sēnt mārk 9

1ki itēw māka, tāpwē kit itināwāw, ātiht, ota nipawiwak ēkā nāntaw isi kē kocistakik nipiwin, pātos iyikohk wāpahtakwawi kisēmanito ot otēnawiwin ē takosinomakaniyik sokēyitākosiwinihk.

2 # 2 pitar 1:17,18 kā nikotwāso kisikāyik māka cisas ki wicēwēw pitar, mina cēmis, mina cān, ēkosi ē ki itohtahāt wacihk ē ispāmatināk: ki kwēskinākosiw māka ē kanawāpamikot: 3o kikiskācikana māka ki wāsitēyiwa, ayiwāk ē wāpiskāyiki; iyikohk ēkā owāpiskēkinokēw ota askihk kita ki wāpiskitāt.

4ki nokohisostākwak māka ilaicawa asici mosisa: ē wici ayamimāyit cisasa. 5pitar māka ē naskwēwasiiwēt, itēw cisasa, rāpay, miywāsin ota ē ayāyāhk: kiyām māka ni ka ositānān nisto mikiwāpa; pēyak kiya kita ayāyan, mina pēyak mosis kita ayāt, mina pēyak ilaica kita ayāt. 6cikēmā namawiya kiskēyitam tānisi kita itwēt; wiya mistahi ē sēkisicik. 7#mātyo 3:17; mārk 1:11; lok 3:22ki pē ākopayiw māka wasko: ēkosi awiyak pēhtākosiw waskohk ē itwēt, ēwako awa kā sākihak nikosis, natohtāhk. 8sisikoc māka wāsakām ē ayitāpicik namawiya awiya wāpamēwak piko cisasa wiyawāw asici. 9ē pē nitaciwēcik māka, ki ayākwāmimēw ēkā awiya ayisiyiniwa kita wihtamawāyit anihi kā ki wāpahtahkik, pātos piko iyikohk iyiniwikosisān nipowinihk kita ohci waniskāt. 10ki kanawēyitamwak māka ēwako itwēwin, ē kakwēcitocik, kēkway anima waniskāwin nipowinihk ohci.

11 # mālakay 4:5; mātyo 11:14 ēkosi ki kakwēcimēwak, ē itwēcik, tānēki kā itwēcik masinahikēwiyiniwak ilaica nikān kita takosihk? 12ki itēw māka, ilaica tāpwē nikān takosin, mina kahkiyaw kēkway minotāw; mina tānisi isi kā itasinahikātēk iyiniwikosisān, mihcēt kēkwaya kita isi kotakihiht mina kita ātawēyimiht? 13kit itināwāw māka, ilaica sāsay ki takosin, ki itotawēwak māka piko ē itēyitahkik, mwēhci kā itasinahikātēk ēwako ohci.

14ispi māka wētitācik kiskinohamawākana, wāpamēwak ē māmawēyatiyit ayisiyiniwa ē wāskāskākocik, mina masinahikēwiyiniwa ē kākakwēcimikocik. 15sēmāk māka kahkiyaw ayisiyiniwa, ispi wiāpamikot, mistahi ki māmaskātamiyiwa, ēkosi ē ispatāyit ē natawi atamiskākot. 16ki kakwēcimēw māka kēkway anima kā kakwēcimāyēkok? 17pēyak māka aniki kā māmawēyaticik ki naskwēwasimēw, ē itwēt, kēskinohamākēyan, ki ki pētamātin nikosis, kā kikiskākot ēkā ē nitāwēyit ahcāhkwa; 18piko ita māka wētitinikoci, pakamisimik mocihk: ēkosi ē pistēwitonēt, mina ē kakiciskāpitēt, mina ēyokam ati katopinēw: ni ki wihtamawāwak māka ki kiskinohamawākanak kita wayawiwēpinācik; māka namawiya kaskitāwak. 19ēkosi ki naskwēwasimēw mina ki itēw, ā ēkā wētāpwētamowiniyēk kā ayisiyiniwiyēk, tāniyikohk kinwēs kē wicēwitakok? tāniyikohk kē sitowiyitakok? pētowik niya. 20ēkosi ki pēsiwēwak: ispi māka wiyāpamāt, sēmāk ahcāhkwa ki wāwisakipitik; ēkosi ki pahkisin mocihk, mina ki tihtipiw pistēw otonihk ē ohcipayiyik. 21ki kakwēcimēw māka otāwiyiwa, tānispi ohci aspin oma kā otihtikot? ēkosi ki itwēyiwa, ē awāsisiwit ohci. 22mihcētwāw māka ki macostēwēpinik mina ki pakastawēwēpinik, kita nisiwanācihikot: māka kispin kēskitāwanē kēkway kita itotaman kitimākinawinān, mina wiciinān. 23cisas māka ki itēw, kispin kēskitāwanē: kahkiyaw kēkway kita ki ikiniyiw ana kā tāpwētahk. 24sēmāk māka otāwiya ana awāsis ki tēpwēyiwa omisi ē itwēyit, tēpēyihcikēyan, ni tāpwētēn; wiciin ē ot ānwētamowiniyān. 25ispi māka cisas wiyāpahtahk ayisiyiniwa ē pē māmawi ispatāyit, ki kitotēw ēkā kā pēkisiyit ahcāhkwa, omisi ē itāt, kiya ēkā ka nitāwēyan mina ēkā kā wawiyawitaman ahcāhk, kit itasowātitin kita pē wayawiyan kā kikiskawat, mina ēkā wikāc kitwām kita pihtokēyan. 26ēkosi ahcāhk ki tēpwēw, mina mistahi ē ki wawisakipitāt; ki pē wayawiw; ana awāsis māka ki isi ayāw tāpiskoc ēkā ē pimātisit; osām isa piko ki itwēwak, namawiya pimātisiw. 27cisas māka ki otinamwēw ocihciyiw, mina ki ati opinēw; ēkosi ki waniskāyiwa. 28ispi māka kā pihtokēt wāskāhikanihk, o kiskinohamawākana ohpimē ki kakwēcimik, ē itwēyit, niyanān wiya namawiya ni ki wayawiwēpinānān. 29ēkosi māka ki itēw, oma towi namawiya nāntaw kēkway kita ki ohci wayawiw, piko ayamihāwin.

30ēkota māka ki ohci sipwētēwak, mina ki ati sāpo pimohtēwak kālalihk; namawiya māka natawēyitam awiya ayisiyiniwa kita kiskēyitamiyit. 31cikēmā ki kiskinohamāwēw o kiskinohamawākana, mina ki itēw, iyiniwikosisān pakitināw ocihciyihk ayisiyiniwa, ēkosi māka kita nipaēwak; ispi māka ki nipaihci, ki nisto kisikāyiki mina kita waniskāw. 32māka namawiya nisitohtamwak ēwako itwēwin, mina ki sākwēyimowak kita kakwēcimācik.

33ki takosin māka kēparnēamihk; mēkwāc māka pitokamihk wāskāhikanihk ē ayāt, ki kakwēcimēw, kēkway anima kā ki ayitwēwētoyēk mēkwāc ē papimotēyēk? 34#lok 22:24māka nama nāntaw itwēwak: cikēmā ē pē papimotēcik ki wayotwēwētowak, awina miyawaci kistēyitākosit. 35#mātyo 20:26,27; 23:11; mārk 10:43,44; lok 22:26ki nahapiw māka, mina ki natomēw anihi mitātat nisosāp; ēkosi itēw, kispin awiyak wi nikānēyitākosici, kiyām māwaci otāhk kita ayāw, mina kita ot atoskēyākanimiwak kahkiyaw. 36ki otinēw māka ē apisisisiyit awāsisa, ēkosi tāwayihk ki ayēw: ē otināt māka ē tahkonāt, ki itēw, 37#mātyo 10:40; lok 10:16; cān 13:20awiyak kē otinākwē pēyak ēko towi apistawāsisa ni wiyowinihk niya nit otinik, mina awiyak niya otinici, namawiya niya kā otinit, māka anihi kā pē itisaoyit.

38cān māka ki itēw, kēskinohamākēyan, ni ki wāpamānān pēyak ē wayawiwēpināt maci ahcāhkwa ki wiyowinihk; ēkosi ni ki kitahamawānān cikēmā namawiya ki pimitisaokonaw. 39māka cisas ki itēw, ēkāwiya kitahamahk: cikēmā namawiya itāw ayisiyiniw kita itotahk ē sokēyitākwanik atoskēwin ni wiyowinihk, ēkosi kita kaskitāt kiyipa kita maci āyimomit. 40#mātyo 12:30; lok 11:23cikēmā ana ēkā kā nakāskākoyahk ki wiciikonaw. 41#mātyo 10:42cikēmā piko awiyak kē miyikoyēk pēyak minikwākanis nipi kita minikwēyēk, cikēmā Christ ē ayāwikoyēk, tāpwē kit itināwāw, namawiya nāntaw isi kita wanitāw o tipahamākowin. 42mina piko awiyak kē itotawākwē pēyak ohi kā apistēyitākosiyit kā tāpwētawiyit kita ohci pisokēsiniyit, nawac kita miywāsiniyiw misi pinipocikan asiniya ki sakapitimiht okwayāhk, ēkosi ki pakastawē wēpiniht kihcikamihk. 43#mātyo 5:30mina kispin kicihci pisokēsimikoyanē, kiskiwēpaa; miywāsin kita pihtokēyan pimātisiwinihk ē napatēcihcēyan, ispic wiya ē nisiki ki cihciya kita itotēyan iskotēhk, ēkā kē ki āstawēhikātēk iskotēw. 45mina kispin kisit pisokēsimikoyanē kiskiwēpaa: miywāsin kita pihtokēyan pimātisiwinihk ē napatēsitēyan, ispic wiya ē nisiki kisita kita isi wēpinikawiyan iskotēhk. 47#mātyo 5:29mina kispin kiskisik pisokēsimikoyanē, kēcikowēpina: miywāsin kita pihtokēyan kisēmanito ot otēnawiwinihk ē napatiyāpiyan, ispic wiya ē nisiki kiskisikwa kita isi wēpinikawiyan iskotēhk; 48#aysāya 66:24ita o manicosimiwāwa ēkā kā nipiyit, mina iskotēw ēkā kā āstawēhikātēk. 49cikēmā kahkiyaw awiyak iskotēw kita kiki siwitākanawāw. 50#mātyo 5:13; lok 14:34,35miywāsin siwitākan: māka kispin siwitākan wanitāmakaki ē siwāk, kēkway mina kē ki ohci siwitāhk? kikiskamok siwitākan, mina miyo ototēmihtok.

Currently Selected:

sēnt mārk 9: KKMR

Highlight

Copy