Broă 28

Pol tòm bồt pơlào Malta

1Neh geh dong klàs behơ̆ rau, gen sồng bol hi git bồt pơlào hơ̆ sơnđan la Malta. 2Cau ơm tòm tiah hơ̆ wă rò bol hi dô bă sơrmah sơrmài ngan, tài bơh trồ gam mìu mơ noat mrềt ngan, gen tàng jơh tơl nă tus rềp di gơnru ồs dờng neh sing. 3Pol dòñ dô tơrñap lòng ro, sơrbì tòm ồs, gen gơs dô nơm bơs canglir lik tài bơh duh ồs sa, mơ gơrwàng rềt di tê khai. 4Cau ơm tòm tiah hơ̆ gŏ bơs gơyồng lùi pùi di tê khai, gen đơs bal mơ gơp lah: “Ngan cau do la cau tơnchơt cau, gen tàng bulah neh geh dong klàs bơh dàlềng rau, mơya bơta song ring#28:4 Hơ̆ la dô nă yàng ùr cau Grek dê. ò bài lòi khai in kis.” 5Mơ dơ̆ Pol rtơs bơs hơ̆ tòm ồs, gen ò gơs be tŏ be do di khai dô êt lơi ò. 6Bol hơ̆ tồnlah khai rơp as hala gơplơ̆ chơt mo tòm tŭ hơ̆, mơya neh ơm gơn jŏ rau mơ ò gŏ gơlik gơs ñchi lơi di khai, gen tòmgơl nùs mơ đơs lah: “khai la dô nă yàng!”

7Rềp di tiah hơ̆ gơs sre brê cau kwang at bồ bồt pơlào hơ̆ dê, sơnđan khai la Publius; cau do jơh nùs wă rò mơ ròng siam bol hi tòm pe ngai. 8Mơ tai, bèp Publius dê ơm bic hơđang cơnòng kòp duh să mơ jê kơndul mhàm. Pol mut còp khai, hòi dan, mơ ơn tê hơđang khai, gen khai geh sơmbòi. 9Tòm tŭ broă do neh gơlik gơs, cau lơi tòm bồt pơlào hơ̆ gơs kòp jê, gen lòt tus hơ Pol mơ geh sơmbòi lơm. 10Bol hơ̆ kung sền dờng màng ngan di bol hi, mơ tus di ngai bol hi hào ơhò gen bol khai rcang dap ală phan mơna pal ngui sa bol hi in.

Pol tòm Rôma

11Tơnơ̆ mơ pe kơnhai bol hi hào ơhò tus bơh Aleksandria nàng lòt, la ơhò neh ơm jơh kơnhai noat tòm bồt pơlào hơ̆, gơs dô nơm ơhò cau Aleksandria mơ gơs rùp pac di bồ ơhò la Oh Mi Deh Bàr. 12Bol hi tus tòm ƀòn dờng Sirakus mơ ơm wơl tềng hơ̆ tòm pe ngai. 13Bơh tềng hơ̆ bol hi lòt jat rò gah dàlềng, tus tòm Regium. Ngai tơnơ̆ gơs càl đơm gơkhồm tơngguh, gen tàng ngai tơnơ̆ tai bol hi tus tòm Puteôli. 14Tềng hơ̆, bol hi tìp ală cau dòn mơ bol khai jà bol hi ơm wơl poh ngai, lồc behơ̆ bol hi lòt tus hơ Rôma. 15Ală cau dòn ơm tòm Rôma kơno yal bơh bol hi gen lik lòt tus hơ drà Apius mơ tiah Pe Nơm Hìu Tac Phan Sa nàng rò bol hi. Pol gŏ bol khai gen ưnngài Yàng Tom Trồ mơ geh kơ̆ nùs sơl.

16Tòm tŭ bol hi neh tus tòm Rôma rau, Pol geh gơnoar ơm is mơ dô nă cau ling sền gàr. 17Tơnơ̆ mơ pe ngai Pol jà ală cau kwang làng bol Juda dê pơjum bal. Neh bol khai tus jơh rau, gen Pol đơs lah: “Ơ oh mi añ, bulah añ ò lơh bơta lơi tòmsò mơ làng bol hala tòmsò mơ bơta òs mòng ồng pàng bol he dê, mơya añ kung kòl kup jàm bơh Jerusalem mơ bơtào tus tòm tê cau Rôma. 18Tơnơ̆ mơ tŭ neh sơwì lùp añ rau, gen cau Rôma kòñ hồ añ, tài bơh añ ò gơs glài lơi pal chơt. 19#Broă 25:11.Mơya tòm tŭ cau Juda tòmdră mơ bơta hơ̆, gen tàng añ dan cèng tus hơ Sesa, mơ ò di la añ gơs bơta lơi kòñ yă làng bol añ jê ò. 20Tài bơh hơ̆ tàng añ jà oh mi tus nàng tìp mat tòmbơhbơr bal, mơ hơ̆ la tài bơh Yàng la bơta gơn kơnòm làng bol Israel dê tàng añ kong cap mơ che sreng do.” 21Ală cau hơ̆ ho lah: “Bol hi ò gŏ tìp sră pơyoa bơh lơgar Jude đơs bơh broă bi dê, kung ò gơs oh mi lơi lòt tus yal bol hi in hala đơs iơh di bi ò. 22Bulah behơ̆ bol hi kòñ git mbe bi kơlôi, bơh pơnah đah gùng duh khoai do bol hi git lah cau đơs tòmsò tòm làm bă tiah.”

23Tơnơ̆ mơ tŭ bol hơ̆ neh pơgon ngai tòmtìp mơ khai, gen lòt tus gal ngan tòm hìu khai ơpah ơm. Bơh drim jơl mho khai kư̆ bơto yal bol hơ̆ in, lơh cơng bơh lơgar Yàng Tom Trồ dê, mơ ai bơta boh lam Môise dê mơ ală sră cau gơnoar hwơr nàng bơto pơndòm bol hơ̆ bơh Yàng Jesu. 24Gơs cau ƀà dòn jơnau khai đơs, gơs cau ƀà tai ò bài dòn. 25Tài bơh bol khai ò gơs dô nùs bal mơ gơp mơ kòñ lik rê, gen Pol đơs bơtơl mìng dô jơnau do: “Yàng Hwềng Goh neh đơs di ngan tòm tŭ Kơnràñ ngui cau gơnoar hwơr Esai nàng đơs mơ ồng pàng oh mi dê lah:

26‘Lòt tus tĕ hơ làng bol do mơ đơs lah:

Bol mê kơno mơya ò git wă dô êt lơi,

Bol mê sền gen gŏ mơya ò git đal dô êt lơi.

27 # Esai 6:9,10. Bơh nùs làng bol do neh kră kơldang,

Tồr bol khai neh tĭ,

Mat bol khai neh ñềm,

Rngòt mat bol khai geh gŏ,

Tồr bol khai geh kơno,

Nùs bol khai geh git wă,

Mơ bol khai rê wơl

Mơ Añ sơm bol khai in bòi mòn.’

28Behơ̆ oh mi git tĕ lah bơta dong klàs do Yàng Tom Trồ dê neh geh lòt tus hơ cau làng bol bơdìh; mơ bol khai kung rơp iat sơl.” [ 29Tòm tŭ khai neh đơs sir rau, gen ală cau Juda lik rê mơ tòm pơndang bal oă ngan.]#28:29 Gơs dô êt sră cih tê yau ò gơs sèng 29.

30Pol ơm tơl bàr nam tòm hìu khai neh ơpah, mơ khai wă rò jơh ală cau lòt tus còp khai, 31bơto yal bơh lơgar Yàng Tom Trồ mơ bơto sồr bơh Yàng Jesu Krist dô bă khin cha ngan, ò gơs cau lơi bơkơŭ kơryan khai dô êt lơi.

Currently Selected:

Broă 28: KPM2018

Highlight

Copy