isihcikēwiniwāwa 18
18
1ohi māka kā paponipayiki ki sipwētēw ātins ohci, mina ki takosin anita kārint, 2ki miskawēw māka. pēyak cowa akwila ē isiyihkāsoyit, pāntas ē otaskānēsit nāpēw, anocikē itali ē ototēt, asici wiwa parisila, cikēmā kalātiyas ē ki itasowātāt kahkiyaw cowa kita sipwētēyit rom ohci: ki nātēw māka; 3ēkosi cikēmā tāpiskoc ē itatoskēcik, ki wici ayāmēw, mina ki atoskēwak; wiya ot atoskēwiniwāw ēwakwēyiw ē mikiwāpikēcik. 4ki wawitamākēw māka ayamihēwikamikohk tahto ayamihēkisikaw, mina ki tāpwētamoēw cowa mina karika.
5māka ispi sailas mina timatī tēkosikik māsitāniyaihk ohci, pāl ki maskawi sikiskāk itwēwin, ē ācimostawāt cowa cisas ēwako Christ. 6ispi māka iyānwētakik, mina ē pastāmowi pikiskwēcik, ki papawipayitāw oskotākay, mina ki itēw, ki mihkowāw kēhciwāk kiyawāw kistikwāniwāhk kita ayāw; niya wiya ni pēkisin: anohc ohci cēntailak ēkwa ni ka nātāwak. 7ki sipwētēw māka ēkota ohci, mina ki pihtokēw o wāskāhikaniyihk pēyak nāpēwa taitas castas ē isiyihkāsoyit, towa kā ayamihēstawāt kisēmanitowa, o wāskāhikan mitoni kisiwāk ayamihēwikamikohk ē ayāyik. 8karispas māka, kā tipēyitahk ayamihēwikamik, ki tāpwēyēyimēw kā tipēyihcikēyit kiki kahkiyaw wikihk kā ayāyit; mihcēt māka karintiyānak ē pēhtahkik ki tāpwētamwak, ēkosi ki pāptāisiwiāwak. 9kā tipēyihcikēt māka ki itēw pāla nipātipisk isinamowinihk, ēkāwiya kēkway kosta, māka pikiskwē, mina ēkāwiya kipitowē: 10cikēmā niya ki wicēwitin, mina namawiya awiyak ayisiyiniw ki ka moskistāk nāntaw kita isi māyitotāsk: cikēmā mihcēt ayisiyiniwak nit ayāwāwak ota oma otēnāhk. 11ēkota māka ki ayāw pēyak aski mina nikotwāso pisim ē kiskinohamākēt kisēmanito ot itwēwin mēkwā ēwakoni.
12māka ispi kāliyo ē oyasowēwikimāwit ēkāyaihk, cowak māmawi ki pasikostawēwak pāla, mina ki itohtahēwak oyasowēwapiwinihk, 13ē itwēcik, awa nāpēw sākocimēw ayisiyiniwa kita ayamihēstawāyit kisēmanitowa naspāc ē itastēk oyasowēwin. 14māka mwēhci pāl ē wi ati pikiskwēt, kāliyo ki itēw cowa, kispin tāpwē nāntaw wanitotamowin ahpo maci isihcikēwin, kiyawāw kā cowiyēk, kita itastēw kita natotātakok; 15māka kispin kakwēcitowin itwēwina ohci mina wiyowina mina kiyawāw koyasowēwiniwāw, kiyawāw ēwako kanawāpahtamok; namawiya nit itēyitēn ēkotowa kita oyasowātamān niya. 16ēkosi ki sipwētisawēw oyasowēwapiwinihk ohci. 17ēkwa ki otihtinēwak sāstinisa, kā tipēyitamiyit ayamihēwikamik, mina ki pāpakamawēwak mosis ēkota oyasowēwapiwinihk. māka kāliyo namawiya pisiskēyitam ēwakoni.
18 #
nampars 6:18
pāl māka, kēyāpic ēkota mihcēt kisikāw ē ki ayāt, ki ayatamiskawēw ēkwa ociwāmimāwa, mina ki itāsiw ēkota ohci siriyaihk, ē wicēwikot parisila mina akwila; ē ki paskoamāt anita sēnkariyaihk: cikēmā kihci itwēwin ki ayāw. 19ki takosinwak māka ēpisasihk, ēkosi ēkota ki nakatēw: māka wiya ki pihtokēw ayamihēwikamikohk, mina ki kakēskimēw cowa. 20ispi māka ē kakwēcimikot ēkota kēyāpic kinwēsis kita ayāt, namawiya ki naskomo; 21māka ē ayatamiskawāt mina ē itwēt, kāwi mina ki ka pē natawāpamitināwāw, kispin itēyitakē kisēmanito, ki sipwēyāsiw ēpisasihk ohci. 22ispi māka kā kapāt sisariyaihk, ki kospiw mina ki ayatamiskawēw otayamihāwa, ēkwa ki itohtēw anita āntiyāk. 23ēkota māka kinwēsis kā ayāt, ki sipwētēw, mina ki akinē ayitotēw kalēsiya mina pariciya askihk, ē maskiwisiāt kahkiyaw kiskinohamawākana.
24pēyak māka cow, apālas ē isiyihkāsot, āliksāntariya ē otaskānēsit, mistahi kēkway kā kiskēyitahk towi ayisiyiniw, ki takosin ēpisasihk; ki sokēyitākosiw māka kihci masinahikēwinihk. 25awa nāpēw ki kiskinohamawāw ot isitwāwiniyihk kā tipēyihcikēyit; māka ē kiskēyitahk piko o pāptaisiwiiwēwiniyiw cāna: 26ēkosi ki māci sokēyimowi pikiskwēw ayamihēwikamikohk. māka ispi parisila mina akwila piyētawācik, ki otinēwak ita kā ayācik, mina awasimē pēyatak ki wāpahtaēwak ot isitwāwiniyiw kisēmanitowa. 27ispi māka ētēyitahk ēkāyaihk kita ati itohtēt, ociwāmimāwak ki sikiskawēwak, mina ki masinahamiwēwak kiskinohamawākana kita pitokaāyit; ispi māka tēkosihk, ki wiciēw mistahi anihi kā ki tāpwētamiyit kisēwātisiwinihk ohci: 28cikēmā ki maskawi sākocitonāmēw cowa, mēkwā ita ē mihcētināniwik, ē wāpahtahiwēt kihci masinahikanihk ohci cisas ēwako Christ.
Currently Selected:
isihcikēwiniwāwa 18: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
