Gẹnẹsisi 20

1ABLAHAM sọ yì to dindán etọn lẹmẹ sọn finẹ yì otò he to Hùwàji dali: bo sinai to Kedẹṣi po Suli po ṣẹnṣẹn, bo sọ wáwási to Gẹlali.

2Ablaham sọ dọ gbọn Sala asi etọn tọn dali, dọmo, nọvi: iyọnnu ṣie wẹ: Abimẹlẹki ahọlu Gelali tọn sọ domehlan, bo plan Sala. 3Ṣigba Jiwheyẹwhe wá Abimẹleki de to odlọ ozán tọn de mẹ, bo dọ hlan ẹn dọmọ, Dayi e go, hiẹ ma yín nude hú gbẹtọ oṣiọ na yọnnu he hiẹ ko yí wutu; na asi sunnu de tọn we.

4Ṣigba Abimẹlẹki ma ko sẹpọ́ ẹ gba: é sọ dọmọ, OKLUNỌ, hiẹ na hù yèdọ akọta dódónọ wẹ? 5Ewọ lọsu ma wẹ dọ hlan mi dọ, Nọviyọnnu ṣie wẹ ewọ? bọ ewọ, yèdọ yọnnu lọsu sọ dọmọ, Nọvisunnu ṣie sọ wẹ ewọ: to wàlọpipé homẹ ṣie tọn mẹ po homẹvó alọ ṣie tọn po mẹ, wẹ yẹn wà ehe.

6Jiwheyẹwhe sọ dọ hlan ẹn to odlọ mẹ, dọmọ, Nugbo, yẹn yọnẹn dọ hiẹ wà ehe to wàlọpipé homẹ towe tọn mẹ; yẹn ga sọ glọn we sọn ylanwà do mi mẹ: enẹwutu wẹ yẹn ma dike hiẹ ni gàndo e go gba. 7Enẹwutu dinvie yí asi dawe lọ tọn jo, na yẹwhegan de wẹ ewọ, ewọ nasọ hodẹ̀ na we, hiẹ nasọ gán: eyín hie ma jo e gba, hiẹ ni yọnẹn dọ hiẹ na kú dándán, hiẹ po mẹhe yín towe lẹpo po.

8Abimẹleki sọ fọ́n to afọnnu, bo ylọ devi etọn lẹpo, bo dọ ehe lẹpo do otọ́ yetọn mẹ: obú sọ di gbẹtọ lẹ talala.

9Whenenu wẹ Abimẹlẹki ylọ Ablaham, bo dọ hlan ẹn dọmọ, Etẹ nkọ a wà do mi? Ylankan tẹwẹ yẹn wà do we, bọ hiẹ do hẹn ylando daho de wa oji e, po ahọludu ṣie po ji? hiẹ ko wà do mi onú he yè ma do wà do omẹ. 10Abimelẹki sọ dọ hlan Ablaham, dọmọ, Etẹwẹ hiẹ mọ bọ hiẹ do wà onú he?

11Ablaham sọ dọmọ, Na yẹn lẹn nugbonugbo, dọ, Osi Jiwheyẹwhe tọn ma tin to otò he mẹ wutu, yé nasọ hù mi na asi ṣie tọn wutu. 12Podọ nugbonugbo nọviyọnnu ṣie wẹ ewọ, viyọnnu otọ́ ṣie tọn, ṣigba é ma yín viyọnnu onọ ṣie tọn gba; ewọ sọ lẹzun asi ṣie: 13é sọ wá jọ, whenuena Jiwheyẹwhe hẹn mi nado danpé sọn owhé otọ́ ṣie tọn gbè, wẹ yẹn do dọ hlan ẹn, dọmọ, Ehe wẹ dagbewanyi towe he hiẹ na nọ wà hlan mi; to fìdepope he mí na jẹ, nọ dọ gbọn yẹn tọn dali, dọ, Nọvisunnu ṣie wẹ ewọ.

14Abimelẹki sọ yí lẹngbọ, po oyìnsu po, po devisunnu po, po deviyọnnu po, bo sọ na yé Ablaham, bo sọ jo Sala asi etọn nẹ̃. 15Abimẹlẹki sọ dọmọ, Dayi e go, aigba ṣie tin to nukọn towe; sinai fidepope he jlo we. 16Podọ hlan Sala é dọmo, Dayi e go, yẹn ko jlẹ yí fataka wọwọ fọtọ̀n na nọvisunnu towe, dayi e go, é yín oṣinyọn nukun lẹ tọn de na we hlan mẹhe tin to de we lẹpo; podọ to gbẹtọ lẹpo nukọn wẹ yè sùwhéna we.

17Mowẹ Ablaham sọ hodẹ́ hlan Jiwheyẹwhe: Jiwheyẹwhe sọ hẹnazọ̀ngbọna Abimẹlẹki, po asi etọn po, po deviyọnnu etọn lẹ po; yé sọ jivi. 18Na OKLUNỌ ko sú adọ̀ mẹhe to owhé Abimelẹki tọn gbè lẹ tọn, na Sala asi Ablaham tọn tọn wutu.

Currently Selected:

Gẹnẹsisi 20: BWL23

Highlight

Copy