LUKE 14
14
Jesu in Cibaw Mi Khat Damsah
1Sabbath ni khatin Pharisee-te makaipa khat’ inn ah an ne dingin Jesu a pei ciengin amate in ama na encih uhi. 2Tua lien laitahin ama mai-ah cibaw natna a nei mi khat a om hi. 3Jesu in thukham theite le Pharisee-te kungah, “Sabbath ni-in cina damsah ding pen thukham tawh kituoh amah, kituoh lo ahei ? ci-in a dong hi. 4Ahi vangin amate a sip dide uhi. Tuaci’n Jesu in tuapa hlan a, ama damsahin a peisah hi. 5Tua ciengin ama in amate kungah, “Note lahah mi khat in sabbath ni-in a tapa#14:5 Adang tang laibute ah “laa khat” ci-in kigiel hi. ahi sihle a bawngtang khat tuikhuh sungah na kie leh, a lakhie pai lo ding koi om na hi uh ahei?” a ci hi.#Mat 12:11 6Amate in tami thu a dawngkia sih uhi.
Kiniemkhiehna le Zindo Siemna
7Lenglate in uliente to nading mun thupite a teel lam uh Jesu in a thei ciengin amate kungah thugentena khat a gen hi. 8“Mi khat in mopawi sim dingin ang hlat ciengin mi thupite tona-ah to sih un, tua banga na to uleh mopawi sim dinga a kihlan mite lahah no sanga thupizaw mi om kha thei ding hi; 9tuale ang hlanpa hing pei-in na kung vuah, ‘Tampa tona awn in,’ ang ci thei ding a, tua ciengin maizum pipi-in a niem pen munah na to ding hi. 10Nangma ang kihlat ciengin pei-in a niem pen munah to zaw in, tuaci’n na kungah ang hlanpa ang pei ciengin, “Lawm aw, tona sangah to in,” ang ci ding a, tua ciengin sabuoi tunga na topi mi zosie muna-ah ang kizatah ding hi.#Pau 25:6-7 11Azieh pen a kilamsangtawm mite kiniemkhieh ding a, a kiniemkhiehtawm mite kilamsang ding hi,” a ci hi.#Mat 23:12; Luk 18:14
12Ama a hlanpa kungah zong ama in, “Sun an nehna ah hile, nitah an nehna ah hile mi na hlat ciengin na lawm na guolte, na sanggamte, na tanaute ahi sihle mihau na vengte na hlan sin, tua hile amate in nang hing hlanin ang thuhkia thei ding uhi. 13Ahi vangin pawi na bawl ciengin mizawngte, mipoite, khelbaite, le mittawte na hlanzaw in. 14Tua hileh amate in nang hing thuhkia zo lo ding ahi ziehin thupha na nga ding hi, azieh pen midihte a thawkia ni ciengin nang ang kithuhkia ding hi,” a ci hi.
Pawi Lienpi tawh Thugentena
(Mat 22:1-10)
15Nitah an a nehpi lenglate khat in tam thu a zah ciengin ama kungah, “Pasien’ manggam sunga an ne ding poma hampha sam vuoi izaw!” a ci hi. 16Tua ciengin Jesu in ama kungah, “Mi khat in pawi lienpi khat bawl a, mi tampitah hlan hi. 17Pawi anneh hun ding ciengin ama in a mi hlatte kungah, “Hing pei un; azieh pen na zosie a baisa-in om zo ta hi,” ci-in a gen dingin a silapa a sawl hi. 18Ahi vangin amate in a kibangin hamlap a sui ciet uhi. Amasa pen pa in, ‘Lo khat ka lei a, keima pei-in ka va-et lo a poimaw hi; nei theisiem dingin kang thum hi,’ a ci hi. 19Adang khat in, “Bawngtang kap nga ka lei a, tuate ka va sin ta ding hi; nei theisiem dingin kang thum hi,’ a ci hi. 20Adang khat leuleu in, “Zi nei zo pan lien ka hi hi, tua ahi ziehin kang pei thei sih ding hi,” a ci hi. 21Tuaci’n silapa pei-in a pupa kungah tam thu teng a gen hi. Tua ciengin inn neipa lungthahin a silapa kungah, ‘Khuopi gawldung gawlvai tengah va naw pei ta’nlen, mizawngte, mipoite, mittawte, le khelbaite hing zawpi in,” a ci hi. 22Tuale silapa in, ‘Sie aw, nei sawl bangin ka sem zo ta a, mun awng lai veve hi,’ a ci hi. 23Tua ciengin a pupa in a silapa kungah, ‘Lamlien le lamneute-ah pei inlen ka inn ah mi a dim thei nadingin amate hing pau lutsah in. 24Azieh pen, ke’n note kang ci-in, a kihlante khat beh in ka pawi an a ciem kha sih ding hi,’ ci hi,” a ci hi.
Nuazui Hina Man
25Ama tawh mihon tampite khuol a zin vua, tuale kinua hei-in amate kungah, 26“Ka kunga ang pei mi poma in a nu le a pa, a zi le a tate, a sanggam pasalte le a sanggam numeite tham lo, ama’ hinna nangawn a muda sih leh keima’ nuazui a suoh thei sih ding hi.#Mat 10:37 27Ama’ singlamte puo-a ei zui lo poma ka nuazui a suoh thei sih ding hi.#Mat 10:38; 16:24; Mrk 8:34; Luk 9:23 28Bangzieh ahei cile mi khatpo in tausang khat a lam sawm leh tua inn zaw sieng nadingin a sum a kicing diei, a kicing sih diei, ci-in to-in tuot masa phot lo ding amah? 29Tua bang hi sih mawh leh khuombul suong a phu zaw ciengin a ban zom zo ta sih leh, a mu mi zosie in zako ding a, 30‘Tampa inn lam kipan sam napi a zo thei ta sih hi,” a ci ding uhi. 31Ahi sihle galkap tul sawm a nei kumpi khat in galkap tul sawmni tawh a sim dinga ang kuon kumpipa khat ka zo diei mah, ci-in to-in ngaisun masa phot lo ding amah? 32Ama in a zaw ngap sih leh tua adang kumpipa a gamlapi-a a op lai-in kilemna thu gen dingin ama kungah patong a sawl ding hi. 33Tua ahi ziehin note lahah a neisa zosie a nuasie lo poma ka nuazui suoh thei lo ding hi.
Ci Thu
(Mat 5:13; Mrk 9:50)
34“Ci pen hoi hi; ahi vangin tua ci in a alna mansuo leh bangci ki-alsah theikia ding ahei?#14:34 Ahi sihle “me lahah saw dingin bangci kizah thei ding ahei?” 35Leitang adingin lah a hoi sih a, ehlei dingin zong a hoi tuom sih hi; amate in tua khu a pulamah a paimang ta uhi. Zah nading bil nei tapo in za taheh!” a ci hi.
Currently Selected:
LUKE 14: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
