โยฮัน 19
19
1ปีล้าด ฯฒฯ ต้อ เยซู มี่ง ปุน แปง หล่ง ปย๊า-ปิน เบ๊าะ. 2น้าย เต๋ย แปง หล่ง ฌิ้ม ธิ นอม ฮู่ง นี้ง เถง นิ่น ด๋ง เจี๊ยน, แอ๋ง เฒาะ เต๋ย ลุย-ด๊าว-หลัวะ เถง นิ่น ฒุ เจี๊ยน. 3แอ๋ง มี่ง ฟัด เญย ก๊อง, “ยิวไท เมี่ยน เญย ฮู่ง อ้า! เฒี่ยง ตุ๊ หม่าน ฝุย อ๊ะ.” หย่า ไบ๋ นิ่น เญย เฮมียน.
4ปีล้าด แอ๋ง ธ้วด มี่ง บั๋ว โหฒว โฮล วั้ว เต๋ย ยิวไท เมี่ยน, “หมั่ง ก๋า, เยีย ต้อ นิ่น ธ้วด ต้าย เถา เม่ย บัว น้าย ปุน เม่ย บัว ฮิ้ว ตุ๊ เยีย ฒ่า ไม้ ธ้วด นิ่น ม่าย หาย หญู่ง ฒุ์ย.” 5เยซู ฯฒฯ ธ้วด ต้าย หย่า ด๋ง เจี๊ยน หล่ง ฌิ้ม ธิ ต้าย เญย ฮู่ง นี้ง, ฒุ เจี๊ยน ลุย-ด๊าว-หลัวะ. ปีล้าด ก๊อง, “หน่าย! ต้ง น้าย ล่าน เมี่ยน อ๊ะ.”
6 ไซ เมี่ยน เปย๊ย เหธา โก๋ว หฒั่ง ทิน-ฮู่ง เญย เปย๊า เญย แปง เยี้ยด ปวัด ฯฒฯ คี่ ขูง ค้าด เญย ก๊อง, “ต้อ นิ่น มี่ง ตีง เหฒียบ หฑั่ง จ๋า! ต้อ นิ่น มี่ง ตีง เหฒียบ หฑั่ง จ๋า ม่าะ!”
ปีล้าด ก๊อง บั๋ว นิ่น บัว, “วั้ว หญู่ง เม่ย บัว กุ๊น ต้อ นิ่น มี่ง ตีง เหฒียบ หฑั่ง จ๋า อ๊ะ. เยีย ฒ่า ไม้ ธ้วด นิ่น ม่าย หาย หญู่ง ฒุ์ย.”
7ยิวไท เมี่ยน เตา, “เยีย บัว ม่าย ติ้ว หลี่ง. เอย น้าย ติ้ว หลี่ง นิ่น อ๋อย หฒุ ไต่, เหว่ย หฒุ นิ่น เธง นิ่น กั้น โหฒว ทิน-ฮู่ง เญย ตอน.”
8ปีล้าด ไฮ์ น้าย โจ๋ว หว่า นิ่น เก้า ฟัด กั้ม เหฑีย 9ฯฒฯ แอ๋ง เปียะ ติ่น กะญั์ว หน่าย เยซู, “เม่ย เยียม หาย ต้าย?” มป่า เยซู ไม้ เตา.
10ปีล้าด ฯฒฯ ก๊อง, “เม่ย ไม้ เหธา เยีย ก๊อง หว่า ไฟ? เม่ย ไม้ ฮิ้ว ตุ๊ เยีย ม่าย หลี่ง ปู๋ง เม่ย, หย่า ม่าย หลี่ง เฒาะ เม่ย ตีง เหฒียบ หฑั่ง จ๋า?”
11เยซู เตา, “เม่ย ม่าย หลี่ง ตุ๋น เยีย เญย สี่ เซ เหว่ย ทิน-ฮู่ง ปุน เม่ย ฮนั้ง.#19:11 กีก หว่า ก๊อง เซ เยียม กู้ หงว่าย ต้าย. เอ๋ย เล์ย เซ เยียม ทิน-ฮู่ง ต้าย. เหว่ย น้าย, เฒาะ เยีย จิว ปุน เม่ย วั้ว เต้า, ฒุ์ย เก้า โฮล เจี๋ย เม่ย เญย.” 12เยียม หน่าย ต้าย ปีล้าด เหยียด เฒย ล์อ ฉัง ปู๋ง เยซู มป่า ยิวไท เมี่ยน เหน่า เจี๊ยน ก๊อง, “สี ก๊อง เม่ย ปู๋ง น้าย ล่าน เมี่ยน เม่ย ไม้ เฒ์ย โลมา ฮู่ง, ซีซา, เญย ก๋อ-โย์ว. หาย เต้า เธง นิ่น กั้น โหฒว ฮู่ง, วั้ว เต้า โหฒว ซีซา เญย วิน-วั้ง.”
13ปีล้าด ไฮ์ ลิ์ว น้าย เต๋ย หว่า ฯฒฯ ต้อ เยซู ธ้วด มี่ง หย่า เฒว์ย เจี๊ยน นิ่น เซี้ยม ฒุ์ย เญย เหว่ย. วั้ว นอม ต๋อง เญย บั๋ว เห่ว “หละเปย๊ย-ติ่ม.” ฮิบลู หว่า เห่ว “กับบาทา.” 14วั้ว นอม ฮนอย เซ ต้ง เบ่น เจี๋ย เสีย แหม่ง ฒิบ เญย ฮนอย. ลู่ง อ๊า ลั่ม เต๋ย อ๋าน อ๊ะ. ปีล้าด ก๊อง บั๋ว หฒวัง เมี่ยน, “หมั่ง ม่าะ! น้าย เซ เม่ย บัว เญย ฮู่ง.”
15วั้ว เต๋ย เมี่ยน เหน่า เจี๊ยน ก๊อง, “ไต๋ นิ่น กวั่ง อ๊ะ. ไต๋ นิ่น กวั่ง อ๊ะ. ต้อ นิ่น มี่ง ตีง เจี๊ยน เหฒียบ หฑั่ง จ๋า ม่าะ!”
ปีล้าด หน่าย, “เม่ย อ๋อย เยีย ต้อ เม่ย บัว เญย ฮู่ง มี่ง ตีง เหฒียบ หฑั่ง จ๋า?”
ไซ เมี่ยน เปย๊ย ก๊อง, “เยีย บัว ม่าย ดุ เต้า ฮู่ง ฮนั้ง, เซ โลมา ฮู่ง.”
16ก๊อง เกา, ปีล้าด ฯฒฯ เฒาะ เยซู จิว ปุน นิ่น บัว ต้อ มี่ง ตีง เหฒียบ หฑั่ง จ๋า หมี่ อ๊ะ.
เมี่ยน ต้อ เยซู มี่ง ตีง เหฒียบ หฑั่ง จ๋า
(เป๊ย หมั่ง มัดทาย 27:32-44; มาโค 15:21-32; ลูกา 23:26-43)
17นิ่น บัว ฯฒฯ ต้อ เยซู มี่ง, ปุน นิ่น ดาม เจี๊ยน นิ่น กั้น เญย เหฒียบ หฑั่ง จ๋า ธ้วด มี่ง เถา นอม ต๋อง, บั๋ว เห่ว มฆ้อง-เคาะ ต๋อง. ฮิบลู หว่า เห่ว โกนโกทา. 18เถา วั้ว นิ่น บัว ฯฒฯ เฒาะ เยซู ตีง เจี๊ยน เหฒียบ หฑั่ง จ๋า. แอ๋ง ม่าย อี เต้า เมี่ยน หฒุ ตีง เยียม วั้ว, เหยียด เต้า เยียม ปูง. เยซู เยียม บุด๋ง. 19ปีล้าด หย่า เฟี้ย ป้าย ปุน เมี่ยน แน้ด เจี๊ยน เหฒียบ หฑั่ง จ๋า. ป้าย ก๊อง, “นาซาเล้ด มู้ง เญย เยซู, ยิวไท เมี่ยน เญย ฮู่ง.”
20ยิวไท เมี่ยน ธั้ม เญย โตะ วั้ว นอม ป้าย เญย หว่า, เหว่ย หฒุ เยซู หฒุ ตีง วั้ว นอม ต๋อง เล่ย เยลูซาเลม ฒี่ง ไม้ โก. ป้าย หย่า เฟี้ย เจี๊ยน ปัว หญู่ง หว่า. ม่าย ฮิบลู หว่า, ลาติน หว่า, เหธา กีก หว่า.
21ไซ เมี่ยน เปย๊ย โท้ ปีล้าด, “ไม้ ตู๋ง เฟี้ย ‘ยิวไท เมี่ยน เญย ฮู่ง.’ อ๋อย หฒุ เฟี้ย, ‘น้าย เต้า ก๊อง, เยีย โหฒว ยิวไท เมี่ยน เญย ฮู่ง.’”
22ปีล้าด เตา, “เยีย ฮนั้ง หาย นอ เฟี้ย, ธิ่น นิ่น ฮนั้ง วั้ว นอ อ๊ะ.”
23แปง เฒาะ เยซู ตีง เหฒียบ หฑั่ง จ๋า ลิ์ว, นิ่น บัว เฒาะ นิ่น เญย ลุย-โหว ปุน ฆอย โหฒว เปยย โก๊ว, เหยียด เต้า ตุ๊ โก๊ว. แอ๋ง ม่าย กะญั์ว วั้ว เหยี่ยม ลุย, เซ ดั๊ด ต้าย เป๋น เหยียด เต๋ย, ไม้ ม่าย ลุ่น เญย งุด. 24วั้ว เต๋ย แปง, ล่าน บั๋ว ล่าน, “น้าย เต๋ย ลุย, บัว ไม้ เป๊ด อ๊ะ เอาะ? โด๊ว หมั่ง ก๋า, หาย เต้า ตุ๊.”
น้าย เต๋ย สี่ ธ้วด ต้าย เหว่ย ปุน ต๋อย-ติ่ว เหฑ่ง กีง-โซว เญย หว่า. กีง-โซว ก๊อง,
“นิ่น บัว เฒาะ เยีย เญย ลุย-โหว ปุน ฆอย,
หย่า เฒาะ เยีย เญย ลุย โด๊ว หมั่ง หาย เต้า ตุ๊.”#สีง ฑูง 22:18
น้าย เต๋ย แปง ฯฒฯ ฮนั้ง น้าย นอ โหฒว.
25โซ้ว เจี๊ยน เยซู เญย เหฒียบ หฑั่ง จ๋า กะเฮลน ม่าย เยซู เญย มา, เหธา นิ่น เญย เฑี์ย-หม่า, แอ๋ง ม่าย เคโลปั๊ด เญย เอ๊า, มาลียา, เหธา มักดาลา มู้ง เญย มาลียา. 26เยซู ปวัด นิ่น เญย มา หย่า ปวัด นิ่น ฮนั้ม วั้ว เต้า ไซ-ก๋อ, อี เต้า โซ้ว นิด เจี๊ยน วั้ว, นิ่น ก๊อง บั๋ว นิ่น เญย มา, “อา มา อ่า, หน่าย เต้า เซ เม่ย เญย ตอน.” 27นิ่น หย่า ก๊อง บั๋ว วั้ว เต้า ไซ-ก๋อ, “น้าย เต้า เซ เม่ย เญย มา โอ่.” เยียม หน่าย ต้าย, วั้ว เต้า ไซ-ก๋อ ฯฒฯ ต้อ เยซู เญย มา มี่ง เหธา นิ่น จวั่ง เปย๊า เยียม.
เยซู ไต่ หมี่ อ๊ะ
(เป๊ย หมั่ง มัดทาย 27:45-56; มาโค 15:33-41; ลูกา 23:44-49)
28โฮ์ ต้าย, เยซู ฮิ้ว ตุ๊ หญู่งๆ โหฒว เหฒียง อ๊ะ. เหว่ย อ๋อย ปุน กีง-โซว เญย หว่า ธ้วด ต้าย ต๋อย เหฑ่ง, เยซู ฯฒฯ ก๊อง, “เยีย จาง ฆ้าด ไห่.”#สีง ฑูง 22:15; 69:21 29ม่าย นอม แป้ง ฒ่าง ปวั๊ง อะหงุ่น ติ๊ว-ซุย ตน เจี๊ยน วั้ว เดา. แปง ฯฒฯ เฒาะ ไล-เหฑย-ซ้อด เหฒียม อะหงุ่น ติ๊ว-ซุย ต้าย, แอ๋ง หล่ง หุโสบ ปย๊า ป๊ะ เจี๊ยน ธุ้น ฝาว เถา เยซู เญย ฑุ่ย. 30เยซู ฮบ ลิ์ว อะหงุ่น ติ๊ว-ซุย นิ่น ก๊อง, “ฑ่อย ฒุ่น อ๊ะโล่ะ!” ก๊อง เซ้ด, เยซู เญย มฆ้อง ฮน้าย เหฌี่ย ฯฒฯ ตั๋ง เฉีย หมี่ อ๊ะ.#19:30 กีก หว่า ก๊อง “...หย่า เฒาะ นิ่น เญย ลี่ง ว่วน ฝูง ปุน ทิน-ฮู่ง”.
แปง หล่ง ธัง ฑบ เยซู เญย หละญ้าบ
31วั้ว ฮนอย เซ เบ่น เจี๋ย ตี้ง กง ฮนอย เญย ฮนอย.#19:31 น้าย นอม ฮนอย ต๋อย บัว เญย เล์ย-ป๋าย ฮม์. ต้ง วั้ว ฮนอย ยิวไท เมี่ยน เบ่น เจี๋ย ตี้ง กง ฮนอย. ตี้ง กง ฮนอย เซ บัว เญย เล์ย-ป๋าย หลัวะ. โหฒว โฮล เญย ยิวไท เมี่ยน ฯฒฯ โท้ ปีล้าด ปุน แปง เบ๊าะ ตีง เจี๊ยน เหฒียบ หฑั่ง จ๋า วั้ว เต๋ย เมี่ยน เญย เหฒา เน้า, เฒาะ นิ่น บัว เญย เซย เหฌี่ย. ไม้ อ๋อย เลี่ยว เซย เยียม เหฒียบ หฑั่ง จ๋า, เหว่ย หฒุ ตะเหญ่ย ฮนอย เซ เหยียด นอม หล่ง เจี๊ยน เญย ตี้ง กง ฮนอย. 32แปง ฯฒฯ มี่ง เบ๊าะ เหธา เยซู หฒุ ตีง วั้ว เต๋ย เมี่ยน เญย เหฒา เน้า. เบ๊าะ ลิ์ว ตะเยี้ยด เต้า, แอ๋ง มี่ง เบ๊าะ ตะเหญ่ย เต้า เญย เหฒา เน้า. 33เถา เยซู วั้ว, ปวัด นิ่น ตั๋ง เฉีย หมี่ อ๊ะ, ฯฒฯ ไม้ เบ๊าะ นิ่น เญย เหฒา เน้า อ๊ะ. 34มป่า ม่าย เต้า แปง หล่ง ธัง ฑบ เยซู เญย หละญ้าบ. เลี่ยม เฒ่ย ม่าย ฑย้าม เหธา ววม เหลี่ยว ธ้วด ต้าย. 35ปวัด น้าย เต๋ย สี่ ธ้วด ลิ์ว วั้ว ล่าน เมี่ยน หย่า โหฒว ฒอง-เหฒง. นิ่น เญย หว่า หย่า หฒะเก้ง เฒียน เญย. นิ่น กั้น หย่า ฮิ้ว ตุ๊ นิ่น ก๊อง ตุ๊ เฒียน เญย เหว่ย ปุน เม่ย บัว ไฮ่ เสียน. 36นิ่น บัว ฮนั้ง น้าย นอ โหฒว เหว่ย ปุน กีง-โซว เญย หว่า ธ้วด ต้าย ต๋อย-ติ่ว. ม่าย โต่ว กีง-โซว ก๊อง,
“นิ่น เญย บู๊ง ไม้ หฒุ เน้า เหยียด ติ้ว.”#ธ้วด อียิบ 12:46; ซ้าว เมี่ยน 9:12; สีง ฑูง 34:20
37แอ๋ง ม่าย โต่ว กีง-โซว ก๊อง,
“นิ่น บัว อ๋อย หมั่ง เจี๊ยน นิ่น บัว ฑบ วั้ว ล่าน เมี่ยน.”#เสคาลิยา 12:10; หล่าว ย่าง 1:7
โยเซ้บ ต้อ เยซู เญย เซย มี่ง หฒัง
(เป๊ย หมั่ง มัดทาย 27:57-61; มาโค 15:42-47; ลูกา 23:50-56)
38น้าย เต๋ย สี่ ธ้วด ลิ์ว, อาลิมาเทีย มู้ง เญย โยเซ้บ โท้ ปีล้าด ปุน นิ่น เฒาะ เยซู เญย เซย ต้อ มี่ง. น้าย เต้า โยเซ้บ โหฒว เยซู เญย ไซ-ก๋อ มป่า นิ่น ไม้ ตอง หฒวัง โหฒว เหว่ย หฒุ นิ่น กั้ม เหฑีย โหฒว โฮล เญย ยิวไท เมี่ยน. ปีล้าด ฆอย ฑุ่ย, โยเซ้บ ฯฒฯ มี่ง เฒาะ เยซู เญย เซย ต้อ มี่ง หมี่ อ๊ะ. 39แอ๋ง ม่าย ต้ง ฒิ่น ด่าง ลู่ง ม์วน หฒั่น ต้าย ล์อ เยซู วั้ว เต้า นีโคเดมัด#โยฮัน 3:1-2 เหธา โยเซ้บ มี่ง. นิ่น ต้อ เจี๊ยน มูหย่อ เหธา อาโล เดีย-ดาง, อี หญู่ง กั๊บ ต้าย เล่ย ไม้ โก ฟ่า เหฒียบ ฮม์ กีโล เญย ต๋อง.
40นิ่น บัว อี เต้า เฒาะ เยซู เญย เซย หย่า เอย ยิวไท เมี่ยน ปย๊บ จั๋น-ไต่ เญย เล์ย, เฒาะ ล่าม่า เดีย เหธา วั้ว เต๋ย เดีย-ดาง เปว เจี๊ยน เซย.
41เยซู หฒุ ตีง เหฒียบ หฑั่ง จ๋า ไต่ วั้ว นอม ต๋อง ม่าย นอม หฮวีง. หฮวีง กะญั์ว ม่าย นอม เซียง-โฒ้ว, ไม้ แก้ง หฒัง เจี๋ย เหยียด เต้า จั๋น-ไต่. 42เหว่ย หฒุ วั้ว นอม ฮนอย เซ ยิวไท เมี่ยน เบ่น เจี๋ย ตี้ง กง ฮนอย เญย ฮนอย, น้าย นอม โฒ้ว หย่า นิด วั้ว ฟัด เญย, นิ่น บัว ฯฒฯ ต้อ เยซู เญย เซย มี่ง หฒัง วั้ว.
Currently Selected:
โยฮัน 19: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
