Apostles-Gasgai 1
1
Chapter 1.
1THEOPHILUS, gin wautliwon Jesus shi ga tl isdaian k'eu il isdagang-an gien, il shkotadaian edē kōgīn tlagang-as lth tloulthagun,
2La ga kenstaian apostles-gagan Hants Las alth il king-go-gang-an;
3Il waugang-an silīd yenki il hēnanstlaian la il kend-kwon-ā-won; shantlan tlā-ale stunshung agung tla il kendaian gien, Shanung-itlagadas gia king-domgai edē ishin gin il shudaian.
4Waigien gudā tl ijandlu, gum Jerusalem sta tla il istiida-lthans gien, nung Aung-as gin shudaian k'eu tla il edalths alth tla il king-go-gang-an. Adshi di sta dalung gudung-gun;
5John undl alth tl baptizdagun altha, dalung tlou, gum adshi sta shantlan kwonung-gun-dān, Hants Las alth tl baptizda-ashang, hin tla il shudaian.
6Althji alth tlistleu-on gudā tl ijandlu, Shalana, wēt gu king-domgai Israel ga silthgang dung isda-ung-kasha-ūsh? hin la alth tl kiānang-an.
7Waigien hin il shou-on, Taim-gai isgien tudie ishin nung Aung-as giang dugwīgai alth duman kens gum tliku un dalung ūnshit-lthing-e kāng-gang-gung.
8Hants Las dalung gu isīlthgīsdlu tlou, dugwīa dalung isdā-ashang; waigien Jerusalem gu isgien, Judæa tligai ashkwau-un gu ishin, Samaria gu ishin, waigien tliga jīng-a āgwī gu ishin, di un dalung witnes-gā-ashang, waigien hin tla il shudaian.
9Waigien tlistleu-on ashgai il shudagīgandlu, hawun la tl kātsgidundān, shi ga la tl isdaian, waigien yanai tla sta il s'aldan.
10Waigien il kulthas hawun la dlā shi ga tl kenlthagundān, tl haada stung gin otda gianda tla kwulth tljūgiā-agan;
11Dalung Galilee haadas, gushintlou shi ga dalung kenlth-tljūgiāang-gung? Unis Jesus dalung sta shi ga tl isdagun, shi ga kulthagun dalung keng-tljūgun ging-ān il katlā-ashang, waigien hin il shu-ā-won.
12Itan tldāwē Olivet hin kiās sta Jerusalem gwī tl stēlan; althji tldāwē Jerusalem un a-ānāgan, sabbath shantlanai ai tl istalgung-gang-an-dlua.
13Waigien tlistleu-on tl isdsaiandlu, shagai rūm-gai ā tl istal-lthaian, gaigu tl na-angan-a; Peter isgien, James ishin, John ishin, Andrew ishin, Philip ishin, Thomas ishin, Bartholomew ishin, Matthew ishin, James Alphæus git ijan ishin, Simon Zelotes ishin, Judas James git ijan ishin, gu ijan.
14Ashgai wautliwon gūdung-alth ijan gien, singlth-gang il gushu-gī-ū-gang-an; waigien tl dsāada isgien, Mary Jesus ou ijan ishin, il dōnalung ishin, tla alth gu ijan.
15Althsgai sing-ai ai (tl shkūla gūdā gudung-alth ijandlu, waigien lagwau tlū-unilth dlu tl edandlu), k'wai-alung yākosia Peter giā-agan gien, hin il shou-on,
16Di k'wai-alung isis, Judas edē Hants Las wau kōnast David helthi alth shudaian k'alung-e waiking-ān etgai lāgung, Jesus ga isdagun wau il al-istalgun altha.
17Itil alth il k'wai-indiāgun altha, adshi lthong-gwilie ishin il isdiāgun.
18(Anung ilthing-as gin da-ung-a isdagun sh'ou alth k'wulthkotis il dahgan; waigien il dlu-ai-an gien, gūdista il okotajan gien, il kālthi chiskwau-un wontlagan.
19Waigien Jerusalem gu ga nā-ansgai wautliwon wau un ūnshidan, althji alth-ū tla kilth ga althji k'wulthkotajai, Akeldama, hin kiāgan, Ai Kwulthkotajai, hin-u ēdung.)
20Ak'won lth nai la hīludiāda, waigien gum nung swonshung-un anādang, waigien il lthong-gwilie nung k'ulat ak'won la isdada, Psalms kōgīne ā hin k'ālung-as altha.
21John gia baptismgai sta, itil sta la tl isdagun shantlanai keu, Shalana Jesus itil kwulth ijun-k'ialthk,
22Tl haada itil alth ijun s'won k'otal sta il kālthāwon un itil alth witnes-gagai lāgung, hin Peter shou-on.
23Waigien tl stung tl isdaian, Joseph, Barsabbas, hin kiāgan, Justus, hin ishin il kiāgīgan, isgien, Matthias ishin.
24Waigien singlthgang tl gushou-on, Dā-ū, Shalana, tl haada wautliwon gudung-ai un nung ūnshits, adshi lthong-gwilie isdie un ashgai stung s'won dung kēaian lth kendi,
25Judas giang tligai ā kaidai un adshi lthong-gwilie dang-gun altha, hin tl shou-on.
26Waigien lots la un tl isdā-won gien, Matthias gwī kāalan; waigien lā-u apostlesgai tlāalth waugu swonshung alth k'wai-indiēlan.
Currently Selected:
Apostles-Gasgai 1: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
