Exodus 37
37
Ronhnónhnis Ne Ateriwasehronhniátshera Oneró꞉kwah
(Exodus 25.10-22)
1Ne Bezalel warónhni nateriwasehronhniáʼtshera oneró꞉kwah né꞉ne acacia nikaientó꞉ten 45 nihionkárake níhions, 27 nihionkaráke natewathakáron, tánon 27 nihionkaráke nitiótʼthe. 2Owistanoronhtsheróskon waharoróks꞉te ó꞉ni ne kanoróhkwahkon tánon owistanó꞉ron onhtsiatáhnakte watewakwahtáse. 3Kaiéri níkonhs wahronhniánion ne iehástha nokakwenhtasónhas né nowistanó꞉ronh warónhniathe tánon wahatsʼthánion ne kaiéri níkonh tewashiʼtónhtons, tekenísons noʼkakwenhtasónhas ne skatísonhs nokwáhti. 4Wahatenawahathonhniánion ne iehástha né꞉ne acacia nikaientó꞉tens, owistanó꞉ron waharoróks꞉the, 5tánon watʼrohetstánion ne tsi iokakwenhtónhtons ne skatísonhs nokwáhti noneró꞉kwah. 6Ne waharónhni ne watenonhtetʼtha né owistanoronhtsheʼróskon, 45 nihionkaráke níhions tánon 27 nihionkaráke natewathakáron. 7Tékeni warónhni ne tiʼninerahóntʼtshonhte né꞉ne tehnhonnhe, tanon wahanekónreke owistanóron 8skátʼtsons ne tsi ieiotʼtónhnions natenonhtéktha. Thóh ní꞉ioht tsi warónhni tsi ní꞉ioht nénskat khók iakénhake. 9Né tininerahóntʼtshonhte tehnhónhnes tehiaʼtatkánere ne iatehiohiaiákʼthon natenonhtékʼtha, tánon né tsi tehonatehonnonhtsakwahráwen né iororóks꞉ton natenonhtékʼtha.
Ronhtekwahratsherónhnis Ne Kanà꞉taro Ahoriwáke Ne Nahonwátatʼtshe Ne Rawenni꞉io
(Exodus 25.23-30)
10Acacia nakaientó꞉ten wahonhnónhniaʼthe natekwáhra, 36 nihionkaráke níhions, 18 nihionkaráke natewatakáron, tánon 27 nihionkaráke nitiótʼthe. 11Owistanoronhtsherós꞉kon waharoróks꞉the tánon owistanó꞉ron wahahiatáhnake watewakwatáhse. 12Áhsen nihionkaráke waʼthakwataséhthe wathasahtáron tánon owistanó꞉ron wahaʼhiathánake wathakwahtaséhthe ne tsi tehiosahtaráhtie. 13Kaiéri níkons wahaʼkakwenhtonniánions né nowistanóron íken tánon tsi tekahiósahiens nónhwe nahakwathakwenháton ne tsi tekashinónhtons. 14Né tehiotkakwenhtaʼkwenonhniánions né nahontiénawasthe nonawahatesónha né nahatíhawe nathekwáhra ákta tsi tehiosahtharátie nónhwe nahatinihiontónhnion. 15Nonawahatesónhas né꞉ne acacia nakaientóten wahonhnónhniathe tánon owistanó꞉ron wahatiroróksthe. 16Naʼkerahsónha aòskon owistanó꞉ron wahakʼsonhniánion natekwáhrahne ahó꞉wenk: nakerasónhas, ne kátshes, ne katʼtshesónhas, tánon noweró꞉kwas kátshes né꞉ne enwátsʼtonhke ne onenharataʼsehtserákeri iahiéthate.
Wahonnónhni Ne Watʼthaseranihiontákwa
(Exodus 25.31-40)
17Owistanorontsheróskon warónhniathe ne watʼthaseranihiontákwa. Warónhni tsi nónhwe nenkarátane tánon né kanawahathakweʼní꞉io né꞉ne kanekònhre nowistanó꞉ron tsi ionhniáton. Tsi tekaieronhnionháton notsitsashónhas, ó꞉ni ne tsi ioskwehiónton tánon nahotsitsashónhas, énskak iéken. 18Iá-iak nihionatóntons iehiokethó꞉tons naktóntie, áhsen níkon ne skatísons. 19Skátsions ne iá-iak nikahátaʼkes áhsen níkonhs ne karasestánions otsítsas thóh nikatsiʼtsótens tsi ní꞉ioht ne almond ohsóhkwa iotsíʼtsonhte né ioskwehiónte tánon ionerahthóntons. 20Ne tsi naoronta ne wathaʼserotáhkwa kaiéri níkon karaséston notsítsas thóh nikaieronhtó꞉ten tsi ní꞉ioht ne almond osóhkwa ne iotsítsonhte tánon ioskwehiónte tánon ioneratóntons. 21Énska ioskwehiónte é꞉take ne tsi ionatóntons ne áhsen níkon ionáthonte. 22Noskwéhias, ne onathasónhas, ó꞉ni ne watʼthasehranihiontákwa skátsons íken ne tsi kanekónhre nowistanó꞉ron. 23Tsáta nikahasehrákes waʼronhniánion nahonthaseranihióntaʼkwe, ó꞉ni warónhni ne tekatsirohraráktha tánon ne wathakenraráhkwa aòskon owistanó꞉ron íken. 24Tsáta niwáhsen nikakonhtsheráke wáratste nowistanóron tsi warónhni ne watʼthaseranihiontákwa tánon tsi niwatsʼthasónha.
Wahonhnónhni Ne Ientsenharáhkwa Tsi Nón꞉we Nennenwátren Ne Kaienkwarakónhons
(Exodus 30.1-5)
25Ne ientsenharáhkwa acacia nakaientó꞉ten wahonhnónhniaʼthe, ne wahontsaháthake ne kaienkwarakónhons. Tehiotekerónhte, 18 nihionkaráke nihions tánon 18 nihionkarahke natewathakaron, tánon 36 nihionkaráhke nitiótʼthe. Nahonikónharas ne tsi tekahiósaiens énskak iéken. 26Waharóroke ne éhneken, akwékon ne kaiéri nakatónties, tánon kakasthorókton ohwistanorontsheróskon íken tánon ohwistanóron hiotiatháʼnhakte teiokwatáse. 27Tékeni ohwistanó꞉ron waʼhakakwenhtónhni né iehástha tánon ehthàke ne tsi hiotsathanen nónhwe nahanihiontónhnion né tékeni nokwáhti skatísons, né nahontiénawasthe nonawahatesónha tsi enhatíhawe. 28Ne onawahatesónhas acacia óienthe warónhniathe tánon ohwistanó꞉ron waharóroks꞉the.
Waʼhonhnónhni Ne Iontatsiatokástha Kénhie ó꞉ni Ne Iontsienkwahronhniatákwa
(Exodus 30.22-38)
29Kwáh ó꞉ni warónhni ne iotokénti iothatsiathakonhionstákwa kènhie tánon ne wenhserákon iontsienkwahronhniatákwah, tekaiéston ne iotsiatakonhionstákwa.
Currently Selected:
Exodus 37: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
