MARKUS 5
5
Jesús kachakátsin demoniyuyoq nunata
1Eywayarqan lamarpa wak kuchunta gadareynukunapa markanta. 2Pey barkapita yarquriptinlla, illaqpita, yarqamorqan, tarinakunampaq sepultúrakunapita, juk nuna rakcha espirituyoq. 3Keypam karqan yachanan sepultúrakunachow. Ni pipis wateyta pwederqantsu kadenakunawanpis, 4atska kutinam watashqa karqan kadenakunawan i grilluskunawanpis, peru pey rurarqan akapallaman kadeynakunata i allmureq grilluskunatapis. I pipis pwedirqantsu domineyta. 5Kadallayan, junaqpa i ampipa, purerqan sepultúrakunachow i jirkakunapa, qaparir i rumikunawan tsaktakur.
6Jesusta karupita rikeykur, eyqikurqan i adorarqan. 7Sinchipa rowakurnin nerqan: —¿Imanankitaq noqawan, Jesús, Altísimu Dyospa Tsurin? Rowakoq Dyospam ama tormentameytsu.
8I Jesusnam nerqan: —Key nunapita yarqiy, rakcha espiritu.
9I taporqan: —¿Imataq jutikiy?
I nerqan: —Jutiyqa Lejyonmi, atskaq kayaptiy.
10I tseynam allápa rowakorqan tsey markapita mana qarqunampaq.
11Tsey jirka ládunchow mitsikáyarqan atska kuchikunata. 12I rowayarqan nirnin: —Kacheykayamey kuchikunaman, peykunaman yeykuyanápaq.
13Jesusna permisuta qorqan. I rakcha espiritukuna yarqurirnin yeykuriyarqan kuchikunaman, atska kuchikunanam pintir jeqakurkuyarqan lamarman, ishkey waranqanow, wanuriyarqan lamarchow.
14Kuchi mitseqkuna eyqikuyarqan i willakuyarqan kállikunapa i jaqninkunapa. I eywayarqan rikáyananpaq ima pasakushqanta. 15Jesusman cháriyarqan i rikáriyarqan rakcha espirituyoq nunata, teykaqta, fisyunchow i bistikushqatana; i mantsayarqan. 16Llapan rikaqkuna willakuyarqan tsey endemoniyaduwan i kuchikunawan pasashqanta, 17i peykunanam qalleykuyarqan Jesusta rowar markankunapita ewkunampaq.
18Barkaman yeykureykaptinna demoniyuyoq kashqa nuna rowarqan peywan ewkunampaq. 19Jesusnam munarqantsu, sinowqa nerqan: —Wayikita ewkiy, kasteykikunaman, i willakiy qampaq Señor jatun kosaskuna rurashqanta, imanow ankupáshonqeykita.
20Pey ewkorqan Dekápolisman i qalleykorqan willakur peypaq Jesús jatun kosaskuna rurashqanta, i llapankuna almirakuyarqan.
Jesús kachakátsin juk warmita
21Jesús yapey barkachow wak kuchuman pasariptinna, eyllukayarqan pey jiruroqninman atska nunakuna. I pey keykarqan lamar kuchunchow. 22Shamorqan eyllukánan wayipa prinsipalkunapita juknin Jayru jutiyoq. Rikeykurnam qonqurikorqan chakinkunaman, 23i allápa rowakorqan keynow nishpa: —Warmi tsurillá waniykannam. ¡Shamíkiy! Makikikunata churékiy peyman salbakunampaq, i kawananpaq.
24Jesús eywarqan peywan. I qatiyarqan atska nunakuna, kichkirninraq.
25Karqan juk warmi yawar apéyoq chunka ishkey watana jiparqan. 26Allápa jipanaq jinalla kapoqninkunatapis usharnin, ni ima alliyatserqantsu peyor antsákorqan. 27Jesuspaq parlayaqta wiyarirnin, qepanpa shamur atska nunakuna chowpimpa yateykorqan mantunta. 28Peyqa pensarqan: “Sitsun mantunllatapis yateykushaq, kachakárishaqmi.” 29Tsey órallana, yawar apeynin tsakirerqan i kuerpunchow mákurerqan tsey jipakiypita kachakashqana kanqanta. 30Tseyllana Jesús kikinllachow mákurerqan podernin peypita yarqushqanta, nunakunaman tumeykur nerqan: —¿Pitaq yatamushqa mantúta?
31Disípulunkunanam niyarqan: —Rikankim allápa nunakuna kichkiyáshonqeykita, i tapukunkiy: “¿Pitaq yatamarqon?”
32Peynam jiruroqninta rikachakorqan yataqninta rikeyta munar. 33Tseynam warmi, mantsakur i karkaryekar, peychow rurakashqa kanqanta musyariykur, peypa nowpanman eywar qonqurikiykorqan, i nerqan llapan rasonpa kaqta.
34Peynam nerqan: —Tsuri, krekikiynikim salbashorqonki, yameyna ewkiy i qeshyeykipita kachakashqa key.
Jesús kawaritsin Jayrupa tsurinta
35Pey parleykaptinraq, shayámorqan eyllukana wayichow mandakoqpa wayinpita nishpa: —Tsuriki wanurishqanam. ¿Imapaqnataq Mayestruta piñatsinkiy?”
36Peru Jesusnam parlapaqkunata mana kasushpa, nerqan eyllukana wayichow mandakoqta i nerqan: —Ama mantseytsu; kreyilla.
37I manam munarqatsu pí yanaqánanta sinowqa Pedru, Jakobo i Jakobupa wawqin Juanta. 38Eyllukana wayichow mandakoqpa wayinman chárirnam, pey rikárerqan búllayaqta i qaparipa waqaqkunata. 39Yeykurirnam, nerqan: —¿Imanirtaq búllata rurar waqayankiy? Wamraqa manam wanushqatsu sinowqa puniykanllam.
40Peykunanam burlakuyarqan peypeq. Peru peynam jorqurerqan llapanta i wamrapa papáninta i mamáninta pusharkur i peywan keykaqkunalla, yeykurerqan wamra keykanqanman. 41Wamrapa makinta tsarirkur nerqan: —Talita Cumi, —key ninanmi: Wamra, qamtam neq, sharkiy—.
42Tsey óra wamra sharkur purerqan, chunka ishkey watayoqmi karqan. I mantsakashqa keydariyarqan. 43Peynam kunarqan mana pipis musyananpaq i mandarqan mikutsiyanampaq.
Currently Selected:
MARKUS 5: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
MARKUS 5
5
Jesús kachakátsin demoniyuyoq nunata
1Eywayarqan lamarpa wak kuchunta gadareynukunapa markanta. 2Pey barkapita yarquriptinlla, illaqpita, yarqamorqan, tarinakunampaq sepultúrakunapita, juk nuna rakcha espirituyoq. 3Keypam karqan yachanan sepultúrakunachow. Ni pipis wateyta pwederqantsu kadenakunawanpis, 4atska kutinam watashqa karqan kadenakunawan i grilluskunawanpis, peru pey rurarqan akapallaman kadeynakunata i allmureq grilluskunatapis. I pipis pwedirqantsu domineyta. 5Kadallayan, junaqpa i ampipa, purerqan sepultúrakunachow i jirkakunapa, qaparir i rumikunawan tsaktakur.
6Jesusta karupita rikeykur, eyqikurqan i adorarqan. 7Sinchipa rowakurnin nerqan: —¿Imanankitaq noqawan, Jesús, Altísimu Dyospa Tsurin? Rowakoq Dyospam ama tormentameytsu.
8I Jesusnam nerqan: —Key nunapita yarqiy, rakcha espiritu.
9I taporqan: —¿Imataq jutikiy?
I nerqan: —Jutiyqa Lejyonmi, atskaq kayaptiy.
10I tseynam allápa rowakorqan tsey markapita mana qarqunampaq.
11Tsey jirka ládunchow mitsikáyarqan atska kuchikunata. 12I rowayarqan nirnin: —Kacheykayamey kuchikunaman, peykunaman yeykuyanápaq.
13Jesusna permisuta qorqan. I rakcha espiritukuna yarqurirnin yeykuriyarqan kuchikunaman, atska kuchikunanam pintir jeqakurkuyarqan lamarman, ishkey waranqanow, wanuriyarqan lamarchow.
14Kuchi mitseqkuna eyqikuyarqan i willakuyarqan kállikunapa i jaqninkunapa. I eywayarqan rikáyananpaq ima pasakushqanta. 15Jesusman cháriyarqan i rikáriyarqan rakcha espirituyoq nunata, teykaqta, fisyunchow i bistikushqatana; i mantsayarqan. 16Llapan rikaqkuna willakuyarqan tsey endemoniyaduwan i kuchikunawan pasashqanta, 17i peykunanam qalleykuyarqan Jesusta rowar markankunapita ewkunampaq.
18Barkaman yeykureykaptinna demoniyuyoq kashqa nuna rowarqan peywan ewkunampaq. 19Jesusnam munarqantsu, sinowqa nerqan: —Wayikita ewkiy, kasteykikunaman, i willakiy qampaq Señor jatun kosaskuna rurashqanta, imanow ankupáshonqeykita.
20Pey ewkorqan Dekápolisman i qalleykorqan willakur peypaq Jesús jatun kosaskuna rurashqanta, i llapankuna almirakuyarqan.
Jesús kachakátsin juk warmita
21Jesús yapey barkachow wak kuchuman pasariptinna, eyllukayarqan pey jiruroqninman atska nunakuna. I pey keykarqan lamar kuchunchow. 22Shamorqan eyllukánan wayipa prinsipalkunapita juknin Jayru jutiyoq. Rikeykurnam qonqurikorqan chakinkunaman, 23i allápa rowakorqan keynow nishpa: —Warmi tsurillá waniykannam. ¡Shamíkiy! Makikikunata churékiy peyman salbakunampaq, i kawananpaq.
24Jesús eywarqan peywan. I qatiyarqan atska nunakuna, kichkirninraq.
25Karqan juk warmi yawar apéyoq chunka ishkey watana jiparqan. 26Allápa jipanaq jinalla kapoqninkunatapis usharnin, ni ima alliyatserqantsu peyor antsákorqan. 27Jesuspaq parlayaqta wiyarirnin, qepanpa shamur atska nunakuna chowpimpa yateykorqan mantunta. 28Peyqa pensarqan: “Sitsun mantunllatapis yateykushaq, kachakárishaqmi.” 29Tsey órallana, yawar apeynin tsakirerqan i kuerpunchow mákurerqan tsey jipakiypita kachakashqana kanqanta. 30Tseyllana Jesús kikinllachow mákurerqan podernin peypita yarqushqanta, nunakunaman tumeykur nerqan: —¿Pitaq yatamushqa mantúta?
31Disípulunkunanam niyarqan: —Rikankim allápa nunakuna kichkiyáshonqeykita, i tapukunkiy: “¿Pitaq yatamarqon?”
32Peynam jiruroqninta rikachakorqan yataqninta rikeyta munar. 33Tseynam warmi, mantsakur i karkaryekar, peychow rurakashqa kanqanta musyariykur, peypa nowpanman eywar qonqurikiykorqan, i nerqan llapan rasonpa kaqta.
34Peynam nerqan: —Tsuri, krekikiynikim salbashorqonki, yameyna ewkiy i qeshyeykipita kachakashqa key.
Jesús kawaritsin Jayrupa tsurinta
35Pey parleykaptinraq, shayámorqan eyllukana wayichow mandakoqpa wayinpita nishpa: —Tsuriki wanurishqanam. ¿Imapaqnataq Mayestruta piñatsinkiy?”
36Peru Jesusnam parlapaqkunata mana kasushpa, nerqan eyllukana wayichow mandakoqta i nerqan: —Ama mantseytsu; kreyilla.
37I manam munarqatsu pí yanaqánanta sinowqa Pedru, Jakobo i Jakobupa wawqin Juanta. 38Eyllukana wayichow mandakoqpa wayinman chárirnam, pey rikárerqan búllayaqta i qaparipa waqaqkunata. 39Yeykurirnam, nerqan: —¿Imanirtaq búllata rurar waqayankiy? Wamraqa manam wanushqatsu sinowqa puniykanllam.
40Peykunanam burlakuyarqan peypeq. Peru peynam jorqurerqan llapanta i wamrapa papáninta i mamáninta pusharkur i peywan keykaqkunalla, yeykurerqan wamra keykanqanman. 41Wamrapa makinta tsarirkur nerqan: —Talita Cumi, —key ninanmi: Wamra, qamtam neq, sharkiy—.
42Tsey óra wamra sharkur purerqan, chunka ishkey watayoqmi karqan. I mantsakashqa keydariyarqan. 43Peynam kunarqan mana pipis musyananpaq i mandarqan mikutsiyanampaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.