Lukas 19
19
Zachäus, de Bowaschta Zollbeaumta (Takskollakjta)
1Un hee kjeem nenn en Jericho un jinkj doa derch. 2Un see, doa wia een Maun, met Nomen jenant Zachäus, hee wia een Bowaschta vonne Zollbeaumta, un hee wia rikj. 3Un hee socht Jesus to seenen, wäa hee wia; un hee kunn nich wäajen daut väle Volkj, dan hee wia kjlien von Jestault. 4Un hee rand veropp un kroop opp eenen Mulbäaboom, om daut hee am seenen kunn; dan hee sull doa vebie komen. 5Un aus hee aun däm Uat jekomen wia, kjikjt Jesus nohecht un sach am un säd to am: Zachäus, stie (komm) schwind rauf, dan vondoag es daut needich daut ekj en dienem Hus bliew.
6Un hee stieech schwind rauf, un neem am met Freid opp. 7Un aus see daut sagen, grunsten see aula un säden: Hee jinkj, to Gaust, bie eenem sindjen Maun nenn. 8Oba Zachäus stunt un säd toom Har: Kjikj, Har, de Halft von mienem Goot jäw ekj de Oame, un wan ekj wäm waut orrajcht wajchjenomen ha, daut jäw ekj 4-fach trigj. 9Oba Jesus säd to am: Vondoag es disem Hus Heil jeworden, doawäajen, wiels uk hee een Sän von Abraham es; 10dan de Menschensän es jekomen, to sieekjen un to raden, daut Veloarne.
Daut Jlikjnis von de aunvetrude Jeltstekja (Minna)
11Oba aus see daut hieeden, säd hee noch een Jlikjnis doatoo, wiels hee dicht bie Jerusalem wia, un see meenden, dautet Rikj Gottes fuaz komen wudd. 12Aulsoo säd hee: Een adelja Maun (von kjennichliche Häakunft) reisd en een wiedet Launt, om fa sikj de Kjennichskroon (ooda Kjennichrikj) to holen un dan trigjtokomen. 13Oba hee roopt siene 10 Kjnajchts, hee jeef an 10 Minna (Jeltstekja) un säd to an: Haundelt doamet, bot ekj kom. 14Oba siene Birja hausten am un schekjten eene Bootschoft hinjaraun un säden: Wie wellen nich, daut disa äwa ons Kjennich woat. 15Un daut passieed, nodäm aus hee trigj jekomen wia, un de Kjennichskroon jenomen haud, donn leet hee de Kjnajchts, dän hee daut Jelt jejäft haud, no sikj roopen, doamet hee erfoaren kunn, waut see derch Haundel vedeent ha. 16Oba de ieeschta kjeem un säd: Har, diene Minna haft 10 Minna doatoo jewonnen. 17Un hee säd to am: Goot, du gooda Kjnajcht, wiels du em jerinjsten tru jewast best, saust du Macht ha äwa 10 Städa. 18Un de tweeda kjeem un säd: Har, diene Minna haft 5 enjebrocht. 19Oba hee säd uk to disem: Un du sie äwa 5 Städa. 20Un de aundra kjeem un säd: Har, kjikj, hia es diene Minna, dee ekj en eenem Schweetduak wajch jelajcht haud; 21ekj haud fa die Angst, wiels du best een strenja Maun; du nemst, waut du nich aunjelajcht hast, un arnst, wua du nich jeseit hast. 22Hee säd to am: Ut dienem Mul woa ekj die rechten, beesa Kjnajcht. Du wist, daut ekj een strenja Maun sie, näm waut ekj nich aunjelajcht ha, un arnten, waut ekj nich jeseit ha? 23Un wuarom hast du mien Jelt nich en eene Bank jejäft, un wan ekj kom, haud ekj daut met Entras enjefoddat. 24Un hee säd to dee doabie Stonende: Nämt von am de Minna un jäft däm dee 10 Minna haft. 25(Un see säden to am: Har, hee haft 10 Minna!) 26Ekj saj junt: Jiedrem, dee doa haft, woat jejäft woaren; oba von däm, dee nich haft, uk woat hee haft, woat jenomen woaren. 27Doch dise miene Fiend, dee nich wullen, daut ekj äwa an Kjennich wort, brinjt de häa un brinjt an ver mie om.
Jesus kjemt no Jerusalem – Jesus rät äwa de Venichtunk von Jerusalem
28Un aus hee dit jesajcht haud, jinkj hee wieda, enopp no Jerusalem.
29Un daut passieed, aus hee dicht bie Betfage un Betanien wia, aum Boajch, jenant Eeljboajch, schekjt hee twee von siene Jinja 30un säd: Got han en daut Darp jäajenäwa, un wan jie nenkomen, woa jie een Falm finjen, aunjebungen, opp däm noch kjeen Mensch niemols jesäten haft; binjt daut loos un leit daut häa. 31Un wan wäa junt frajcht: Wuarom binj jie daut loos? Soo sell jie sajen: De Har brukt daut. 32Oba de Jeschekjte jinjen han un fungen daut, aus hee an jesajcht haud. 33Oba aus see daut Falm loosbungen, säden däm siene Harn (Ieejendeema) to an: Wuarom binj jie daut Falm loos? 34Oba see säden: De Har brukt daut. 35Un see leiden daut no Jesus; un see schmeeten äare Kjleeda opp daut Falm un saden Jesus doanopp. 36Oba aus hee wieda reisd (reet), spreeden see äare Kjleeda oppem Wajch ut. 37Un aus hee aul dicht biem Aufhank vom Eeljboajch wia, funk de gaunze Menj de Jinja froo aun, Gott to lowen met ne lude Stemm wäajen aule Machtwoakjen, de see jeseenen hauden, 38endäm see säden: «Jesäajent es de Kjennich, dee doa em Harn Nomen kjemt!» {Ps.118,26} Fräd em Himmel un Harlichkjeit en däm Hechsten (doa Bowen, de hechste Uat)! 39Un eenje de Farisäa ut de Menj (Volkj) säden to am: Meista, beschwicht diene Jinja. 40Un hee auntwuad un säd to an: Ekj saj junt, wan dise stell sent, soo woaren de Steena schrieen.
41Un aus hee dicht bie jekomen wia un de Staut sach, hield hee äwa ar, 42un säd: Wan uk du erkjant haudst, aun disem dienem Dach, waut to dienem Fräd deent! Oba nu es daut von diene Uagen vestoaken. 43Dan Doag woaren äwa die komen, doa diene Fiend om die woaren eenen Waul opprechten, un woaren die runt om enschluten un woaren die von aule Sieden bedrenjen; 44un see woaren die däm Ieedboddem jlikj moaken, un diene Kjinja en die, un woaren en die nich eenen Steen opp däm aundren loten, doafäa, daut du nich erkjant hast de Tiet - diene jnädje Heimsieekjunk.
Jesus reinicht dän Tempel
45Un hee jinkj em Tempel nenn un funk aun, ruttojoagen de doa vekoften un koften, 46un säd to an: Daut steit jeschräwen: «Mien Hus saul een Bädhus sennen»; {Jes.56,7} «oba jie ha daut to eene Reibaheel jemoakt». {Jes.7,11}
47Un hee lieed jieda Dach em Tempel; oba de Huagapriesta un de Schreftjelieede un de Ieeschte em Volkj sochten am omtobrinjen. 48Un see fungen nich, waut see doonen sullen, dan daut gaunze Volkj hong aun am un hieeden am.
Currently Selected:
Lukas 19: PBJHF
Highlight
Share
Copy
Want to have your highlights saved across all your devices? Sign up or sign in
© SW-Radio e.V.
Lukas 19
19
Zachäus, de Bowaschta Zollbeaumta (Takskollakjta)
1Un hee kjeem nenn en Jericho un jinkj doa derch. 2Un see, doa wia een Maun, met Nomen jenant Zachäus, hee wia een Bowaschta vonne Zollbeaumta, un hee wia rikj. 3Un hee socht Jesus to seenen, wäa hee wia; un hee kunn nich wäajen daut väle Volkj, dan hee wia kjlien von Jestault. 4Un hee rand veropp un kroop opp eenen Mulbäaboom, om daut hee am seenen kunn; dan hee sull doa vebie komen. 5Un aus hee aun däm Uat jekomen wia, kjikjt Jesus nohecht un sach am un säd to am: Zachäus, stie (komm) schwind rauf, dan vondoag es daut needich daut ekj en dienem Hus bliew.
6Un hee stieech schwind rauf, un neem am met Freid opp. 7Un aus see daut sagen, grunsten see aula un säden: Hee jinkj, to Gaust, bie eenem sindjen Maun nenn. 8Oba Zachäus stunt un säd toom Har: Kjikj, Har, de Halft von mienem Goot jäw ekj de Oame, un wan ekj wäm waut orrajcht wajchjenomen ha, daut jäw ekj 4-fach trigj. 9Oba Jesus säd to am: Vondoag es disem Hus Heil jeworden, doawäajen, wiels uk hee een Sän von Abraham es; 10dan de Menschensän es jekomen, to sieekjen un to raden, daut Veloarne.
Daut Jlikjnis von de aunvetrude Jeltstekja (Minna)
11Oba aus see daut hieeden, säd hee noch een Jlikjnis doatoo, wiels hee dicht bie Jerusalem wia, un see meenden, dautet Rikj Gottes fuaz komen wudd. 12Aulsoo säd hee: Een adelja Maun (von kjennichliche Häakunft) reisd en een wiedet Launt, om fa sikj de Kjennichskroon (ooda Kjennichrikj) to holen un dan trigjtokomen. 13Oba hee roopt siene 10 Kjnajchts, hee jeef an 10 Minna (Jeltstekja) un säd to an: Haundelt doamet, bot ekj kom. 14Oba siene Birja hausten am un schekjten eene Bootschoft hinjaraun un säden: Wie wellen nich, daut disa äwa ons Kjennich woat. 15Un daut passieed, nodäm aus hee trigj jekomen wia, un de Kjennichskroon jenomen haud, donn leet hee de Kjnajchts, dän hee daut Jelt jejäft haud, no sikj roopen, doamet hee erfoaren kunn, waut see derch Haundel vedeent ha. 16Oba de ieeschta kjeem un säd: Har, diene Minna haft 10 Minna doatoo jewonnen. 17Un hee säd to am: Goot, du gooda Kjnajcht, wiels du em jerinjsten tru jewast best, saust du Macht ha äwa 10 Städa. 18Un de tweeda kjeem un säd: Har, diene Minna haft 5 enjebrocht. 19Oba hee säd uk to disem: Un du sie äwa 5 Städa. 20Un de aundra kjeem un säd: Har, kjikj, hia es diene Minna, dee ekj en eenem Schweetduak wajch jelajcht haud; 21ekj haud fa die Angst, wiels du best een strenja Maun; du nemst, waut du nich aunjelajcht hast, un arnst, wua du nich jeseit hast. 22Hee säd to am: Ut dienem Mul woa ekj die rechten, beesa Kjnajcht. Du wist, daut ekj een strenja Maun sie, näm waut ekj nich aunjelajcht ha, un arnten, waut ekj nich jeseit ha? 23Un wuarom hast du mien Jelt nich en eene Bank jejäft, un wan ekj kom, haud ekj daut met Entras enjefoddat. 24Un hee säd to dee doabie Stonende: Nämt von am de Minna un jäft däm dee 10 Minna haft. 25(Un see säden to am: Har, hee haft 10 Minna!) 26Ekj saj junt: Jiedrem, dee doa haft, woat jejäft woaren; oba von däm, dee nich haft, uk woat hee haft, woat jenomen woaren. 27Doch dise miene Fiend, dee nich wullen, daut ekj äwa an Kjennich wort, brinjt de häa un brinjt an ver mie om.
Jesus kjemt no Jerusalem – Jesus rät äwa de Venichtunk von Jerusalem
28Un aus hee dit jesajcht haud, jinkj hee wieda, enopp no Jerusalem.
29Un daut passieed, aus hee dicht bie Betfage un Betanien wia, aum Boajch, jenant Eeljboajch, schekjt hee twee von siene Jinja 30un säd: Got han en daut Darp jäajenäwa, un wan jie nenkomen, woa jie een Falm finjen, aunjebungen, opp däm noch kjeen Mensch niemols jesäten haft; binjt daut loos un leit daut häa. 31Un wan wäa junt frajcht: Wuarom binj jie daut loos? Soo sell jie sajen: De Har brukt daut. 32Oba de Jeschekjte jinjen han un fungen daut, aus hee an jesajcht haud. 33Oba aus see daut Falm loosbungen, säden däm siene Harn (Ieejendeema) to an: Wuarom binj jie daut Falm loos? 34Oba see säden: De Har brukt daut. 35Un see leiden daut no Jesus; un see schmeeten äare Kjleeda opp daut Falm un saden Jesus doanopp. 36Oba aus hee wieda reisd (reet), spreeden see äare Kjleeda oppem Wajch ut. 37Un aus hee aul dicht biem Aufhank vom Eeljboajch wia, funk de gaunze Menj de Jinja froo aun, Gott to lowen met ne lude Stemm wäajen aule Machtwoakjen, de see jeseenen hauden, 38endäm see säden: «Jesäajent es de Kjennich, dee doa em Harn Nomen kjemt!» {Ps.118,26} Fräd em Himmel un Harlichkjeit en däm Hechsten (doa Bowen, de hechste Uat)! 39Un eenje de Farisäa ut de Menj (Volkj) säden to am: Meista, beschwicht diene Jinja. 40Un hee auntwuad un säd to an: Ekj saj junt, wan dise stell sent, soo woaren de Steena schrieen.
41Un aus hee dicht bie jekomen wia un de Staut sach, hield hee äwa ar, 42un säd: Wan uk du erkjant haudst, aun disem dienem Dach, waut to dienem Fräd deent! Oba nu es daut von diene Uagen vestoaken. 43Dan Doag woaren äwa die komen, doa diene Fiend om die woaren eenen Waul opprechten, un woaren die runt om enschluten un woaren die von aule Sieden bedrenjen; 44un see woaren die däm Ieedboddem jlikj moaken, un diene Kjinja en die, un woaren en die nich eenen Steen opp däm aundren loten, doafäa, daut du nich erkjant hast de Tiet - diene jnädje Heimsieekjunk.
Jesus reinicht dän Tempel
45Un hee jinkj em Tempel nenn un funk aun, ruttojoagen de doa vekoften un koften, 46un säd to an: Daut steit jeschräwen: «Mien Hus saul een Bädhus sennen»; {Jes.56,7} «oba jie ha daut to eene Reibaheel jemoakt». {Jes.7,11}
47Un hee lieed jieda Dach em Tempel; oba de Huagapriesta un de Schreftjelieede un de Ieeschte em Volkj sochten am omtobrinjen. 48Un see fungen nich, waut see doonen sullen, dan daut gaunze Volkj hong aun am un hieeden am.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© SW-Radio e.V.