sēnt mātyo 22

1cisas māka ki naskwēwasimēw, mina awēcikanihk ē ki ohci ayamiat, omisi ē ki itāt. 2kihci kisikowi otēnawiwin itēyitakwan tāpiskoc pēyak kihci okimāw, kā wikitoāt okosisa, 3ē ki isitisawāt māka ot atoskēyākana kita natomāyit anihi kā ki natomimit wikitowinihk; ēkosi māka namawiya wi pē itohtēyiwa. 4mina māka, kotaka atoskēyākana ki isitisawēw, omisi ē itwēt, wihtamākok aniki wikomakanak cist, ni ki kwayatastan nit āpitakisikaninēkwēwin; ni yāpēmostosomak, mina aniki kā ki tacipoakik ki nipaawak, mina kahkiyaw kēkway kwayatastēw; pē itohtēk wikitowinihk. 5māka ki ātawēyitamwak, ēkosi māka ē ki sasipwētēcik, pēyak o kistikanihk, mina kotak ot atawēwinihk; 6māka wiya kotakak ki otinimēwak ot atoskēyākaniyiwa, naspic nanēpēwi totawēwak, mina ē ki nipaacik. 7māka ispi kihci okimāw kā pēhtahk, ki kihci kisiwasiw: ēkosi māka ki isitisawēw o simākanisima, kita nisiwanāciayit anihi nipatakēska, mina ē ki saskahamwacik ot otēnāyiw. 8ēkosi māka omisi itēw ot atoskēyākana wikitowin kwayātastēw, māka aniki kā ki natomicik namawiya tēpiispitēyitākosiwak. 9itohtēk māka kihci mēskanahk, piko māka tahto kē miskawayēkwaw, natomikok wikitowinihk. 10ēkosi māka aniki atoskēyākanak ki wayawiwak ē ki itohtēcik kihci mēskanahk, ē ki māmowimāwaciacik māka anihi tahto kā ki miskawacik, ē macātisiyit mina ē miywātisiyit; wikitowin māka ki sākaskinēw wikomakanak ohci.

11ispi māka kihci okimāw kā pihtokēt kita wāpamāt anihi kā wikomimiht, ēkota ki wāpamēw pēyak ayisiyiniwa ēkā ē kikasākēyit kihci wikitowasākay; 12omisi māka ki itēw, ni totēm, tānēki kā pē ohci pihtokēyan ota, ēkā ē kikasakēyan kihci wikitowasākay? namawiya māka ki pikiskwēyiwa 13#mātyo 8:12; 25:30; lok 13:28ēkosi māka ki itēw kihci okimāw atoskēyākana, mamacikwapitihk o cihcihk mina ositihk, mina sipwētaihk isi wēpinihk māka anita wayawitimikowi wanitipiskahk; ēkotē kē tasi mamātohk mina kē tasi kakiciskāpitēhk. 14cikēmā mihcēt natomawak, māka cakawasis otināwak.

15ēkospi māka ki itohtēwak pārasiyak, ē ki oyasowēcik māka tānisi kita isi kācitinācik ot ayamiwiniyihk. 16ki isitisahamawēwak māka o kiskinohamawākaniwāwa ē pē wicēwāyit ērotiyāna, omisi ē itwēcik, kēskinoamakēyan, ni kiskēyitēnan ē tāpwēyan, mina tāpwēwinihk ē kiskinohamākēyan, kisēmanito ot isitwāwin, mina ēkā ē papisiskēyimat ayisiyiniw; cikēmā namawiya ayisiyiniwak ki tipaakatawak. 17wihtamawinān māka, kēkway kiya ētēyitaman? kwayask ci kita miyit tipahamātowisoniyāwa sisar, ahpo ēkā? 18māka cisas ē kiskēyitamwāt o macātisiwiniyiwa omisi itēw, tānēki kā kakwēciiyēk, kiyawāw otayamihēkāsoskak? 19wāpahtaik ana tipaamatowisoniyāw. ēkosi māka ki pētamawēwak pēyak osawāpiskosa. 20omisi māka itēw, awēna oma ot isinākosiwin mina kā masinaikāsot ota? 21omisi māka itēwak, sisar. ēkosi māka omisi itēw, miyihk sisar o tipiyawēwisiwin sisar: mina māka kisēmanito o tipiyawēwisiwin kisēmanito. 22ispi māka kā pēhtahkik ohi itwēwina, ki māmaskātamwak, mina ē ki nakatācik, ē ki ati sipwētēcik.

23 # isihcikēwiniwāwa 23:8 ēwako ē kisikāk ki pē nātēwak satyosiyak, aniki namawiya ihtakwan apisisinowin kā itwēcik, ēkosi ē kakwēcimacik, 24#tiyotaranami 25:5omisi ē itwēcik, kēskinohamākēyan, mosis omisi ki itwēw, kispin ayisiyiniw nipit ēkā ot awāsimisit, ociwāma kita wikimēyiwa wiwa, ēkosi kita ot awāsimisikawāt ociwāma. 25ēkosi māka tēpakop ki itasiwak ē ociwāmitocik niyānan ohci; ana māka nistam, ispi kā wiwit, ki nipiw, ēkā ē ot awāsimisit, ki nakatamawēw ociwāma anihi wiwa; 26ēkosi māka mina ana kotak, askoc mina ana kotak, piyis kahkiyaw tēpakop. 27ēkosi māka māwac iskwayāc iskwēw wista ki nipiw. 28ēwako māka ohci, ispi apisisinaniwikiw, awēna kē wiwit anihi tēpakop kā ihtasiyit? cikēmā kahkiyaw ki ayawēwak. 29cisas māka ki naskwēwasimēw omisi ē ki itāt, ki wanitotēnāwāw ēkā ē kiskēyitamēk masinahikēwina, ahpo kisēmanito o kaskihēwisiwin. 30cikēmā ispi apisisinaniwiki, namawiya wikitowak, mina namawiya wawikitaitowak, māka tāpiskoc o kisikoma kisēmanito kihci kisikohk. 31māka ē wawicikātēk kita apisisikik kā nipicik, nama ci ki ki ayamitānāwāw anima kā ki itikoyēk kisēmanito. omisi ē itwēt. 32#ēksatas 3:6niya o kisēmanitoma ēparām, mina o kisēmanitoma aisak, mina o kisēmanitoma cēkap? kisēmanito namawiya o kisēmanitomimik kā nipiyit, māka kā pimātisiyit. 33ispi māka kā māmawēyaticik ayisiyiniwak piyēhtahkik oma, ki māmaskatamwēwak o kakiskimiwēwiniyiw.

34māka ispi parasiyak kā pēhtahkik anima ē ki kipotonēwāyit sātyosiya, ki māmawi māwaciitowak. 35ēkospi māka pēyak, ana oyasowēwiyiniw, ki kakwēcimēw kakwēcikēmowin, ē kakwēciat, omisi ē itwēt, 36kēskinohamākēyan, tānima māwac kēhcāyiwāhk kakēskimiwēwin oyasowēwinihk? 37#tiyotaranami 6:5cisas māka omisi ki itēw, ki ka sākihāw kā tipēyihcikēt ki kisēmanitom misiwē ki tēihk, mina misiwē kit ahcāhkohk, mina misiwē ki māmitonēyicikanihk. 38ēwako oma niyikānēyitakwahk mina kēhcāyiwahk kakēskimiwēwin. 39#lipitikas 19:18anima māka askoc ētēyitakwahk ēkosi tapiskōc kotak, ki ka sākihāw kici ayisiyiniw tāpiskoc ka isi sākihisoyan. 40#lok 10:25-28ēkosi ohi niso kakēskimiwēwēnihk astēw kahkiyaw oyasowēwin mina kiskiwēhikēwina.

41mēkwāc māka parasiyak ē māmawi māwaciitocik, cisas ki kakwēcimēw, 42omisi ē itwēt, tānisi kiyawāw ētēyimāyēk Christ? awēna okosisa? osi māka itēwak, okosisa tēpit. 43omisi māka itēw, tānēki māka tēpit ahcāhkohk tēpēyihcikēt kā ohci isiyihkātāt, omisi ē itwēt,

44 # nikamona 110:1 kā tipēyihcikēt omisi ki itēw ni tipēyihcikēma, api ni kihciniskihk, patimā iyikohk ki ot aspisitēsimonikatani aniki ki notinākanak?

45kispin māka tēpit tēpēyihcikēyan ēsiyihkātāt, tānisi ēsi okosisit? 46nama māka awiyak ayisiyiniw kanakē pēyak ayamiwin ki naskwēwasimēw; ahpo namawiya awiyak ayisiyiniw, ēkwa ēwako ē kisikāk ohci, ki kakwēcimēw nāntaw kēkway.

Currently Selected:

sēnt mātyo 22: KKMR

Highlight

Copy