Cakirok 36

Nyikway Esau

(1 Kigana 1:34-37)

1Me a nyikway Esau, ma bende ilwoŋo ni Edom. 2#Cak 26:34Esau onywomo mon pere wok bongi Jokanan; Ada nyar Elon Jahiti, Oholibama nyar Ana wod pa Zibeon Jahivi, 3#Cak 28:9kodi Basemath, nyar Isimayil nyamin Nebayoth. 4Ada onywolo Elifaz, aka Basemath onywolo Reuel. 5Oholibama onywolo Yeus, Yalam, kodi Kora. Me a wot Esau m'onywol rigo i piny Kanan.

6Kenyo Esau okwanyo mon pere, wote, nyir pere, kodi jopeco pere je, dhok pere, ogwaŋe pere je, kodi lim pere je m'oyido olimo i piny Kanan, aka okidho i piny mabor gi omin go Yakobo. 7Rupiri lim pajo oyido dit swa rijo bedo kanyacel. Lowo m'oyido jobed'iye k'onyalo thielo jo ro dhok pajo mathoth. 8Ameno Esau obedo i piny matendere tendere ma Edom.

9Me nyikway Esau ba Joedom i piny matendere tendere ma Edom. 10Me a nyingi wot Esau; Elifaz wod pa Ada cipa Esau, Reuel wod pa Basemath cipa Esau. 11Wot Elifaz obedo; Teman, Omar, Zefo, Gatam, kodi Kenaz. 12(Timina oyido obedo malaya pa Elifaz wod pa Esau, aka go onywolo ri Elifaz wode Amalek.) Me a wot Ada, cipa Esau. 13Me a wot Reuel; Nahath, Zera, Sama, Miza. Me wot Basemath cipa Esau. 14Me a wot Oholibama nyar Ana wod pa Zibeon m'onywolo ri Esau; Yeus, Yalam, kodi Kora.

15Me a nonin pa wot Esau. Wod Esau makayo Elifaz obedo kwari nonin ma Teman, Omar, Zefo, Kenaz, 16Kora, Gatam, kodi Amalek. Me obedo nonin pa Elifaz i piny Edom; aka jobedo wot Ada.

17Wod Esau Reuel obedo kwari nonin ma Nahath, Zera, Sama, kodi Miza. Me nonin pa Reuel i piny Edom; jobedo wot Basemath cipa Esau.

18Me a nonin m'owok kwoŋ Esau kwoŋ cege Oholibama, nyar Ana; Yeus, Yalam, kodi Kora 19Nonin me je jowok kwoŋ Esau.

Nyikway Seyir

(1 Kigana 1:38-42)

20-21Ji won m'otire ma piny Edom oyido jopokere i nonin ma kwarere pajo obedo nyikway Edom, janono pa Hor: Lotan, Sobal, Zibeon, Ana, Dison, Ezer, kodi Disan.

22Lotan oyido obedo kwari nonin ma Hor kodi Heman. (Lotan oyido nitie gi nyamin m'ilwoŋo ni Timina.)

23Sobal oyido obedo kwari nonin ma Alvan, Manahath, Ebal, Sefo, kodi Onam.

24Zibeon oyido nitie gi wote ario, Aya kodi Ana. Me Ana m'onwaŋo waŋ pi malieth i thim munyo kwayo punde pa bamere. 25-26Ana oyido obedo ba Dison, m'oyido obedo kwari nonin ma Hemdan, Esiban, Ithiran, kodi Keran. Ana oyido nitie gi nyare m'ilwoŋo ni Oholibama.

27Ezer oyido obedo kwari nonin ma Bilihan, Zavan, kodi Akan.

28Disan oyido obedo kwari nonin ma Uzi kodi Aran.

29-30Me a nonin ma piny Edom; Lotan Sobal Zibeon, Ana, Dison, Ezer, kodi Disan.

Kerin ma Edom

(1 Kigana 1:43-54)

31Me a kerin ma jodhumo i piny Edom, mafodi kere moro je jok'odhumo Joisiraili. 32Bela wod pa Bewor ma tindi madwoŋ Dinhaba. 33Bela otho, aka Yobab wod pa Zera ma Bozra olunjo waŋe. 34Yobab otho, aka Husam ma piny Teminan olunjo waŋe. 35Husam otho, aka Hadad wod pa Bedadi ma tindi madwoŋ Avith, m'okengila Midian i piny Mowab olunjo waŋe. 36Hadad otho, aka Samila ma Masireka olunjo waŋe. 37Samila otho, aka Saulo ma Rehoboth i malawa Yufrete olunjo waŋe. 38Saulo otho, aka Bal Hanan wod pa Akor olunjo go. 39Bal Hanan otho, aka Hadar ma tindi madwoŋ Pau olunjo waŋe. Nyingi cege oyido ilwoŋo ni Mehetabel, nyar Matiredi ma Mezahab.

40Me a nyingi nonin ma Esau obedo kwari jo, i pecin pajo kodi kabedo pajo, i nyingi jo: Jobedo Timina, Alvan, Yetheth, 41Oholibama, Ela, Pinon, 42Kenaz, Teman, Mibizar 43Magidiel, kodi Iram. Me nonin ma Edom (Esau ba Edom). Kisi kama nonin me jobed'iye olwoŋi gi nyingi jo.

Currently Selected:

Cakirok 36: DHOCDC

Highlight

Copy