Rôma Jơnau yal tơnggit
Jơnau yal tơnggit
Sră pơyoa Pol dê pơyoa ală cau dòn tòm Rôma in, tồ yal tơnggit mơ rcang bơta tus còp Hìu Jum Goh tềng hơ̆ ồng dê. Pol lơh nền rơp tus còp mơ bơto yal Jơnau Niam tòm Rôma dô pah tŭ, mơ tơnơ̆ hơ̆ kơnòm di bơta dong kòl bol khai dê, ồng rơp tus tòm «Tây Ban Nha». Tòm sră pơyoa, ồng yal loh bơh bơta dòn tòm Bơtau Krist mơ bơta bơto sồr ngui mbe lơi tòm rài kis cau dòn. Sră pơyoa Rôma gơs jơnau yal loh wil tơl rlau jơh bơh bơta bơto bơh Jơnau Niam ồng dê.
Tơnơ̆ mơ tŭ lùp còp ală cau dòn tòm Hìu Jum Goh Rôma mơ đơs mơ bol khai lah ồng sùm hòi dan bol khai in. Pol đơs bơh tơnggume tòm sră pơyoa dê: “Tòm Jơnau Niam do, bơta song ring Yàng Tom Trồ dê geh ràng tơlik bơh bơta dòn tus hơ bơta dòn, be neh cih lah: Cau song ring rơp kis bơh bơta dòn.” (1:17)
Tơnơ̆ hơ̆, Pol đơs wil tơl bơh tơnggume yal tơlik lah jơh tơl nă cau, cau Juda kung be cau làng bơdìh kung pal geh kòp la song ring di đap Yàng Tom Trồ, bơh jơh jơi kòn mơnus neh ơm hơđơm gơnoar tồi glài. Kòn mơnus geh kòp la song ring kơnòm bơta dòn di Yàng Jesu Krist. Pơnjat, Pol yal tơlik rài kis pa cau dòn dê tòm bơta tòmklac bal mơ Yàng Jesu, hơ̆ la cồng nha bơta tơrbŏ pa mơ Yàng Tom Trồ. Cau dòn Yàng geh dô rài kis ring lơngai mơ kơnòm di Yàng Hwềng Goh mơ geh hồ toh bơh gơnoar tồi glài mơ bơta chơt. Tòm tap 5 tus 8, Pol đơs bơh tơnggume bơta boh lam Yàng Tom Trồ dê mơ gơnap gơnoar Yàng Hwềng Goh dê tòm rài kis cau dòn. Pơnjat, cau gơnoar bơto dờng yal loh mbe lơi ală cau Juda mơ ală làng bol bơdìh la gơròm bal mơ gùng dong klàs Yàng Tom Trồ ai jơi kòn mơnus in. Ồng crap wơl lah bơta ò dòp Yàng Jesu làng bol Israel dê la dô pơnah tòm tơnggume broă Yàng Tom Trồ dê tồ cèng jơh jòi kòn mơnus tus hơ bơta nđàc dong klàs Yàng Tom Trồ dê tòm Yàng Dong Klàs Jesu Krist. Pol dòn lah, lồi dut cau Juda rơp ò sang lòi Yàng Jesu tai. Pơnah lồi dut sră pơyoa, Pol bơto tơngkah bơh gùng dà kis ală cau ơm tòm Bơtau Krist, rlau jơh la pal kis tòm bơta kòñ gơboh bal mơ gơp, kis mbe lơi gơwèt mơ kwang bơtau mơ bơta gơwèt mơ nùs tồr niam. Pol pơndut sră pơyoa tòm jơnau còp să mơ jòng ro Yàng Tom Trồ.
Cah ală pơnah
Yal tơnggit mơ tơnggume (1:1-17)
Pal càng bơta dong klàs jơi kòn mơnus in (1:18 – 3:20)
Gùng dà Yàng Tom Trồ dê bơh bơta dong klàs (3:21 – 4:25)
Rài kis pa tòm Bơtau Krist (5:1 – 8:39)
Cau Juda tòm tơnggume bơta dong klàs Yàng Tom Trồ dê (9:1 – 11:36)
Bơta kis cau dòn Yàng dê (12:1 – 15:13)
Crap wơl mơ jơnau còp să (15:14 – 16:27)
Currently Selected:
Rôma Jơnau yal tơnggit: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.