isihcikēwiniwāwa 6
6
1ēkwa māka ohi ē kakisikāki, ispi ē ati mihcēticik kiskinohamawākanak, ki pasikomakan ē nayētāwēyimācik karisiyāniwi cowak anihi hiparowa, cikēmā o sikāwiskwēmiwāwa ē aticiimiht tahto kisikāw pamihiwēwinihk. 2aniki māka mitātat nisosāp ki natomēwak ē māmawēyatiyit kiskinohamawākana, ēkosi ki itēwak, namawiya nainākwan niyanān kita nakatamāhk kisēmanito ot ayamiwin, ēkosi kita pamitāyāhk micisowinātikwa. 3nawasawāpamok māka, wēciwāmiyāhk, kiyawāw ohci tēpakop nāpēwak ē miywātotākosicik, ē moskinēcik ahcāhkwa mina iyinisiwin, kita ki oyakimāyākik oma kita pamitācik. 4māka niyanān tāpitawi ni ka ayānān ayamihāwinihk, mina ē atoskātamāhk ayamiwin.
5anima māka itwēwin ki naiskākwak kā māmawēyaticik ayisiyiniwak: ēkosi ki nawasonēwak istipina, nāpēw ē moskinēt tāpwēyēyitamowin mina kā kanātisiyit ahcāhkwa, mina pilip, mina parākāras, mina nikēnar, mina tāiman, mina nikalas okwēskisitwāw āntiak ohci: 6ēwakwani ki otiskawapistaēwak apāstila: ispi māka kā ayamihācik, ki sāmicihcāmēwak. 7ki yakiomakaniyiw māka kisēmanito ot itwēwin; mistahi ki ati osāmēyatiwak kiskinohamawākanak cērosalamihk; mina mihcēt ayamihēwiyiniwak ki nanaitamwak tāpwēyēyitamowin. 8istipin māka, ē moskinēt kisēwātisiwin mina kaskihēwisiwin, ki itotam māmaskāc isihcikēwina mina wāpahtahiwēwina mēkwā ayisiyinināhk.
9māka ātiht ki pasikowak, kā ohcicik anima ayamihēwikamik ot ayamihēwikamikowāw lipartinak kā isiyihkātēk, mina sairiniyānak ohci, mina āriksāntariyānak mina aniki silisiya mina ēsiya kocicik, ē āyāsitēmacik istipina. 10namawiya māka ki sākocitāwak iyinisiwin mina ahcāhkwa kā ohci pikiskwēyit. 11ēkwa māka ki māyisikiskawēwak ayisiyiniwa, ēwakwanik ē itwēcik, ni ki pētawānān ē pāstāmowi kiswātāt mosisa, mina kisēmanitowa. 12ēkosi ki opwēēwak ayisiyiniwa, mina kā nikānēyitākosiyit, mina masinahikēwiyiniwa, ēkosi ki pē nātēwak, ē ki otitinācik, mina ē ki itotaacik oyasowēwinihk, 13ēkosi ki oyapiēwak okiyāskiwācimoa, ēwakwani ē itwēyit, awa ayisiyiniw namawiya ponitaw ē māyi kiswātahk oma kā kanātaniyik itāwin, mina oyasowēwin: 14cikēmā ni ki pētawānān ē itwēt, awa cisas nāsaritihk kā ohcit kita nisiwanācitāw oma itāwin, mina kita ātastāw isihcikēwina mosis kā ki miyikoyahk. 15kahkiyaw māka kā apicik oyasowēwinihk, sohki ē kitāpamācik, wāpahtamwēwak okwākaniyiw tāpiskoc okisiko okwākan.
Currently Selected:
isihcikēwiniwāwa 6: KKMR
Highlight
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.
