sēnt mārk 8

1ēkospi ē kakisikāk mina mihcēt ē māmawēyaticik ayisiyiniwak ēkā māka kēkway ē ayācik kita micicik, ki natomēw o kiskinohamawākana, ēkosi ki itēw, 2ni kitimākinawāwak, kā māmawēyaticik ayisiyiniwak, cikēmā ēkwa nisto kisikāw ē wicēwicik, ēkosi nama kēkway ayāwak kita micicik: 3kispin māka sipwētisawakwāwē wikiwāhk ēkā kēkway ē micicik kita ati nānotēsinwak; ātiht māka wāyaw ohtotēwak. 4o kiskinohamawākana māka ki naskwēwasimik, tānitē wiya awiyak kē ki tēpi ohtinamawāt pakwēsikana ohi ayisiyiniwa ota pikwa ayihk? 5ēkosi ki kakwēcimēw, tāni tahto pakwēsikanak ēyāwāyēkok? ki itwēwak māka, tēpakop. 6ki itasowēw māka ayisiyiniwa kita nahapiyit mocihk: ēkosi ki otinēw anihi tēpakop pakwēsikana kā nanāskomot māka, ki nanawinēw, mina ki miyēw o kiskinohamawākana, kita oyastowāyit; ēkosi ki oyastowēwak kā māmawēyatiyit: ayisiyiniwa. 7ki ayāwēwak māka cakawāsis ē apisisisiyit kinosēwa ispi māka kā miywakimāt ēwakwani, ki itasowēw kita oyastowāyit ēwakwani mina. 8ēkosi ki micisowak mina ki kispowak; ki otinamwak māka iskwacikana kā ki ayiwākipayiki tēpakop wikopiwata sākaskin. 9nāntaw māka nēwāw kihci mitātahtomitanaw ki itasiwak: ēkosi ki sipwētisawēw.

10sēmāk māka ki posiw osihk asici o kiskinohamawākana ēkosi ki takopayiwak anita tālmanota itēkē. 11#mātyo 12:38; lok 11:16pārasiyak māka ki pē itohtēwak, mina ki māci kākakwēcimēwak, ē natawēyitamawācik kiskinawāci wāpatiyiwēwin kisikok ohci, ē kakwēciācik. 12#mātyo 12:39; lok 11:29ki mistahi mikoskātēyitam māka ot ahcāhkohk, omisi ē itwēt, tānēki oko ayisiyiniwak wēci natonakik kiskinawāci wāpatiyiwēwin? tāpwē kit itināwāw, namawiya kita miyāwak kiskinawāci wāpatiyiwēwin oko ayisiyiniwak. 13ki nakatēw māka ēkosi mina ē posit ki asowaam.

14kiskinohamawākanak māka ki wanikēwak kita nimācik pakwēsikana ēkosi namawiya posiēwak osihk awasimē iyikohk pēyak pakwēsikana. 15#lok 12:1ēkosi ki ayākwāmimēw, ē itāt, mēyākwām, aswēyitamwāhk ot ohpihcicikaniwāw pārasiyak mina ot ohpihcicikan ērat. 16ki kakwēcitowak māka, ē itwēcik, ēkā ē ayāwāyahk ētokē pakwēsikan. 17cisas māka ē kiskēyitahk, ki itēw, tānēki wēci kakwēcitoyēk, cikēmā ēkā ē ayāwāyēk pakwēsikan? namēskwa ci ki nisitawinēnāwāw ahpo nisitotēnāwāw? kēyāpic ci ki maskawitēānāwāw? 18#cērimāya 5:21; isikiēl 12:2; mārk 4:12ē oskisikoyēk nama ci ki wāpatēnāwāw? mina ē otawakāyēk nama ci ki pēhtēnāwāw? mina nama ci ki kanokiskisināwāw? 19ispi kā mātinamawakik niyānan pakwēsikana aniki niyānanwāw kihci mitātahtomitanaw, tani tahto wikopiwata ē moskinēki iskwascikana kā ki otinamēk? ki itēwak, mitātat nisosāp. 20ispi mina tēpakop kā mātinamawakik nēwāw kihci mitātahtomitanaw, tāni tahto ē moskinēki wikopiwata kā otinamēk iskwascikana? ki itēwak māka, tēpakop. 21ki itēw māka namēskwa ci ki nisitotēnāwāw?

22ēkosi ki takopayiwak anita pēhtsēta. ki pētowēwak māka pēyak ēkā ē wāpiyit nāpēwa, ēkosi ki kakwēcimēwak kita sāmināyit. 23ki sakicihcēnēw anihi ēkā kā wāpiyit nāpēwa, ēkosi ki wayawitaēw otēnāhk ohci; ispi māka kā sikwātamwāt oskisikoyiwa, mina kā sāmināt, ki kakwēcimēw, kēkway ci ki wāpatēn? 24ki itāpiw māka, ēkosi ki itwēw, ni wāpamāwak ayisiyiniwak; cikēmā tāpiskoc mistikwak nit isinawāwak ē pimohtēcik. 25ēkwa mina ki sāminamwēw oskisikoyiwa; ēkwa sohki ki itāpiw, mitoni māka miyo ayāw, mina kahkiyaw kēkway payatēyāpatam, 26wikiyihk māka ki isi kiwētisawēw, ē itāt, ēkāwiya ahpo pihtokē otēnāhk.

27cisas māka ki wayawiw, asici o kiskinohamawākana, ē itohtēcik sisariya pilipay otēnāhk: mēkwāc māka ē papimotēcik ki kakwēcimēw o kiskinohamawākana, ē itāt, awēna ēsicik ayisiyiniwak? 28#mārk 6:14,15; lok 9:7,8ki wihtamawēwak māka, ē itwēcik, cān paptist; mina kotakak, ilaica; māka kotakak, nāntaw pēyak okiskiwēhikēw. 29#cān 6:68,69ēkosi ki kakwēcimēw, kiyawāw māka awēna ēsiyēk? pitar naskwēwasimēw mina itēw, kiya ēwako Christ. 30ki ayākwāmimēw māka ēkā awiya kita wihtamawāyit. 31ēkwa ki māci kiskinohamāwēw iyiniwikosisān mihcēt kēkway kita isi kotakitāt, mina kita ātawēyimikot kā nikānēyitākosiyit, mina kihci ayamihēwiyiniwa, mina masinahikēwiyiniwa, ēkosi kita nipaiht, ki nisto kisikāyiki māka mina kita waniskāt. 32mitoni māka mosisē ki wihtamawēw. pitar māka otinēw, ēkosi māci kitotēw. 33māka wiya ē āpamikāpawit, ē kanawāpamāt māka o kiskinohamawākana, ki kitotēw pitara, mina itēw, otākēskawin kiya sētan: cikēmā namawiya ki nākatawēyihtēn anihi kisēmanito kā ot ayānit māka anihi ayisiyiniwak kā ot ayānicik. 34#mātyo 10:38; lok 14:27ki natomēw māka anihi ē māmawēyatiyit ayisiyiniwa asici o kiskinohamawākana ēkosi ki itēw, kispin awiyak ayisiyiniw wā pimitisaokwē kiyām kita ānwētāso, mina kita otinam o pimitāskoikan, ēkosi kita pimitisaot. 35#mātyo 10:39; lok 17:33; cān 12:25cikēmā piko awiyak wā pimācitākwē o pimātisiwin kita wanitāw; māka awiyak kē wanitākwē o pimātisiwin niya mina miwācimowin ohci kita miskam. 36cikēmā kēkway kē otisit ayisiyiniw kispin kaskitāci misiwē aski, ēkosi waniaci ot ahcāhkwa? 37ahpo kēkway kē ki mēkit ayisiyiniw miskoc ot ahcāhkwa? 38cikēmā piko awiyak kē nanēpēwisikwē niya ohci mina nit ayamiwina ohci ita ē ayāyit ohi kā pisikwātisiskiyit mina kā macāyiwiyit ayisiyiniwa, iyiniwikosisān mina kita nanēpēwisiw ēwakwani ohci, ispi pē takosiki o kistēyitākosiwiniyihk otāwiya kiki kā kanātisiyit okisikowa.

Currently Selected:

sēnt mārk 8: KKMR

Highlight

Copy