MARKUS 4
4
Murokoqwan tinkutsikiy
1Yapeynam qalleykorqan yachatsikur qocha kuchunchow, i eyllukayarqan peypa nowpanman allápa atska nunakuna; tseynam pey yeykurerqan juk barkachow qochaman i tseychow tákurerqan, i llapan nunakunam keykáyarqan lamar kuchunchow. 2I yachatsirqan atska kosaskunata tinkutsikiykunapa. Yachatsikiyninchow nerqan: 3“¡Wiyayey! Juk murukoqmi yarqurqan muroq. 4I muriykaptinna, wakin muruna shikwarqan náni kuchunman i pishqukuna shamur ushpakurkuyarqan. 5Wakinnam shikwarqan ranrakunaman, mana atska allpayoqman, i ajalla jeqaramorqan; janalla allpa kaptin. 6Inti yarqaramurnam ruparerqan, i mana watsinkuna kaptin tsakirerqan. 7Wakinnam shikwarqan kashakunaman. I kashakuna winarna wanuratsiyarqan i wayínin karqantsu. 8Wakin murukunam alli allpaman shikwayarqan i winarnin pallqárir wayínin karqan. I apayarqan wayininta kima chunka, joqta chunka i pachakpayan jukpita.” 9I nerqan: “Rinriyoq kaqqa wiyananpaq, wiyatsun”.
Murukoqwan tinkutsikiy káyitsishqa
10Japallan keykaptin, peypa jiruroqninchow keykaqkuna i chunka ishkeykunawan tapuyarqan tinkutsikiykunapa parlashqanta. 11Peynam nerqan: “Qamkunatam qoshqa karqon Dyospa reynunpa pakaraqnin; peru jaqchow keykaqkunapaqqa, llapan kosaskunapis tinkutsikiykunapam, 12rikeykarpis rikáyan i mákuyantsu, i wiyeykarpis wiyayan i káyiyantsu; tseynowpam kombertikuyantsu, mana perdonashqa kayánanpaq.”
13Tseynam nerqan: “¿Manaku kayiyanki key tinkutsikiyta? ¿Imanowraq, káyiyanki llapan tinkutsikunata? 14Murukoqqa murunmi palabrata. 15Keykunam shikwayan náni kuchunman tseychowmi murukan palabra. Wiyariyaptin, Satanas weyralla shamur qochirin peykunachow murushqa palabrata. 16Ranrakunachow murushqakunapis keykunam kayan, palabrata wiyarirnin, tseyllana chaskiyan kushikiywan; 17kikinchow mana watsinnaq kar, ichiklla kawayan. Tseynam palabra janaq jipakiykuna ó qatikacheykuna kaptin, tseyllana ishkiriyan. 18I wakinnam kayan kashakuna rurinchow murushqa. Peykunam kayan palabra wiyaq, 19peru key mundupa yarpakacheynin, kapoqyoq key engáñunwan i masta ashirnin, imamampis yakakeykachar palabrata wanutsin, i wayíninnaq keydarin. 20Alli allpachow murushqakunam wiyayan palabrata, chaskiyan i wayínin kayápun kima chunka, joqta chunka i pachakpayan jukpita.”
Lamparin i tupuna
21Nerqanmi jina: “¿Akasu apamuntsik juk lamparata kajonman ó kama rurinman chureykunapaqku? ¿Manaku kandeleru jananman churanapaq? 22Manam imapis pakaraq kantsu sinowqa musyakashqa; ni imapis pakaranqatsu sinowqa yarqaramonqam aleyriman. 23Meyqanpapis rinrinkuna wiyananpaq kaptenqa, wiyatsun.”
24Nerqan jina: “Yarpáyey wiyayashqeykiyta: Ima tupuwanmi tupuyanki tseywanmi tupushqa kayanki i yapayáshunkiran. 25Kapoqyoqtam qoshqa kanqa i mana kapoqyoqta tseylla kapoqnintapis qochishqa kanqa.”
Murupa wineyninwan tinkutsikiy
26Nerqan jina: “Tseynowmi Dyospa mandakiynin, juk nuna allpaman muruta maktseqnow. 27Punun pey ampipa i junaqpanam shárin, muru jeqaramur winan, pey mana musyashqan. 28Jinanllapita allpa wayínin qon: Puntataqa yurallata, tseypitanam espigan i gránu junta espigachow. 29Wayínin poquriptinnam, tseyllana ósiwan pey segan koseycha cháramuptin.”
Ñushta muruwan tinkutsikiy
30Yapeymi nerqan: “¿Imawantaq Dyospa reynunta iwalatsishun? ¿Ima tinkutsikiywantaq tinkutsishun? 31Ñushtapa juk murunnowmi, allpachow murushqa, llapan murupita mas ichikllanmi key patsachow. 32Peru murushqana kar, winar tikrarin llapan qorakunapita mas jatun, i rámankuna jatunyariptin, syelu pishqukunapis qeshunkuna rurayan.”
33Atska keynow tinkutsikiykunawan yachatsikoq palabrata, wiyeyta pwediyashqanmannow. 34Tinkutsikiykunallawanmi parlapaq, peru pakeyllapa llapanta kayitseq disípulunkunata.
Jesús páratsin shukukiyta
35Tsey junaq, ampíriptinna, nerqan: —Pasashun tsimpaman.
36Llapan nunata despidirirnam, juk barkachow chaskiyarqan, kanqantanowlla. Tseychow juk barkakunapis karqan peywan. 37Tseynam lluteypa shukukiy shárikurkorqan, ólakunapis barkata laqcheqsarnin, tseynowpam barka undikaqnow karqan. 38Peyna keykarqan barkapa pópanchow, jawna jananchow puniykar; riwatsiyarqan keynow nishpa: —¡Mayestru! ¿Manaku imapis qokushunki ushakárinantsik?
39I riyarkurna piñaparqan byentuta i lamarta nerqan: —¡Upálla! ¡Ama búlleytsu!
Byentuna párarerqan i trankilu keydarerqan. 40I nerqan: —¿Imanirtaq mantsakashqa keykayanki? ¿Manaraqku kreyikiynikikuna kayápushunki?
41Peykuna allápa mantsakayarqan jatun mantsakiywan i ninakuyarqan: —Tseypenqa, ¿Pitaq key, byentupis i qochapis kásuyan?
Currently Selected:
MARKUS 4: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
MARKUS 4
4
Murokoqwan tinkutsikiy
1Yapeynam qalleykorqan yachatsikur qocha kuchunchow, i eyllukayarqan peypa nowpanman allápa atska nunakuna; tseynam pey yeykurerqan juk barkachow qochaman i tseychow tákurerqan, i llapan nunakunam keykáyarqan lamar kuchunchow. 2I yachatsirqan atska kosaskunata tinkutsikiykunapa. Yachatsikiyninchow nerqan: 3“¡Wiyayey! Juk murukoqmi yarqurqan muroq. 4I muriykaptinna, wakin muruna shikwarqan náni kuchunman i pishqukuna shamur ushpakurkuyarqan. 5Wakinnam shikwarqan ranrakunaman, mana atska allpayoqman, i ajalla jeqaramorqan; janalla allpa kaptin. 6Inti yarqaramurnam ruparerqan, i mana watsinkuna kaptin tsakirerqan. 7Wakinnam shikwarqan kashakunaman. I kashakuna winarna wanuratsiyarqan i wayínin karqantsu. 8Wakin murukunam alli allpaman shikwayarqan i winarnin pallqárir wayínin karqan. I apayarqan wayininta kima chunka, joqta chunka i pachakpayan jukpita.” 9I nerqan: “Rinriyoq kaqqa wiyananpaq, wiyatsun”.
Murukoqwan tinkutsikiy káyitsishqa
10Japallan keykaptin, peypa jiruroqninchow keykaqkuna i chunka ishkeykunawan tapuyarqan tinkutsikiykunapa parlashqanta. 11Peynam nerqan: “Qamkunatam qoshqa karqon Dyospa reynunpa pakaraqnin; peru jaqchow keykaqkunapaqqa, llapan kosaskunapis tinkutsikiykunapam, 12rikeykarpis rikáyan i mákuyantsu, i wiyeykarpis wiyayan i káyiyantsu; tseynowpam kombertikuyantsu, mana perdonashqa kayánanpaq.”
13Tseynam nerqan: “¿Manaku kayiyanki key tinkutsikiyta? ¿Imanowraq, káyiyanki llapan tinkutsikunata? 14Murukoqqa murunmi palabrata. 15Keykunam shikwayan náni kuchunman tseychowmi murukan palabra. Wiyariyaptin, Satanas weyralla shamur qochirin peykunachow murushqa palabrata. 16Ranrakunachow murushqakunapis keykunam kayan, palabrata wiyarirnin, tseyllana chaskiyan kushikiywan; 17kikinchow mana watsinnaq kar, ichiklla kawayan. Tseynam palabra janaq jipakiykuna ó qatikacheykuna kaptin, tseyllana ishkiriyan. 18I wakinnam kayan kashakuna rurinchow murushqa. Peykunam kayan palabra wiyaq, 19peru key mundupa yarpakacheynin, kapoqyoq key engáñunwan i masta ashirnin, imamampis yakakeykachar palabrata wanutsin, i wayíninnaq keydarin. 20Alli allpachow murushqakunam wiyayan palabrata, chaskiyan i wayínin kayápun kima chunka, joqta chunka i pachakpayan jukpita.”
Lamparin i tupuna
21Nerqanmi jina: “¿Akasu apamuntsik juk lamparata kajonman ó kama rurinman chureykunapaqku? ¿Manaku kandeleru jananman churanapaq? 22Manam imapis pakaraq kantsu sinowqa musyakashqa; ni imapis pakaranqatsu sinowqa yarqaramonqam aleyriman. 23Meyqanpapis rinrinkuna wiyananpaq kaptenqa, wiyatsun.”
24Nerqan jina: “Yarpáyey wiyayashqeykiyta: Ima tupuwanmi tupuyanki tseywanmi tupushqa kayanki i yapayáshunkiran. 25Kapoqyoqtam qoshqa kanqa i mana kapoqyoqta tseylla kapoqnintapis qochishqa kanqa.”
Murupa wineyninwan tinkutsikiy
26Nerqan jina: “Tseynowmi Dyospa mandakiynin, juk nuna allpaman muruta maktseqnow. 27Punun pey ampipa i junaqpanam shárin, muru jeqaramur winan, pey mana musyashqan. 28Jinanllapita allpa wayínin qon: Puntataqa yurallata, tseypitanam espigan i gránu junta espigachow. 29Wayínin poquriptinnam, tseyllana ósiwan pey segan koseycha cháramuptin.”
Ñushta muruwan tinkutsikiy
30Yapeymi nerqan: “¿Imawantaq Dyospa reynunta iwalatsishun? ¿Ima tinkutsikiywantaq tinkutsishun? 31Ñushtapa juk murunnowmi, allpachow murushqa, llapan murupita mas ichikllanmi key patsachow. 32Peru murushqana kar, winar tikrarin llapan qorakunapita mas jatun, i rámankuna jatunyariptin, syelu pishqukunapis qeshunkuna rurayan.”
33Atska keynow tinkutsikiykunawan yachatsikoq palabrata, wiyeyta pwediyashqanmannow. 34Tinkutsikiykunallawanmi parlapaq, peru pakeyllapa llapanta kayitseq disípulunkunata.
Jesús páratsin shukukiyta
35Tsey junaq, ampíriptinna, nerqan: —Pasashun tsimpaman.
36Llapan nunata despidirirnam, juk barkachow chaskiyarqan, kanqantanowlla. Tseychow juk barkakunapis karqan peywan. 37Tseynam lluteypa shukukiy shárikurkorqan, ólakunapis barkata laqcheqsarnin, tseynowpam barka undikaqnow karqan. 38Peyna keykarqan barkapa pópanchow, jawna jananchow puniykar; riwatsiyarqan keynow nishpa: —¡Mayestru! ¿Manaku imapis qokushunki ushakárinantsik?
39I riyarkurna piñaparqan byentuta i lamarta nerqan: —¡Upálla! ¡Ama búlleytsu!
Byentuna párarerqan i trankilu keydarerqan. 40I nerqan: —¿Imanirtaq mantsakashqa keykayanki? ¿Manaraqku kreyikiynikikuna kayápushunki?
41Peykuna allápa mantsakayarqan jatun mantsakiywan i ninakuyarqan: —Tseypenqa, ¿Pitaq key, byentupis i qochapis kásuyan?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.