Apostles-Gasgai 2
2
Chapter 2.
1WAIGIEN tlistleuon Pentecost shantlanai waudlu ēlthsdlu, tliga a-swonshung gu il wautliwon-wahun gūdā isāwon.
2Waigien umlthīstan tudsou tladsga chinlthgidsudalguns ging-ān sha sta gin gudung-āgan, waigien tlījan il tl'ōdā-won nai tīshkwau-un wau alth stah-gan.
3Waigien das ōt'ong-ilāguns ging-ān ets tl kāng-an, waigien tl wautliwon ing-gu-hun isēlan.
4Waigien Hants Las alth tl wautliwon stah-wai-an gien, tliga k'ulat haade kilth ga tl gushū-ī-dan, Hants tl gushue un tla da tlā-adan ging-ān-a.
5Waigien Jews haade, tl haada las, tliga wautliwon sta Jerusalem gu nā-ang-an.
6Waigien tlistleuon adshi hēgunsi tl gudang-andlu, ga shkūla gūdā ijan gien, tl k'uldung-āgan, tl wautliwon-hun kilth ga il gūshū-wos tl gudang-an altha.
7Waigien tl k'uldung-a-ōdsā-won gien hin tl shouon, Gwokeng, ga gūshusgai wautliwon gu gum Galilee haade isang-ūsh?
8Gushintlou ashgai haadgai wautliwon itil kilth ga gūshūs talung gudung-gung?
9Parthia haade isgien, Media haade ishin, Elam haade ishin, waigien Mesopotamia isgien, Judæa ishin, Cappadocia ishin, Pontus ishin, Asia ishin,
10Phrygia ishin, Pamphylia ishin, Egypt ishin, Cyrene Lybia gu is ishin, gu ga nā-ansgai isgien, waigien Jews isgien, proselait ishin, Rome sta is ishin,
11Crete haade ishin, Arabia haade ishin, Shanung-itlagadas gin unk'uldung-ā isdaian alth itil kilth ga gushus talung gudung-gung, waigien hin tl shou-on.
12Waigien tl k'uldung-ā-ōdsā-won gien, tl gudung-ai lthkwīdaian, Gushinu adshi ēdung? waigien hin gu tl shudaian.
13Waigien tl haada k'ulat tla alth kilth-nangan, Atl haadas wain outla alth skisa-waugung, hin tl shou-on.
14Waigien Peter ga tlaalth waugu swon-shuns-gai alth giāagan gien, il kilthgūlaian, waigien tla ā il gushou-on, Dalung Judæa haadas isgien, Jerusalem gu dalung nāans wautliwon ishin, adshi un lth ūnshidū, waigien di kil lth gudung-u.
15Ashgai haadgai dalung guduns ging-ān gum lum-ga-ung-gung, tlinūt gushgīt tlāalth-swonshung-gūs altha;
16Tliku Joel nung prophetgas awulth shou-on-ū ā ijung;
17Ōtgwau shantlanai gūt, tl haada wautliwon ing-gu Hants-ung lth giastlā-ashang; waigien dalung gitalung isgien, dalung gujang-alung ishin gin lā unsta shu-ashang, waigien dalung-gia itan-inagai gin lā keng-ashang, dalung-gia k'ēgai ishin kung-ā-ashang;
18Waigien althsgai sing-ai gūt di gitsadalung ilthansidas isgien, di gitsadalung dsā-adas ishin ing-gu Hants-ung lth giastlā-ashang, waigien gin lā unsta tl shūashang.
19Shatligai gu gin unk'uldung-ā isgien, hētligai gu ishin gin shkotaga lth kendā-ashang; ai isgien, das ishin, ai-ou ishin.
20Shalana gia shantlanai eu-ons unk'ul-dung-as itsgai kōnast, jū-yē algēlths gien, kōng-ai ishin ai-ēlthishang.
21Waigien wau dlu, Shalana kiē ga ga kiāgans-ū kogun-ashang, hin Shanung-itlagadas shugung, hin Joel shou-on.
22Dalung Israel haadas, ashgai gushuē ith gudung-u; Jesus Nazareth sta is, althunis Shanung-itlagadas lthong-gwila dugwīa alth isgien, gin unk'uldung-a alth ishin, gin kāng-ūdsada alth ishin, nung ilthing-a lā il is dalung kenda-gun; ashgai Shanung-itlagadas dalung yākosīa la alth isdagun, un dalung ishin ūnshits ging-ān-a;
23Althunis tl haada dā-ung-a stlang alth dalung isdas gien, la dalung jitūdlishgīdun gien, la dalung tīigun, wau kōnast Shanung-itlagadās un ūnshidan ging-ān-a.
24Althunis Shanung-itlagadas tla-kālthūgun gien, k'otal waugung-ai la sta il gū-īlthdagun, gum tliku k'otal la ashgudan-lthing-e kāng-gang-gun altha.
25David la edē hin shus altha, Hang-gu-lthang Shalana lth keng-gīgun, di sō-olgust il is altha, gum sta di tl isda-ang-ai una.
26Althjī alth di gudung-ai lāgun gien, di t'ong-il ishin tlika gūlāgun; waigien di kiē ishin yetdie ā agung shandsūdā-ashang;
27Gum k'wi-ai hetgu di althandai dung inang-ases altha; waigien dang-a nung Las gum dung gūnistl-dang-ashang.
28Hēnung-gai k'eu-eun di dung ūnshidulth-da-gun; hung-ung alth tlika di dung tlikū-lā-eu-on-ashang, hin David shou-on.
29Di k'wai-alung, David nung aung-as k'otalan gien, la tl lthē-ō-waian, giaku il lthē-ō-wos ha-wun itil k'wulth is, un dalung ūnshidung.
30Lā-ū prophet-gāgan gien, il gitalung s'won la sh'outga isises, gushou tladsga alth Shanung-itlagadas la ga shudaian un il ūnshidan;
31Adshi wau kōnast un il ūnshidan gien, Christ kālthū-ases edē isgien, gum k'wi-ai hetgu il alth-andai is-swonung-ang-ases ishin, gum il kiē gūnistlang-ases ishin, il shudaian.
32Unis Jesus Shanung-itlagadas tla-kālthūgun, waigien un talung wautliwon witnes-gāgung.
33Althjī alth Shanung-itlagadas sō-olgust-gai alth shi ga il isdaian gien, nung Aung-as Hants. Las la ga isdie shudaiandlu, wēt agin dalung kens isgien, dalung guduns ishin il giastlagun.
34David gum shi ga kulthang-an altha, waigien la gudan hin shugung, Di sō-olgust lth k'ou-i,
35Dung t'elg ga kensgai dung stai k'eusi un lth tlou-lthie k'eu-a, hin Shalana giagun Shalanagai shudaian, hin David shou-on.
36Althjī alth unis Jesus dalung jitūdlishgī-dun Shalana isgien, Christ ishin, Shanung-itlagadas tla-isīlgun, Israel haade wautliwon un ūnshidai lagung, hin Peter shou-on.
37Tlistleu-on adshi tl gudang-andlu, tl gudung-ai sti-gang-an gien, Itil k'wai-alung, gushinu talung etishang? hin Peter isgien apostlesgai k'ulat ishin tl shudaian.
38Gūdung-ung lth stīlthdū, waigien dalung da-ung-as dak'eshgadēle un Jesus Christ kiē ā dalung wautliwon-hun baptizdīgai una; waigien Hants Las shou-ādan dalung isdā-ashang.
39Dalung isgien, dalung gitalung ishin, wochgwēt āgwī ga isgai wautliwon ishin, un il shudaiani altha, tl wautliwon un Shalana itil Itlagida ai-ing-ases-a, waudlu hin Peter tla ga shou-on.
40Waigien gin ada kwon ishin unsta il shou-on gien, tla il shkotadaian, Ashgai gūdista kāng-gai kush-gājulans sta lth agung kogundā-ū, waigien hin il shou-on.
41Itan il kil ga gudang-an baptizdiagan, waigien althsgai sing-ai gūt-hun tl haada thousandgai lth'ōnulth la gwī kāalthāwon.
42Waigien ga apostlesgasgai gin shkotadas isgien, tl an gudung-ai las ishin, shibli ai ginanunsi ishin, singlthgang gūshūsi ishin, duman tl keng-gī-gang-an.
43Waigien tl haada wautliwon-un lthwau-gagang-an; waigien ga apostlesgasgai gin unk'uldung-a kwou isgien, gin kāng-ūdsada ishin isdagang-an.
44Waigien [Jesus] ga yetdasgai wautliwon gudung-alth nā-ang-an gien, tl swonshung gin dāguns ging-ān gin tl dāas wautliwon ēdang-an.
45Waigien gin tl dāas isgien, gin kwōyā ishin alth ung-a tl gia-dah-wos gien, sh'ou tl wautliwon gin da k'ēas ai tl tlāadigang-an.
46Waigien shantlan wautliwon gūt, gudung-ai swonshung alth, tl churchga-gī-gang-an gien, shibli ai giang nai ā tl ginanung-gang-an, waigien gudung-ai swonshung alth isgien, gudung-ai lā alth ishin, tou-e ung-a tl tāgang-an;
47Waigien Shanung-itlagadas ā tl kil-las gien, tl haada wautliwon tla alth gudung-ai lāgang-an. Waigien shantlan wautliwon gut Shalana tl kogunda-lthing-as tla gwī kāalthda-gang-an.
Currently Selected:
Apostles-Gasgai 2: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
