Lik Ejiptơ 21

Bơta boh lam bơh dĭ gơna

(Yal Wơl 15:12-18)

1Do la ală bơta boh lam mê pal bơto làng bol in:

Ală cau Hebrơ duh broă

2 # Leb 25:39-46. Dilah mê blơi dô nă cau klau Hebrơ duh broă,#21:2 hala cau dĭ. khai rơp duh broă bol mê tòm prau nam; mơya tus di nam dơ̆ poh khai rơp geh khat gơboh, ò tơm wơl dô nơm phan lơi. 3Dilah khai tus mìng dô nă, gen khai rơp lik mìng dô nă; mơya dilah khai gơs bau ùr tòm tŭ khai tus, gen bau ùr khai rơp lik bal mơ khai. 4Dilah cau tòm khai dê jòi bau khai in, mơ dilah bau ùr khai dê tơnggơs ală kòn klau hala ală kòn ùr, gen cau ùr mơ ală kòn khai dê rơp gơrê bal mơ cau tòm khai dê, mìng dô nă cau klau rơp lik lơm. 5Mơya, dilah cau duh broă đơs lah: “Añ kòñ gơboh cau tòm, bau ùr mơ ală kòn añ jê, mơ añ ò bài lik khat gơboh,” 6gen cau tòm khai dê rơp lam khai tus di đap ală cau kwang cahrña,#21:6 hala di đap Yàng Tom Trồ. lam khai tus rềp di mpồng hala jrong mpồng, lồc behơ̆ ai dô nơm nsồc mơ lòs cuh tồr khai dê. Behơ̆, khai rơp duh broă cau tòm in jơh rài kis khai.

7Dilah dô nă cau tac kòn ùr khai dê lơh gơs cau duh broă, gen kòn ùr hơ̆ ò geh lik klàs kung be ală cau klau duh broă. 8Dilah khai ò niam nùs cau tòm neh sac rwah khai,#21:8 hala mơ cau tòm ò sac rwah khai. gen khai pal lòi cau ùr duh broă geh tơwài wơl. Khai ò geh gơnoar tac cau ùr duh broă mơ ală làng bol bơdìh, tài bơh khai ò prap gàr jơnau ho bal mơ cau ùr duh broă. 9Dilah khai sac rwah cau ùr duh broă kòn klau khai in, gen khai pal gơwèt mơ cau hơ̆ be dô nă kòn ùr. 10Dilah khai bau mơ cau ndai, gen gơwèt mơ cau sơnròp khai ò geh gơnoar pơndut phan sa, phan soh, mơ ală gơnoar gơrê bal mơ bơta tòmbau. 11Dilah khai ò lơh pe bơta do gơwèt hơ cau duh broă gen cau duh broă geh gơnoar lik khat gơboh, ò càng tơm jền lơi.

Lơh jê sồt cau

12 # Leb 24:17. Cau lơi pù lơh mơ tơnchơt dô nă cau gen cau hơ̆ rơp kong tơnchơt. 13#Khà 35:10-34; Yalw 19:1-13; Jôs 20:1-9.Bulah behơ̆, dilah khai ò di gơs nùs lơh nền kòñ tơnchơt, mơya Yàng Tom Trồ neh lòi gơlik gơs behơ̆, gen khai pal ntoat dô tus di dô bă tiah mơ Añ rơp sồr rcang sir. 14Mơya dilah gơs dô nă cau bơtào kai gơrmơ̆i mơ gơs nùs kòñ tơnchơt dô nă cau ndai, gen kup cèng khai bơh di cơnòng duh khoai Añ jê mơ tơnchơt tĕ khai.

15Cau lơi pù lơh#21:15 tơnchơt. bèp hala mè khai dê gen pal kong tơnchơt.

16 # Yalw 24:7. Cau lơi kup kơñau dô nă cau, gen khai pal kong tơnchơt, bulah khai neh tac cau hơ̆ rau hala gam lòi wơl.

17 # Leb 20:9; Mat 15:4; Mak 7:10. Cau lơi srat sơntơm bèp hala mè khai dê gen khai pal kong tơnchơt.

18Dilah gơs ală cau tòmlah bal, mơ cau do pòng cau ne mơ lŭ hala mơ kơndap tê, cau ne ò chơt, mơya pal bic di cơnòng, 19dilah khai ñă ntào jra gai lik lòt gùt dar, gen cau neh pòng khai rơp ò kòl kup glài; bulah behơ̆, khai pal tơm jền roh tơngai lơh broă, mơ dong kòl jơl tus di tŭ cau hơ̆ geh bòi wil tơl.

20Dilah gơs dô nă cau ai gai pòng cau dĭ klau hala dĭ ùr khai dê mơ lơh khai in chơt mo, gen khai pal kong lơh glài, 21mơya dilah cau dĭ guh wơl tơnơ̆ mơ dô ngai hala bàr ngai, gen cau tòm ò kong lơh glài tài bơh cau dĭ la phan mơna khai dê.

22Dilah gơs cau klau tòmlơh bal, gơtup di dô nă cau ùr bun mơ lơh khai in rlơs, mơya ò gơs bơta jê sồt kơnjơ̆, gen cau neh lơh gơlik bơta hơ̆ pal kong lơh glài tơmàl tơm phan jat be bau klau dan sa, mơ geh cau kwang cahrña ai gơnoar.

23Mơya dilah gơs bơta jê sồt kơnjơ̆, gen mê pal ai bơta kis tơm bơta kis, 24#Leb 24:19-20; Yalw 19:21; Mat 5:38.ai mat tơm mat, ai sề tơm sề, ai tê tơm tê, ai jơng tơm jơng, 25ai lơhò tơm lơhò, ai sồt tơm sồt, ai ur tơm ur.

26Dilah cau lơi pù lơh di di gar mat cau klau duh broă hala cau ùr duh broă he dê, mơ tơnroh gơ, gen cau tòmpal hồ toh khai lik khat gơboh nàng tơm wơl bơta roh mat hơ̆. 27Mơ dilah cau lơi pù lơh rung dô nơm sề cau klau duh broă hala cau ùr duh broă khai dê gen khai pal hồ toh khai lik khat gơboh nàng tơm wơl bơta roh dô nơm sề hơ̆.

28Dilah gơs dô nơm kơnrồ dam#21:28 kơnrồ dam: Cil: kơnrồ kwang. gĕ chơt dô nă cau klau hala dô nă cau ùr gen kơnrồ dam hơ̆ pal kong cơm lŭ chơt mơ poac gơ ò geh sa. Mơya cau tòm kơnrồ hơ̆ rơp ò gơkòl kup glài. 29Bulah behơ̆, dilah bơh lài kơnrồ dam hơ̆ gơs bơta òs mòng la jak gĕ cau, mơ cau tòm neh geh cau yal tơnggit bơh bơta hơ̆ mơya khai ò krơ̆ kơnrồ hơ̆ tòm wàng, lòi gơ gĕ chơt dô nă cau klau hala dô nă cau ùr, gen kơnrồ hơ̆ pal kong cơm lŭ mơ cau tòm rơp kong tơnchơt sơl. 30Bulah behơ̆, dilah cau dan sa dồs gen cau tòm kơnrồ rgơi tơm jat khà cau dan sa nàng tơwài bơta kis khai dê. 31Bơta boh lam do kung pal lơh jat dilah kơnrồ gĕ dô nă kòn klau hala dô nă kòn ùr. 32Dilah kơnrồ dam gĕ dô nă cau dĭ klau hala cau dĭ ùr, gen cau tòm kơnrồ pal tơm pe jơt sieklơ priă cau tòm cau dĭ hơ̆ in; lồc behơ̆ kơnrồ pal kong cơm lŭ chơt.

33Dilah dô nă cau pò bơnap#21:33 hala bơnop. trồm jrô, hala tò dô nơm trồm jrô mơ ò ai bơnap til wơl, dilah gơs dô nơm kơnrồ dam hala dô nơm alàng dùh tòm hơ̆, 34gen cau tòm tò trồm pal tơm dồs cau tòm phan neh dùh tòm hơ̆ jat khà khai dan sa, mơ phan chơt hơ̆ gơrê mơ cau tò trồm.

35Dilah kơnrồ dam cau lơi gĕ sồt kơnrồ dam cau ndai dê mơ tơnơ̆ hơ̆ gơ chơt, gen bàr nă cau tòmpal tac kơnrồ gam kis, lồc behơ̆ tòmpà ring bal khà priă neh geh bal mơ poac kơnrồ neh chơt hơ̆ sơl. 36Bulah behơ̆, dilah neh git lah kơnrồ dam hơ̆ gơs bơta òs mòng la jak gĕ, mơ cau tòm ò krơ̆ gơtòm wàng, gen khai pal tơm, ai phan poan jơng tơm phan poan jơng, mơya phan poan jơng chơt rơp gơrê mơ khai.

Currently Selected:

Lik Ejiptơ 21: KPM2018

Highlight

Copy