Apostles-Gasgai 4
4
Chapter 4.
1WAIGIEN tl haada ā il gushu-ū-gundān, ga lipletgasgai isgien, templegai un nung itladas ishin, Sadducee haade ishin, la un istla-āwon,
2Waigien tl haada gin il shkotada-wos gien, Jesus k'otal sta kālthāwon ishin, tla ga il shudawos alth tl gudung-ai lthkwīd-euon-an.
3Waigien la tl gitsgīlthdā-won gien, adalthgai k'eu k'ēchitnai ai la tl isdāwon, wau dlu sing-i-aian altha.
4Waigien tl kwon gushu-ē gudang-an-ū yetdaian; waigien ga ilthansidasgai thousandgai tlelthēlan.
5Waigien waudālēkw tla un ga itladasgai isgien, ga k'easgai ishin, tak'alung-lē-alung ishin, Jerusalem gu gudā ijan;
6Waigien Annas, liplet un nung itladas, isgien, Caiaphas ishin, John ishin, Alexander ishin, liplet un nung itladas tou-alung wautliwon ishin, gu ijan.
7Waigien tlistleuon yāhosīa la tl isdāwondlu, Gush dugwīgai alth isgien, gush kiē alth ishin, adshi dalung isdaiang? hin la alth tl kiānung-āwon.
8Itan Peter, Hants Las alth sta-ū-gas, hin tl shudaian, Tl haada un dalung itladas isgien, dalung k'ē-as īshin,
9Nung kwulū k'ō-da da talung tla-ēdun edē aiat itil alth dalung kiānunsdlu, anung ilthing-as gin alth ligulgun,
10Jesus Christ Nazareth sta is, dalung jitūdlishgīdun, Shanung-itlagadas k'otal sta k'ālthūdagun kiē alth anung ilthing-as ligulths adlun dalung hang-gu giāans, Israel haade wautliwon isgien, dalung wautliwon ishin un ūnshidai lagung.
11Dalung lthong-gwilas kwau dalung dang-gun-ū ījung, lā-ū kwun-gut un kudsēlgung.
12Waigien gum tliku nung k'ulat alth tl kogan-lthing-e kāng-gang-gung; hētligai gu tl haada shu kiā k'ulat alth itil kogunai un gum isans altha.
13Peter isgien John ishin gudung-ai tladsgas tlistleuon tl kāng-andlu, tl ilthansida gin da k'ētus il isāwon ishin un tl ūnshidalandlu, tl k'uldung-āgan; waigien Jesus alth il isāwon un tl ūnshidalan.
14Waigien nung ilthing-a ligālan tla kwulth giāans tl kāng-andlu, gum tliku hanltha kīlālthing-e kāng-gang-an.
15Waigien tlistleuon councilgai sta la tl hilis-āwondlu, gūda tl gushou-on;
16Gushinu utl ilthansidas a talung tlalthi-lth-shang? gin unk'uldung-a il isdu-ū-gun Jerusalem gu tl haada nāans wautliwon un ūnshits altha; waigien gum tliku da talung kudalthing-e kāng-gang-gung.
17Waigien gum tl haada k'ulat un ūnshidang-ai un, adshi kiē edē adshi sta gum housen nung swonshung-un ā il gushu-ang-awē sta la talung stidawodsun, hin tl shouon.
18Waigien la un tl ai-ing-āwon gien, Jesus kiē edē gum lthing-ān la tl gushu-lthang-wos gien, gum gin tla la tl shkotada-lthang-wos alth la tl king-go-gung-ā-won.
19Waigien Peter isgien John ishin hin hang-gang tl shudaian, Shanung-itlagadas hang-gu, Shanung-itlagadas kil t'elg dalung kil talung gudung-ai gu lā? un lth ūnshidū;
20Gin talung keng-gun isgien, gin talung gudung-gun ishin unsta talung shougai las altha, hin il shu-ā-won.
21Waigien tlistleuon housen la tl stidagī-āwondlu, la tl istīidāwon; tl haada agunan tliku il tlū-unshkot-awolthing-e tlang-a gāwon altha; gin il isdāwon agunan tl haada wautliwon Shanung-itlagadas un yāgudang-an altha.
22Anung ilthing-a il tl-ligulthāwon da tuda tlāale stunshung telg hīlāwon altha.
23Waigien la tl istīidāwondlu, tou-alung ā il istīidāwon, waigien liplet un ga itladasgai isgien, ga k'ē-asgai ishin il shudāwon wautliwon unsta il shu-āwon.
24Waigien tlistleuon tl gudang-andlu, kwunan Shanung-itlagadas ā gudung-althan tl gushou-on, waigien hin tl shou-on, O Shalana, shatligai isgien, hētligai ishin, sīgai ishin, waigien ai gin isi wautliwon ishin dung tloulthaian;
25Hants Las alth isgien, David itil aung dung gitsada helthi alth ishin, hin dung shouon, Gushintlou tliga k'ulat haade kalthi-yilthdaian gien, haadgai gin kōnung-a guda-nang-ang?
26Hētligai gu ga king-gas-gai tljūgiāagan gien, Shalana un isgien, il Christ-gai un ishin ga itladasgai gūdā ijan, hin dung shou-on:
27Yenkien adshi ilnagai gu, Jesus dung Gitsada Las kuts dung tō-daian un, Herod isgien, Pontius Pilate ishin, tliga k'ulat haade ishin, Israel haade ishin,
28Wau kōnast gin wautliwon etgai da dung gudangan ging-ān tl ūgai un gūdā tl ijan.
29Waigien wēt, Shalana, itil tl ging-lthwauguns lth keng; waigien dung gitsadalung gudung-ai tladsga alth dung kil unsta shougai un lth da tlāad;
30Tl tl-ligulai un stlang dung jistlas t'alth, dung Gitsada Las Jesus kiē alth gin kāngūdsada isgien, gin unkuldung-ā ishin, tl isdie una, hin tl shou-on.
31Waigien tlistleuon singlthgang tl gushugīgandlu, tlījan gudung-alth tl ijan tligai kiai-distlaian; waigien tl wautliwon Hants Las alth stah-waian gien, gudung-ai tladsga alth Shanung-itlagadas kil alth tl gushou-on.
32Waigien ga yetdasgai shkūlaian gien, tl gudung-ai isgien, tl althandai ishin swonshang-an; waigien gum nung swonshung-un gin dāas agung-ū kil-dāang-an; waigien gudung-althan gin tl dā-agan.
33Shalana Jesus k'otal sta kālthāwon un ga apostles-gas-gai dugwīa-euon alth witnes-gāgan; waigien il wautliwon-wahun ing-gu gin lā-euon isāwon.
34Waigien gum nung swonshung-un tla shu gin da k'īang-an; tliga isgien, nuh ishin, ga dā-asgai wau alth gia-dah-waian altha, waigien althjī alth tl gia-dah-wosi sh'ou tl isdas gien,
35Ga apostles-gas-gai hetgu tl isdaian; waigien gin da ga k'īasgai wautliwon-gahun tl isdagang-an.
36Waigien Joseph ga apostles-gas-gai Barnabas hin kiadaian; (tla geu gu gushoulē, hin-ū adshi kiē ēdung;) lā-ū Levite-gāgan, waigien Cyprus tligai sta il ijan;
37Althunis k'wulthkotis dāas alth giadahs gien, dāle il isdas gien, ga apostles-gasgai hetgu il isdaian.
Currently Selected:
Apostles-Gasgai 4: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
