kakēskimiwēt cisasa mina āpisisinowin. 19ki otinēwak māka, mina ki itohtahēwak anita āriopakas, ē itwēcik ni wi kiskēyitēnān kēkway oma oski kiskinohamākēwin, kā wihtaman? 20cikēmā ātiht pitos kēkwaya ki pētamoinān: ni wi kiskēyitēnān māka tānisi ohi ētwēmakaki. 21(kahkiyaw māka ātiniyānak mina mānitēwak ēkota kā ayācik nama kēkway pitos ki nocitāwak, piko kita wihtahkik ahpo kita pēhtahkik nāntaw oski kēkway.) 22ēkosi pāl ki nipawiw ēkota mēkwā āriopakasihk, mina ki itwēw,
kiyawāw ātins ayisiyinitik, ni wāpatēn yāyaw ē manitokēskiyēk. 23cikēmā ē papimotēyān, mina ē nākatawāpahtamān anihi kā ayamihēstamēk, ni wāpatēn pakitināsowināpisk omisi ē itasinahikātēk, ēkā kā kiskēyimiht manito. anima māka kā ayamihēstamēk ēkā ē kiskēyitamēk, ēwako ki wāpahtaitināwāw. 24#1 kihci okimāwak 8:27; aysāya 42:5; isihcikēwiniwāwa 7:48ana kisēmanito kā ki ositāt aski mina kahkiyaw kēkway ēkota kā ayāk, wiya, ē tipēyihcikēt kihci kisikohk, mina askihk, namawiya wikiw ayamihēwikamikohk micihciya kā ohci osicikātēki; 25namawiya mina pamiāw ayisiyiniwi micihciya ohci, tāpiskoc kēkway ē kwitamāt, cikēmā wiya kā miyāt kahkiyaw pimātisiwin mina papakitatāmowin, mina kahkiyaw kēkway; 26mina pēyakwayak ohci ki osiēw kahkiyaw ē itahtoskānēsiyit ayisiyiniwa kita ayāyit waskitaskamik, ē ki oyēyitahk ita kita ayispayiikoyit iyikohk, mina isko kita ayitapiyit; 27kita nanātonawācik māka kisēmanitowa, kispin nāntaw isi ki pakwanawi natonikēcik, mina ki miskawācik, āta ēkā awiyak kiyānaw ē yāwāpamikoyahk: 28cikēmā ēkota wiya kā pimātisiyahk, mina kā waskawitāyahk mina kā ayāyahk kit isi ayāwininaw; ātiht ahpo kiyawāw konikamonikēmiwāwak kā ki itwēcik, cikēmā kiyānaw mina ot awāsimisa. 29kiyānaw māka ē ot awāsimisimikoyahk kisēmanito, namawiya ki ka itēyitētānaw manitowiwin ē isinākwahk tāpiskoc osāwisoniyāw ahpo wāpiskisoniyāw, ahpo asini, ē masinikosot ē isi nakacitāt ahpo ē isi miskwēyitahk ayisiyiniw. 30oma māka kā ki pimipayik ē ēkā o kiskēyitamowinihk kisēmanito ki iyinamākēw; māka ēkwa itasowātēw ayisiyiniwa kahkiyaw misiwē itē kita kwēskipimātisiyit: 31wiya cikēmā ē ki oyakitahk kisikāw, ita kē oyasowātahk aski, kwayaskitātisiwinihk anihi ohci ayisiyiniwa kā ki oyakimāt; ēwakwēyiw ki kēcināyēyitamiēw kahkiyaw ayisiyiniwa, anima ē ki waniskānāt nipowinihk ohci.
32ispi māka piyēhtahkik āpisisinowin nipowinihk ohci, ātiht ki pāpitāwak, māka kotakak ki itwēwak, ki ka pētātinān mina ēwakoma ohci. 33ēkosi isi pāl ki wayawiw ēkota ohci. 34māka ātiht ayisiyiniwa ki wicēwik, mina ki tāpwētamiyiwa; ēkota wiciiwēwak tāyanisiyas ana āriopakait, iskwēw mina tāmaris ē isiyihkāsot, mina kotaka ē wicēwikocik.
Currently Selected:
isihcikēwiniwāwa 17: KKMR
Highlight
Share
Copy

Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.