Jɔn 12

Yecu Atɔc ë Bethani

(Math 26:6-13; Mak 14:3-9)

1Na wën, aŋoot Winythok wei ë akööl kadhetem, ke Yecu jɔ bɛ̈n Bethani, paan ë nu Ladharo thïn, raan wään cï thou, raan wään cïï Yecu jɔt ë kɔc cï thou yiic. 2Agokï luöi këcam thëën ëtɛ̈ɛ̈n: ku yïn Martha kɔc këcam, ku Ladharo aa ye raan töŋ ë kɔc rɛ̈ɛ̈r ë yen ëtök tëde cäm. 3#Luk 7:37,38. Na wën, ke Meri nöm rothol töŋ de miök de yic wɛ̈ɛ̈l lɔ wai cï tumëtum, miök tuc ë ɣööcde, go Yecu tɔc cök, ku coth ë nhïm ke yenɔm, go ɣöt yic a pat ëbɛ̈n në atuöm ë miök. 4Go raan töŋ ë kɔckɛn ë piööcë, cɔl Judath Yithkariɔt, wën ë Thimon, raan kɔɔr luɔi bï en e nyiɛɛn, go lueel an, 5“Eeŋö kënë miökë ɣaac ë jinii kathiëër,#12:5: wëu riët: Tïŋ 6:7. ago ke gäm kɔc kuanynyïïn?” 6Aa lueel kënë, acie luɔi nhiɛɛr en kɔc kuanynyïïn, ee luɔi ee yen cuɛ̈ɛ̈r, ku ye cath ke athep de wëu, ye yen ka cï tääu thïn ɣääc.

7Go Yecu lueel an, “Päl nyanë: ee këde kööl bï a tɔ̈ɔ̈u, yen aa loi en en. 8#Nyöŋ 15:11. Kɔc kuanynyïïn ayek cool ë nu ë weyiic, ku yɛn, yɛn cie cool ë nu ë weyiic.”

Kiɛɛr bïï ë Ladharo Nɔ̈k

9Na wën, ke kut dïït ë kɔc ke Judai ke jɔkï ŋic nɔn nu yen ëtɛ̈ɛ̈n: agokï bɛ̈n, acie biäk de Yecu ëtök, ee luɔi bï kek Ladharo tïŋ ayadäŋ, raan cï jɔt ë kɔc cï thou yiic. 10Go bänydït ke ka ke Nhialic löŋ cam kapäc an, bïk Ladharo nɔ̈k ayadäŋ, 11luɔi jëlë kɔc ke Judai juëc në biäk de yen, bïk Yecu lɔ gam.

Lɔ de Tiëm Jeruthalem

12Na ɣɔn amiäk, ke kut dïït ë kɔc wën cï bɛ̈n ë Dhuëëŋ Winythok yic, të cï kek e piŋ nɔn bï Yecu Jeruthalem. 13#Diɛt 118:25,26. Ke ke jɔ kër ke akööt nööm, ku lek biic lek loor, ke ke cöt an, “Ɣothana! Thieithieei në raan bɔ̈ në rin ke Bɛ̈nydït, yen Melik de Yithriɛl!”

14Na wën, acï Yecu mul koor yök, ke lɔ ë yekɔ̈u, acït man cï e gɔ̈ɔ̈r, an, 15#Dhek 9:9. “Du riɔ̈c, nyan de Dhiɔn:

Melikdu ka bɔ̈yë,

ke cath ë mɛnh ë muul kɔ̈u.”

16Kakë akënë kɔckɛn ë piööcë ke yök yiic wään tueŋ: na wën, acï Yecu dhuëëŋde guɔ yök, yen aa jɔ kek kenïïm tak, nɔn cï kakë gɔ̈ɔ̈r në këde, ku nɔn cï kɔc kakë luöi yen.

17Go kut ë kɔc wään nu në yen, wään cɔɔl en Ladharo bei ë raŋic, ku jɔt ë kɔc cï thou yiic, gokï aa cäätɔɔ luelkï këden. 18Yen aa le kut ë kɔc biic ayadäŋ, lek loor, luɔi cï kek e piŋ nɔn cï en gökë looi. 19Go Parithai röt yɔ̈ɔ̈k kapäc an, “Kɛ̈nkï tïŋ ënɔɔnë, nɔn cï en kë luɛlkï? Wɔikï, piny ëbɛ̈n acï lɔ ë yecök!”

Girikii Kɔ̈k Akɔɔrkï Yecu

20Ku nu Girikii töktöök ë kɔc yiic, kɔc wään lɔ lam ëkööl ë Dhuëëŋ: 21Agokï bɛ̈n të nu Pilip, raan ë Bethaida de Galili, kek kɔckë, bïk ku thiëckï an, “Bɛ̈ny, wo de piɔ̈ɔ̈th luɔi bï wo Yecu tïŋ.”

22Go pilip bɛ̈n lɛ̈k Andereya: na wën, ke Andereya kekë Pilip ke jɔkï lɛ̈k Yecu. 23Go Yecu pɔ̈k nɔm keek an, “Kööl acï bɛ̈n kööl bï Wën ë Raan dhuëëŋ yök thïn. 24Wek yɔ̈ɔ̈k ëyic an, nyin töŋ de rap të kën en lööny piny, thou, ka rɛ̈ɛ̈r etök: ku na thou, ka jɔ luɔk ë mïth juëc. 25#Math 10:39; 16:25; Mak 8:35; Luk 9:24; 17:33. Raan nhiaar wëike, abï wëike mɔ̈ɔ̈r, ku raan man wëike ë pinyë nɔm, abï wëike muk aɣet pïïr athɛɛr. 26Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Yecu Ajam në biäk de Thonde

27“Ku ënɔɔnë yɛn ë piɔ̈u jiɛth, ku bä ŋö lueel? Bä lueel an, Wäär kony ɛn ee köölë? Ku në biäk de ee kënë, en aa bä yɛn, aguɔ tëëk në nuan ee köölë yic. 28Wäär, tɔ rinku yök dhuëëŋ!”

Na wën, ke röl bɔ̈ paannhial röl luel en an, “Acä ke tɔ yök dhuëëŋ, ku abä ke bɛ tɔ yök dhuëëŋ ayadäŋ.”

29Ago kut ë kɔc wën kääc ëtɛ̈ɛ̈n, të cï kek röl piŋ, agokï lueel an, deŋ ë määr: ku lueel kɔ̈k an, “Ee tunynhial en aa jam kekë yen!”

30Go Yecu bɛ̈ɛ̈r, luel, an, “Rölë aa cïï bɔ̈ ë biäkdï, ee biäkdun week, en ë bï yen. 31Löŋ ë pinyë nɔm aguiir ënɔɔnë: bɛ̈nydït ë pinyë nɔm abï ciɛɛc biic ënɔɔnë. 32Ku yɛn, të cï a jat nhial ë piny nɔm, kɔc kedhie abä ke miɛɛt të nuö yɛn.” 33(Aa luel kënë, nyooth en thon bï en thou, nɔn ee yen thon cït ŋö.)

34 # Diɛt 110:4; Yith 9:7; Edh 37:25; Dan 7:14. Go kut ë kɔc bɛ̈ɛ̈r an, “Acuk piŋ ë löŋic nɔn bï Kërtho tɔ̈u athɛɛr: ku eeŋö luel yïn en an, “Bï Wën ë Raan dhil jat nhial? Eeŋa ye Wën ë Raan?”

35Go Yecu ke yɔ̈ɔ̈k an, “E döŋ ke ye tëthiinakäŋ, të nu ɣɛɛrëpiny ë weyiic. Cathkï të ŋuɔɔt wek ë we de ɣɛɛrëpiny, ke we cïï cuɔlëpiny bï mook: raan cath ë cuɔlëpiny akuc të le yen thïn. 36Të ŋuɔɔt wek ë we de ɣɛɛrëpiny, jakï ɣɛɛrëpiny gam, ke we bï aa mïth ke ɣɛɛrëpiny.”

Ciën Gäm de Kɔc

Kakë aake lueel Yecu, ku jiël, go thiaan ë keek. 37Ku acakaa nɔn cï en göök juëc looi ë kenïïm, gokï ŋoot ë ke cïï gam: 38#Yith 53:1 (LXX). luɔi bï jam ë tiët Yithaya aa yic, jam ɣɔn lueel an,

“Bɛ̈nydït, eeŋa ë jamda gam?

Ku eeŋa cï nyuöth köŋ de Bɛ̈nydït?”

39Ku yen aacïï kek gäm lëu, në luɛl cï Yithaya ye bɛ lueel an,

40 # Yith 6:10 (LXX). “Acï keek tɔ cɔɔr nyïïn, ku tɔ ke ril piɔ̈ɔ̈th,

Ke ke cïï bï daai ë kenyïïn, ku cïkï käŋ bï yök ë kepiɔ̈ɔ̈th,

Agokï kepiɔ̈ɔ̈th puk,

Aguɔ ke tɔ dem.

41Kakë aake lueel Yithaya, të ɣɔn tïŋ en dhuëëŋde, ago jam në këde.

42Ku aa de kɔc juëc ë bäny yiic tei, bäny ceŋ piny, kɔc cï këde gam, ku në biäk de Parithai aake kën gam ë kethook, ke ke cïï bï cieec ɣön ë Nhialic: 43aake nhiaar lɛc de kɔc awär lɛc de Nhialic.

Guiëërëlöŋ në Wël ke Yecu

44Go Yecu cööt, lueel an, “Raan gam ɛn, acie yɛn ë gɛm, ee raan ë toc ɛn en a gɛm. 45Ku raan tïŋ ɛn, ka tïŋ raan ë toc ɛn. 46Yɛn aa bɔ̈ ë piny nɔm, ke ya ye ɣɛɛrëpiny, ke raan gam ɛn, ke cïï bï rëër tëcol. 47Të de yen raan piŋ wëlkï, ku reec gam, ka yɛn cïï löŋde guiir: yɛn aacïï bɔ̈ bä löŋ de piny nɔm bɛ̈n guiir, ee luɔi kuɔny ɛn piny nɔm, en aa bä yɛn. 48Raan reec ɛn, ku cïï wëlkï gam, acath ke raan bï löŋde guiir: jam cä lueel, yen abï löŋde guiir ëkööl rial wadäŋ. 49Yɛn acïï jam në këde yenhdï, ku Wäär raan ë toc ɛn, yen aa lëk ɛn kë bä lueel, ku jam bän jam. 50Ku löŋde aŋiɛc nɔn ee yen pïïr athɛɛr: ago ka luɛɛl ënɔɔnë, acït man cï Wäär e lɛ̈k ɛn, yen aa luɛɛl ɛn keek.”

Currently Selected:

Jɔn 12: dip-JPB

Highlight

Copy