Maak 12
12
Padiriba yɛla ŋahili
(Matiu 21.33-46; Luk 20.9-19)
1 #
Aiz 5.1-2
Yisa daa piligi wuhiri niriba yɛtɔɣ’ ŋaha puuni yɛra, “Do’ so n-daa sa wain tihi ka sa gariche gil’ li, ka gbi bɔɣili zaŋ binshɛli din yɛn kahindi wain tihi maa wala kom zali bɔɣili maa ni, ka sa gara din du pam nimaani; ka zaŋ li niŋ padiriba nuu ni ni bɛ lihiri li hal nti kpuɣ’ o tihi puu maa atam ti o ka deei bɛ yɔri, ka daa go n-chaŋ tinshee. 2Ka puu maa atam kpuɣibu saha daa ti paai, ka o tim o yiŋbi’ so padiriba maa sani ni bɛ ti zaŋ o puu maa daatam shɛli ti o na. 3Ka bɛ daa gbaag’ o yiŋbia maa fiɛb’ o, ka kar’ o ka o kuli ni nuzaŋa. 4Ka o daa lan tim so, ka bɛ ti ŋme n-chib’ o zuɣu ka dih’ o vi. 5Ka o lan tim so yaha, ka bɛ daa ti ku ŋuna. Ka o lan tim niriba pam pahi, ka bɛ ti fiɛb’ bɛ shɛba, ka ku bɛ gba ni shɛba. 6Ka di ti kpalimla omaŋmaŋ’ biyurigu ko, ka o ti bahi tim o gba bɛ sani ka yɛli, ‘Bɛ ni ti ti m bia maa ŋun’ jilima.’ 7Amaa ka padiriba maa daa ti yɛli taba, ‘O falidir’ la m-bɔŋɔ na; chɛliya ka ti ku o, ka fali maa leei ti dini.’ 8Ka bɛ daa gbaag’ o ku n-vu o ti bahi tihi puu maa kpaŋ’ ha.
9Ka Yisa lan bɔhi ba, “Yi tɛhiya ni wula ka tihi puu maa lana lee yɛn niŋ? O ni kana nti ku padiriba maa ka zaŋ o tihi puu maa niŋ padir’ shɛb’ nuu ni.” 10Ka lan bɔhi ba, “Yi na bi karim di ni sabi Naawuni Kundi ni luɣ’ shɛli shɛm la yɛla? Di sabiya:
‘Kuɣ’ shɛli tammɛriba ni zaɣisi la
n-yipa leei kuɣ’ gahindili.
11 #
Yila 118.22-23
Ti Duuma niŋsim m-bala,
ka di mali ti alahiziba.’ ”
12Ka Yisa ni daa ŋahi ninvuɣ’ shɛb’ ŋahili ŋɔ bɔri ni bɛ gbaag’ o, dama bɛ daa baŋya ni bɛna ka o ŋahi ŋahili maa dalim, amaa ka daa lee zɔri salo maa ka chɛ o ka chaŋ.
Farigu yɔbu
(Matiu 22.15-22; Luk 20.20-26)
13Ka bɛ daa tim Farisiinim’ mini Naa Hɛrɔd nyaanzaanib’ shɛb’ Yisa sani ni bɛ ti puɣisi gbaag’ o o yɛtɔɣa ni. 14Ka bɛ daa chaŋ ti yɛl’ o, “Karimba, ti mi ni a nyɛla yɛlimaŋyɛra, ka bi zɔri sal’ kam nini, dama a bi zɔri niriba nini bɛ ni ʒe zaashe’ shɛŋa ni zuɣu, amaa ka wuhiri Naawuni soli ni yɛlimaŋli. Di luhiya ni ti yo farigu Naa Siiza sani bee di bi luhi? 15Ti yom’ li bee ti di yo?”
Amaa ka Yisa baŋ bɛ bilikɔɣintali maa ka bɔhi ba, “Bɔ niŋ ka yi zahindi ma? Zaŋmiya laɣifu na ka n nya.”
16Ka bɛ zaŋ li na; ka o bɔhi ba, “Ŋun’ daanfooni mini sabbu n-lee be di ni ŋɔ?”
Ka bɛ yɛl’ o, “Naa Siiza dini.” 17Ka Yisa yɛli ba, “Dinzuɣu Naa Siiza ni su shɛli, yin’ zaŋmiya li ti o; ka Naawuni mi ni su shɛli, yin’ zaŋmiya li ti ŋun’ Naawuni.”
Ka o yɛligu maa daa gari ba pam.
Kum ni neebu yɛla
(Matiu 22.23-33; Luk 20.27-40)
18 #
Tuma 23.8
Ka Sadusiinim’ bɛn daa yɛri ni kum ni neebu kani la daa ka Yisa sanna ti bɔh’ o, 19#Zal 25.5 “Karimba, Anabi Musa daa sab’ zali ni so biɛli yi kpuɣi paɣa ka na bi zaŋ o dɔɣ’ bia ka kpi ka chɛ o, o tizo ŋun’ kpuɣim’ o pakoli maa dɔɣ’ bihi ti o biɛli maa. 20To, mapuuni bih’ ayopɔin n-daa be, ka bikpɛm’ sani ti kpuɣi paɣa, ka bi zaŋ o dɔɣ’ bia ka kpi. 21Ka ŋun pa o zuɣu kpuɣ’ o pakoli maa, ka gba bi zaŋ o dɔɣ’ bia ka kpi; ka ŋun pah’ ata gba lala; 22ka bɛ mabih’ ayopɔin maa zaa daa kpuɣ’ o, ka bi zaŋ o dɔɣ’ bihi ka kpi; di nyaaŋa ka paɣ’ maa gba daa kpi. 23Dinzuɣu kum ni neebu dali, ŋun’ paɣa n-lee ni ti nyɛ o? Dama bɛ niriba ayopɔin maa zaa daa kpuɣ’ o mi.”
24Ka Yisa yɛli ba, “Yi ʒi din be Naawuni Kundi ni, ka bi lan mi Naawuni yiko gba. Lala zuɣu ka yi chirim maa. 25Niriba yi ti neei kum ni, bɛ bi lan yɛn kpuɣiri paɣiba bee n-zaŋdi bɛ bipuɣinsi tiri dɔbba; bɛ ti kul yɛn bemi kaman malaikanim’ bɛn be alizanda ni la. 26#Yibu 3.6 Ka di yi nyɛla kpiimba kum ni neebu yɛla, yi na bi karim Anabi Musa ni daa sabi Naawuni ni daa tɔɣis’ o yɛtɔɣa tutuɣu ni yɛli shɛm la yɛla? O ni daa yɛli shɛm m-bɔŋɔ: ‘Mani n-nyɛ Ibrahimma mini Yisahaku ni Yaakubu Naawuni.’ 27Naawuni pala kpiimba Naawuni, amaa o nyɛla nyɛviyanim’ Naawuni. Yi shiri chirimya pam!”
Naawuni zaligu din nyɛ kpɛma
(Matiu 22.34-40; Luk 10.25-28)
28 #
Luk 10.25-38
Ka Naawuni zaligubaŋdiba ni yino daa kana nti wum ka Yisa garigi bɛn daa ŋmɛr’ o naŋgbankpeeni maa bɔhigu viɛnyɛliŋga ka bɔh’ o, “Naawuni fukumsi zaligunim’ ni, dini n-lee nyɛ kpɛma?”
29Ka Yisa yɛl’ o, “Fukumsi zaligunim’ zaa ni, din nyɛ kpɛma nyɛla, Izraɛlnima, wummiya! Ti Duuma Naawuni nyɛla Duuma yino. 30#Zal 6.4-5 Yum’ a Duuma Naawuni ni a suhu zaa min’ a shia zaa ni a tɛha zaa ni a kpiɔŋ tariga. 31#Lɛv 19.18 Ka din pa di zuɣu mi nyɛla, Yum’ a ʒiʒiinikpee kaman amaŋmaŋ’ la. Ka fukumsi zaligu shɛl’ lan kani kpɛm’ gari dimbɔŋɔnima.”
32 #
Zal 4.35
Ka Naawuni zaligubaŋda maa yɛl’ o, “Karimba, achiika! A yɛli yɛlimaŋli; dama Naawuni yino n-shiri beni, ka Naawuni so lan kani pah’ o zuɣu. 33#Hoz 6.6 Ka nir’ yi yuri Naawuni ni o suhu zaa min’ o tɛha zaa ni o kpiɔŋ tariga, ka yur’ o ʒiʒiinikpee kaman omaŋmaŋ’ la, di gari sara malibu balibu kam.”
34Yisa ni daa nya ka o garig’ o yɛm garigibu maa ka o yɛl’ o, “A mini Naawuni nam bi wɔɣ’ ni taba.”
Di nyaaŋa ka so daa bi lan buɣisi ni o bɔhi Yisa bɔhigu shɛli yaha.
Masia ŋun nyɛ Naa Dauda yaaŋa
(Matiu 22.41-46; Luk 20.41-44)
35Yisa daa ti be Naawuni jɛmbu duu wuhiri niriba ka daa ti bɔhi ba, “Wula ka Naawuni zaligubaŋdiba lee ni tooi yɛli ni Masia nyɛla Naa Dauda yaaŋa? 36#Yila 110.1 Dama Naawuni Shia Kasi yiko ni Naa Dauda maŋmaŋ’ daa yɛliya:
‘Ti Duuma yɛli n Duuma:
Ʒinimi n nudirigu polo
hal ka n ti nyaŋ a dimnima ti a ka a du n-tam bɛ zuɣu.’
37 Ka Naa Dauda maŋmaŋ’ yi daa bol’ o o Duuma, di chaŋ wula ka o ni lan nyɛ ŋun’ Naa Dauda yaaŋa?”
Yisa to m-piligi zaligubaŋdiba bilikɔnsi tuma
(Matiu 23.1-12; Luk 20.45-47)
Ka Yisa yɛligu maa daa paligi salo maa suhuri pam. 38Ka o yɛli ba o wuhibu maa ni, “Miriya Naawuni zaligubaŋdib’ bɛn yuri binyɛr’ wɔɣila yɛri gɔra, ka lan yuri ni niriba puhiri ba dahi ni la, 39ka yuri ʒiishe’ viɛla ni ʒinibu bɛ jɛmbu duri ni, ka yuri jilima ʒiishɛhi ʒinibu bɛ churi puhibu ni, 40ka lan fari pakoya yinsi, ka suhiri Naawuni yuuri ni niriba tɛhi ni bɛ nyɛla ninvuɣ’ suma la. Bɛmbɔŋɔnim’ ni ti nya tibidarigibo pam!”
Pakol’ liɣiri tɔhibu
(Luk 21.1-4)
41Ka Yisa daa ti ʒini Naawuni jɛmbu duu miri bɛ liɣiri tɔhibu shee n-yuuni niriba ni tɔhiri liɣiri shɛm; ka bundaannim’ tɔhiri pampam. 42Ka pako’ faralaan’ so daa kana nti tɔhila pihinu diba ayi din nyɛ kɔbo. 43Ka o bol’ o nyaandoliba na ti yɛli ba, “Yɛlimaŋli ka n yɛri ya, pako’ faralan’ ŋɔ tɔhiya gari bɛnkam zaa tɔhi liɣiri maa; 44dama bɛn’ zaa piila bɛ bun’ ni na ti tɔhi, amaa pakoli ŋɔ ŋun’ zaŋla o duu ni o yiŋ’ zaa na ti tɔhi.”
Currently Selected:
Maak 12: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
