Sơnròp Gơlik Gơs 23
23
Sara chơt mơ geh tơp tòm ƀlàng Makpela
1Sara kis dô rhiang bàr jơt poh nam. Kàr hơ̆ la rài kis Sara dê. 2Sara chơt tòm Kiriat Arba, hơ̆ la Hebrôn, tòm lơgar Kanaan. Abraham tus moat ƀồc mơ ñìm rac Sara in. 3Mơ Abraham ntào di gah cau chơt khai dê mơ đơs mơ ală kòn sau Het lah: 4#Heb 11:9,13; Broă 7:16.“Añ la cau bơdìh ơm ing tòm ù bol mê, dan ai añ in dô bă tiah tơp ƀồc tòm lơgar bol mê nàng añ tơp cau chơt añ jê.” 5Ală kòn sau Het ho lah: 6“Ơ ồng, dan iat bol hi, digùl bol hi ồng la dô nă kòn bơtau màng ryŭ, tơp cau chơt ồng dê tòm tiah bơtô lơi niam rlau bol hi dê. Tòm mpồl bol hi ò gơs cau lơi pơlai tiah bơtô khai dê nàng tơp cau chơt ồng dê.” 7Gen Abraham ntào, tơmbic să di đap làng bol lơgar dê, hơ̆ la ală kòn sau Het, 8mơ đơs lah: “Dilah bol mê gơs nùs ai añ in tơp cau chơt añ jê, gen iat jơnau añ jê mơ dan añ in mơ Eprôn, kòn Sôhar dê, 9nàng khai lòi wơl añ in trồm lŭ Makpela, di gah sre khai dê, lòi añ in tòm toh khà jền nàng añ in gơs digùl bol mê dô bă tiah tơp ƀồc.”
10Tŭ hơ̆, Eprôn, cau Hetit, ơm nggui digùl kòn sau Het, ho mơ Abraham di đap kòn sau Het dê mơ di đap ală cau neh mut bal tòm mpồng ƀòn lah: 11“Ò, ơ ồng, dan iat jơnau añ: Do, di đap làng bol añ, añ ai ồng in sre mơ kung ai trồm lŭ tòm hơ̆ sơl, tơp tĕ cau chơt ồng dê.” 12Abraham tơmbic să di đap làng bol lơgar dê, 13mơ đơs mơ Eprôn di đap làng bol lơgar dê lah: “Dan iat, añ ai khà jền sre, dòp tĕ, gen añ rơp tơp cau chơt añ jê.” 14Eprôn đơs mơ Abraham lah: 15“Ơ ồng, iat jơnau añ, dô pet ù gơs khà la poan rhiang sieklơ#23:15 Rct: poan kơr nggùl priă. priă, khà hơ̆ ồng mơ añ ò gơs nđò sơl? Tơp tĕ cau chơt ồng dê.” 16Abraham iat jơnau Eprôn dê mơ di đap kòn sau Het khai kơr poan rhiang sieklơ priă jào khai in, la jền priă òs ală cau kă bro ngui.
17Behơ̆, ƀlàng sre Eprôn tòm Makpela, tòm toh mơ Mamre: hơ̆ la sre, trồm lŭ, jơh ală chi tòm ƀlàng sre, mơ rò gah sre, 18gơlik gơs kơ̆ nền phan tòm Abraham dê di đap kòn sau Het mơ jơh ală cau neh tus bal tòm mpồng ƀòn. 19Tơnơ̆ mơ hơ̆, Abraham tơp Sara, bau ùr khai, tòm trồm lŭ Makpela, tòm toh mơ Mamre, tòm Hebrôn, lơgar Kanaan dê. 20Ală kòn sau Het lơh nền jào sre mơ trồm lŭ gơs phan tòm Abraham dê, nàng khai in ngui lơh gơs tiah tơp ƀồc.
Currently Selected:
Sơnròp Gơlik Gơs 23: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
