HECHOS 6
6
Paqallqu diacononak ajllipxi
1Uka urunakansti, iyawsirinakax waljaniw yapxattäna, ukatsti griego arut parlirinakax, hebreo arut parlirinakatakiw arusipxäna,#6.1 Hebreo arut parlirinaka: Judío jaqinakänwa, hebreo, jan ukax arameo aru parlirinaka, jupanakasti saräwinakapat janiw armasipkänti (Hch 21.20). jupanak taypin utjir ijma warminakar sapür manq'a lakïwin, jan suma yäqatätap layku. 2Ukatsti tunka payan apostolunakax taqpach iyawsirinakar jawsthapisaw jupanakar sapxäna:
—Nanakatakix janiw walïkiti Diosan arunakap parlañ apanukusin manq'a lakiskañaxa. 3Ukhamasti jilatanaka, jumanak taypit paqallq chachanak ajllipxam. Uka chachanakasti sarnaqäwinakapan aski chachanakäñapawa, Qullan Ajayump phuqt'ata, suma amuyt'irinakaraki, jupanakaruw uka lurañanak churañäni. 4Nanakasti Tatitut mayisiñaruw katuyasipxä, ukhamarak jupan arunakap yatichañaru —sasa.
5Jupanakasti uka arsutarux iyawakïpxänwa, ukatsti Estebanaruw ajllipxäna, jupax iyawsañampi, Qullan Ajayump phuqt'at jaqïnwa, ukatsti Feliperu, Prócoro sat chacharu, Nicanor, Timón, Pármenas, Antioquiankir Nicolás jilatampiru. Uka Nicolás jilatax nayraw judionakan iyawsäwipar kutikipstatayna. 6Uka qhipatsti apostolunakan nayraqataparuw ajllit chachanakar irpkatapxäna. Ukat apostolunakax amparanakap jupanakar luqxatasin Tatitut mayipxäna.
7Diosan arunakapax taqi tuqin yatiyasïna, iyawsirinakasti waljanipuniw Jerusalenan yapxattäna; judío sacerdotenakamppachaw Tatitur iyawsapxarakïna.
Esteban chacharuw katuntapxi
8Esteban chachax Diosan ch'amapampi, aski waxt'äwipamp phuqt'atäsinxa, muspharkay luräwinakampi, unañchäwinakamp jaqinak taypin luräna.#6.8 Esteban: chachaw Cristor arkirinakat nayraqat jiwawayi (Hch 7.54-60). Jupasti, Jesusjamarakiw muspharkay luräwinaka, unañchäwinak luräna, juparux Diosataki, Tatitun utapatak jan walinak parlkaspa ukham k'arintapxäna (vv. 13-14). Qhip qhipa arunakapasti (Hch 7.59-60) Jesusan arunakapat amtayarakistu. 9Ukapachasti Cirene markankir yaqhip judío jaqinakax Estebanampiw jiskhintasipxäna, Alejandría markankir yaqha judío jaqinakamp chika, uka jaqinakasti “Antutat Jaqinaka” sat Sinagogankirïpxänwa. Estebanampix Cilicia uraqit jutirinakasa, Asia suyut jutirinakas jiskhintasipxarakïnwa. 10Ukampis jupanakat janiw maynis Estebanar atipañatak ch'amanïkänti, Estebanax Qullan Ajayun ch'amapampix wali yatiñ kankañampiw parläna. 11Ukat uka judío jaqinakax mä qawqhanir qullqi chilltapxäna, jupanakan sapxañapataki: “Nanakax Estebanarux Moisesatak ñanqha arunak parlir ist'apxta, Diosatakis jan wal parlir ist'apxta”#6.11 Mt 26.65; Mc 14.64. sasa.
12Ukhamat markachirinakar wiytapxi, jilïr jaqinakampiru, kamachinak yatichirinakampiru; ukat Estebanar katuntapxi, ukatsti jilïrinakan Jach'a Tantachäwiparuw irpapxaraki. 13Ukhamarus k'ari qhanañchirinak thaqhapxi, ukanakasti sapxänwa:
—Aka jaqix qullan utar ñaqhachañataki, kamachir ñanqhachañatakiw parlaski. 14Ukxarusti Nazaretankir Jesusat akham parlir ist'apxta: Jupax Tatitun utap t'unjani, ukatsti Moisesan jaytat saranaksa mayjt'ayarakiniwa —sasa.
15Ukapachax marka apnaqirinakampi, taqi khitinakatix ukan qunt'atäsipkän ukanakasti, Estebanan ajanup uñkatasax, mä angelan ajanupäkaspas ukham uñkatapxäna.
Currently Selected:
HECHOS 6: AYOPD
Highlight
Share
Copy
Want to have your highlights saved across all your devices? Sign up or sign in
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996
