Jang 15

Yàng Jesu la tòm ño ngan

1“Añ la tòm ño ngan, Bèp Añ la cau tam. 2Ntê lơi tòm Añ mơ ò gơlik plai gen Kơnràñ koh sang, mơ ntê lơi gơlik plai gen Kơnràñ rcang niam, nàng gơlik oă plai tai. 3Bol mê geh goh rau bơh jơnau Añ neh bơto yal bol mê in. 4Ơm tĕ sùm tòm Añ gen Añ rơp ơm sùm tòm bol mê. Be ntê, dilah ò gơđềt mơ tòm ño, gen ò rgơi gơlik plai is gơ dê ò, dilah bol mê ò ơm sùm tòm Añ gen kung behơ̆ sơl. 5Añ la tòm ño, bol mê la ntê. Cau lơi ơm sùm tòm Añ mơ Añ ơm sùm tòm khai gen gơlik oă ngan plai, bơh ơm bơdìh Añ, gen bol mê ò rgơi lơh bơta lơi ò. 6Dilah cau lơi ò ơm sùm tòm Añ gen kòl sang tơlik di tiah kung be ntê ne, gơ ro rañ gen cau dòñ, sang tòm ồs, mơ chu jơh. 7Dilah bol mê ơm sùm tòm Añ, mơ ală jơnau Añ jê ơm sùm tòm bol mê, dan tĕ bơta lơi bol mê kòñ, gen rơp geh bơta hơ̆. 8Bèp Añ geh gơklŏ, hơ̆ la tài bơh bol mê gơlik oă plai, mơ bol mê rơp lơh gơs cau bơtê Añ jê. 9Bèp neh kòñ gơboh di Añ be lơi, gen Añ kung kòñ gơboh di bol mê behơ̆ sơl; ơm tĕ sùm tòm bơta kòñ gơboh Añ jê. 10Dilah bol mê prap gàr ală bơta sồr lam Añ jê, gen rơp ơm sùm tòm bơta kòñ gơboh Añ jê, kung be Añ neh prap gàr ală bơta sồr lam Bèp Añ jê, mơ ơm sùm tòm bơta kòñ gơboh Kơnràñ dê. 11Añ neh yal bol mê in ală bơta hơ̆, tồ bơta hòn chò Añ jê ơm tòm bol mê, mơ bơta hòn chò bol mê dê geh wil tơl.

12 # Jang 13:34; 15:17; I Jang 3:23; II Jang 1:5. Do la bơta sồr lam Añ jê: Bol mê kòñ gơboh tĕ bal mơ gơp, kung be Añ neh kòñ gơboh di bol mê. 13Ò gơs bơta kòñ gơboh lơi dờng rlau mơ bơta kòñ gơboh bơh bơyô he mơ phi bơta kis he. 14Dilah bol mê lơh jat bơta Añ bơto sồr, gen bol mê la bơyô Añ jê. 15Añ ò tai sơnđan bol mê la cau dĭ, bơh cau dĭ ò git bơta cau tòm he lơh; mơya Añ sơnđan bol mê la bơyô, tài bơh Añ neh yal bol mê in git jơh ală bơta Añ neh kơno bơh di Bèp Añ. 16Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in. 17Añ bơto sồr bol mê ală bơta hơ̆, nàng bol mê kòñ gơboh bal mơ gơp.”

Nùs gơjrañ kơuềng dunnia dê

18“Dilah dunnia gơjrañ di bol mê, gen git tĕ lah bol khai neh gơjrañ di Añ lài mơ bol mê rau. 19Dilah bol mê gơrê bal mơ dunnia, gen dunnia rơp kòñ gơboh di cau bal mơ bol khai; mơya tài bơh bol mê ò bal mơ dunnia, mơya Añ neh sac bol mê lik bơh dunnia, gen tàng dunnia gơjrañ di bol mê. 20#Mat 10:24; Luk 6:40; Jang 13:16.Kah tĕ jơnau Añ neh đơs mơ bol mê: ‘Cau dĭ ò dờng rlau mơ cau tòm.’ Dilah bol khai neh kup kơryan Añ, gen kung rơp kup kơryan bol mê sơl; dilah bol khai neh prap gàr jơnau Añ, gen kung rơp prap gàr jơnau bol mê sơl. 21Mơya tài bơh sơnđan Añ mơ bol khai rơp lơh jơh ală bơta hơ̆ di bol mê, tài bơh bol khai ò git Bơtau neh sồr Añ lòt tus. 22Dilah Añ ò lòt tus mơ yal bol khai in, gen bol khai ò gơs glài; mơya tòm tŭ do bol khai ò rgơi tò să he nàng klàs glài ò. 23Cau lơi gơjrañ di Añ gen kung gơjrañ di Bèp Añ sơl. 24Dilah Añ ò lơh ală broă digùl bol khai la broă ò gơs cau lơi rgơi lơh, gen bol khai ò gơs glài, mơya tòm tŭ do bol khai neh gŏ, mơ gơjrañ di Añ bal mơ Bèp Añ sơl. 25#Đơs Crih 35:19; 69:4.Hơ̆ tồ gơlik di ngan be jơnau neh cih tòm bơta boh lam bol khai dê lah: ‘Bol khai gơjrañ di Añ la ò bồ.’ 26Mơya tŭ lơi Bơtau Pơndòm pơniang#15:26 Hala Cau dong kòl. tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ. 27Bol mê kung rơp lơh cơng sơl, tài bơh bol mê neh ơm mơ Añ bơh sơnròp.”

Currently Selected:

Jang 15: KPM2018

Highlight

Copy