Sɛ́aŋ 8
8
1Yə́sus nyɔ́lɛ́ aáság kɛɛn a oʼkon ó pá Olifiyə́ə. 2A koany kaáyɛnɛ kóog, pɛ́ʼpɛ́b, əyúúlíni a Tɛ́mpɛl. Wɔnɔ́ ná pɔɔd piim pə́yíímən kɔ kɛnɔ kɛ́ ayɛ́ɛ, aáság kuləndin a nsí agoboyáʼkananɛ. 3Palɛŋ pɛcɛm, na Pafalɛsɛyɛ́ɛŋ pááság kumuyíimin anɛ́ɛ́n kɔ na ɔʼkɛ́ɛd nyummú nyɔ́ píígúmin na mɔɔd, pə́mə́mudə́nígi a udi ó mɔɔd ungim. 4Náa pɔ́nɔ́ na Yə́sus: «Kɛlág tála ə́. Tiə́gumin ɔʼkɛ́ɛd nyóonɛ na mɔɔd. 5Moyíis yiísə́ə́ a pɛcɛm lɛ́ pə́məʼkugumin ɔʼkɛ́ɛd náan na mɔɔd, pámodóan na aʼtáán, ə́gu#8.5 Kɛ́lɛ náan a kálaʼtaʼ ɛ Ləf 20.10; Tɛʼt 22.22-24 A nɛáŋ óoʼ, wɔʼkɔ́ nkə ə́?» 6Páyɛ́ɛ agosɔyɔ náan lɛ́ páyɛ́ɛ na mafɛgaʼ móonɛ lɛ́ pə́mudə́əŋi a kisindiʼ ná pɔ́ɔŋ ɛgom ígusəə lɛ́ alɛ agɛɛlɛ kɔbɛ́. Náa, Yə́sus nyɔ́lɛ́ aáság kobodɛm, əə́bə́ə́ kudilə a nsí na ɛnoónó. 7Wɔnɔ́ ná páyɛ́ɛ agomolɔ́gɔ əgín ntóɛŋ na paʼkɛ́sɔn, aáság kiiʼkini kodɛ́ɛmɛn, náa ɔnɔ́ na pɔ́lɛ́: «Úmmuʼ a ondáŋ wááŋan nyɔ́ adɛ́njaŋ kɛɛlɛɛ́ kɔbɛ́, ə́də́əmini nɛdáán nɛ́ na oʼto na oʼto, ámodɔ́ɛd.» 8Aáság kiiʼkini kobodɛm əgudilə a nsí. 9Ná páyóób náan, pə́ə́bə́ə́ kosánan úmmuʼ úmmuʼ, kəə́bə́ə́ a pasaá. Yə́sus aáság kolɔb nyɔ́lɛ́nyɔ́əsíŋ, ɔʼkɛ́ɛd kidə́níʼtən a udi wə́ə́ŋ, 10Yə́sus aáság kodɛ́ɛmɛn, náa ɔnɔ́ na nyɔ́lɛ́: «Íyowó, pɔɔd pá pə́míim na wɛ pálɛ ə́lə́ə́? Ɔmbɔ́ úmmuʼ adɛgoyɛ́ʼkɛnɛn nsɔ́ɔ́ ɔ́?» 11Əyímuyúlísíni ɔnɔ́: «Ɔmbɔ́ úmmuʼ, Sə́dúk.» Náa Yə́sus ɔnɔ́ na nyɔ́lɛ́: «Mɛ tɛn ntɛágoyɛ́ʼkɛn nsɔ́ɔ́. Tod, náa udiyíʼkíni agá kɛɛlɛ kə́mmú kɔbɛ́.» ]
Yə́sus alɛ kisəə kɛ́ a nsí
12Yə́sus əyíʼkíni kodɛ́anɛ na kiʼtúú kɛ́ pɔɔd ɔnɔ́: «Mɛ, ndɛ kisəə kɛ́ a nsí#8.12 Pódála tɛn náan a kálaʼtaʼ yɛ Ɛsa 49.6; Maʼt 5.14; Sɛ́a 9.5 Nyɔ́ alɛɛ́ əginjə́ən, adɛndɛ́ɛ́ kodáŋana a mbin. Alɛ́ɛ́ kɛɛn na kisəə kɛ́ kɛ́agɛɛ́ʼkɛnanan ɔlaa.» 13Náa Pafalɛsɛyɛ́ɛŋ pɔ́nɔ́ na nyɔ́lɛ́: «Wagaádɛ́lɛmɛn mbaasɔ́ wɛɛ́nyɔ́amɔɛ́d á? Mbaasɔ́ yaaŋ ɛlɛ iyó!» 14Əyíbuyúlísíni ɔnɔ́ na pɔ́lɛ́: «Kɛ́lɛ náan fɔ́lɔ́b lɛ́ ndɛ agaádɛ́lɛmɛn mbaasɔ́ mɛɛ́nyɔ́amɔɛ́d. Náa, nkə kɛ́ ndɛɛ́ əgusəə kɛ́lɛ́ fɔ́lɔ́b lɛ́ mɛ mbálɛŋ kɛnɔ kɛ́ ndɛɛ́ əgiim. Mbálɛŋ tɛn ə́lə́ə́ áa ndɛɛ́ agɛɛn. Kɔmɔɛ́d lɛ́ pəŋi podɛálɛŋ ə́lə́ə́ áa ndɛɛ́ əgiim. Pondɛŋ tɛn ə́lə́ə́ áa ndɛɛ́ agɛɛn. 15Pəŋi pɛyɔm pɛáŋan pɛ́lɛ a ombod ó pɔɔd. Mɛ, ntɛɔ́yɔmɛ mɔɔd. 16Kɛbán kímuʼ, kɛ́maʼkɛɛn lɛ́ njɔmɛ mɔɔd, pɛ́am pɛyɔm pɛ́lɛ a fɔ́lɔ́b lɛ́ ntɛɔ́gɔ mɛnyɔ́əsíŋ. Mbáa nyɔ́ əyíím yɛ́ʼtom alɛ na mɛ. 17A kálaʼtaʼ yaaŋan ɛ pɛcɛm kɛ́lɛ kɔ kidiídílə́ lɛ́ pɔɔd pábaan pámaʼkosánɛ mbaasɔ́ yoom ímuʼ a kɛbán, mbaasɔ́ yɛ́ɛy ɛlɛ yɛ́ɛnɛ lɛ́ pə́ə́liʼtini#8.17 Kɛ́lɛ náan a kálaʼtaʼ ɛ Tɛʼt 19.15; Pódála tɛn náan a Tɛʼt 17.6; Ɔmb 35.30 18Mɛ mbááyágɛ́nɛ́ɛ́ mbaasɔ́ mɛɛ́nyɔ́amɔɛ́d. Paabá tɛn nyɔ́ əyíím yɛ́ʼtom amɛ́nyaágɛn yɛ́lɛ́.» 19Náa pɔ́nɔ́ na nyɔ́lɛ́: «Sɛ waaŋ alɛ ə́lə́ə́ ə́?» Əyíbuyúlísíni ɔnɔ́ na pɔ́lɛ́: «Podɛndɛŋɛn mɛ, pondɛŋɛn tɛn Paabá. Poyɛ́ndɛŋɛn, ná poálɛŋ tɛn Sɛ waam.» 20A Tɛ́mpɛl a kaadɛ, a kɛnɔ kɛ́ pálɛɛ́ agaágan ngab aa Yə́sus yɛɛ́sɔ́yɔ tɔgɛ́ɛ́ tóod kɛnɛŋ kɛ́ ayɛ́ɛ agaaʼkananɛ pɔɔd. Mɔɔd adɛʼkáamodɔ́bɛd lɛ́ wɔɔ́s wə́ə́ŋ oyɛ́ɛ údínjíig.
Kɛnɔ kɛ́ mɛ ndɛɛ́ agɛɛn, pəŋi podɛɔ́gɔ págɛɛn kɔ
21Yə́sus aáság kiiʼkini kobodɛ́anɛ ɔnɔ́: «Mɛ mbɛ́ɛn; polɛ́ɛ́ kinjuunə, náa, polɛ́ɛ́ kugu na mabɛ́ mááŋan. Kɛnɔ kɛ́ ndɛɛ́ agɛɛn, pəŋi podɛɔ́gɔ págɛɛn kɔ.» 22Yúdɛn yəə́bə́ə́ kosɔyɔ yɔ́nɔ́: «Nisəə niə́ŋ nɛ́ɛn lɛ́ “Kɛnɔ kɛ́ ndɛɛ́ agɛɛn, pəŋi podɛɔ́gɔ págɛɛn kɔ”, alɛ agɛɛn agaáyóon agá óm?» 23Yiísə́ə́ ɔnɔ́ na pɔ́lɛ́: «Pəŋi polɛ pá a nsí; mɛ, ndɛ nyɔ́ a mɔɛn. Pəŋi polɛ agoob na nsí; mɛ, ntɛɔ́gɔ agoob na yɛ́lɛ́. 24Kólɛ́ aa mbábodɛánɛ lɛ́ polɛ́ɛ́ kugu na mabɛ́ mááŋan. Kɛ́lɛ lɛ́, pudiə́liʼtinini lɛ́ mɛ áa ndɛɛ́ Nyɔ́ alɛɛ́, polɛ́ɛ́ kugu na mabɛ́ mááŋan#8.24 Pódála tɛn náan a kálaʼtaʼ yɛ Ɔsa 3.14-15 » 25Náa pɔ́nɔ́ na nyɔ́lɛ́: «Wɛ, olɛ ánɛ ə́?» Əyíbuyúlísíni ɔnɔ́: «Ndɛ nkə kɛ́ ndɛɛ́ agobodɛ́ananɛ kɔ́gɔ́ɔg əgín a niə́bə́ə. 26A noá na pəŋi, pɛbán pɛ́lɛ kɔ piíŋ pɛ́ ndɛɛ́ ugusəə. Pɛ́lɛ tɛn kɔ piíŋ pɛ́ ndɛɛ́ ogobosásan a pɛ́lɛ́. Náa, nyɔ́ əyíím yɛ́ʼtom alɛ əgusəə fɔ́lɔ́b. Nkə kɛ́ ndɛɛ́ agodɛ́ananɛ na pɔɔd kɛ́lɛ nkə kɛ́ mbóób na nyɔ́lɛ́.» 27Pádɛʼkáagoob lɛ́ kɛbán kɛ́ Paabá aa ayɛ́ɛ agobodɛ́anɛ. 28Náa Yə́sus ɔnɔ́ na pɔ́lɛ́: «Ná polɛ́ɛ́ kobágɛ Mɔɔ́n o mɔɔd a mɔɛn, áay aa polɛ́ɛ́ kolɛŋɛɛ́ anɛ́ɛ́n lɛ́ “mɛ áa ndɛɛ́ nyɔ́ alɛɛ́”, nkə kímuʼ tɛn kɛ́ ndɛɛ́ agɛɛlɛ a oʼto wáam kɛ́dɛɔ́gɔ. Ndɛ əgusəə əgín nkə kɛ́ Mbáa amɛ́nyaʼkánánɛ. 29Nyɔ́ əyíím yɛ́ʼtom alɛ na mɛ, ədiʼtíinin mɛnyɔ́əsíŋ lɛ́ ndɛ agɛɛlɛ pɛnɛŋ piim nkə kɛ́ kíəmugə́mmi.» 30Ná páyóób tɔgɛ́ɛ́ tuə́ŋ tó ayɛ́ɛ agosɔyɔ, piíŋ páyáág oʼto na nyɔ́lɛ́.
Pɛɛlɛ mabɛ́ pálɛ wɔnɔ́ pɛɔ́lɛ́
31Yə́sus aáság kodɛ́anɛ na Yúdɛn yɛ́ ɛyáág oʼto na nyɔ́lɛ́ ɔnɔ́: «Polɛ fɔ́lɔ́b paaʼkan páam ná puə́gumin tɔgɛ́ɛ́ tóam. 32Áay poalɛŋ pasáád, ná pasáád póob páboyɛ́ɛlɛ póɛn filí.» 33Páyɛ́modɛánɛ pɔ́nɔ́ na nyɔ́lɛ́: «Tɛlɛ ndɛg yɛ Ábɛlaam, tɛdɛ́njag kɛɛn pɛɔ́lɛ́ pɛ́ mɔɔd. Tuə́ áa olɛɛ́ ugusəə anɛ́ɛ́n lɛ́ tɛagaán pɔɔd pá pálɛɛ́ filí ə́.» 34Yə́sus əyíbuyúlísíni ɔnɔ́ na pɔ́lɛ́: «A fɔ́lɔ́b fɔ́lɔ́b ndabodɛ́anɛ lɛ́, mɔɔd ungim nyɔ́ aágɛɛlanɛ mabɛ́, alɛ kɛɔ́lɛ́ kɛ́ mabɛ́. 35Kɛɔ́lɛ́ kɛ́dɛɔ́gɔ pɛnɛŋ piim a kibúúm kiə́ŋ. Kɔmɔɛ́d lɛ́ mɔɔ́n o kibúúm nyɔ́lɛ́ alɛ pɛnɛŋ piim a kibúúm. 36Mɔɔ́n o kibúúm amaʼkoboyɛ́ɛlɛ lɛ́ póan filí, pudiə́giʼkini kɛɛn kə́mmú pɛɔ́lɛ́. 37Ɛɛ́ɛ mbálɛŋ lɛ́ polɛ ndɛg yɛ́ Ábɛlaam. Náa, polɛ agosáŋɛnɛ lɛ́ tɔgɛ́ɛ́ tóam tóboosɔd, kólɛ́ aa polɛɛ́ əguunə kɛnjoon. 38Nkə kɛ́ ndɛɛ́ əgusəə kɛ́lɛ nkə kɛ́ mbádála na Sɛ waam. Kɔmɔɛ́d lɛ́ pəŋi polɛ agɛɛlɛ nkə kɛ́ pomóób na sɛ waaŋan!» 39Pə́yímuyúlísíni pɔ́nɔ́ na nyɔ́lɛ́: «Sɛ wəəs anyóon Ábɛlaam.» Ayɛ́bodɛánɛ ɔnɔ́ na pɔ́lɛ́: «Kɛ́maʼkɛɛn lɛ́ polɛ fɔ́lɔ́b ndɛg yɛ Ábɛlaam, ɛlɛ́an pɛbán pɛ́ nyɔ́lɛ́ ayɛ́ɛ́lɛ. 40Kɛbán kímuʼ, pəŋi polɛ əguunə kɛnjoon, mɛ nyɔ́ ndɛɛ́ agobodɛ́anɛ fɔ́lɔ́b yɛ́ mbóób na Táán. Ábɛlaam adɛʼkáagɛɛlɛ yoom wɔnɔ́ yɛ́ɛy náan! 41Pəŋi polɛ agɛɛlɛ pɛbán wɔnɔ́ ná sɛ waaŋan ayɛ́ɛ́lɛ.» Píísə́ə́ pɔ́nɔ́ na nyɔ́lɛ́: «Tɛdɛɔ́gɔ pɔɔ́n pá pɛɔg, tigóódi sɛ mmuʼ súg, ogo aa nyóon, Táán!» 42Yə́sus yiísə́ə́ ɔnɔ́ na pɔ́lɛ́: «Kɛ́yɛ́ɛnɛn lɛ́ Táán alɛ fɔ́lɔ́b Sɛ waaŋan ná polɛ agɛnnyɔ́ŋɛn lɛ́ na nyɔ́lɛ́ aa ndɛɛ́ əgiim. A nyɔ́lɛ́ tɛn aa ndɛɛ́ áanɛ. Ntiimin áanɛ a oʼto wáam ó mɛɛ́nyɔ́amɔɛ́d; náa, nyɔ́lɛ́ aa əyíím yɛ́ʼtom. 43A igə aa podɛágoóbɛ́ɛ́ nkə kɛ́ ndɛɛ́ agobodɛ́anɛ? Kɛ́lɛ lɛ́ podɛɔ́gɔ págaáʼkɛ koob mɛ tɔgɛ́ɛ́. 44Sɛ waaŋan alɛ, Omɔlɛɔ́g Nkə kɛ́ kíəmugə́mmi aa polɛɛ́ anyɔ́ŋɛn kɛɛlanɛ. Kɔ a niə́bə́ə, kiə́ŋ kɛ́lɛ əgín lɛ́ yóóna pɔɔd. Ɔdɛɔ́gɔ ugusəə fɔ́lɔ́b lɛ́ fɔ́lɔ́b ɛdɛɔ́gɔ na nyɔ́lɛ́. Kɛnɛŋ kɛ́ alɛɛ́ agosom pɛnyaʼ, alɛ agosɔyɔ wɔnɔ́ ná kɛ́lɛɛ́ lɛ́ ɔ́sɔyɔ, lɛ́ alɛ mɔɔd o pɛnyaʼ, nyɔ́lɛ́ aa aálón na pɛ́lɛ́. 45Náa mɛ, fɔ́lɔ́b áa ndɛɛ́ əgusəə. A oʼto wóow aa pudiə́ginyəə́liʼtinií. 46Ánɛ úmmuʼ a ondáŋ wááŋan aa alɛɛ́ agodɛ́lɛm mbaasɔ́ lɛ́ mɛ mbáʼkoyag kɛɛlɛ kɔbɛ́? Nga ndɛ əgusəə fɔ́lɔ́b, a igə anɛ́ɛ́n áa pudiə́ginyəə́liʼtinií? 47Nyɔ́ alɛɛ́ o Táán, agoob tɔgɛ́ɛ́ tó Táán. Náa, pəŋi podɛɔ́gɔ pá Táán, kólɛ́ aa podɛɔ́gɔ agɛnjoóbɛ́ɛ́.» 48Yúdɛn iyímuyúlísíni yɔ́nɔ́: «Kɛnɛŋ kɛ́ tɛlɛ əgusəə lɛ́ olɛ mɔɔ́n ó Səməlíi, na lɛ́ uŋun wó ɔmbɛ́ úgugóódi, tɛsómɛn pɛnyaʼ.» 49Ayɛ́bodɛánɛ ɔnɔ́ na pɔ́lɛ́: «Iyó, ntɛɔ́gɔ na uŋun wó ɔmbɛ́. Mɛ, ndɛ agonyáadɛ Sɛ waam, náa, pəŋi poágɛsoolanɛ mɛ! 50Ntɛɔ́gɔ əguunə lɛ́ pɔɔd pɛ́nyɛɛ́ʼkɛn nugəm, ndóo. Mɔɔd alɛ kɔ nyɔ́ alɛɛ́ əguunə kɛnyɛɛ́ʼkɛn nugəm. Nyɔ́lɛ́ aa alɛɛ́ onjɔmɛʼ. 51A fɔ́lɔ́b fɔ́lɔ́b ndabodɛ́anɛ lɛ́, mɔɔd amaʼkoob mɛ tɔgɛ́ɛ́, adɛndɛ́ɛ́ kugu.» 52Náa Yúdɛn yɔ́nɔ́ na nyɔ́lɛ́: «Tɛáʼkolɛŋ nɛ́gɔŋ lɛ́ uŋun wó ɔmbɛ́ ólɛ fɔ́lɔ́b na wɛ. Ábɛlaam yiígú, palɔɛgɛʼ pɛbán pá Táán pə́ə́gú. Náa, wɛ wɔʼkɔ́ mɔɔd əməʼkugumin tɔgɛ́ɛ́ toáŋ, adɛndɛ́ɛ́ kugu ə? 53Omááyɛn anyóon Ábɛlaam, mbáa yəəs nyɔ́ oʼkóʼkóón á? Nyɔ́lɛ́ yiígú, palɔɛgɛʼ pɛbán pá Táán pə́ə́guə́ʼkən. Olɛ əgəə́siəd lɛ́ olɛ ánɛ ə́?» 54Yə́sus əyíbuyúlísíni ɔnɔ́: «Mbɛ́ɛ əgəə́gə́midi mɛɛ́nyɔ́amɔɛ́d ná nugəm nóam nólɛ́ iyó. Sɛ waam aa alɛɛ́ əgiʼkə́midi. Nyɔ́lɛ́ nyɔ́ poɔʼkɔ́ alɛ Táán waaŋan. 55Podɛmoólɛŋɛn, kɔmɔɛ́d lɛ́ mɛ mbámoólɛ́ŋ. Mbɛ́ɛ əsəə lɛ́ ntɛmoólɛŋɛn ná ndɛ na pɛnyaʼ wɔnɔ́ pəŋi. Náa mɛ, mbámoólɛ́ŋ, ndɛ agoóbɛn tɛn tɔgɛ́ɛ́ tuə́ŋ. 56Sɛ waaŋan Ábɛlaam yɛɛ́nyɔ́ga a mafɛgaʼ móonɛ lɛ́ alɛ́ɛ́ kodála wɔɔ́s wó ndɛ́ɛ́ kiimií. Aádála wɔɔ́s ogo, tɔnyɔ́g toáság komoosán oʼto.» 57Áay, Yúdɛn yaáság kusəə yɔ́nɔ́ na nyɔ́lɛ́: «Wɛ, udínjíig ɔmbɔ́ pɛag əʼtin ábaan na pɛówád, úusəə wɔʼkɔ́ waádála Ábɛlaam a?» 58Yə́sus yiísə́ə́ ɔnɔ́ na pɔ́lɛ́: «A fɔ́lɔ́b fɔ́lɔ́b, ndabodɛ́anɛ lɛ́, a kóonɛ lɛ́ Ábɛlaam ə́díin yəə́bíən, mɛ njɛ́ɛ mbándɛ kɔ.» 59Áay anɛ́ɛ́n, pááság kobáda aʼtáán agomodóan. Náa, Yə́sus ɔyɔ́ɔ́sɛm, aálón a Tɛ́mpɛl.
Currently Selected:
Sɛ́aŋ 8: yatDBL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015
Sɛ́aŋ 8
8
1Yə́sus nyɔ́lɛ́ aáság kɛɛn a oʼkon ó pá Olifiyə́ə. 2A koany kaáyɛnɛ kóog, pɛ́ʼpɛ́b, əyúúlíni a Tɛ́mpɛl. Wɔnɔ́ ná pɔɔd piim pə́yíímən kɔ kɛnɔ kɛ́ ayɛ́ɛ, aáság kuləndin a nsí agoboyáʼkananɛ. 3Palɛŋ pɛcɛm, na Pafalɛsɛyɛ́ɛŋ pááság kumuyíimin anɛ́ɛ́n kɔ na ɔʼkɛ́ɛd nyummú nyɔ́ píígúmin na mɔɔd, pə́mə́mudə́nígi a udi ó mɔɔd ungim. 4Náa pɔ́nɔ́ na Yə́sus: «Kɛlág tála ə́. Tiə́gumin ɔʼkɛ́ɛd nyóonɛ na mɔɔd. 5Moyíis yiísə́ə́ a pɛcɛm lɛ́ pə́məʼkugumin ɔʼkɛ́ɛd náan na mɔɔd, pámodóan na aʼtáán, ə́gu#8.5 Kɛ́lɛ náan a kálaʼtaʼ ɛ Ləf 20.10; Tɛʼt 22.22-24 A nɛáŋ óoʼ, wɔʼkɔ́ nkə ə́?» 6Páyɛ́ɛ agosɔyɔ náan lɛ́ páyɛ́ɛ na mafɛgaʼ móonɛ lɛ́ pə́mudə́əŋi a kisindiʼ ná pɔ́ɔŋ ɛgom ígusəə lɛ́ alɛ agɛɛlɛ kɔbɛ́. Náa, Yə́sus nyɔ́lɛ́ aáság kobodɛm, əə́bə́ə́ kudilə a nsí na ɛnoónó. 7Wɔnɔ́ ná páyɛ́ɛ agomolɔ́gɔ əgín ntóɛŋ na paʼkɛ́sɔn, aáság kiiʼkini kodɛ́ɛmɛn, náa ɔnɔ́ na pɔ́lɛ́: «Úmmuʼ a ondáŋ wááŋan nyɔ́ adɛ́njaŋ kɛɛlɛɛ́ kɔbɛ́, ə́də́əmini nɛdáán nɛ́ na oʼto na oʼto, ámodɔ́ɛd.» 8Aáság kiiʼkini kobodɛm əgudilə a nsí. 9Ná páyóób náan, pə́ə́bə́ə́ kosánan úmmuʼ úmmuʼ, kəə́bə́ə́ a pasaá. Yə́sus aáság kolɔb nyɔ́lɛ́nyɔ́əsíŋ, ɔʼkɛ́ɛd kidə́níʼtən a udi wə́ə́ŋ, 10Yə́sus aáság kodɛ́ɛmɛn, náa ɔnɔ́ na nyɔ́lɛ́: «Íyowó, pɔɔd pá pə́míim na wɛ pálɛ ə́lə́ə́? Ɔmbɔ́ úmmuʼ adɛgoyɛ́ʼkɛnɛn nsɔ́ɔ́ ɔ́?» 11Əyímuyúlísíni ɔnɔ́: «Ɔmbɔ́ úmmuʼ, Sə́dúk.» Náa Yə́sus ɔnɔ́ na nyɔ́lɛ́: «Mɛ tɛn ntɛágoyɛ́ʼkɛn nsɔ́ɔ́. Tod, náa udiyíʼkíni agá kɛɛlɛ kə́mmú kɔbɛ́.» ]
Yə́sus alɛ kisəə kɛ́ a nsí
12Yə́sus əyíʼkíni kodɛ́anɛ na kiʼtúú kɛ́ pɔɔd ɔnɔ́: «Mɛ, ndɛ kisəə kɛ́ a nsí#8.12 Pódála tɛn náan a kálaʼtaʼ yɛ Ɛsa 49.6; Maʼt 5.14; Sɛ́a 9.5 Nyɔ́ alɛɛ́ əginjə́ən, adɛndɛ́ɛ́ kodáŋana a mbin. Alɛ́ɛ́ kɛɛn na kisəə kɛ́ kɛ́agɛɛ́ʼkɛnanan ɔlaa.» 13Náa Pafalɛsɛyɛ́ɛŋ pɔ́nɔ́ na nyɔ́lɛ́: «Wagaádɛ́lɛmɛn mbaasɔ́ wɛɛ́nyɔ́amɔɛ́d á? Mbaasɔ́ yaaŋ ɛlɛ iyó!» 14Əyíbuyúlísíni ɔnɔ́ na pɔ́lɛ́: «Kɛ́lɛ náan fɔ́lɔ́b lɛ́ ndɛ agaádɛ́lɛmɛn mbaasɔ́ mɛɛ́nyɔ́amɔɛ́d. Náa, nkə kɛ́ ndɛɛ́ əgusəə kɛ́lɛ́ fɔ́lɔ́b lɛ́ mɛ mbálɛŋ kɛnɔ kɛ́ ndɛɛ́ əgiim. Mbálɛŋ tɛn ə́lə́ə́ áa ndɛɛ́ agɛɛn. Kɔmɔɛ́d lɛ́ pəŋi podɛálɛŋ ə́lə́ə́ áa ndɛɛ́ əgiim. Pondɛŋ tɛn ə́lə́ə́ áa ndɛɛ́ agɛɛn. 15Pəŋi pɛyɔm pɛáŋan pɛ́lɛ a ombod ó pɔɔd. Mɛ, ntɛɔ́yɔmɛ mɔɔd. 16Kɛbán kímuʼ, kɛ́maʼkɛɛn lɛ́ njɔmɛ mɔɔd, pɛ́am pɛyɔm pɛ́lɛ a fɔ́lɔ́b lɛ́ ntɛɔ́gɔ mɛnyɔ́əsíŋ. Mbáa nyɔ́ əyíím yɛ́ʼtom alɛ na mɛ. 17A kálaʼtaʼ yaaŋan ɛ pɛcɛm kɛ́lɛ kɔ kidiídílə́ lɛ́ pɔɔd pábaan pámaʼkosánɛ mbaasɔ́ yoom ímuʼ a kɛbán, mbaasɔ́ yɛ́ɛy ɛlɛ yɛ́ɛnɛ lɛ́ pə́ə́liʼtini#8.17 Kɛ́lɛ náan a kálaʼtaʼ ɛ Tɛʼt 19.15; Pódála tɛn náan a Tɛʼt 17.6; Ɔmb 35.30 18Mɛ mbááyágɛ́nɛ́ɛ́ mbaasɔ́ mɛɛ́nyɔ́amɔɛ́d. Paabá tɛn nyɔ́ əyíím yɛ́ʼtom amɛ́nyaágɛn yɛ́lɛ́.» 19Náa pɔ́nɔ́ na nyɔ́lɛ́: «Sɛ waaŋ alɛ ə́lə́ə́ ə́?» Əyíbuyúlísíni ɔnɔ́ na pɔ́lɛ́: «Podɛndɛŋɛn mɛ, pondɛŋɛn tɛn Paabá. Poyɛ́ndɛŋɛn, ná poálɛŋ tɛn Sɛ waam.» 20A Tɛ́mpɛl a kaadɛ, a kɛnɔ kɛ́ pálɛɛ́ agaágan ngab aa Yə́sus yɛɛ́sɔ́yɔ tɔgɛ́ɛ́ tóod kɛnɛŋ kɛ́ ayɛ́ɛ agaaʼkananɛ pɔɔd. Mɔɔd adɛʼkáamodɔ́bɛd lɛ́ wɔɔ́s wə́ə́ŋ oyɛ́ɛ údínjíig.
Kɛnɔ kɛ́ mɛ ndɛɛ́ agɛɛn, pəŋi podɛɔ́gɔ págɛɛn kɔ
21Yə́sus aáság kiiʼkini kobodɛ́anɛ ɔnɔ́: «Mɛ mbɛ́ɛn; polɛ́ɛ́ kinjuunə, náa, polɛ́ɛ́ kugu na mabɛ́ mááŋan. Kɛnɔ kɛ́ ndɛɛ́ agɛɛn, pəŋi podɛɔ́gɔ págɛɛn kɔ.» 22Yúdɛn yəə́bə́ə́ kosɔyɔ yɔ́nɔ́: «Nisəə niə́ŋ nɛ́ɛn lɛ́ “Kɛnɔ kɛ́ ndɛɛ́ agɛɛn, pəŋi podɛɔ́gɔ págɛɛn kɔ”, alɛ agɛɛn agaáyóon agá óm?» 23Yiísə́ə́ ɔnɔ́ na pɔ́lɛ́: «Pəŋi polɛ pá a nsí; mɛ, ndɛ nyɔ́ a mɔɛn. Pəŋi polɛ agoob na nsí; mɛ, ntɛɔ́gɔ agoob na yɛ́lɛ́. 24Kólɛ́ aa mbábodɛánɛ lɛ́ polɛ́ɛ́ kugu na mabɛ́ mááŋan. Kɛ́lɛ lɛ́, pudiə́liʼtinini lɛ́ mɛ áa ndɛɛ́ Nyɔ́ alɛɛ́, polɛ́ɛ́ kugu na mabɛ́ mááŋan#8.24 Pódála tɛn náan a kálaʼtaʼ yɛ Ɔsa 3.14-15 » 25Náa pɔ́nɔ́ na nyɔ́lɛ́: «Wɛ, olɛ ánɛ ə́?» Əyíbuyúlísíni ɔnɔ́: «Ndɛ nkə kɛ́ ndɛɛ́ agobodɛ́ananɛ kɔ́gɔ́ɔg əgín a niə́bə́ə. 26A noá na pəŋi, pɛbán pɛ́lɛ kɔ piíŋ pɛ́ ndɛɛ́ ugusəə. Pɛ́lɛ tɛn kɔ piíŋ pɛ́ ndɛɛ́ ogobosásan a pɛ́lɛ́. Náa, nyɔ́ əyíím yɛ́ʼtom alɛ əgusəə fɔ́lɔ́b. Nkə kɛ́ ndɛɛ́ agodɛ́ananɛ na pɔɔd kɛ́lɛ nkə kɛ́ mbóób na nyɔ́lɛ́.» 27Pádɛʼkáagoob lɛ́ kɛbán kɛ́ Paabá aa ayɛ́ɛ agobodɛ́anɛ. 28Náa Yə́sus ɔnɔ́ na pɔ́lɛ́: «Ná polɛ́ɛ́ kobágɛ Mɔɔ́n o mɔɔd a mɔɛn, áay aa polɛ́ɛ́ kolɛŋɛɛ́ anɛ́ɛ́n lɛ́ “mɛ áa ndɛɛ́ nyɔ́ alɛɛ́”, nkə kímuʼ tɛn kɛ́ ndɛɛ́ agɛɛlɛ a oʼto wáam kɛ́dɛɔ́gɔ. Ndɛ əgusəə əgín nkə kɛ́ Mbáa amɛ́nyaʼkánánɛ. 29Nyɔ́ əyíím yɛ́ʼtom alɛ na mɛ, ədiʼtíinin mɛnyɔ́əsíŋ lɛ́ ndɛ agɛɛlɛ pɛnɛŋ piim nkə kɛ́ kíəmugə́mmi.» 30Ná páyóób tɔgɛ́ɛ́ tuə́ŋ tó ayɛ́ɛ agosɔyɔ, piíŋ páyáág oʼto na nyɔ́lɛ́.
Pɛɛlɛ mabɛ́ pálɛ wɔnɔ́ pɛɔ́lɛ́
31Yə́sus aáság kodɛ́anɛ na Yúdɛn yɛ́ ɛyáág oʼto na nyɔ́lɛ́ ɔnɔ́: «Polɛ fɔ́lɔ́b paaʼkan páam ná puə́gumin tɔgɛ́ɛ́ tóam. 32Áay poalɛŋ pasáád, ná pasáád póob páboyɛ́ɛlɛ póɛn filí.» 33Páyɛ́modɛánɛ pɔ́nɔ́ na nyɔ́lɛ́: «Tɛlɛ ndɛg yɛ Ábɛlaam, tɛdɛ́njag kɛɛn pɛɔ́lɛ́ pɛ́ mɔɔd. Tuə́ áa olɛɛ́ ugusəə anɛ́ɛ́n lɛ́ tɛagaán pɔɔd pá pálɛɛ́ filí ə́.» 34Yə́sus əyíbuyúlísíni ɔnɔ́ na pɔ́lɛ́: «A fɔ́lɔ́b fɔ́lɔ́b ndabodɛ́anɛ lɛ́, mɔɔd ungim nyɔ́ aágɛɛlanɛ mabɛ́, alɛ kɛɔ́lɛ́ kɛ́ mabɛ́. 35Kɛɔ́lɛ́ kɛ́dɛɔ́gɔ pɛnɛŋ piim a kibúúm kiə́ŋ. Kɔmɔɛ́d lɛ́ mɔɔ́n o kibúúm nyɔ́lɛ́ alɛ pɛnɛŋ piim a kibúúm. 36Mɔɔ́n o kibúúm amaʼkoboyɛ́ɛlɛ lɛ́ póan filí, pudiə́giʼkini kɛɛn kə́mmú pɛɔ́lɛ́. 37Ɛɛ́ɛ mbálɛŋ lɛ́ polɛ ndɛg yɛ́ Ábɛlaam. Náa, polɛ agosáŋɛnɛ lɛ́ tɔgɛ́ɛ́ tóam tóboosɔd, kólɛ́ aa polɛɛ́ əguunə kɛnjoon. 38Nkə kɛ́ ndɛɛ́ əgusəə kɛ́lɛ nkə kɛ́ mbádála na Sɛ waam. Kɔmɔɛ́d lɛ́ pəŋi polɛ agɛɛlɛ nkə kɛ́ pomóób na sɛ waaŋan!» 39Pə́yímuyúlísíni pɔ́nɔ́ na nyɔ́lɛ́: «Sɛ wəəs anyóon Ábɛlaam.» Ayɛ́bodɛánɛ ɔnɔ́ na pɔ́lɛ́: «Kɛ́maʼkɛɛn lɛ́ polɛ fɔ́lɔ́b ndɛg yɛ Ábɛlaam, ɛlɛ́an pɛbán pɛ́ nyɔ́lɛ́ ayɛ́ɛ́lɛ. 40Kɛbán kímuʼ, pəŋi polɛ əguunə kɛnjoon, mɛ nyɔ́ ndɛɛ́ agobodɛ́anɛ fɔ́lɔ́b yɛ́ mbóób na Táán. Ábɛlaam adɛʼkáagɛɛlɛ yoom wɔnɔ́ yɛ́ɛy náan! 41Pəŋi polɛ agɛɛlɛ pɛbán wɔnɔ́ ná sɛ waaŋan ayɛ́ɛ́lɛ.» Píísə́ə́ pɔ́nɔ́ na nyɔ́lɛ́: «Tɛdɛɔ́gɔ pɔɔ́n pá pɛɔg, tigóódi sɛ mmuʼ súg, ogo aa nyóon, Táán!» 42Yə́sus yiísə́ə́ ɔnɔ́ na pɔ́lɛ́: «Kɛ́yɛ́ɛnɛn lɛ́ Táán alɛ fɔ́lɔ́b Sɛ waaŋan ná polɛ agɛnnyɔ́ŋɛn lɛ́ na nyɔ́lɛ́ aa ndɛɛ́ əgiim. A nyɔ́lɛ́ tɛn aa ndɛɛ́ áanɛ. Ntiimin áanɛ a oʼto wáam ó mɛɛ́nyɔ́amɔɛ́d; náa, nyɔ́lɛ́ aa əyíím yɛ́ʼtom. 43A igə aa podɛágoóbɛ́ɛ́ nkə kɛ́ ndɛɛ́ agobodɛ́anɛ? Kɛ́lɛ lɛ́ podɛɔ́gɔ págaáʼkɛ koob mɛ tɔgɛ́ɛ́. 44Sɛ waaŋan alɛ, Omɔlɛɔ́g Nkə kɛ́ kíəmugə́mmi aa polɛɛ́ anyɔ́ŋɛn kɛɛlanɛ. Kɔ a niə́bə́ə, kiə́ŋ kɛ́lɛ əgín lɛ́ yóóna pɔɔd. Ɔdɛɔ́gɔ ugusəə fɔ́lɔ́b lɛ́ fɔ́lɔ́b ɛdɛɔ́gɔ na nyɔ́lɛ́. Kɛnɛŋ kɛ́ alɛɛ́ agosom pɛnyaʼ, alɛ agosɔyɔ wɔnɔ́ ná kɛ́lɛɛ́ lɛ́ ɔ́sɔyɔ, lɛ́ alɛ mɔɔd o pɛnyaʼ, nyɔ́lɛ́ aa aálón na pɛ́lɛ́. 45Náa mɛ, fɔ́lɔ́b áa ndɛɛ́ əgusəə. A oʼto wóow aa pudiə́ginyəə́liʼtinií. 46Ánɛ úmmuʼ a ondáŋ wááŋan aa alɛɛ́ agodɛ́lɛm mbaasɔ́ lɛ́ mɛ mbáʼkoyag kɛɛlɛ kɔbɛ́? Nga ndɛ əgusəə fɔ́lɔ́b, a igə anɛ́ɛ́n áa pudiə́ginyəə́liʼtinií? 47Nyɔ́ alɛɛ́ o Táán, agoob tɔgɛ́ɛ́ tó Táán. Náa, pəŋi podɛɔ́gɔ pá Táán, kólɛ́ aa podɛɔ́gɔ agɛnjoóbɛ́ɛ́.» 48Yúdɛn iyímuyúlísíni yɔ́nɔ́: «Kɛnɛŋ kɛ́ tɛlɛ əgusəə lɛ́ olɛ mɔɔ́n ó Səməlíi, na lɛ́ uŋun wó ɔmbɛ́ úgugóódi, tɛsómɛn pɛnyaʼ.» 49Ayɛ́bodɛánɛ ɔnɔ́ na pɔ́lɛ́: «Iyó, ntɛɔ́gɔ na uŋun wó ɔmbɛ́. Mɛ, ndɛ agonyáadɛ Sɛ waam, náa, pəŋi poágɛsoolanɛ mɛ! 50Ntɛɔ́gɔ əguunə lɛ́ pɔɔd pɛ́nyɛɛ́ʼkɛn nugəm, ndóo. Mɔɔd alɛ kɔ nyɔ́ alɛɛ́ əguunə kɛnyɛɛ́ʼkɛn nugəm. Nyɔ́lɛ́ aa alɛɛ́ onjɔmɛʼ. 51A fɔ́lɔ́b fɔ́lɔ́b ndabodɛ́anɛ lɛ́, mɔɔd amaʼkoob mɛ tɔgɛ́ɛ́, adɛndɛ́ɛ́ kugu.» 52Náa Yúdɛn yɔ́nɔ́ na nyɔ́lɛ́: «Tɛáʼkolɛŋ nɛ́gɔŋ lɛ́ uŋun wó ɔmbɛ́ ólɛ fɔ́lɔ́b na wɛ. Ábɛlaam yiígú, palɔɛgɛʼ pɛbán pá Táán pə́ə́gú. Náa, wɛ wɔʼkɔ́ mɔɔd əməʼkugumin tɔgɛ́ɛ́ toáŋ, adɛndɛ́ɛ́ kugu ə? 53Omááyɛn anyóon Ábɛlaam, mbáa yəəs nyɔ́ oʼkóʼkóón á? Nyɔ́lɛ́ yiígú, palɔɛgɛʼ pɛbán pá Táán pə́ə́guə́ʼkən. Olɛ əgəə́siəd lɛ́ olɛ ánɛ ə́?» 54Yə́sus əyíbuyúlísíni ɔnɔ́: «Mbɛ́ɛ əgəə́gə́midi mɛɛ́nyɔ́amɔɛ́d ná nugəm nóam nólɛ́ iyó. Sɛ waam aa alɛɛ́ əgiʼkə́midi. Nyɔ́lɛ́ nyɔ́ poɔʼkɔ́ alɛ Táán waaŋan. 55Podɛmoólɛŋɛn, kɔmɔɛ́d lɛ́ mɛ mbámoólɛ́ŋ. Mbɛ́ɛ əsəə lɛ́ ntɛmoólɛŋɛn ná ndɛ na pɛnyaʼ wɔnɔ́ pəŋi. Náa mɛ, mbámoólɛ́ŋ, ndɛ agoóbɛn tɛn tɔgɛ́ɛ́ tuə́ŋ. 56Sɛ waaŋan Ábɛlaam yɛɛ́nyɔ́ga a mafɛgaʼ móonɛ lɛ́ alɛ́ɛ́ kodála wɔɔ́s wó ndɛ́ɛ́ kiimií. Aádála wɔɔ́s ogo, tɔnyɔ́g toáság komoosán oʼto.» 57Áay, Yúdɛn yaáság kusəə yɔ́nɔ́ na nyɔ́lɛ́: «Wɛ, udínjíig ɔmbɔ́ pɛag əʼtin ábaan na pɛówád, úusəə wɔʼkɔ́ waádála Ábɛlaam a?» 58Yə́sus yiísə́ə́ ɔnɔ́ na pɔ́lɛ́: «A fɔ́lɔ́b fɔ́lɔ́b, ndabodɛ́anɛ lɛ́, a kóonɛ lɛ́ Ábɛlaam ə́díin yəə́bíən, mɛ njɛ́ɛ mbándɛ kɔ.» 59Áay anɛ́ɛ́n, pááság kobáda aʼtáán agomodóan. Náa, Yə́sus ɔyɔ́ɔ́sɛm, aálón a Tɛ́mpɛl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015