lu-kaa 1

Jiad kxn waag

1zyen xij Eei tomb kxj, Te-o-fi-latq aag,

yem yia Bua ka'Euad Zwrtq liud Eei sig maaib myenb Zamq Eei fiaq Jyenq. 2zunb tod myenb Eei mziv pwatg naaiq teij sig yem kxn Zwrtq uaq zang yaag zunb Buaj yia Bua, myenb zyrug ei Jyenq fiaq. 3naaiq teij Jauq yem kxn taaib yetg zuvq yia kanb timq liud zyrug zweib yetq zweib Eeig Eei fiaq Jyenq pun meib. 4Navq naaiq, meib haib hiuq tu'q myenb Faauj Jiaj meib uaq teij waag yetg zuvq zyen Eei.

finb myenb trug yo-han xij Zwrtq seij Eei fyenj

5yem yu-Dia Eei huvb, he-lotq, kunq Eei zyavb hog, maaib taub sai myenb, Buaj heug sej-Kaa-li-yaa, penj aa-Bi-yaa sai myenb Eei kwanb. ninb Eei auq, e-li-saa-Betg, yaag zruj aa-lon sai myenb Eei zeib fun.#1 zunb txig trub 24:10 6ziuj Tinb huvb mavg, ninb Bua i Mwavq penj Kuq myenb, mwavj zyruq hatg Eei yetg zuvq waag Zauj leid. maiq maaib txvj Gemb a'q. 7mq paag ninb Bua maiq maaib fu'Jweiq weig zu'g e-li-saa-Betg maiq haib maaib. ninb Bua i Mwavq yaag koj haig a'q.

8maaib Nxi sej-Kaa-li-yaa yem zavg Tinb huvb Eei pyauq zruj sai myenb Eei kov ei ninb Bua Eei lwrnb paan Nxi zruj. 9tovb naaig Nxi, ei sai myenb Eei leid tivg taaib, Dxtq zu'g sej-Kaa-li-yaa xij zu'g pia'g zyruq Eei pyauq puaq huv. 10ninb puaq huv Eei zyavb hog, zwavj myenb yem ka'Eiag tauj kauj.

11uaq zang maaib taub zyruq Eei finb myenb hing Zwrtq taaib sruq Jyenq puaq huv tiab Byaaug mcvj. 12sej-Kaa-li-yaa yetq pwatg zyrug hc'q ninb Hruq Waav Revg, kamb Riaj haig. 13finb myenb Buaj ninb, “sej-Kaa-li-yaa aa'b! meib maiq tuvq kamb Riaj og. tovb meib Toq Tinb huvb uaq teij waag, Tinb huvb haid mig a'q. meib Eei msia'q txn, e-li-saa-Betg, xij maaib taub txn. xij zu'g kan ninb Zwrtq Buaj heug yo-han. 14meib zyrug Fyenb yrub, xnb lx'g haig. naaiq taub fu'Jweiq Zwrtq seij, myenb Zamq yaag a'Neiq haig. 15ei zyruq mavg, naaiq taub fu'Jweiq yaag zruj taub maaib mevb hog Eei myenb. ninb yetg seij maiq hopq a'vung tiuq fai haib Gwin myenb Eei ka'naaiq. ninb Zwrtq seij taaib zyrug maaib sivj livb pwavq Revg ninb Eei Hruq a'q.#saauq myenb 6:3 16ninb xij txb i-saa-laa-en myenb Zamq Eei cvj Rwrnj taaib lxd zyruq, ninb Bua Eei Tinb huvb. 17ninb xij mivb Daavg zyruq, yaag maaib hatg maad, maaib Qa'q Navq e-li-yaa nx. ninb xij Tevj zruj tia Eei myenb Zauj ninb Bua Eei fu'Jweiq hxpg Hruq taaib. maiq mwavj waag Eei myenb, ninb yaag haib Tevj kxiq Hruq taaib kan tob leid. ninb yaag xij Tevj Tinb huvb Eei myenb liug leid zipq zyruq.”#maa-laa-Ki 4:5-6

18sej-Kaa-li-yaa naaig finb myenb, “meib Navq naaig kxvq, yia fuvg haib hiuq tu'q zyen? yia koj haig a'q. yia Eei msia'q txn yaag koj haig.”

19finb myenb tau, “yia se kaa-Be-lyen, tovb sruq Jyenq Tinb huvb Eei Ra'Myen fub suj ninb. Tinb huvb Paaiq yia taaib trug naaiq teij Kuq fyenj Buaj meib.#Daa-ni-en 8:16; 9:21 20meib maiq syenj yia Eei waag, mq paag Tauj hxpg zu'g Zwrtq uaq zang za'kevb xij ei Jyenq yia Eei waag Zwrtq taaib a'q lx'g. laaij meib maiq syenj yia Eei waag, meib xij zu'g Vovj mivb. zuaq Tauj naaiq teij sig Zwrtq liud, Zivj taaib haib kxvq waag.”

21zwavj myenb Zxg yem ka'Eiag mcvj zuaq Jyenq sej-Kaa-li-yaa. ninb Bua maiq mevb pc'g ninb weig haiq tiug yem zavg Tinb huvb Eei pyauq ka'Euad Dovg naaig laub.

22zruj kau, sej-Kaa-li-yaa Zwrtq taaib maiq haib Zauj ninb Bua kxvq waag. zwavj myenb zyrug hiuq tu'q ninb yem zavg Tinb huvb Eei pyauq ka'Euad pwatg hing yaavb Eei sig. ninb Kuvj lovg puad uq Navq. yetg Jruj waag yaag maiq haib kxvq a'q.

23sej-Kaa-li-yaa yem zavg Tinb huvb Eei pyauq zruj zyavj ninb Eei pwrng kov zyrug Rwrnj mig a'q. 24Ga'haaq e-li-saa-Betg maaib Jyenq sin. ninb zyrug yem pyaa Laaj Eia'g pyauq, maiq mivb haiq Dau. 25ninb kxvq, “ib zang zyruq a'Neiq yia, Tevj yia haib maaib fu'Jweiq, yia zyrug maiq zu'g Eaiq myenb a'q.”

finb myenb trug ye-su xij Zwrtq seij Eei fyenj

26e-li-saa-Betg maaib Jyenq sin tu'q Ju'q Laaj Eia'g, Tinb huvb Paaiq kaa-Be-lyen uaq taub finb myenb mivb Tauj kaa-li-li scvq, naa-saa-letq muvq, 27trug fyenj Buaj taub sia'q,#1:27 fai “maiq pweij Jiaj txn Eei sia'q”. Buaj heug maa-li-yaa. maaib taub Daa-witq huvb Eei zeib fun, Buaj heug yo-sepq, taaib kxvq zyavb ninb mig a'q.#matq-Taai 1:18

28finb myenb mivb Tauj maa-li-yaa uaq Buaj ninb, “maa-li-yaa aag, pcvb xn Eei saa'b? zyruq Zauj meib yem yaag Zeij en pun meib.”

29maa-li-yaa haid naaiq teij waag, lyemb zeib Hruq Waav Revg, Namq maiq hiuq finb myenb weig haiq tiug Navq naaiq nx kxvq mq pei. 30finb myenb cvj kxvq Buaj ninb, “maa-li-yaa aag, meib maiq tuvq kamb Riaj og. Tinb huvb Zeij en pun meib. 31meib xij maaib nxm sin, yuvd tu'q taub txn. meib yaag xij zu'g Tevj ninb Zwrtq Buaj heug ye-su.#matq-Taai 1:21 32ninb xij tu'q zruj Lo, yaag tu'q heug penj yem Lav Jiaj uaq taub Eei txn. zyruq Tinb huvb xij pun ninb Ripg ninb Eei ovb Taaib vc'q, Daa-witq, Eei weig.#1:32 kikg waag kxvq “faauj ninb Eei ovb Taaij, Daa-witq, Eei weig”.#2 saa-mu-en 7:12-13,16; i-saa-yaa 9:7 33ninb xij yetg liud kunq yaa-Kopq Eei zeib fun. ninb Eei huvb hog yetg liud maiq haib Jiaj.”

34maa-li-yaa naaig kaaj finb myenb, “yia lyemb maiq Zauj haiq taub mJavg txn pweij Jiaj. Navq haiq nx haib maaib sin?”

35finb myenb cvj tau, “sivj livb xij Fiag taaib yem meib. yem Lav Jiaj Eei Tinb huvb Eei Qa'q xij Ria Jyenq meib. Navq naaiq meib zyrug tu'q taub maiq maaib zwid, Zivb Revg Eei fu'Jweiq, heug Tinb huvb Eei txn. 36meib Namq mavg kaaj meib Eei Zyenb Ze'q, e-li-saa-Betg. myenb kxvq ninb maiq haib maaib kub vwaad. ib zang ninb Dovg naaig koj mq paag ninb zuvq maaib Jyenq sin tu'q Ju'q Laaj Eia'g a'q lo'b! 37maiq maaib haiq Euvg Tinb huvb maiq haib zruj.”#Tin teig trub 18:14

38maa-li-yaa tau, “yia zruj zyruq Eei pru. mtaaib xij zu'g Navq meib kxvq nx a'q.” kxvq liud naaiq teij waag, finb myenb mivb mig a'q.

maa-li-yaa mivb e-li-saa-Betg uaq Ryaaug

39Ga'haaq maiq laub maa-li-yaa zyrug Beng ka'naaiq kaanq Jyenq Zwrtq Jauq mivb yu-Dia scvq, Bov zavg Eei yetg nxm muvq. 40mivb Tauj, ninb zyrug pia'g sej-Kaa-li-yaa Eei pyauq Zauj e-li-saa-Betg kxvq wig pwavb waag. 41e-li-saa-Betg yetq haid maa-li-yaa Eei Qiaj, kub vwaad yem ka'sia tovd tu'q seij haig. e-li-saa-Betg yaag tu'q sivj livb pwavq Revg Hruq 42zyrug heug Qiaj Bwi Eei kxvq, “yem zwavj msia'q txn Bu'Dovj, Tinb huvb Zeij fu'q pun meib kaub Zamq Jiaj. Tinb huvb yaag Zeij fu'q pun meib maaib Jyenq naaiq taub kub vwaad. 43yia weig haiq tiug tu'q Dovg naaiq lovj? tu'q yia Eei zyruq Eei maa taaib Zauj yia Ryaaug ni? 44yia yetq haid meib Eei Qiaj, yia maaib Jyenq naaiq nxm sin a'Neiq haig, zyrug lyemb zeib tovd tu'q seij haig. 45meib syenj zyruq kxvq liud uaq teij waag za'kevb xij Zwrtq taaib zyen Eei, meib zyrug maaib xnb lx'g haig.”

46maa-li-yaa kxvq,

“yia Eei Hruq Zev zyruq weib Lo,#1 saa-mu-en 2:1-10

47yia Eei Fruj zyruq, Tinb huvb

pun yia Eei livb wrnb Fyenb yrub.

48yia zruj ninb Eei pru,

maiq maaib haiq Euvg mevb hog

mq paag ninb Zxg Javj Tauj yia.

yem naaiq mivb Ga'haaq hivq,

txib txig myenb zuvq xij kxvq yia tu'q fu'q,#1 saa-mu-en 1:11

49weig zu'g maaib tomb Qa'q Eei Tinb huvb

Zeij Bua'g hxvb haig Eei sig pun yia.

ninb Eei Buaj se Zivb Revg haig.

50ninb Kxb lyenb Taaib ninb Eei myenb,

yetg txig Jiaj yetg txig.

51ninb suv ninb Eei puad zruj Zwrtq tomb sig,

pun mauj Eei myenb Zauj ninb Bua Eei Euvb Euvg za'eij faatq Raanj Revg mivb.

52zruj Lo Eei myenb, ninb Tutq Fiag weig,

zruj faij uaq teij, ninb prub faauj Lav.#yopq 5:11; 12:19

53vxg Eei myenb ninb Zeij lovj Eei ka'naaiq pun Eang peuq,

pun myenb maaib myenb Kuvb puad pc'g zauj Eei mivb.

54-55ninb ei ninb Zauj Bua Eei ovb Taaij lcvd liud Eei waag

Tevj ninb Eei pru, i-saa-laa-en.

ninb Kxb lyenb apg-laa-ham,

yaag yetg liud Kxb lyenb apg-laa-ham Eei zeib fun.”#Tin teig trub 17:7

56maa-li-yaa Zauj e-li-saa-Betg yem aaq lamb tu'q pua Laaj Eia'g Eei txvj, maa-li-yaa zyrug Rwrnj mig a'q.

yo-han Zwrtq seij

57e-li-saa-Betg maaib sin Eei zyavb hog kauj, ninb zyrug yuvd tu'q taub txn. 58ninb Eei laavd zavg myenb Zauj Zyenb Ze'q haid zyruq Navq naaiq nx Kxb lyenb ninb, yetg zuvq zyrug lomb Rxib Tevj ninb a'Neiq.

59kub vwaad Zwrtq seij taaib tu'q Yetg Nxi, xij Jiaj kaatq Eei leid uaq zang, myenb xij Tevj kub vwaad Zwrtq Buaj heug nitq ninb Eei tia, sej-Kaa-li-yaa.#Tin teig trub 17:12; le-wi 12:3 60mq paag ninb Eei maa kxvq, “maiq zeid lx'g. ninb Eei Buaj xij zu'g heug yo-han.”

61uaq teij myenb kxvq Buaj ninb, “meib Eei Zyenb Ze'q Eei Buaj maiq maaib haiq taub Navq naaig nx heug nyaa.”

62kxvq liud ninb Bua zyrug lovg puad uq naaig kaaj kub vwaad Eei tia xij Tevj ninb Eei txn Zwrtq Buaj heug haiq Euvg. 63sej-Kaa-li-yaa Toq Kwaaiq fiaq Ravg penq taaib fiaq Jyenq kxvq, “ninb Eei Buaj heug yo-han.” zwavj myenb zyrug Namq maiq mevb pc'g. 64sej-Kaa-li-yaa lyemb zeib cvj haib kxvq Zwrtq waag taaib zyrug Zev Tinb huvb. 65laavd zavg myenb za'kevb kamb Riaj haig. naaiq teij sig Eei fyenj Ga'haaq siv pwavq yu-Dia scvq, Bov zavg Eei txvj.

66haid liud Eei myenb zx'q naaiq teij sig an Jyenq Hruq Namq, “aa, naaiq taub fu'Jweiq Lo taaib penj haiq Euvg myenb ni?” weig zu'g mevb mevb pc'g pc'g Eei pwatg Jyenq zyruq#1:66 faan za'g kxvq zyruq Eei puad. Zauj ninb yem.

sej-Kaa-li-yaa trug Tinb huvb Eei waag

67yo-han Eei tia, sej-Kaa-li-yaa, tu'q sivj livb pwavq Revg Hruq zyrug trug waag kxvq,

68“Bua xij zu'g Zev zyruq, i-saa-laa-en myenb Eei Tinb huvb,

weig zu'g ninb taaib zua'g ninb Eei myenb Rwrnj.

69ninb yem ninb Eei pru, Daa-witq, Eei zeib fun,

weig Bua lyepg taub maaib Qa'q Eei Fruj zyruq,#1:69 faan za'g kxvq Fruj en Eei Jxv. Jxv peiq Qa'q.

70Navq lob Nxi Tinb huvb lovg

ninb Eei Zivb Revg trug waag myenb kxvq Eei waag.

71Tinb huvb xij Fruj Bua leib Dutq Bua Eei winb wavq,

Zauj Rxv Bua uaq teij myenb Eei puab Diaq.

72ninb kxvq ninb xij Kxb lyenb Bua Eei ovb Taaij,

yaag zanb zang Javj Jyenq ninb lcvd liud uaq teij Zivb Revg Eei vcvg waag.

73Tinb huvb lcvd vcvg waag

pun Bua Eei ovb Taaib vc'q, apg-laa-ham.

74ninb kxvq ninb xij pun yem Bua Eei winb wavq Eei puab Diaq

pyauj Zwrtq taaib pua'g zavg ninb,

maiq zu'g kamb Riaj haiq Euvg,

75yaag pun Bua yetg seij yem ninb Eei Ra'Myen Zivb Revg,

zruj tu'q hxpg ninb Eei Hruq.

76yia Eei txn aag, meib Eei Buaj xij zu'g heug

yem Lav Jiaj uaq taub Eei trug waag myenb,

weig zu'g meib xij zu'g mivb Daavg liug leid zyruq Eei Jauq.#maa-laa-Ki 3:1

77xij zu'g pun ninb Eei pc'g fivj hiuq tu'q

ninb Bua tu'q Fruj se weig zu'g tu'q ninb Bua Eei zwid kwavg liud.

78Tinb huvb Kxb lyenb myenb,

zyrug xij pun Fruj en Fiag taaib,

Navq luvb Dxm Ryruq Eei Fav

79ziuj Jyenq yem Mwavj Eei

Zauj yem zu'g taig Eei tovb linb ka'Euad uaq teij.

ninb yaag xij yend Bua yavb

pcvb xn Eei Jauq.”#i-saa-yaa 9:2

80naaiq taub fu'Jweiq kunq Lo, ninb Eei Hruq kunq henq. ninb yem teib puvb Waav zuaq Tauj zyavb hog ninb Zwrtq taaib pun i-saa-laa-en myenb hiuq tu'q ninb.

Currently Selected:

lu-kaa 1: IuMiNOR

Highlight

Copy