PEIKHIETNA 23
23
Mikim Ading Thutang
1A man lo thu na thezah sih ding uhi. Elna tawh teci pang dingin mi gilote tawh na kikhut zop sih ding uhi.#Pei 20:16; Siem 19:11-12; Thkna 5:20 2Sietna bawl dingin mi a tamzaw’ thu na zui sih ding uhi; thu kineina-ah teci na pan ciengun mi a tamzaw lamah pangin thutang na lehei sih ding uhi; 3thu kineina-ah mizawngte zong na angvan tuom sih ding uhi.#Siem 19:15
4Na galte uh’ bawngtang hile a laa hile a gammang na tuokhah uleh na puohkia ding uhi.
5Note ang muda pa khat’ laa a van tawh a pua na mu uleh na peisan mawh sih ding vua, a keng tawh a dinkia thei nadingin na hu ding uhi.#23:5 Heb ah a khietna kicien lo hi.#Thkna 22:1-4
6Na mipi a zawngte thu kineina tungtangah thutang na lehei sih ding uhi. 7A man lo pi-a mi mawsahna khu a gamlapi-ah pelh unlen, maw nei lo pa le midih pa that sih un. Bang ding ahei cile keima in a tatkhiel pa ka suohta sah ding hi. 8Guhgol sum in uliente’ mit tawsah a, thuman mite’ thu a lehei ziehin guhgol na la sih ding uhi.#Siem 19:15; Thkna 16:19
9Pemta khat na gawt sih ding uhi; note in pemta’ lungsim na thei uhi, azieh pen note zong Egypt gamah pemta na hi ngai uhi.#Pei 22:21; Siem 19:33-34; Thkna 24:17-18; 27:19
Kum Sagina le Sabbath
10Kum guh sung na lo vuah khai tu-in a piengte na kaikhawm ding uhi; 11ahi vangin a kum sagina ciengin na mipi uh a zawngte in a neh thei nadingun leitang na tawlngasahin hlaw loin lo na khul ding uhi; gamsate in amate’ nuasie teng ne ding uhi. Na lengga lote ule na olive lote uzong tua bang ma-in na bawl ding uhi.#Siem 25:1-7
12Ni guh sung na nasep na sem ding vua, ahi vangin na bawngtangte ule na laate uh a khawl thei nading le, na inn sung vua a suoh silate le pemtate in tha tha a nga thei nadingun a ni sagi ni-in na tawlnga ding uhi.#Pei 20:9-11; 31:15; 34:21; 35:2; Siem 23:3; Thkna 5:13-14 13Na kung vua kang gensa zosie thusim unlen, pasien dangte’ min lo kha sih un; na kam panun tuate kizasah sih un.
Kumcin Pawite
(Pei 34:18-26; Thkna 16:1-17)
14Keima adingin kum khatin pawi thumvei na bawl ding uhi. 15Tolsaw lo anlum pawi na bawl ding uhi; keima in kang thupieh bangin Abib hla a kisesa hunin ni sagi sung tol saw lo anlum na ne ding uhi, bangzieh ahei cile tua hla sungin Egypt panin note na peikhie uhi.
Ka mai-ah khutguoh tawh koima ang kilaa lo ding hi.#Pei 12:14-20; Siem 23:6-8; Gam 28:17-25
16Lo sunga na tu uh, na na sepna uh a ga masate tawh anlah pawi na bawl ding uhi. Lo sunga khaici na tu hun vua kipanin na sepna uh a ga na kaikhop uh kum tawp ciengin an kaikhopna pawi na bawl ding uhi.#Siem 23:15-21, 39-43; Gam 28:26-31 17Topa Pasien mai-ah na pasal zosie uh kum khatin thumvei kilaa ding uhi.
18Tol kisawsa sil khat popo tawh ka biehpiehna si na pieton sih ding vua, ahi sihle ka pawi-a kipie a thaute zingmawng dongin na omsah sih ding uhi.
19 Topa na Pasien uh’ inn ah leitanga pieng na anpal uh a hoi pen na peipi ding uhi.
Api’ nawizu tawh keelno na huontha sih ding uhi.#Pei 34:26; Thkna 14:21; 26:2
Canaan Zaw Nading Kikamciem
20Ka bawlsa munah note ang peipi ding le lamkalah ang cing dingin na mai vuah vantungmi khat ka sawl ding hi. 21Ama thusimin ama’ aw ngai un; ama ledo sih un. Ama sungah ka min om ahi ziehin ama in na thu palsatte uh ang maisah sih ding hi.
22Ahi vangin ama’ aw limtahin ngai-in ka thu gen zosie na sep uleh na galte’ gal ka hi ding a, na langte’ lang ka hi ding hi.
23Na mai vuah ka vantungmi pei-in Amor-te, Hit-te, Perez-te, Canaan-te, Hiv-te le Jebus-te kungah hing peipi-in, amate ka phietmang ciengin, 24a pasien-te uh’ mai-ah kun loin, a na uzong sem loin, amau’ gamtat bangin na gamta sih ding vua, a pasien-te uh suhsiet piehin a milim khuompite uh na satguoi pieh ding uhi. 25Topa na Pasien uh na bie ding vua, keima#23:25 Gk Vg: Heb “ama” in na an ule na tui uh thupha ka pie ding hi; keima in note lah panin natna ka lamang ding hi. 26Na gam sung vuah nausie le a ciing koima om lo ding hi; keima in note kang vuoisi sah ding hi. 27Na mai vuah ka zauhuoina ka sawl ding a, na phuhkhah ding mi zosie lungbuoisahin, na kung panun na galte zosie kihei-in ka taisah ding hi. 28Keima in na mai panun Hiv-te, Canaan-te le Hit-te a notmang dingin natna#23:28 Ahi sihle “ngaltunte”: Heb ah a khietna kicien lo hi. ka sawl ding hi. 29Leitang gamkhing suohin na langkhat vuah gamsa ang tam luo ding ahi ziehin kum khat sungin na mai panun amate ka notmang sih ding hi. 30Khumi gam a luo khop ding za-a na tam masangun na mai panun them khat khatin amate ka delmang ding hi. 31San Tuipi#23:31 Ahi sihle “Pumpeng Tuipi” panin Philistia-te’ tuipi dong le senel gam panin Euphrates gun dongin na gamgi uh ka phut ding hi; bangzieh ahei cile keima in na khut sung vuah tua gama tengte kang pie ding a, na mai vuah amate na delmang ding uhi. 32Amate le a pasien-te utawh thuciemna na bawl sih ding uhi. 33Na gam sung vuah amate teng lo ding hi. Tua hi sihle amate in kei tungah note ang mawsah ding uhi; bang ding ahei cile a pasien-te uh na bieh uleh tua khu note dingin thangkam khat ang hi tahtah ding hi.
Currently Selected:
PEIKHIETNA 23: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
