LUKE 13
13
A Kisiakia Lote Kisie ding
1Khum hun laitahin tua sunga om mi pawlkhat in, Pilat in Galilee-te’ sisan le amau’ biehpiehnate a halpiehna thu ama kungah a gen uhi. 2Ama in amate kungah, “Tami Galilee-te in tam banga a thuoh ziehun Galilee midang zosie sangin a mawzaw hi dingin na ngaisun uh amah? 3Hi lo hi, ke’n kang ci hi; note na kisiakia sih uleh no zong amate bangin na mangthai sieng ding uhi. 4Ahi sihle Siloam tausang in a netlia mi sawm le giette, Jerusalem-a teng midang zosie sangin a gilozaw dingin na ngaisun uh amah? 5Hi lo hi, ke’n kang ci hi; note zong na kisiakia sih uleh amate bangin na mangthai sieng ding uhi,” a ci hi.
A Ga lo Theikung Thugentena
6Tua ciengin ama in tami thugentena a gen hi: “Mi khat in a lengga um sunga kisuon theikung khat nei hi; tua theiga lo dinga a pei ciengin a ga bangma a mu sih hi. 7Tuaci’n um cingpa kungah, “En vawi! Tami kum thum sung theiga ka sui vangin khat beh ka mu sih hi. Phua dawh ta’n! Bang dingin leitang mawh nawngkaisah ding ahei?’ a ci hi. 8Ama in, ‘Siepa aw, a phung kimkot lei to-in ehlei ka sun masangsie kum khat sung tam bangin omsah phot lai in. 9Maikum cienga ang ga leh a hoi hi ding a, ang ga sih leh phua bep in,’ ci-in a dawng hi,” a ci hi.
Jesu in Apoi Numei khat Damsah
10Sabbath ni-in ama in kikhopna inn sungah thu a hil hi. 11Tua zaw lien ciengin khum munah hlabua in kum sawm le kum giet sung a poisah numei khat a om hi. Ama pen a cingbawngin a dingtang thei sih hi. 12Jesu in tua nu a mu ciengin ama kungah hlanin, “Numei aw, na natna panin na dam ta hi,” a ci hi. 13Ama in tua nu tungah a khut a ngah ciengin ama dingtang thei pai lienin Pasien’ min a phat hi. 14Ahi vangin Jesu in Sabbath ni-in cina a damsah ziehin kikhopna inn uhpa lungthah a, mihonpite kungah, “Nasep hun ding ni guh tah a om hi; a kidamsah dingin tuami hun sungin hing pei unlen, sabbath ni-in hing pei sih un,” a ci hi.#Pei 20:9-10; Thkna 5:13-14 15Tua ciengin Topa in dawngkia-in amate kungah, “No mihoi kipangte aw, sabbath ni-in a buh panin na bawngte uh ahi sihle na laate uh hla-in noma ciet in tui pie dingin na peipi sih uh amah? 16Satan in kum sawm le kum giet sung a na hencip Abraham’ tanu ahi tami numei nu khu sabbath ni-in a kihencipna panin sutdawh dingin kilawm hi lo amah? a ci hi. 17Ama in tami thu a gen ciengin a langpangte zosie a maizum mama uhi; tuale a bawl na lamdang zosiete ziehin mipi zosie a lungdam uhi.
Ankam Tang Thugentena
(Mat 13:31-32; Mrk 4:30-32)
18Tua ahi ziehin ama in, “Pasien’ manggam bang tawh kibang ahei? Bang tawh gente ding ka hei? 19Mi khat in um sunga a the ankam tang tawh a kibang hi; tua ankam tang khangin singkung golpi suoh a, vana leng vate in a bate tungah bu a bawl uhi,” a ci hi.
Tol Thugentena
(Mat 13:33)
20Tuale ama in a genkiana-ah, “Pasien’ manggam bang tawh gente ding ka hei? 21Numei khat in vainel law thum a zelsuoh donga a saw tol tawh kibang hi,” a ci hi.
Kot Kawcih
(Mat 13:33)
22Khuopi le khuotate khatzaw khat nawhin Jesu pei kawikawi a, thu a hil kawmin Jerusalem lam manaw-in a zin hi. 23Mi khat in ama kungah, “Topa aw, mi tawmno khat beh in hutdamna nga ding amah?” ci-in a dong hi. Ama in amate kungah, 24“Kot kawcih lam tawn a lut ding hakat un; azieh pen note kunga kang ci-in, mi tampi a lut sawm vua, ahi vangin a lut zo sih ding uhi. 25Khatvei inn neipa tho-in kot a khazaw ciengin note in zong a pulamah dingin kot na kiu ding vua, “Topa aw, kot ei hon in,” na ci ding uhi. Tua ciengin ama in note kungah, ‘Hei pana hing pei ci kang thei sih uhi,” ci-in a dawng hi. 26Tua ciengin note in, ‘Nang tawh an ne-in tui i dawnton ngai zo a, ka gawldung teng vuah zong thu nei hil zo hi,” na ci ding uhi. 27Ahi vangin ama in note kungah, “Ke’n kang ci-in, no hei pana ang pei ci ke’n kang thei sih hi; no, migilote zosie aw, ka kung panin peidawh ta un,” ang ci ding hi.#Late 6:8 28Pasien’ manggam sungah Abraham, Isaac, Jacob, le kamsangte zosie omin, note a pulamah ang kipaimang na mu uh ciengin kaana le hagawina a om ding hi.#Mat 22:13; 25:30 29Tua ciengin nisuona, nitumna, leilu le leitaw lam panin mite pei-in Pasien’ manggam sungah an a ne ding uhi.#Mat 8:11-12 30A nukhia-te masa-in a masate nukhia tahpi ding hi,” a ci hi.#Mat 19:30; 20:16; Mrk 10:31
Jerusalem a Dapina
31Khum hun laitahin Pharisee-te pawlkhat pei-in ama kungah, “Tam panin kihemkhie ta’n, azieh pen Herod in ang tha sawm hi,” a ci uhi. 32Ama in amate kungah, “Va pei ta unlen tua ngie kungah, ‘En in, tu ni le zing ciengin dawite notdawhin cinate ka damsah ding a, a ni thum ni-in ka nasep ka man sieng ding hi. 33Hinanle tuni, zing cieng le thai sung teng ka ma nawtsuohin ka pei ding hi, azieh pen Jerusalem pulamah kamsang khat a kitha ding pieng thei lo hi,’ a ci hi. 34Jerusalem, Jerusalem aw, kamsangte thatin, na kunga ang kisawlte suong tawh na seplia a, aapi in a hla kawmah a tate a huoi bangin na tate tamveipi ka huoi nuom vangin na nuom sih hi. 35En in, na innte kinuasie zo hi. Ke’n kang ci-in, ‘Topa’ min tawh ang pei pa in thupha nga taheh,’ na ci hun uh ang tun masangsie-in kei nei mu nawn sih ding uhi,” a ci hi.#Late 118:26
Currently Selected:
LUKE 13: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
