ESOTO 20
20
Ko Tulafono e Sefulu
(Teu 5.1-21)
1Konei a muna ne faipati mai ne te Atua: 2“Au ko te Aliki te otou Atua, tela ne aumai ne ia koutou mai te fenua ko Aikupito, te koga ne fakapologa ei koutou.
3“Sa tapuaki koutou ki se isi atua, na ko au eiloa.
4 #
Eso 34.17; Levi 19.4; 26.1; Teu 4.15-18; 27.15 “Sa faite ne koutou se fakatusa o so se mea i te lagi, io me ko te lalolagi, io me i vai i lalo ifo o te laukele. 5#Eso 34.6,7; Nume 14.18; Teu 7.9,10Sa ifo foki koutou ki so se tupua me tapuaki ki ei, me ko au ko te Aliki te otou Atua, e se mafai o fakasaoloto ne au koutou ke ifo ki so se mea. E fakasala ne au a latou kola e ita ki a au, ke oko eiloa ki mokopuna o latou i te tolu mo te fa o kautama. 6Kae e alofa eiloa au ki a latou kola e a'lofa mai ki a au, kae faka'logo ki aku tulafono, ke oko eiloa ki te afe o kautama kola e alofa mai ki a au, kae tausi ki aku tulafono.
7 #
Levi 19.12
“Sa fakaaoga ne koutou toku igoa ki mea masei, me i a au, te Aliki te otou Atua, ka fakasala ne au so se tino e fakaaoga 'se ne ia toku igoa.
8 #
Eso 16.23-30; 31.12-14 “Ke tausi kae faka'malu ne koutou te Sapati. 9#Eso 23.12; 31.15; 34.21; 35.2; Levi 23.3E ono aso e fai ei otou galuega, 10ka ko te fitu o aso se aso malolo, se aso e tapu. I te aso tena, e seai eiloa se tino i a koutou e tau o fai sena galuega, e pena foki otou tamaliki, mo otou pologa, mo otou manu, ke oko eiloa ki tino fakaatea kola e 'nofo i te otou fenua. 11#Kene 2.1-3; Eso 31.17E ono aso ne faite ei ne au a te lalolagi, mo te lagi, mo te tai, mo mea katoa eiloa i ei, ka ko te fitu o aso ne malolo ei au; tena te mea ne fakamanuia kae fakatapu ei ne au a te Sapati.
12 #
Teu 27.16; Mata 15.4; 19.19; Male 7.10; 10.19; Luka 18.20; Efe 6.2;
Efe 6.3
“Ke ava koutou ki otou tamana mo otou matua, ko te mea ke ola leva koutou i te fenua e tuku atu ne au ki a koutou.
13 #
Kene 9.6; Levi 24.17; Mata 5.21; 19.18; Male 10.19; Luka 18.20; Loma 13.9; Iako 2.11 “Sa tatino.
14 #
Levi 20.10; Mata 5.27; 19.18; Male 10.19; Luka 18.20; Loma 13.9; Iako 2.11 “Sa mulilua.
15 #
Levi 19.11; Mata 19.18; Male 10.19; Luka 18.20; Loma 13.9 “Sa kaisoa.
16 #
Eso 23.1; Mata 19.18; Male 10.19; Luka 18.20 “Sa molimau fakaloiloi ne koutou nisi tino.
17 #
Loma 7.7; 13.9 “Sa manako koutou ki fale o nisi tino; sa manako foki koutou ki avaga a nisi tino, me ko olotou tavini, me ko olotou manu, me ko sose mea ake foki eiloa a tino kona.”
Ko Mataku a Tino Isalaelu
(Teu 5.22-33)
18 #
Epe 12.18,19 I te taimi ne lagona ei ne tino te 'pa o te fatili mo te tagi o te pu, kae lavea foki ne latou te 'lapa o te uila mo te au i te mauga, ne polepole latou i te mataku kae 'tu 'mao mai eiloa. 19Ne fai atu a latou ki a Mose, “Kafai e faipati mai koe ki a matou, ka fakalogo atu matou; ka ko matou nei ko mataku i te mea ma faipati mai te Atua ki a matou, ko 'mate ei matou.”
20Ne tali mai a Mose penei, “Sa ma'taku! A te Atua ne vau fua o tofotofo koutou, ko te mea ke ma'taku faeloa koutou ki a ia, ko se fai ei ne koutou agasala.” 21Ka ko tino e 'tu 'mao mai faeloa, na ko Mose fua ne fakapilipili atu ki te kaumana uli tela e nofo i ei te Atua.
Ko Tulafono e Uiga ki Fatafaitaulaga
22Ne fakatonu mai ne te Aliki ki a Mose ke fai atu ki tino Isalaelu penei: “Ko oti ne lavea ne koutou a Au te Aliki, tela ne faipati atu ki a koutou mai te lagi. 23Sa faite ne koutou ne atua ki siliva me ko aulo ke tapuaki koutou ki ei, e fakaopoopo ki te otou tapuaki mai ki a au. 24Ke faite ne koe mo oku se fata-fai-taulaga kele; ko ofo ei ne koe i luga i kona au taulaga 'sunu, kola e 'sunu katoatoa i ei a mamoe mo pulumakau; ke fai foki ne koe i kona au taulaga fakafetai. I koga katoa kola ne fakatulaga ne au mo fai tapuakiga ki a au, ka fanatu au o fakamanuia atu ki a koe i kona. 25#Teu 27.5-7Kafai e faite ne koe se fata-fai-taulaga fatu mo oku, sa faite ne koe ki fatu kola ne teuteu ki se tofi; me kafai e fakaaoga ne koe se tofi ki fatu, ko tena uiga, ko se aoga a fatu kona e fai ei a tapuakiga ki a au. 26Sa faite foki ne koe mo oku se fata-fai-taulaga e fai ona sitepu fakasolosolo ki luga; me kafai e fai ne koe pena, ka lavea koe ne tino mafai e fanake koe ki luga i sitepu kona.
Currently Selected:
ESOTO 20: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
