Luka 11

Jeso unafunza jisi ya kuvoya

(Matayo 6:9-13; 7:7-11)

1Tsʼiku mwenga, Jeso wakala u phatʼu unavoya, na ariphomala kuvoya, mwanafunziwe mumwenga wamwamba, “Bwana, hungehenza uhufunze kuvoya dza Johana Mubatizi arivyoafunza anafunzie.” 2Jeso achiaamba, “Muchikala munavoya, ambani:

‘Baba,#11:2a Nakala zinjine zinaonjeza: Baba uriye dzulu mulunguni. dzinaro takatifu narilikwe,

ufalumeo naudze.#11:2b Nakala zinjine zinaonjeza: Uhenzaro narihendeke phapha duniani dza vivyo vihendekavyo kuko mulunguni.

3Hupʼe chila tsʼiku leu huriro huna haja naro,

4na husamehe dambi zehu,

dza vivyo siswi naswi hwasamehevyo osi ahukoserao,

na utsʼihutiye majezoni.’#11:4 Nakala zinjine zinaonjeza: ela hutivye na yuyatʼu Mui.”

5Chisha achiapʼa tʼadi yiyi, “Nahwambe kwa mufano una musenao. Ndo umutuwe na usiku wa manane ukamwambe, ‘Musena wangu, pʼore kwa kukuyuga, ela ninakuvoya unipʼe hata kumba ni wari odzisala, 6mana, nidzilokerwa ni musena wangu munjine ariye hata u charoni, na tsʼina cha kumupʼa.’ 7Ela musenao yiye hata atsʼiunuke mumo chitʼandani akwambe, ‘Utsʼiniyuge! Mino nidzisindika kare luvi, na mimi na anangu bee hu tʼandikoni. Kwa vivyo, tsʼindazuka mino kwa hata nikupʼe chitʼu uwe!’ 8Na ninamwambira mino, hata aripho undakala kʼazukire na kukupʼa riro leu dza kwamba kʼu musenawe, uwe utsʼone waibu hata áenderera kumuvoya, na musindikizowe undazuka akupʼe chicho uhenzacho, kwakukala, udzenderera kumuvoya. 9Ndo ninamwambira mino, voyani, namwi mundahewa, tsakulani, namwi mundapata, na pigani hodi, namwi mundasundulirwa muyango. 10Maana, chila avoyaye unahewa, atsakulaye unapata, na apigaye hodi unasundulirwa muyango. 11Ni mutumia ani phano kati yenu, ariye achivoywa#11:11 Nakala zinjine zinaonjeza: mukahe ni mwanawe, yiye undamupʼa dziwe, hebu achivoywa... beshe ni mwanawe, yiye undamupʼa nyoka? 12Hebu achivoywa tumbi, akale yiye nikumupʼa chizimba? 13Bee, chikala mwimwi tu hata muripho mu ai, ela munamanya kwapʼa ana enu miyo midzo, akale Baba Mulungu ariye mulunguni kʼandaapʼa Rohowe kwa unji aratʼu amuvoyao?”

Widimi wa Jeso ulaa kwa Mulungu

(Matayo 12:22-30; Mariko 3:20-27)

14Tsʼiku mwenga, Jeso wakala unamulavya mutʼu pʼepʼo yekala udzimuhenda kʼagomba. Ndo yiye pʼepʼo achimulaa, na yuyatʼu mutʼu achiidima kugomba, na phapho duu ra atʼu rokala ririro phapho richangalala. 15#Mat 9:34; 10:25Ela atʼu anjine achiamba, “Unaalavya pʼepʼo kwa widimi ahewao ni Belizabuli, yiye mubomu wa pʼepʼo,” 16#Mat 12:38; 16:1; Mar 8:11na anjine ao, achimuheza kwa kumwamba ahende dalili ya konyesa kukala, widimiwe ulaa kwa Mulungu. 17Ela yiye kwahivira wakala udzigamanya kare maazo gao, achiaambira tʼadi yiyi, “Chila ufalume ogavikana virundu-virundu viyuwanavyo, nikuvunzika, na atʼu amwenga nao achigavikana na kuyuwana, mudzi undafa. 18Ndo chikala Shetani naye unadzigavya, uo ufalumewe kʼaundatowa. Na munaamba kukala, mimi bee ninaalavya pʼepʼo, kwakukala, Belizabuli unanipʼa widimi wa kuhenda vivyo. 19Sambi chikala mino vivyo ndivyo nilavyavyo pʼepʼo, ao atʼu enu anaalavya kwa widimi wa ani? Bee, vivyo atʼu enu enye alavyavyo pʼepʼo, ndivyo vimuvungavyo ulongo. 20Na tsʼivyo bee hata ujeri wenye ni kukala, ninaalavya pʼepʼo kwa widimi wa Mulungu, na vivi vinaonyesa kukala, Ufalume wa Mulungu ukudza kare kwenu.

21“Mutʼu wa mukotse na achikala una chʼinga, arindapho nyumbaye, miyoye yosi kʼayikumbwa ni mutʼu. 22Ela mutʼu wa mukotse kumurima yiye naye amudzagamirapho na kumurima, yiye nikwanza kuzihwala zizo chʼinga zokala mwenye udzizikuluphira, na ndo nikwendayigavya asenae yiyo miyo yodziyinyangʼanya. 23#Mar 9:40Kwa vivyo, yetsʼigwirikana na mimi, unanipinga, na yeyosi yetsʼinaaviza kwareha atʼu kwangu, bee unaatsamula.”

Shetani auyavyo

(Matayo 12:43-45)

24Jeso waenderera kufunza chitʼadi achiamba, “Pʼepʼo achilaa kwa mutʼu, nikwendazunguluka nyika kutsakula phatʼu pha koya, ela achikala kʼapata nikwamba, ‘Nindauya kwa mutʼu wangu kolaa.’ 25Ndo auyapho nikwendamona yiye mutʼu unga dza nyumba yophyerwatʼo, na chila mwiyo kwikwa phatʼuphe. 26Na achiona vivyo, nikwendatsaka pʼepʼo anzie afungahe, ai muno kuriko yiye mwenye, na osi akendamuphenya yiye mutʼu. Na phapho mazagazige mutʼu yiye nikukala mai muno kuriko phapho mwanzo.”

Raha ya jeri

27Jeso ariphogomba gago, muchetʼu mumwenga kati ya riratʼu duu ra atʼu wagomba kwa laka ra dzulu achiamba, “Una raha yiye muchetʼu yekuvyala na kukwamwisa uwe!” 28Ela Jeso yiye achimuudzidza achimwamba, “Ni chividzo, ela mwenye raha muno ni yuyatʼu asikiraye neno ra Mulungu na kurigwira.”

Atʼu otsʼikuluphira anahenza dalili

(Matayo 12:38-42)

29 # Mat 16:4; Mar 8:12 Duu ra atʼu ririphokaza kurundikana, Jeso waamba vivi ao atʼu, “Atʼu mwimwi mu ai. Mwimwi munanihenza nihende dalili ya konyesa kukala, nálaa kwa Mulungu, ela tsʼindamuhendera dalili yoyosi, hata dalili yindasala dza yiyatʼu yohenderwa mugomvi wa Mulungu Jona tu. 30#Jona 3:4Maana, viratʼu Jona arivyokala dalili ya Mulungu kwa achina Ninewi, mimi Mutʼu yelaa dzulu nami ndivyo vyondakala dalili kwenu mwimwi. 31#1 Afal 10:1-10; 2 Mgu 9:1-12Malikiya kulaa Sheba#11:31 Chiyunani chinaamba: Malikiya wa upande wa vurini. undalairira ukati atʼu mwimwi muchikala munalamulwa, naye undakala shaidi wa kwamba, atʼu mwimwi mu alongo! Maana, yiye waenenda kulaa kwao kure, achidzasirikisa maneno ga hekima ga mufalume Selemani, na vivi ninamwambira jeri, phapha phana mubomu kumurima Selemani. 32#Jona 3:5Achina Ninewi andalairira ukati atʼu mwimwi muchikala munalamulwa, na andalavya ushaidi kwamba, atʼu mwimwi mu alongo! Maana, ao achina Ninewi átya ariphosikira masumuriro ga Jona, na vivi phapha, phana mubomu kumurima Jona!”

Mwanga wa mwiri

(Matayo 5:15; 6:22-23)

33 # Mat 5:15; Mar 4:21; Luk 8:16 Jeso waenderera kwaambira chitʼadi achiamba, “Mutʼu kʼaasha taa na akariika kutʼu kotsʼi atʼu, hebu akarifinikʼira na daba, ritsʼiphokala taa riikwa dzulu-dzulu kwa hata atʼu aphenyao ndani aone. 34Matsogo ndigo garigo dza taa ra mwirio. Gachikala ni mazima, mwirio wosi una mwanga, ela matsogo gachikala ni makongo, bee hata uo mwirio nao ni seti ukale na dziza gigigi. 35Ndo dzimanyirire, utsʼidze ukakala uo mwanga udzonao unao mwako ndani ni dziza. 36Maana, mwirio wosi uchikala una mwanga photsʼi hata chilungo chimwenga chiricho dzizani, mwirio wosi undangʼala dza viratʼu taa rakavyo na kukupʼa mwanga.”

Jeso unaalaumu Afarisayo na alimu a shariya

(Matayo 23:1-36; Mariko 12:38-40)

37Jeso ariphomala kugomba, Mufarisayo mumwenga wamupiga karibu ende osi kwakwe nyumbani akarye leu. Ndo achenda, achendaphenya na achisagala kurya leu. 38Ela yiye Mufarisayo waangalala ariphomona Jeso unarya leu na hata kʼaogere mikono dza vyokala vinahenzwa ni jadi yao. 39Jeso achimwamba vivi, “Mwimwi Afarisayo bee mutsukutsa vikombe na masahani konze hicheye, ela mwenu ndani mu tele ukora na ui. 40Bee kʼamumanya mwimwi! Vino yuno yetengeza kuno konze samba ndiye yetengeza hata kuko ndani nako? 41Mwimwi lavyani na moyo umwenga mwapʼe achiya, namwi mutsuke tsetsetse ndani na konze.

42 # Alaw 27:30 “Ela mundamanya enye mwimwi Afarisayo, mana, munamulavira Mulungu fungu ra kumi hata kwa vilungiro vya mbogani, na kuno munaricha kuhenda ga haki, na kumuhenza Mulungu. Bee, malagizo gaga munahenzwa mugatuwe jeri-jeri, na hata gago manjine nago mutsʼigariche, nimwenderere kugahenda vivyo.

43“Mundamanya enye mwimwi Afarisayo, mana, munahenza kusagala mbere-mbere mumo masinagogini, na kuhenza kulamuswa ni atʼu chiishima kuko vyeteni. 44Mundamanya enye, mana, munga dza mbira zotsʼimanyikana, atʼu anenenda dzulu-dzulu yao photsʼimanya.”

45Phapho mumwenga wa alimu a shariya achimwamba, “Mwalimu, uchigomba maneno gago dzulu ya Afarisayo, bee unahuphenyerera hata siswi naswi.” 46Ela Jeso yiye achimuudzidza achimwamba, “Mundamanya enye mwimwi alimu a shariya namwi, mana, munaahwika atʼu mizigo yotsʼitsukulika na kuno mwimwi enye kʼamugolosa hata chala kwaaviza mizigo yiyo. 47Mundamanya enye, mana, munagajengera vikuta mabira ga agomvi a Mulungu aratʼu ario akare enu áaulaga. 48Vivyo vinaonyesa kukala, hata mwimwi enye munakubali na munagalavira ushaidi mahendo ga akare enu. Maana, ao áaulaga ao agomvi a Mulungu, na vino mwimwi namwi munagajengera vikuta mabira gao. 49Vivyo ndivyotuma hata Mulungu mwenye hekima achiamba, ‘Nindaaphirikira agomvi angu na ahumwa angu, ela andaaulaga anjine ao, na anjine aahendere mauku.’ 50Kwa vivyo, atʼu mwimwi mundatiywa akili kwa kuulagwa kwa agomvi a Mulungu osi hangu mwanzo wa urumwengu, 51#Mwa 4:8; 2 Mgu 24:20, 21kwanzira Abeli ariphoulagwa hata chifo cha Zakariya, ariye ámuulaga kati-kati ya chijaja cha kulavira makafara na Hekalu mumo bomani. Ndo ninamwambira jeri atʼu mwimwi kukala, mundatiywa akili kwa mahendo gago gosi.

52“Mundamanya enye mwimwi alimu a shariya, mana, mu ahenda atʼu atsʼimumanye Mulungu. Mwimwi enye mwakala kʼamwenzi kumumanya, na muchiaziza anjine okala anahenza amumanye!”

53Jeso ariphokala unauka phatʼu phapho, aratʼu Afarisayo na alimu a shariya achanza kumuphenyerera kumuuza maswali makomu-makomu, 54kuheza kumuhega amugwire achigomba neno rorosi ii.

Currently Selected:

Luka 11: CHIDUR

Highlight

Copy