Псалманууд 16
16
1[Давидай шүлэг.]
Бурхан, намайе хамгаалыт!
Хорохо газар Танһаал бэдэрнэлби.
2Би Эзэндэ хэлэнэб: «Та бол минии Эзэн,
минии һайн һайхан — гансал Танһаа!».
3Эзэндэ үнэн сэхэ, зүб шударга хэрэг ябуулааша,
үнэн сэхые хэлээшэ хүндэл адли байхаа хүсэнэб!
4Ондоо бурханда хандагшадай зоболон олошорог!
Шуһата ундан үргэлынь тэдэнтэй хамта үргэхэгүйб,
нэрэнүүдыньшье амаараа дурдахагүйб!
5Эзэн болбол уг залгамжалха хубим,
ундамни мүн.
Та минии хуби заяае баряад байнат.
6Намда тааламжатай һайхан газар хүртөө,
уг залгамжалан эзэмшэхэ юумэм үнэхөөр һайхан.
7Намда зүбшэл заабари үгэдэг Эзэниие магтанам,
һүниндөөшье досоомни һургаалынь соностоно.
8Би Эзэниие үргэлжэ урдаа харанаб,
хажуудам байгаа сагта ганхан унахагүйб.
9Тиимэһээ зүрхэ сэдьхэлни баяраар халяа,
Хэлэ амамни дорюун болоо,
Махабад бэемни хүсэл найдалаар дүүрээд байна.
10Ши һүнэһэ һүлдыемни үхэлэй орондо орхихогүйш,
Өөрынгөө шударгы Зарасые шалзараажа үмхирүүлхэгүйш.
11Амидаралай харгы зам намда заажа үгэнэт.
Өөрынгөө хажууда байлгажа,
Та баяр баясхалангаар намайгаа дүүргэхэт.
Баруун гартатнай хэтэ мүнхын баяр жаргал оршодог.
Currently Selected:
Псалманууд 16: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
