Genèse 10

Noowa naantiibi bɔti

(Kpèè 1 Kroo 1.5-23)

1Nnyiŋgbeen boonee, Noowa jipɔmbi Seem nì Kaam nì Jaafeeti màl̄ ki būtì. Bi-maaliŋu biyaamu sɔ̀.

2Jaafeeti jipɔmbi di sá Goomeer nì Maagoogi nì Madeeyi nì Yafan nì Tubaal nì Meeseeki nì Tiiraasi. 3Goomeer jipɔmbi yiŋŋi di sá Asikeenaasi nì Riifati nì Toogarma. 4Yafan jipɔmbi yiŋŋi di sá Eeliisa nì Taarsiisi nì Kiitiim nì Roodaniim. 5Bíǹ maaliŋu gbanti di yàl̄ kitiŋ kɔkɔ pu ki kíǹ ki kóò akiti akiti ki nóó nì dinikitil kamaa sooŋyi nì di-naakooku nì di-tiŋki nì di-timbundi.

6Kaam jipɔmbi di sá Kusi nì Miisirayiim nì Puuti nì Kanaan. 7Kusi jipɔmbi yiŋŋi di sá Seeba nì Afiila nì Sabita nì Raama nì Sabiteeka. Raama jipɔmbi di sá Keeba nì Deedan. 8Kusi jipɔɔn ubɔ di sá Niimroodi, úǹ di sá ubaatandaan upeekaa kitiŋ pu. 9U nìn sá ukpaŋkpil ní ti-Dindaan nimbiin, an pu ní bi ŋá dilimbil yii: «Ukpaŋkpil ti-Dindaan nimbiin kii Niimroodee.» 10Ntimu mun poon u péé ki jíń dibeelee di sá Siinaar timmu mun bi yíì Babeel nì Eereeki nì Akaadi nì Kalneeyee. 11Boonee ní u yíkì Siinaar timmu gbantin ki nín cá Asuur tiŋkin. U bàn̄ niinee ní ki náań Niiniifi nì Reewoobooti-Iirii nì Kaalaa timmu. 12Ní ki dāa náań Reeseen tiŋki kin bí Niiniifi tiŋki nì Kaalaa tiŋkpaaŋki kansikinee.

13Miisirayiim di màl̄ Luudi yab nì Anam yab nì Leeyaab yab nì Naafutu yab 14nì Patrusi yab nì Kasluu yab bin maaliŋu poon Fiiliistii yab nyánnée, nì Kafitoor yab.

15Kanaan màl̄ u-jipɔmpeepeekaau Siidɔn, ní ki dū Eeti ki páaǹ. 16Kanaan gbanti naantiibi di sá Jeebusi yab nì Amɔɔr yab nì Giirgaasi yab 17nì Eeti yab nì Arkii yab nì Siini yab 18nì Arfaadi yab nì Seemaar yab nì Amati yab. Boonee ní Kanaan yab naakɔti yàl̄, 19ní bi-tiŋki wāaǹ ki yōoǹ Siidɔn tiŋki ki jítì Geeraar tiŋki ki tin bàn̄ Gaasaa, ní ki dūu dī Soodoom nì Goomoora nì Adima nì Seebooyiim watil pú ki tin cáa sāā Laasaa. 20Kaam biyaamu nín yākatì pu ki nóó nì bi-naakɔti nì bi-sooŋyi, ki bí bi-timmu nì bi-timbuŋŋi poonee dee.

21Seem un sá Jaafeeti maanee mun màl̄ mbininjabiyaamu. Seem di sá Eebeer nì u-maaliŋu kɔkɔ naanja. 22Seem jipɔmbi yiŋŋi di sá Eelam nì Asuur nì Aripakisaadi nì Luudi nì Aram. 23Aram jipɔmbi di sá Uuti nì Uul nì Geeteer nì Maasi. 24Aripakisaadi màl̄ Seera, ní Seera màl̄ Eebeer. 25Eebeer màl̄ mbininjabiyaamu muli ní. Bi yíì kipeekaai yii Peeleegi, kun puee kíǹ yuntiŋu ní binib cúu yākatì tɔbin kitiŋ pu. Ní ki yíì kililiitii yii Yookitan. 26Ní Yookitan màl̄ Almoodaadi nì Seeleefi nì Asalimafeeti nì Yeeraki 27nì Adooram nì Usaal nì Dikila 28nì Oobaal nì Abimayeel nì Seeba 29nì Oofiiri nì Afiila nì Yoobaab. Bíǹ kɔkɔ di sá Yookitan jipɔmbi. 30Bi nìn kóò kitiŋ kin dɔ̄ kí yòon̄ Meesa kí cáá sāā Seefaar dijool din bí ŋwìiń nyalaŋki púee. 31Seem biyaamu nín yākatì pu ki nóó nì bi-naakɔti nì bi-sooŋyi, ki bí bi-timmu nì bi-timbuŋŋi poonee dee.

32Tinaakɔti tin kɔkɔ nyánní Noowa maaliŋunee dee, kunaakoou kamaa nì ku-maaliŋu nì ku-timbuŋŋi. Ki dī bíǹ pu ní atimbun kɔkɔ yàl̄ ki gbí kitiŋ kɔkɔ pu nnyiŋgbeen boon.

Currently Selected:

Genèse 10: BASSARDC

Highlight

Copy