sēnt mārk 7

1ēkospi māka ki māmawi nātik pārasiwa, mina ātiht masinahikēwiyiniwa, cērosalamihk ē ki pē ototēyit, 2ē ki wāpamāyit māka ātiht o kiskinohamawākana ē mowāyit o pakwēsikanimiwāwa ēkā ē pēkicihcēyit, ēkwānima, ēkā ē kāsicihcēyit. 3cikēmā pārasiwak, mina kahkiyaw cowak kispin ēkā ē ākami kāsicihcēcik namawiya micisowak, ē miciminamwācik ot acimowiniyiw kā nikānēyitākosiyit: 4ispi mina tēkosikwāwi atātowinihk ohci kispin ēkā kā kicistāpawayotwāwi, namawiya micisowak: mihcēt mina kotaka kēkwaya itakwanwa ē ki otinakik kita miciminakik, ē kicistāpāwatāniwaki minikwākana mina astopākana mina osāwāpiskowi asiwacikana.

5pārasiya māka mina masinahikēwiyiniwa ki kakwēcimik, tānēki ki kiskinohamawākanak ēkā kā pimitisahahkik ot ācimowiniyiw kā nikānēyitākosiyit, māka kā mowācik o pakwēsikanimiwāwa ēkā ē pēkicihcēcik? 6#aysāya 29:13ki itēw māka, tāpwē kwayask aysāya ki kiskiwēhikēw kiyawāw ohci otayamihēkāsoskak, kā itasinahikātēk,

oko ayisiyiniwak ni kistakimikwak otoniwāhk ohci, māka otēhiwāw wāyaw ayāyiw.

7māka pakwanata nit ayamiēstākwak, ayisiyiniwi kakēskimiwēwina ēwakwani kiskinohamākēwina ē isi kiskinohamākēcik.

8ki nakatamwānāwāw kisēmanito oyasowēwin, mina ki miciminamwānāwāw ot ācimowiniwāw ayisiyiniwak. 9ki itēw māka, mamiywē kit ātawēyitamwānāwāw oyasowēwin kisēmanito kita pimitisahamēk kiyawāw kit acimowiniwāwa. 10#ēksatas 20:12; tiyotaranami 5:16; ēksatas 21:17; lipitikas 20:9cikēmā mosis ki itwēw, kistēyim kotawi mina kikāwi; mina ana kē maci itākwē otāwiya ahpo okāwiya kiyām kita nipiw anima nipiwin ohci: 11māka kiyawāw kit itwānāwāw, kispin nikotwa ayisiyiniw itāci otāwiya ahpo okāwiya, anima kita ki ohci āpaci itāpān ēkwa korpān itakitēw, ēwakwānima ē itwēhk ē miyiht kisēmanito; 12ēkwa namawiya awasimē kit iyinamawāwāw nāntaw kēkway kita itotamawāt otāwiya ahpo okāwiya; 13mitoni ē tawinamēk kisēmanito ot ayamiwin kit ācimowiniwāw ohci, kiyawāw kā ki mēkiyēk: mihcēt māka ēko towi kēkwaya kit itotēnāwāw.

14ki natomēw māka mina ē māmawēyatiyit ayisiyiniwa, mina ki itēw, natotawik kahkiyaw kā itasiyēk mina nisitohtamok; 15namawiya kēkway wayawitimāyihk ohci ayisiyiniw, kā ati piciskākot kita ki wiyipihikot; māka anihi kēkwaya kā wayawimakahki ayisiyinihk ohci ēwakwani kā wiyipihikot ayisiyiniw. 17ispi māka kā pihtokēt wāskāhikanihk ē nakatāt ayisiyiniwa, o kiskinohamawākana ki kakwēcimik oma āwēcikan, 18ki itēw māka, kiyawāw ci mina ēkosi isi namawiya konisitotamowinināwāw? nama ci ki wāpatēnāwāw, piko kēkway wayawitimāyihk ohci ē piciskākot ayisiyiniw namawiya kita wiyipiik; 19cikēmā namawiya otēhihk pihcipayiyiw māka watāhk, ēkosi wayawipayiw? omisi itwēw ē pēkitāt kahkiyaw miciwin. 20ēkwa ki itwēw, anima kā wayawimakaniyik ayisiyiniw ohci ēwakwēyiw kā wiyipihikot ayisiyiniw. 21cikēmā picāyihk ohci, otēiwāhk ohci ayisiyiniwak, maci māmitonēyicikana ohcipayiwa, maci wicētowin, 22kimotiwina, nipatākēwina, pisikwātisiwina, mostawinamākēwina, macātisiwina, kakayēyisiwin, kakēpātisiwin, māyi kanawāpatowin, kisi kitotitowin, kistēyimowin, kiskwēwin; 23kahkiyaw ohi maci kēkwaya picāyihk ohcipayiwa mina wiyipiik ayisiyiniw.

24ēkota māka ki ohci pasiko, ēkosi ki ati itohtēw cikāsk tāyar mina saitan askihk. ki pihtokēw māka wāskāhikanihk ēkosi namawiya natawēyitam awiya kita kiskēyitamiyit: namawiya māka ki kāso. 25māka sēmāk iskwēw otānisisa ē kikiskākoyit ēkā ē pēhkisiyit ahcāhkwa, ispi piētahk ē ācimimiht, ki pē pahkisin ositiyihk. 26ana iskwēw karik towikān, sairopinisiya ē otaskānēsit. ki pē kākisimototāk māka kita wayawiwēpināt maci ahcāhkwa otānisa ohci. 27māka ki itēw, kiyām awāsisak nikān kita kispowak: cikēmā namawiya nainākwan kita otinimiht awāsisak o pakwēsikanimiwāwa kita wēpinamācik atimwak, 28ki naskwēwasimik māka omisi ki itik, ēhē tēpēyihcikēyan: ēyiwēhk māka atimwak sipā micisowinātikohk miciwak awāsisa o piwacikaniyiwa. 29ēkosi māka ki itēw, oma kit itwēwin ohci niyā kiwē; cikēmā maci ahcāhkwa nakatik kitānis. 30ēkosi ki kiwēw wikihk, poti māka anihi awāsisa ki pimisiniyiwa nipēwinihk, mina maci ahcāhkwa ē ki nakatikoyit.

31ēkosi mina ki sipwētēw cikāsk tāyar ohci, mina ki sāpo pimohtēw sāitanihk piyis kālali sākahikanihk, mēkwāc ē cikāskowahk tikāpolis. 32ki pētowēwak māka pēyak ēkā ē wawiyawitamiyit mina ē nānakowēyit; ēkosi kākisimototawēwak kita sāmināyit. 33ēkosi nisihk ohpimē ki itotaēw ita ēkā ē ayāyit kā māmawēyatiyit ayisiyiniwa, ki astāw māka o cihciya otawakāyihk, ēkosi ki sihko, mina ki sāminamwēw otēyaniyiw; 34kisikohk māka ē itāpit, ki naatāmo, mina ki itēw, ēhpahta, ēwakwānima ē itwēhk, yohtēpayi. 35otawakaya māka ki yotēnamwān, mina kā tacitēyaniwēpisot ki āpikonamwān, ēkosi ki pakakitākosiw. 36ki ayākwāmimēw māka ēkā awiya kita wihtamawāyit; māka āta awasimē ē ki ayākwāmimāt, āhci piko awasimē mistahi ki ātotamiyiwa. 37ayiwāk māka ki māmaskātamwak ē itwēcik, kahkiyaw kēkway mitoni ki totam; isihēw wāwāc anihi ēkā kā wawiyawitamiyit kita pētamiyit, mina ēkā kā nitāwēyit kita pikiskwēyit.

Currently Selected:

sēnt mārk 7: KKMR

Highlight

Copy