Apostles-Gasgai 5
5
Chapter 5.
1WAIGIEN nung ilthing-a Ananias hin kiāgan, Sapphira jā-ung alth, k'wulthkotis alth gia-dāh-gan,
2Waigien sh'ou t'īch kenung-un duman il kāng-an, il jā ishin un ūnshidan, sh'ou t'īch ishin il isdas gien, ga apostlesgasgai hetgu il isdaian.
3Waigien Peter hin shou-on, Ananias, gushintlou Hants Las ga dung kilthgadung-ai un isgien, tligai sh'ou t'īch duman dung kāng-gai un ishin, hetgwau-lana dung gudung-ai sta-ūgadā-ūjang?
4Hawun dung k'wulth ijandlu, gum gu dung-gia isang-ūja? Waigien alth dung giadah-ganī silīd, gum gu un dung itladā-ung-ūja? Gushintlou gudung-ung alth adshi un dung gudung-ūjang? gum tl haada ga dung kilthgadung-ang-gun; Shanung-itlagadas ga-ū dung kilthgadung-gun, hin la il shudaian.
5Waigien Ananias ashgai gushuē gudang-andlu, il dl-dulthdas gien, tudsuē lang-a hīlāwon; waigien althji ga gudang-an wautliwon lthwaugulth-euon-an.
6Waigien ga itan-inasgai tljūgiāas gien, la odō gin tl isdas gien, kiā ga la tl isdaian, waigien la tl lthē-ō-waian.
7Waigien wau sta ashkoshgīt lth'ōnulth hīlūsdlu, il jā kudsaian, waigien tliku gin edan gum un il ūnshidang-an.
8Ou gu tlī tligai alth dalung gia-dah-gani etūja? di ga lth shudi, waigien hin Peter il shudaīan. Āng, ou tlī ēduni, waigien hin il shou-on.
9Gushintlou Shalana Hants edē kil-kāng-gai un gūtga dalung ga kilthā-ūjang? gwokeng, dung tlal ga lthē-ō-gun k'eu-ē gu ijung, waigien dung ishin kiā ga tl isdā-ashang, waigien Peter hin il shudaian.
10Waigien hawīdan la hetgu il dl-dulthdas gien, tudsu-ē lang-a hīlāwon; waigien ga itaninas-gai isdsaian gien, il k'otulths tl kang-an gien, kiā ga la tl isdaian, waigien tlal-ung k'wulth la tl lthē-ō-waian.
11Waigien Church haade wautliwon isgien, agin is ga guduns wautliwon ishin, lthwaugulth-euon-an.
12Waigien ga apostlesgasgai stlang alth gin kāng-ū-dsada kwon isgien, gin unk'uldung-a kwon ishin, tl haada shu isdaian; waigien tl wautliwon gūdung-alth Solomon gia nai hangwē tīchawē ā ijan.
13Waigien tl haada k'ulat tla alth stang-gai ga lthwau-gaian; waigien haadgai tla un gudung-ai lāgan.
14Wāigien ga yetdasgai Shalana gwī housen kāalgang-an gien, tl ilthansida isgien, tl dsāada ishin, shkūlaian;
15Althjī alth ga stisgai ishin keu-ē kitadiāsi ā tl isdagang-an gien, tīdan ing-gu tl isdagang-an, Peter ai kasi gien, il hants tl t'īch yā itsgai una.
16Waigien Jerusalem odō ga ilnagai ijan sta ishin tl shkūl-euon gudā ijan gien, ga stisgai isgien, hants da-ung-a alth tl gudung-ai lthkwīdas ishin tl isdaian; waigien tl wautliwon-hun ligālan.
17Waigien ga lipletgas un nung itladas giāagan, Sadducee haade la alth ija nwautliwon ishin, waigien tla alth tl gudung-ai sti-euon-an,
18Waigien ga apostlesgasgai tl gitsgīlthdas gien, k'ēchit-nai ai la tl isdāwon.
19Waigien Shalana gia angel-gai algwau k'ēchit-nagai k'eu-ē wau sta dā-ashūs gien, sta la il isdāwon.
20Istīidūltha, temple-gai ā lth tljūgiāang-u, waigien adshi hēnung-gai gialthing-ē wautliwon lth tl haada ga shūdū, waigien hin la il shudāwon.
21Waigien tlistleuon adshi il gudung-āwondlu, sing-ai-un temple-gai ai il isdsāwon gien, gin il shkotadawon. Waigien liplet un nung itladas isgien, la alth ga ijan ishin, istlagan gien, council haade isgien, Israel haade un ga itladasgai wautliwon ishin un tl ai-ang-an, waigien k'ēchit-nagai ā ga apostlesgasgai un tla tl kil-ai-ang-āgan.
22Waigien un ga ai-ang-an istlagan gien, gum k'ēchitnagai ā tl kāng-gā-ang-an; waigien silthgang tl stēlān gien, unsta tl shou-on,
23K'ēchitnagai k'eu-ē duman wau dā-a-kutung-asi talung keng-gun, waigien duman ga kensgai k'eu-ē hang-gu tljūgiāang-gun; waigien tlistleuon wau sta talung dāashūgundlu, gum ā tl haada talung keng-ang-gun, hin tl shou-on.
24Waigien tlistleuon temple-gai un nung kwulasi isgien, liplet un ga itladas ishin, ashgai gushuē gudang-andlu, tliku adshi etgai edē tl gudung-ai lthkwīd-euon-an.
25Waigien nung kātlas gien, Gwokeng, tl ilthansida k'ēchitnai ai dalung isdagun temple-gai ā tljūgiāang-gung, waigien tl haada gin shkotadang, hin il shouon.
26Itan nung kwulas ga gitsadasgai dungalth-an istīidan gien, la un kālthi-yildang ādan la tl isdāwon, tl haada kwau alth tl k'unlthuē ga tl lthwangaian altha.
27Waigien tlistleuon la tl isdāwondlu, councilgai hang-gu la tl isdāwon. Waigien liplet un nung itladas hin la alth kiānung-āwon,
28Adshi kiē edē tla dalung shkotadie sta tlou dalung talung stidagun, waigien gwokeng, gin tla dalung shkotadas alth Jerusalem ilnagai dalung stah-dang, waigien anung ilthing-as ai itil ing-gu isdie da dalung gudung-gung, hin la il shudāwon.
29Waigien Peter isgien, ga apostlesgasgai ishin, hin hang-gang shouon, Tl haada t'elg Shanung-itlagadas kilth ging-ān talung etgai lāgung;
30Itil aung-alung un nung Shanung-itlagasas Jesus tla-k'ālthāwon, waigien khait ing-gu la dalung isdagun gien, la dalung tīigun.
31Shanung-itlagadas-ū sō-olgustgai alth il Prinsgagai un isgien, la alth kogunai un ishin, shi ga il isdaian, gudung-ung stīlthda isgien, tl dā-ungas da k'ēshgadē ishin, Israel haade ga il isdie una.
32Waigien agin is un talung witnes-gāgung; waigien Hants Las, la kilth ging-ān ga ets ga Shanung-itlagadas isdaian, ishin witnes-gāgung, hin il shu-āwon.
33Waigien tlistleuon adshi tl gudang-andlu, tl gudung-ai ai kil-lthaian, waigien il tl'dāawē da tl gudang-an.
34Waigien councilgai shu nung Pharisee-ga, Gamaliel hin kiāgan, waudlu giāagan; laugai un il itladāgan gien, tl haada wautliwon la ga gūtgadan; althunis atl ilthansidas k'wau-umdsiwon kiā ga il isdā-halan, waigien hin tla il shudaian,
35Dalung Israel haadas, atl ilthansidas tliku dalung isda-ung-kasas lth duman agung keng-ū.
36Ashgai shantlanai kōnast, Theudas giā-agan gien, tl haada un sha agung il etdaian; waigien tl haada hundred-gai stunshung dlu la alth stang-an; althunis tl tīi-aian gien, la kilth ging-ān ga edan wautliwon ishin tligwonan k'ogūstlū-aian gien, ging-gang-an ēlan.
37Althunis silīa, Judas, Galilee haadas, tl kiē k'ālang sing-ai ai, giāagan gien, tl haada t'īch dlālthgang il isdaian; la ishin gāwon, waigien la kilth ging-ān ga edan wautliwon ishin tligwonan k'ogūstlū-aian.
38Waigien wēt hin dalung lth shudang, alt ilthansidas ā lth gum tlāgā-ang-ū, k'wai lth agwon il edou; adshi kwulthilē isgien, adshi lthong-gwiliē ishin tl haada sta isdlu, ging-gang-an ēlthishang;
39Shanung-itlagadas sta isdlu tlou, gum tliku dalung hīlūdalthing-ē kāng-gang-gung; ging-ān dalung wosdlu, Shanung-itlagadas un dalung ailthdalthing-a-hung-gung, hin tla il shudaian.
40Waigien la kilth ging-ān tl ēlan; waigien tlistleuon ga apostlesgasgai un tl ai-ang-andlu, la tl shkidung-āwon, waigien Jesus kiē edē gum la tl gūshū-ū-lthang-āwon gien, la tl istīidāwon.
41Althjī alth-ū councilgai hanst il istīidāwon, il kiē agunan ēdā la ga tl isdā-awe un il lā-wos alth il gudung-ai lāawon.
42Waigien shantlan wautliwon, templegai ā isgien, anā ishin, Jesus nung Christgas alth tla geu gu il gūshū-wos gien, ishin tla il shkotada-gī-ū-gang-an.
Currently Selected:
Apostles-Gasgai 5: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
