PEIKHIETNA 22
22
Ditkiana Thukhamte
1 # 22:1 Heb ah 21.37 Mi khat in bawngtang khat ahi sihle tuu khat gu a, tuale that a, go ahi sihle a zua leh, guta pa in bawngtang khat tangin bawngtang nga, le tuu khat tangin tuu li pie ding hi.#22:1 Tang 2, 3 le 4 pen tam bangin kiguol phakia hi: 3b, 4, 2, 3a (3b) Guta pa in ditkiana bawl ding a, hizongle tua banga a bawl zawh sih leh a guhtat ziehin ama kizua ding hi. 2(4) A kigu ganhing pen bawngtang ahi a, laa ahi a, tuu ahi zongin guta pa khut sungah a hingin a kimu leh guta pa in a za ni-in dinkia ding hi.
3 # 22:3 Heb ah 22.1 Guta khat a inn lu laitah kimu-in a si nading za-in kisat leh tua sisan luonna ziehin mawna om lo hi; 4(3a) ahi vangin tua pen ni suo zawa pieng thu ahile sisan luonna ziehin mawna a om hi.
5Mi khat in lo khatah ahi a, lengga lo-ah ahi zongin gan tasahin ahi sihle midang khat’ lolai-ah gan hla-in a tatsah leh, a lo ahi sihle a lengga lo pana a pieng ga hoipen tawh ditkiana bawl ding hi.
6Mei in gamlah a law a, bu a ki-atsa kikholvumte ahi a, bukungte ahi zongin a kahtum leh, mei hal masa pa in a cing tahin dinkia ding hi.
7Mi khat in a vengpa kungah sum ahi sihle vante kep dingin ap a, a vengpa’ inn panin tuate kigumangin, tua guta pa a kimat leh ama in a za ni-in dinkia ding hi. 8Guta pa a kimat sih leh inn nei pa in a vengpa’ vante tungah a khut a nga amah a nga sih ahei ci thu a kitel nadingin Pasien mai-ah#22:8 Ahi sihle “thukhente mai-ah” inn nei pa kipeipi ding hi.
9Neisa kituna thu khat popo ah, bawngtang, laa, tuu, puonsil, ahi sihle a mang na khat popo, mi khat in, “Tam kei-a’ hi,” a cina tungtangah, Pasien mai-ah#22:9 Ahi sihle “thukhente mai-ah” alang nite’ thu kitut ding hi; Pasien in a mawsah#22:9 Ahi sihle “thukhente in a mawsah” mipa in a khat pa tungah a za ni-in lo ding hi.
10Mi khat in midang khat tungah laa, bawngtang, tuu, ahi sihle ganhing dang khat popo a kep dingin a ap a, tua gan a si ahi a, a liem ahi a, a kikaimang ahi zongin koima in a mu sih leh, 11khat pa in a khat’ neisa tungah ka khut ka ngah tah leh ci-in Topa mai-ah kiciemna tawh ama ni kikalah thu kikhen ding hi; a nei pa in tua kiciemna khu a sang ding a, ditkiana kibawl lo ding hi. 12Ahi vangin tua a vante a kigu ahile a nei pa kidinkia ding hi. 13Gamsa neh ahile teci dingin tua gan peipisah in; tua ganhing nehmawh teng pen kilokia lo ding hi.
14Mi khat in midang khat’ gan khat a kawm a, a nei pa op lo kalin tua ganta liemin ahi sihle a si leh a kicingin ditkiana kinei ding hi. 15A nei pa a op leh ditkiana kinei lo ding hi. A kikawm ahile kawm manh beh kingen ding hi.
Taangpi le Biehna Thukhamte
16Pasal khat in kinunpi dinga zuthawl kipie nai lo ngahnu khat zawlin a luppi leh tua nu’ manh dingin moman pie ding a, zi-in la pai ding hi. 17Ahi vangin a pa in tua nu ama adingin a phal sih leh ama in ngahnu siengthote’ moman za sum pie ding hi.#Thkna 22:28-29
18Dawi-aitawi numeite na hinkhawi sih ding uhi.#Thkna 18:10-11
19Ganhing a luppi mi poma kithat ding hi.#Siem 18:23; 20:15-16; Thkna 27:21
20 Topa beh simlo pasien khat popo tungah biehpiehna a lui poma kisusie ding hi.#Thkna 17:2-7
21Pemta khat popo tungah tatkhiel loin na gawt sih ding uhi, azieh pen no zong Egypt gamah pemta na hi ngai uhi. 22Meigong hile taga hile na bawlsie sih ding uhi.#Pei 23:9; Siem 19:33-34; Thkna 24:17-18; 27:19 23Amate na bawlsiet vua ka kunga ang kiko uleh keima in amau’ kikona ka za valon ding hi; 24ka lungthahna kuongin namsau tawh note kang that ding a, na zite uh meigong suohin na tate uh taga a suoh ding hi.
25Na lah vuah a zawng ka mite khat popo tung sum leitawi na pieh uleh a tung vuah sum leitawi a pie pa bangin na om sih ding uhi; note in amate tung panin a met na la sih ding uhi.#Siem 25:35-38; Thkna 15:7-11; 23:19-20 26Na vengpa ang pon puon na lah leh, nitum masangin ama kungah tua puon na piekia ding hi; 27bang ding ahei cile tua khu na vengpa in a kihui nadinga a zah a puon nei sun hi kha thei ding hi; bang silin tua mipa a kimu ta ding ahei? Keima kungah na vengpa ang kiko leh keima in ka za ding hi, azieh pen kei mi lainat siem pa ka hi hi.#Thkna 24:10-13
28Pasien na gensie sih ding vua, na mite tunga makaipa na samsie sih ding uhi.#Sawl 23:5
29Na anlahna pan ule na lengga suhna#22:29 Heb ah a khietna kicien lo hi. pan vua ang letdawhte panin biehna pieh ding na kiheh sih ding uhi.
Keima tungah na tacilte uh nei pie ding uhi. 30Na bawngtangte ule na tuute uh panin zong tua ma bangin nei pie ding uhi: Ni sagi sung api tawh om ding hi; a ni giet ni-in kei tungah nei pie ding uhi.
31Note pen keima tunga ang kisiensuote na hi uhi; tua ahi ziehin gamlahah gamsa in a nehsa ganhing sa kici na ne sih ding uhi; note in uite na pie ding uhi.#Siem 17:15
Currently Selected:
PEIKHIETNA 22: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
