Ehanita Lefahat 1

1 # Luk 1:1-4 Jio Tofilo:

Jio abuk hoŋ etteri, egiorok nyia ni ehanita iko ettiyenita Yesu 'daŋ, tetteri igiama honyi, 2many jio noloŋ ninyia iyarik inyi idou. Ninyia hobeŋi iyarai inyi idou, isiarak nyia inyi, ta agolon ono Loholio Olibo, efahita jio lefahat honyi hinyia onyimu inyi. 3To oŋitek atomuana aŋuan ihalu ettigemita honyi, oleyehino nyia inyi jihosi enyiahita arriai te ekotia hunne itahutani 'to jio isu inyi. Igonyuni nyia isi inyi buo fe inyi ikiana jihosi te eram ono Olobie Hollum. 4#Luk 24:49Buo ninyia howon inyi ikosi#1:4 ninyia howon inyi ikosi : kuyya ninyia lattubanie isi; kuyya ninyia hoŋiyo inyi ikosi, ihum nyia inyi ittittohina isi jiojio, “Hèfuatta addi to Yerusalem, itilauna ecorit Monyoŋ, ariŋ ninyia eramak ni jihatai. 5#Mat 3:11; Mar 1:8; Luk 3:16; Yoa 1:33Itifuocio nyia Yoane batisimo ta aari, ati ihalu oŋitek kaiyo, itifuotoni adi itai batisimo to Loholio Olibo.”

Iyarai Yesu Lidou

(Mar 16:19-20; Luk 24:50-53)

6Ninyia attubanie lefahat arabotie iko Yesu, ette isi ifiyo inyi jiojio, “Lamonye, ilo 'tadi iyye ihuania inyiahuno Nolobie jio Israele?” 7Itarraŋ nyia inyi isi jiojio, “Monyoŋ hama onyimu, te elohittok ottononyi, nasaa iko noloŋ enne iduoŋorik adi erre hunia, ati obiaŋara eram hatai ania imijaniere iduoŋi adi isi baya. 8#Mat 28:19; Mar 16:15; Luk 24:47-48Ati ifuotuna adi itai aduaran alla attu Loholio Olibo jihatai. Irata adi itai asuuti hoŋ Yerusalem, ifau Yudea 'daŋ iko ifau Samaria 'daŋ buo fe isidita fau 'daŋ.” 9#Mar 16:19; Luk 24:50-51Ninyia latuhok inyi ekiana ana, ette iyaru inyi idou, buo isi ette iyadarana ajihonyi many itihonierek edohuo inyi to hoŋite hosi.

10Buo ninyia harasai isi iyohojonia 'tok 'tok ahide dou buo inyi holo, teya teya owotiai nyia omuk aati arrihai iger hosi hulle iyyafatie aboŋojin abuoŋi; 11ette jiaran, “Lonyiok Galilea, nyio iwotiati itai dinia buo iyadarana ahide dou? Yesu alia eduo akafarai tehiji hatai ahide dou, ocohuno adi inyi te ekoi ihuo oduo igonyuniette itai inyi olo idou.”

Arutani Maji Yuda

(Mat 27:3-10)

12Attati isi icaharu Yerusalem to doŋe Olifet anna ara alamaji honyi ihuo anus mail. 13#Mat 10:2-4; Mar 3:16-19; Luk 6:14-16Ninyia lafanyi isi itua bore gala, ette isi icul jio attua haji otto amara ninyia itoŋorik isi. Isi nyia ba: Petro, Yoane, Yakobo iko Andrea, Filipo iko Tomaso, Bartolomeyo iko Matteyo, Yakobo lonyi Alfeyo, buo Simone elle iloŋoi Silot#1:13 Silot : Inyi ekiana onno ojio 'to jio aati hulle igiamai 'to bebe ihouniere afau iko eruhita hosi jio aati Roma (Imija buo fe Luk 6:15). iko Yuda lonyi Yakobo. 14Odulori nyia isi mojotio te eluluŋ hosi arabotie iko aŋoruo buo Maria honye Yesu, iko illarak Yesu.

15Ihalu oŋitek kai, owon nyia ewwaha ono eruhok. Arai nyia isi 'daŋ ihuo esiha abotie iko atomuana arrihai (120). Attati Petro idioto ikianari, 16ette jiaran, “Illarak iko haniyarak hoŋ, ijiara luŋa itasiruni egierita hutto Buk Hollum, hunyia ikiana Loholio Olibo te etuk Dafide te eram ono Yuda linyia itadihuno 'to eniafak Yesu. 17Ara nyia Yuda aholohoi. Onyimuni nyia inyi igiamari ikohoi.”

18 # 27:3-8 (Inyiaŋu nyia Yuda amana ta agurusi hunyia onyurak inyi te ehanio honyi onno orroho 'to ania; ette ahuan honyi iyejana, ette ifudoho, ette amonyit 'daŋ iluahuno addi. 19Itayiruni nyia aati 'daŋ hulla amanyai 'to Yerusalem eram ana, ania iloŋorik isi amana ania Akeldama, onno ojio 'to jio, “Amana Hoto”.)

20 # Afureta 69:25; 109:8 “Nyio, igioroni nyia ibuk ono Afureta jio:

‘Ijiara ahaŋ honyi oyur;

Ijiara obo atulo obeŋ amanya diya.’

Igioroni nyia buo fe jio:

‘Ijiara obo latulo hama orutak imaji honyi.’

21-22 # Mat 3:16; Mar 1:9; 16:19; Luk 3:21; 24:51 “Ihuania, ijiara luŋa obo atulo ojiŋak iluluŋ hohoi irari ikohoi asuuti hulo ebuhuna Yesu, Lamonye. Ijiara luŋa inyi hetettu tehiji waati hunyia owoni 'to ikohoi jio oŋitek hua 'daŋ hunyia awattari Yesu Lamonye ikohoi. Itterio jio oŋitek hunyia ittittoyeri Yoane eram honyi ono batisimo#1:21-22 ittittoyeri Yoane eram honyi ono batisimo : kuyya jio oŋitek hunyia itifuotoniere Yoane inyi batisimo. many jio noloŋ ninyia iyarik Yesu jihohoi ahide dou.”

23Tania, ette isi inyimuna aati arrihai; Yosefu linyia anya 'to Barsabas (iloŋoi nyia buo fe inyi Yusto) iko Mattiya. 24Attati isi mojo ojio, “Lamonye, imijak iyye egigilita waati 'daŋ ababo. Ihuania, itahutak hohoi ŋai jio hula arrihai hulo elle inyimu iyye, 25irari elefahata imaji Yuda. Nyio, idiaharu Yuda amaji ania ilari imaji honyi.” 26Attati isi ibak ehutuŋai inyimuniere abotie jio aati hula arrihai hulo, buo ehutuŋai ette imok jio Mattiya, ette isi ifuanana inyi jio eluluŋ lefahat hula 'tomon habotie.

Currently Selected:

Ehanita Lefahat 1: EA2003

Highlight

Copy