isihcikēwiniwāwa 5
5
1māka pēyak nāpēw ānanāyas ē isiyihkāsot, asici sāpāira wiwa, ki atāwākēw ot ayāwin, 2ēkosi pahki ē ki isi tipahamāht ki kanawēyitam, wiwa mina ē kiskēyitamiyit, ēkosi pahki ki pētāw, mina ki astāw apāstila ositiyihk. 3māka pitar ki itwēw, ānanāyas, tānēki sētan kā moskinatāt kitēh kita kiyāskikawat kā kanātisit ahcāhk ēkosi pahki kita miciminaman ē itakitēk aski? 4mēkwāc ē astēk, nama ci ki astēw kiya ē tipiyawēwisiyan? mina ispi kā atāwākēyan, nama ci kiya ki ki tipēyitēn? tānisi oma kā isi oyēyitaman oma ki tēihk? namawiya ayisiyiniw kā ki kiyāskikawat māka kisēmanito. 5ānanāyas māka ē pēhtahk ohi itwēwina ki pahkisin mina ki sipwēcāhkwēw: ēkosi mistahi ki sēkisiwak kahkiyaw aniki kā pēhtahkik. 6oskinikiwak māka ki pasikowak mina ki wēwēkinēwak, ēkosi ki wayawitaēwak mina ki nahinēwak.
7nāntaw māka nisto tipaikan mwēstas iyikohk, wiwa, ēkā ē kiskēyitamiyit kā ki ihkiniyik, ki pē pihtokēyiwa. 8pitar māka ki naskwēwasimēw, wihtamawin kispin ēkoyikohk kā otisiwēkwē kā atāwākēyēk anima aski. ēkosi ki itwēw, ēhē, ēkoyikohk. 9māka pitar ki itēw, tānisi oma kā isi naskomitoyēk kita kotēyimāyēk kā tipēyihcikēt ot ahcāhkwa? cist, ositiwāwa aniki kā ki nainācik ki nāpēma sāsay iskwātēmihk ayāyiwa, ēkosi ki ka wayawitaikwak. 10sēmāk māka ki pahkisin ositiyihk, mina ki sipwēcāhkwēw: oskinikiwak māka ki pē pihtokēwak mina miskawēwak ē nipiyit, ēkosi ki wayawitaēwak mina ki nahinēwak ciki o nāpēma. 11kihci kosikwēyimowin māka ki otihtikwak kahkiyaw otayamihāwak, mina kahkiyaw kā pēhtahkik ohi.
12ocihciwāhk māka ohci apāstilak ki atoskātamwak mihcēt wāpahtahiwēwina mina māmaskāci isihcikēwina mēkwā ayisiyinināhk; kahkiyaw māka māmawi ki ayāwak anita sāloman o pitawiskwātēm kā isiyihkātēk. 13māka wiya anihi kotaka ohci namawiya awiya tako wicēwikwak: ēyiwēhk māka ayisiyiniwa mistahi itakimikwak; 14ēkosi otāpwētamowa awasimē ki takotowāw kā tipēyihcikēt, mihcēt nāpēwa mina iskwēwa; 15ēkosi piyis ahpo wayawitaēwak otākosiwa pimohtēskanāhk, ē pimisimācik nipēwinihk mina aspisimonihk, nāntaw isi, pitar ēkota pimohtēt, kanakē kita cikāstēskawāt ahpo piko pēyak. 16ēkota māka mina ki pē takosinwak ē osāmēyaticik ayisiyiniwak otēnāhk ohci wāskā cērosalamihk, ē pēsiwācik otākosiwa, mina anihi ē kotakihikoyit ēkā ē pēkisiyit ahcāhkwa: kahkiyaw māka ki iyinikaāwat.
17māka māwaci kihci ayamihēwiyiniw ki pasiko, asici kahkiyaw anihi kā wicēwikot (ēwakwanik aniki sātyosiwak kā isi o wicēwākanitocik), ki sākaskinēskākwak māka isawānakēyimowin, 18ēkosi ki otihtinēwak apāstila, mina ki pakitinēwak māmawi kipahotowikamikohk. 19māka okisikoma kā tipēyihcikēt nipātipisk ki pē itohtēw ki yotēnam iskwātēma kipahotowikamikohk, mina ki pē wayawitaēw, ēkosi ki itēw, 20niyak, natawi nipawik mina wihtamākok ayisiyiniwak kihci ayamihēwikamikohk kahkiyaw ē itwēmakahk oma pimātisiwin. 21ispi māka oma kā pēhtahkik, ki pihtokēwak kihci ayamihēwikamikohk nāntaw ē pētāpahk, mina ki kiskinohamākēwak. kihci ayamihēwiyiniw māka ki pē itohtēw, mina anihi kā wicēwikot ēkosi ē ki māmawi natomāt anihi kā oyasowēyit, asici kā nikānēyitākosiyit isrēil ot awāsimisa, ki isitisahowēwat māka kipahotowikamikohk kita pēsimiht. 22māka aniki otiniwēwak kā pē itohtēcik namawiya miskawēwak kipahotowikamikohk; ēkosi ki kiwēwak mina ki ācimowak, 23ē itwēcik, kipahotowikamik wiya ni ki miskēnān ē ayāci kipahikātēk, mina kā kanawēyihtahkik ē nipawicik iskwātēmihk; māka ispi kā yotēnamāhk namawiya awiyak ayisiyiniw pihci ni miskawānān. 24ispi māka kā simākanisiwikimāwit kihci ayamihēwikamikohk mina kihci ayamihēwiyiniwak pēyētakik ohi itwēwina, mistahi ki wawānēyitamwak tānisi piyis oma kita ati ispayiyik. 25ēkwa pēyak ki pē wihtamākwak cist, aniki nāpēwak kā ki pakitināyēkok kipahotowikamikohk kihci ayamihēwikamikohk nipawiwak ē kiskinohamawācik ayisiyiniwa. 26ēkwa māka ki itotiw simākanisiwikimāw asici otiniwēwa, mina ki pēsiwēwak, māka ē manā māyitotawācik; cikēmā ki kostēwak ayisiyiniwa, ēkā kita pimwāpiskaokocik. 27ispi māka kā pēsiwācik, ki otiskawapiēwak oyasowēwinihk. ēkwa māwaci kihci ayamihēwiyiniw ki kakwēcimēw, 28#mātyo 27:25ē itwēt, mitoni ki ki ayākwāmimitinān ēkā kita kiskinohamākēyēk oma wiyowinihk: māka cist, ki ki moskinatānāwāw cērosalam ki kiskinohamākēwiniwāw ohci, mina kit itēyitēnāwāw awa nāpēw omihko niyanān kita pakamitowiyāhk.
29māka pitar mina aniki apāstilak ki naskwēwasiiwēwak mina ki itwēwak, itastēw kisēmanito kita nanaitawāyāhk iyikohk wiya ayisiyiniw. 30o kisēmanitomiwāwa kotāwinawak ki waniskānēw cisasa, kā ki nipahāyēk, ē akotāyēk mistikohk 31ēwakwani kisēmanito ki ispākēnēw o kihciniskihk kita kihci okimāwiyit mina kita opimācihiwēwiyit, kita miyāt isrēila kwēskipimātisiwin, mina asēnamākowin maciitiwina. 32niyanān māka nit ātotēnān ēwakwani ohi; ēkosi mina ana kā kanātisit ahcāhk, kisēmanito kā ki miyāt anihi kā nanaitākot.
33māka wiyawāw, ispi oma piyēhtahkik, otēiwāhk ki wisakaokwak, mina ki itēyitamwak kita nipahācik. 34māka ki nipawiw pēyak oyasowēwinihk, pārasi, kamēliyal ē isiyihkāsot, okiskinohamākēw oyasowēwinihk, ē kistēyimikot kahkiyaw ayisiyiniwa, mina ki itasowēw kita wayawitaimiht aciyaw. 35ki itēw māka, kiyawāw isrēil ayisiyinitik, mēyākwām kiyawāw oki ayisiyiniwak ohci, kā wi itotawāyēkok. 36cikēmā mwayēs ohi kisikāwa ayāki ki pasiko tiyotās, ē kihcāyiwiakimisot; ēwako mihcētis nāpēwa, nāntaw nēwāw mitātahtomitanaw, ki wicēwik, ēkosi ki nipahāw; mina kahkiyaw, tahto kā nanaitākot, ki piwāmokātāwak, ēkosi ki ponipayiw. 37kā poni ayāt awa nāpēw ki pasiko cotas kālalihk ohci mēkwāc kisikāwa wiyowina kā otinikātēki, ēkosi ātiht ayisiyiniwa ki ocipitēw kita pimitisahokot: wiya mina ki nisiwanātisiw; ēkosi kahkiyaw, tahto kā nanaitākot, ki piwāmokātāwak. 38ēkwa māka kit itināwā, sitowiyikok oki ayisiyiniwak, ēkā totākok: cikēmā kispin oma oyasowēwin ahpo oma atoskēwin ayisiyinihk wēcimakanokwē, kita sākocitāniwan: 39māka kispin kisēmanitohk wēcimakanokwē, namawiya ki ka ki sākociāwāwak; kēka nāntaw isi poti ki ka notināwāw kisēmanito. 40ēwakwani māka kahkiyaw ki naskomēwak: ēkosi ispi kā natomāci mina apāstila, ki pasastēwēwak mina ki ayākwāmimēwak ēkā kita pikiskwēyit o wiyowiniyihk cisasa, ēkosi ki pakitinēwak.
41ki sipwētēwak māka oyasowēwinihk ohci, ē mamahtākosicik ē tēpakēyimihcik kita ki mosihtācik nanēpēwi itotākowin o wiyowin ohci. 42ēkosi tahto kisikāw, kihci ayamihēwikamikohk mina wikiwāhk, namawiya ki poni kiskinohamākēwak mina ē kakēskimiwēcik cisas ēwako Christ.
Currently Selected:
isihcikēwiniwāwa 5: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
