Apostles-Gasgai 3
3
Chapter 3.
1SHGOSHGĪT lth'onulthsdlu singlthgang tl gushouwosdlu, Peter isgien, John ishin, temple-gai ā gut alth il istal-lthā-won.
2Waigien nung ilthing-a ou-ung duli stahun kwolū k'ōdāgan, la tl dlīids gien, templegai k'eu-e, K'eu Las hin kias, gu la tl isdagangan, temple-gai ai tl isdsas alth gin il ginungai una.
3Althunis Peter isgien John ishin templegai ai isdsa-ung-kasas kāng-an gien, la alth gin da il kiānung-āwon.
4Waigien Peter isgien John ishin il khatsgīlthdaian, Itil lth keng, waigien hin Peter shou-on.
5Waigien la ga gin il isda-wau-ashang il gudunsdlu, la il khatsgadā-won.
6Dāla isgien gūl ishin gum lth dā-ang-gung, waigien gin lth dāas ging-ān dung ga lth isdang; Jesus Christ Nazareth sta is kiē agunan lth kā, waudlu hin Peter shou-on.
7Waigien sō-olgūst il stlai la il gitsgīlthdaian gien, la il dung-giāagan; waigien hawīdan il stai isgien, il dumē shkwuds ishin dugwiēlan.
8Waigien il giāagan gien, il giāang-an, waigien il kāwung-īdan; waigien il kā-wuns gien il okai-ans gien, Shanung-itlagadas ā il kil-lāgan gien, temple-gai ai la alth il kudsāwon.
9Il kā-wuns gien, Shanung-itlagadas ā il kil-las ishin, haadgai wautliwon kāng-an.
10Waigien temple-gai k'eu-e las ā gin ginung un nung k'ou-gang-an isis un tl ūnshi-dan; waigien tliku la un gin edan un tl k'uldung-a-eu-on-an.
11Waigien Peter isgien John ishin hawun il gitsgīdundān, nai hang-we tīchawē, Solomon gia hin kias, ā tl haada wautliwon gudung-alth la ā hūstawon gien, tl k'uldung-a-eu-on-an.
12Waigien istltleuon Peter kāng-andlu, hin tl haada hang-gang il shudaian, Dalung Israel haadas, gushintlou anung ilthing-as un dalung k'uldung-gung? waigien gushintlou itil dalung khatsgut-tljū-ūjung? giang dugwīgai alth isgien, giang ligai alth ishin gu anung ilthing-as talung tla-kā-wung-idūja?
13Abraham un nung Itlagadas isgien, Isaac un nung Itlagadas ishin, Jacob un nung Itlagadas ishin, itil aung-alung un ishin nung Itlagadas Jesus Gitsādang un-yāgudung-gun; althunis dalung isdagun gien, Pilate hang-gu la ga dalung gwou-gun, il kāidie da la il gudung-gundlu-a.
14Nung Las ga tlou dalung gwou-gun, nung ladialēga dalung ga il isdie da dalung gudung-gun,
15Waigien hēnung-a un nung Itladas dalung tīigun; Althunis-ū Shanung-itlagadas k'otal sta tla-kālthūgun, waigien un talung witnes-gagung.
16Waigien il kiē talung yetdas agunan, il kiē anung ilthing-as tl-dugwī-ēlgun, la dalung kens gien, ishin un dalung ūnshidung; āng, la talung yetdas agunan dalung wautliwon hang-gu, yenki la il tl-dugwīēlgun.
17Di k'wai-alung, tliku gin dalung isdan da dalung k'ētījun wēt un di ūnshidung, dalung un ga itladas ishin ging-ān ēdun.
18Christ waugung-ung-kasas, wau kōnast ga prophetgasgai wautliwon helthi alth Shanung-itlagadas unsta shou-on ging-ān il ēdun.
19Althjī alth gudung-ung stīlthdū, waigien lth housen stīlth-lū, dalung da-ung-as wau sta gīshūēle una, waigien Shalana hansta gin itil tl-dugwīgai un itil gu isēle una;
20Waigien Jesus Christ awulth dalung ga isdiāgan althgwī il kil-itsgai una;
21Gin wautliwon silthgang itsgai k'eu, sha il itsgai lāgung, hētligai isīdan sta Shanung-itlagadas giang prophetgai las wautliwon helthi alth taimgai edē shudaian.
22Shalana Shanung-itlagadas di ging-ān nung prophetga et dalung k'wai-alung shu sta dalung un isda-ashang; gin wautliwon dalung il shudā-ases ging-ān dalung gundsū-ashang.
23Waigien wau dlā, wunung prophetgas kil gum ga gudung-uns-gai wautliwon-hun tl haada shu sta hīlū-ashang, hin Moses yenki shou-on altha.
24Āng, wāigien ga prophetgasgai wautliwon Samuel sta is isgien, dlā ga ijan ishin, wautliwon gushou-ondlu, ashgai shantlanai unsta tl shou-on.
25Ga prophetgasgai gitalung dalung ijung, waigien dalung aung-alung ga Shanung-itlagadas gin shudaian ishin dalung-gia ijung; Dung gitalung agunan hētligai gwaigang-ai wautliwon tl-ligulā-ashang, waigien hin Shanung-itlagadas Abraham shudaian.
26Shanung-itlagadas Gitsadang [Jesus] isdaian gien, dalung il tl-ligulai un isgien, dalung wautliwon-hun da-ung-as sta il tl-stelgai un ishin, dalung ā la il kilkaid-tlagangan, waigien hin Peter haadgai shudaian.
Currently Selected:
Apostles-Gasgai 3: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
