Маттэ 26

ЯТӀОКӀЫРЭ ХЫНЭРЭШЪХЬ

Тхьэмэтэ Хэсэшхом хэт тхьэматэхэм Исус тхьагъэпцӀыгъэкӀэ аукӀынэу гухэлъ зэрашӀыгъэр

(Марк 14:1-2; Лука 22:1-2; Иуан 11:45-53)

1Исус а гущыӀэ пстэури къызеӀо ужым, игъогу рыкӀохэрэм ариӀуагъ:

2– ӀутӀыжъ зыцӀэ мэфэкӀ мэфэшхор#26:2 ӀутӀыжъ мэфэкӀ мэфэшхор – ӀутӀыжъ зыцӀэ мэфэкӀ мэфэшхомрэ Хьалыгъу мыкӀу-мыпшэ зыщашхырэ мэфэкӀ мэфэшхохэмрэ зэдагъэлъапӀэхэзэ, Тхьэм Мысырым къызэрэригъэкӀыжьыгъагъэхэр джуртхэм агъэлъапӀэ. ӀутӀыжъ мэфэкӀ мэфэшхор Нисан зыцӀэ мазэм и 14-м тефэ (яплӀэнэрэ мазэм иапэрэ мафэ пэгъунэгъу), Хьалыгъу мыкӀу-мыпшэ зыщашхырэ мэфэкӀ мэфэшхохэр Нисан и 15-22 мафэхэм къакӀоцӀ агъэлъапӀэх. А мафэхэм тэджэпс тхьацум халъхьэрэп. къэсыным мэфитӀу зэриӀэр шъошӀэ. ЦӀыф Лъэпкъым ы Къуи къащым тыраӀулӀэнэу тетыгъо зиӀэхэм аӀэкӀэхьащт.

3Джащыгъум дин пэщэшхохэри, Тэурат егъэджэкӀо пащэхэри, цӀыфмэ янахьыжъхэри дин пэщэшхоу#26:3 дин пэщэшхор – дин пащэхэм ятхьэматэуи Тхьэмэтэ Хэсэшхоми итхьэматагъ. Кайафэ зыцӀэм иунэшхо къыщызэӀукӀагъэх. 4Ахэмэ Исус тхьагъэпцӀыгъэкӀэ аубытынышъ, аукӀынэу гухэлъ ашӀыгъ.

5– Ау цӀыфхэм бырсырышхо къамыӀэтыным пае, мэфэкӀ мэфэшхом тефэу орэмыхъу, – аӀуагъ ахэмэ.

Бзылъфыгъэ горэм къуаджэу Бет-Ание дагъэу осэшхо зиӀэр Исус зэрэщыщифагъэр

(Марк 14:3-9; Иуан 12:1-8)

6ЕтӀанэ Исус къуаджэу Бет-Ание кӀуагъэу, Симонэу шъоджэ уз Ӏае зиӀагъэм иунэ щыӀэзэ, 7бзылъфыгъэ горэ унэм къихьагъ. А бзылъфыгъэм алабастэр зыцӀэ мыжъом хэшӀыкӀыгъэу зы дэгъалъэ ыӀыгъыгъ. А дэгъалъэм осэшхо зиӀэ дагъэу мэ ӀэшӀу зыпихырэр итыгъ. Исус Ӏанэм пэсэу, бзылъфыгъэр къыбгъодахьи, ышъхьэ дагъэр къытырикӀагъ.

8Исус игъогу рыкӀохэрэм ар залъэгъум, агу римыхьэу моущтэу аӀуагъ:

– Сыд пае мы дагъэу осэшхо зиӀэр хьаулыеу ыгъэкӀодыгъа? 9Ар осэшӀукӀэ ащагъэмэ, тхьамыкӀэхэм ахъщэр афагощын алъэкӀыщтыгъ.

10Ау Исус ащ гу лъити, ариӀуагъ:

– Сыд пае бзылъфыгъэр жъугъэукӀытэра? Ащ шӀугъэ къысфишӀагъ. 11ТхьамыкӀэхэр къышъухэт зэпытых, ау сэ сышъухэт зэпытыщтэп. 12А бзылъфыгъэм мы дагъэр спкъы къызытырекӀэм, сызэрэчӀалъхьажьыщтым сыфиухьазырыгъ. 13Шъыпкъэр шъосэӀо, сэ къысфэлажьэрэ цӀыфхэм чӀылъэм зэкӀэ къэбарышӀур тыдэ щагъэӀуми, мы бзылъфыгъэм ышӀагъэр къаӀотэжьыщт, цӀыфхэм а бзылъфыгъэр шӀукӀэ агу къагъэкӀыжьыным пае.

Исус дин пэщэшхохэм аригъэубытынэу Иудэ зэрадиштагъэр

(Марк 14:10-11; Лука 22:3-6)

14Джащыгъум Исус игъогу рыкӀорэ нэбгырэ пшӀыкӀутӀумэ ащыщэу, Иудэ ИскариоткӀэ заджэхэрэр дин пэщэшхохэм адэжь кӀуи, 15ариӀуагъ:

– Исус къышъуӀэкӀэзгъахьэмэ, сыда къысфэшъушӀэщтыр? Ахэмэ тыжьын ахъщэ щэкӀ къыратынэу къагъэгугъагъ. 16Ащ щегъэжьагъэу Исус ахэмэ аригъэубытыным пае, Ӏэрыфэгъу уахътэ Иудэ паплъэу ыублагъ.

ӀутӀыжъ пчыхьэшъхьашхэр игъогу рыкӀохэрэм Исус зэрадишӀыгъэр

(Марк 14:12-21; Лука 22:7-14, 21-23; Иуан 13:21-30)

17Хьалыгъу мыкӀу-мыпшэ зыщашхырэ мэфэкӀ мэфэшхохэм#26:17 Хьалыгъу мыкӀу-мыпшэ зыщашхырэ мэфэкӀ мэфэшхо мафэхэр – еплъ 26:2, ӀутӀыжъ зыцӀэ мэфэкӀ мэфэшхом. иапэрэ мафэм игъогу рыкӀохэрэр Исус къыбгъодахьэхи, къеупчӀыгъэх:

– ӀутӀыжъ пчыхьэшъхьашхэр щыпшӀынэу тыдэ щыдгъэхьазырынэу уфая?

18– Къалэм шъудахь, – къыӀожьыгъ Исус. – Мыщ фэдэ лӀым дэжь шъукӀуи, ешъуӀу: «Дин гъэсакӀом еӀо: Сэ сигъо къэблэгъагъ. Сэррэ сигъогу рыкӀохэрэмрэ ӀутӀыжъ пчыхьэшъхьашхэр уиунэ щытшӀыщт».

19Исус зэрариӀуагъэм тетэу, игъогу рыкӀохэрэм ашӀи, ӀутӀыжъ пчыхьэшъхьашхэр агъэхьазырыгъ.

20Пчыхьэ зэхъум, Исус игъогу рыкӀорэ нэбгырэ пшӀыкӀутӀур игъусэу Ӏанэм пэтӀысхьагъ. 21Ахэр шхэхэзэ, Исус къыӀуагъ:

– Шъыпкъэр шъосэӀо, шъуащыщ горэм тетыгъо зиӀэхэм саригъэубытыщт.

22Ахэмэ лъэшэу агу къеуагъ. Зыр зым ыуж итэу къыраӀонэу фежьагъэх:

– Зиусхьан, сэрэп ар, ныӀа?

23– Мы апсым сигъусэу хьалыгъур къыздыхэзгъаорэр ары тетыгъо зиӀэхэм сязгъэубытыщтыр, – пэгъокӀ ытыжьыгъ Исус. 24– Шъыпкъэ, ЦӀыф Лъэпкъым ы Къо дунаим ехыжьыщт, ежь ехьылӀагъэу Тхьэм игущыӀэ тхыгъэхэм зэрарытым фэдэу. Ау ЦӀыф Лъэпкъым ы Къо тетыгъо зиӀэхэм язгъэубытырэр гъогу мыгъо теуцуагъ. А цӀыфыр къэмыхъугъэмэ, ежьыркӀэ нахьышӀущтыгъ.

25Иудэу Исус тетыгъо зиӀэхэм язгъэубытыщтым къыӀуагъ:

– Рабби#26:25 Рабби – дин гъэсакӀор ары., ар сэрэп ныӀа?

– Оры, къызэрэпӀорэм фэдэу#26:25 – Оры, къызэрэпӀорэм фэдэу, – е – О пшъхьэкӀэ къэпӀуагъ., – Исус риӀуагъ.

Зиусхьаным ипчыхьэшъхьашх

(Марк 14:22-26; Лука 22:15-20; 1 Кор. 11:23-25)

26Ахэр шхэхэ зэхъум, Исус хьалыгъур къыштагъ, Тхьэм щытхъу фишӀи, зэгуичи, игъогу рыкӀохэрэм арити, къыӀуагъ:

– Ма, шъуштэ, шъушхы, мы хьалыгъур сэ спкъы ары.

27ЕтӀани шъуалъэр къышти, Тхьэм щытхъу фишӀи, арити, къыӀуагъ:

– Шъо зэкӀэми мыщ итым щыщ шъуешъу. 28Мы сэнэпсыр сэ слъэу Тхьэм ежьыррэ ицӀыфхэмрэ азыфагу дилъхьэгъэ зэзэгъыныгъэр къэзгъэшъыпкъэжьырэр#26:28 Сэ слъэу… зэзэгъыныгъэр къэзгъэшъыпкъэжьырэр – пэсэрэ зэзэгъыныгъэу Тхьэм ежьыррэ илъэпкърэ азыфагу дилъхьагъэр зыгъэшъыпкъэжьыгъагъэр къурмэныпхъэм ылъ арыгъэ. А лъыр цӀыфхэм атыраутхэгъагъ. Еплъ Пегъымбар Мусэ ятӀонэрэ тхылъэу ытхыгъэм 24:7-8. Ащ фэдэу зэзэгъыныгъакӀэу Тхьэм ежьыррэ ицӀыфхэмрэ азыфагу дилъхьагъэр зыгъэшъыпкъэжьыгъэр Исус ылъэу къащым щыкӀэкӀыгъэр ары. А зэзэгъыныгъэм зэритым фэдэу, цӀыф горэм ИсускӀэ шӀошъхъуныгъэ иӀэ хъумэ, мыкӀодэу Тхьэм ар къыгъэнэжьыщт. ары. ЦӀыфыбэхэм ишӀуагъэ якӀынэу, лъэу сэ къыскӀэкӀыщтыр ары, япсэкӀодхэр афэгъунхэм пае. 29ШъосэӀо, джы щегъэжьагъэу сэнэшъхьэпсым сешъожьыщтэп, ся Тэ и Тетыгъошхо сыхэтэу икӀэрыкӀэу сыкъызыжъудешъожьыщт мафэм нэсыфэ.

30ЕтӀанэ Исусрэ игъогу рыкӀохэрэмрэ тхьэщытхъу орэд къызаӀо ужым, унэм икӀыхи, Елеон Ӏуашъхьэм кӀуагъэх.

«Сэ сызыщыщыр умышӀэу къэпӀощт» Исус Петрэ зэрэриӀуагъэр

(Марк 14:27-31; Лука 22:31-34; Иуан 13:36-38)

31Ащ дэжьым Исус игъогу рыкӀохэрэм ариӀуагъ:

– Нычэпэ шъо пстэуми сизакъоу утыгум сыкъишъунэщт, сыда пӀомэ, Тхьэм къызэриӀорэр игущыӀэ тхыгъэхэм арыт#26:31 Тхьэм игущыӀэ тхыгъэхэм арыт – еплъ Пегъымбар Зэчрей тхылъэу ытхыгъэм 13:7.: «Сэ мэлахъор сыукӀыщт, мэл Ӏэхъогъури зэбгырыкӀыжьыщт». 32Ау лӀагъэхэм сыкъызахэтэджыкӀыжьыкӀэ, шъуапэ Галилей хэкум сыкӀощт.

33– Пстэуми утыгум укъыранэми, сэ ныбжьи укъисынэщтэп, – къыриӀуагъ Петрэ Исус.

34– Шъыпкъэр осэӀо, – риӀожьыгъ Исус Петрэ, – мы нычэпэ дэдэм атакъэр Ӏоным ыпэкӀэ, сэ сызыщыщыр умышӀэу гъогогъуищэ къэпӀощт.

35– Сэ о сыбдэлӀэн фаеми, узыщыщыр сымышӀэу сӀощтэп, – къыриӀожьыгъ Петрэ. Ащ фэдэ къабзэу Исус игъогу рыкӀорэ адрэ лӀы пстэуми къаӀуагъ.

Исус Гефсимание хатэм Тхьэм зэрэщелъэӀугъэр

(Марк 14:32-42; Лука 22:39-46)

36Ащ нэуж Гефсимание зыцӀэ чӀыпӀэм Исус игъогу рыкӀохэрэр игъусэхэу кӀуагъэ.

– Моу шъуетӀысэх, сэ модэкӀэ сыкӀоу, Тхьэм селъэӀуфэ, – ариӀуагъ ахэмэ Исус. 37Петрэрэ Зебедей ыкъуитӀурэ ащ зыдищагъэх. Къэнэшхъэеу, гумэкӀэу ащ ыублагъ. 38Джащыгъум ахэмэ ариӀуагъ:

– СилӀыкӀыным нэсэу инэу сыгу хэкӀы. Шъумычъыеу шъусакъэу гъусэ шъукъысфэхъу. 39ЕтӀанэ тӀэкӀу ӀукӀоти, чӀыгум бгъэгукӀэ зыридзыхи, Тхьэм елъэӀузэ, къыӀуагъ:

– Ся Т, амал иӀэмэ, мы къин щэчыным ишъуалъэ сӀых. Ау сэ сызыфаер мыхъоу, о узыфаер орэхъу.

40Ащ ыужым Исус игъогу рыкӀорэ нэбгырищымэ адэжь къыгъэзэжьи, чъыехэу къарихьылӀэжьыгъ.

– Адэ сыхьат закъо шъусигъусэу шъумычъыеу, шъусакъын шъулъэкӀыгъэп, ара? – ыӀуи, Исус Петрэ риӀуагъ. 41– Шъумычъыеу шъусакъ, псэкӀодшӀэным шъудимыхьыхынэуи Тхьэм шъуелъэӀу. Гур фай, ау пкъым ылъэкӀырэп.

42ЕтӀанэ Исус ятӀонэрэу ӀукӀи, Тхьэм елъэӀузэ, къыӀуагъ:

– Сэ ся Т, мы къин щэчыным ишъуалъэ сӀыпхынэу мыхъумэ, о узыфаер орэхъу.

43Джыри Исус къызегъэзэжьым, а нэбгырищыр чъыехэу къарихьылӀэжьыгъ, сыда пӀомэ, анапӀэхэр онтэгъу хъугъэхэти ары. 44Джыри зэ ахэр къыгъанэхи, ӀукӀи, а гущыӀэ дэдэхэмкӀэ ящэнэрэу Тхьэм елъэӀугъ.

45ЕтӀанэ Исус игъогу рыкӀохэрэм адэжь къыгъэзэжьи, ариӀуагъ:

– Шъо джыри шъочъыя, зышъогъэпсэфа? Мары, сыхьатыр къэблэгъагъ. ЦӀыф Лъэпкъым ы Къо псэкӀод зышӀэрэ цӀыфхэм аӀэкӀэхьащт. 46Шъукъэтэдж! НекӀо, мары ахэмэ сязгъэубытыщтыр къэблэгъагъ!

Исус зэраубытыгъэр

(Марк 14:43-50; Лука 22:47-53; Иуан 18:3-12)

47Исус джыри къэгущыӀэзэ, игъогу рыкӀорэ нэбгырэ пшӀыкӀутӀумэ ащыщэу Иудэу Исус тетыгъо зиӀэхэм язгъэубытыщтыр къэкӀуагъ. Чатэхэмрэ умэхэмрэ аӀыгъхэу, цӀыф купышхо игъусагъ. Дин пэщэшхохэмрэ цӀыфмэ янахьыжъхэмрэ ары ахэр къэзгъэкӀогъагъэхэр.

48– Сэ сызэбэущтыр ары зыфасӀорэр. Ар шъуубыт, – ыӀуи, аубытыщтыр зэраригъэлъэгъущт шӀыкӀэр игъусэхэм Иудэ ариӀогъагъ. 49Иудэ зэрэнэсэу Исус екӀуалӀи,

– Опсэу, рабби! – ыӀуи, Исус ебэугъ.

50– Ныбджэгъу, сыда укъызкӀэкӀуагъэр? – риӀуагъ ащ Исус. Джащыгъум адрэхэр Исус къекӀуалӀэхи, аубытыгъ. 51ОшӀэ-дэмышӀэу Исус игъусэхэм ащыщэу зыгорэм ичатэ къырихи, дин пэщэшхом иунэӀут еуи, ытхьакӀумэ лъэныкъо гуиупкӀыгъ.

52Джащыгъум Исус ащ риӀуагъ:

– О уичатэ сапӀэм илъхьажь, сыда пӀомэ, чатэм еӀэрэ пстэури чатэм екӀодылӀэжьыщт. 53Хьаури ся Тэ семылъэӀушъункӀэ огугъа? СелъэӀумэ, ащ джыдэдэм мэлэӀич дзэ пшӀыкӀутӀум ехъу къысфигъэкӀощт. 54Ау етӀанэ сыдэущтэу Тхьэм игущыӀэ тхыгъэхэр къэшъыпкъэжьыщтха? Тхьэм игущыӀэ тхыгъэхэм арытба, моущтэу зэрэхъун фаер?

55А сыхьатым Исус а цӀыф купышхом риӀуагъ:

– ХъункӀэкӀо горэ шъуубытыщтым фэдэу, чатэхэмрэ умэхэмрэ шъуӀыгъхэу шъукъыспэгъокӀыгъа? Мафэ къэси Тхьэм иунэшхо цӀыфхэм Тхьэм игущыӀэхэр щязгъашӀэхэзэ, сычӀэсыгъ, ары шъхьакӀэ сышъуубытыгъэп. 56Ау мыр зэкӀэ зыкӀэхъугъэр пегъымбармэ атхыгъэхэр къэшъыпкъэжьынхэр ары. Джащыгъум Исус игъогу рыкӀорэ пстэури ежь утыгум къырани, хэхьажьыгъэх.

Исус Тхьэмэтэ Хэсэшхом ыпашъхьэ зэрэращагъэр

(Марк 14:53-65; Лука 22:54-55; Иуан 18:13-14, 19-24)

57Исус заубыт ужым, дин пэщэшхоу Кайафэ зыцӀэм дэжь ащагъ. Ащ дэжьым Тэурат егъэджэкӀо пащэхэмрэ нахьыжъхэмрэ къыщызэӀукӀагъэх. 58Петри чыжьэкӀэ Исус ыуж итэу, дин пэщэшхом ищагу нэсыфэ къыкӀэлъыкӀуагъ. КӀэухэу Исус фэхъущтыр ылъэгъуным пае, Петрэ щагум дахьи, къэрэгъулэхэм ахэтӀысхьагъ.

59Дин пэщэшхохэри, нахьыжъхэри, Тхьэмэтэ Хэсэшхом хэтхэу адрэ тхьэмэтэ пстэури Исус укӀ тыралъхьаным пае, шыхьат нэпцӀ лъыхъущтыгъэх. 60Шыхьат нэпцӀыбэхэр къэтэджыхи, Ӏаджи Исус тыралъхьагъэ пэтми, зыфаехэр къагъотыгъэп. Ау ыкӀэм ыкӀэжьым шыхьат нэпцӀитӀу къэтэджи, 61моущтэу къаӀуагъ:

– Мы лӀым ыӀощтыгъэ: «Тхьэм иунэшхо зэхэскъутэнышъ, мэфищкӀэ зэтезгъэуцожьын слъэкӀыщт».

62ЕтӀанэ дин пэщэшхор къэтэджыгъ.

– Сыд мы лӀыхэм о къыптралъхьэрэр? Сыда зи къызкӀэмыӀорэр? – къыриӀуагъ ащ Исус. 63Ау Исус зи къыӀуагъэп.

– ЩыӀэныгъэр къыздикӀырэ Тхьэм ыцӀэкӀэ сыолъэӀу, къытаӀу, ора Христосэу Тхьэм ы Къо? – къыриӀуагъ дин пэщэшхом Исус.

64– Ары, къызэрэпӀорэм фэд#26:64 – Ары, къызэрэпӀорэм фэд, – е – О пшъхьэкӀэ къэпӀуагъ., – риӀуагъ Исус. – Ау сэ шъосэӀо, джы щегъэжьагъэу лъэкӀышхор зиӀэ Тхьэм иджабгъукӀэ госэу, ошъуапщэхэми ахэтэу, ЦӀыф Лъэпкъым ы Къо къакӀоу шъулъэгъущт.

65Джащыгъум дин пэщэшхом ищыгъынхэр къызэгуитхъыгъэх.#26:65 ищыгъынхэр къызэгуитхъыгъэх – гущыкӀыгъэшхомрэ щынэгъошхомрэ къахэкӀыкӀэ, дин пэщэшхом ищыгъынхэр къызэгуитхъыгъэх.

– Тхьэр ыгъэпцӀыгъ, – къыӀуагъ ащ. – Сыда нэмыкӀ шыхьат зэрэтищыкӀэгъэжьыр? Джары, Тхьэр зэригъэпцӀыгъэр шъо зэхэшъухыгъ. 66Сыдэущтэу шъухаплъэра?

– УкӀ ифэшъуаш, – пэгъокӀ къатыжьыгъ ахэмэ.

67Джащыгъум Исус ынэгу кӀэужъунтхагъэх, бжымкӀи еуагъэх. НэмыкӀхэри ынэпашъо кӀаутызэ, 68раӀуагъ:

– Христос, упегъымбармэ, хэтми къыоуагъэм ыцӀэ къаӀо!

Петрэ Исус зыщыщыр ымышӀэу къызэриӀуагъэр

(Марк 14:66-72; Лука 22:54-62; Иуан 18:15-18, 25-27)

69Джащыгъум Петрэ щагум дэсыгъ. УнэӀут пшъашъэ горэ къекӀуалӀи, къыӀуагъ:

– Ори а Исусэу Галилей щыщым уригъусагъ.

70– Хьау, зыфапӀорэр сшӀэрэп, – къыщиӀуагъ Петрэ зэкӀэмэ апашъхьэ.

71ЕтӀанэ Петрэ щагум идэкӀыпӀэ Ӏухьэзэ, нэмыкӀ унэӀут пшъашъэ горэм къылъэгъуи, ащ дэжьым щытхэм ариӀуагъ:

– Мы лӀыри Назарет щыщ Исус игъусагъ.

72Джыри зэ Петрэ, – А лӀыр сшӀэрэп, – ыӀуи, тхьэ ыӀуагъ.

73ТӀэкӀу тешӀагъэу, ащ дэжьым щытхэм Петрэ къыбгъодахьэхи, къыраӀуагъ:

– Шъыпкъэу ори ахэмэ уащыщ, сыда пӀомэ, уигущыӀакӀэ ар нафэ къешӀы.

74– Тхьэр сэгъэпцӀы, къасӀорэр мышъыпкъэмэ, а лӀыр сшӀэрэп, – ыӀуи, Петрэ тхьарыӀо ышӀэу ыублагъ. Ардэдэм атакъэр къэӀуагъ. 75Джащыгъум Исус къыриӀогъэгъэ гущыӀэхэр Петрэ ыгу къэкӀыжьыгъэх:

– Атакъэр Ӏоным ыпэкӀэ, сэ сызыщыщыр умышӀэу гъогогъуищэ къэпӀощт. Ар ыгу къызэкӀыжьым, Петрэ щагум дэкӀи, лъэшэу гъыгъэ.

Currently Selected:

Маттэ 26: AdgNT14

Highlight

Copy