John 15
15
Chapter 15.
1WINE ānē lthkai yenki et ū di ijung, di Aung ishin kwulthkotajai duman kanglē ijung.
2Tlas wautliwon di ī kous gum gūt ān īnastlansdlu, wau sta il isdagung-gung; waigien tlas wautliwon ai ān koustlas il tlashkwūna-gung-gung, housen wau gūt ānē īnastlie una.
3Gūshou dalung ga lth shudagun agunan wēt dalung shkwūnang.
4Di ī lth issū, ltha ishin dalung ī isisang. Tlas wine ān lthkai ai shkotsūē gūsdlu, gum gūstgang-an gut ānē koustlagung-uns ging-an, di ī dalung itsgai gūsdlu, dalung gūt ishin gum ān koustlalthing-ang-gung.
5Di ū wine ānē lthkai ijung, dalung ishin tladsai ijung. Di ī nung isisdlu, ltha ishin lē isisdlu, althunis gūt ān kwon koustlagung-gung; di ādan gum gin dalung isdalthing-ans altha.
6Gum di ī nung isansdlu, tlas ging-an la tl dang-gung-gung, waigien yhilgul-gung; waigien gudā tl isdas gien, tsanūsi tl isdagung-gung, waigien ōgung-gung.
7Di ī dalung is gien, di kil ishin dalung ī isdlu, gin ga dalung stalthas ging-an lth da kianung-ū, waigien wai ging-an dalung un etshang.
8Ān kwon dalung gūt koustlasdlu, di Aung un yāgūdung-āgung, waigien giagun disciplesgai dalung isisang.
9Nung Aung-as di kwōyādagun ging-an, ltha ishin dalung kwōyādagun; kwōyādie ā lth dīna isgī-u.
10King-gogung-ai duman dina dalung kensdlu, kwōyādie ā dīna dalung isisang, Aung-ung gia king-gogung-ai duman lth keng-gun gien, kwōyādie ā ishin lang-a lth isis gingan-a.
11Di gudung-ai ligai dalung ā isis gien, gudung-ai lā alth ishin dalung stahawie un ashgai dalung ga lth shudagun.
12Dalung lth kwōyādagun ging-an, gu dalung kwōyādie lāgung, hin ū giagun king-go-gung-ai ēdung.
13Tō-alung agunan hēt ga hēnung-gang nung isdasdlu, la telg gum tla nung kwōyādalthing-ang-gung.
14Dalung ū di tō-alung ijung, gin alth dalung lth king-goguns ging-an dalung ets-dlu-a.
15Tlan gītsadalung hin dalung lth kyādang, nung gītsada tliku il ītlagīda ets gum un ūnshidung-uns altha; di tō-alung, hin tlou dalung lth kyādagun; Aung-ung sta gin lth gudung-gun wautliwon un dalung lth ūnshi-dulthdagun altha.
16Gum di dalung isdang-gun, ltha tlou dalung isdagun, waigien dalung istiids gien, ān dalung gūt koustlas gien, ānē wē dalang-a kougai alth dalung lth king-gogung-gun; di kyē agunan nung Aung-as alth gin da dalung kianuns ging-an dalung ga il isdie una.
17Gu dalung kwōyādie un ashgai alth dalung lth king-gogung-gung.
18Hēt-tligai dalung telg kensdlu, dalung telg kang-gai konast di telg keng-gun un dalung ūnshidung.
19Hēt-tligai gia dalung ijasdlu, hēt-tligai ung-a kwōyādalthing-āgung; waigien gum hēt-tligai gia dalung isans gien, hēt-tligai sta dalung lth isdagun alth ū, hēt-tligai dalung telg keng-gung.
20Nung gītsada gum ītlagīdang telg ēdungung-gung, hin gushou et dalung ga lth shudagun ā lth gudanung-wong; gin shing-idsa di tl andung-dasdlu, dalung ishin gin shing-idsa tl andung-dāashang; di kil duman tl kensdlu, dalung gia ishin duman tl keng-ashang.
21Waigien di kyē agunan ashgai wautliwon alth dalung tl isdāashang, di nung kilkaidun gum un tl ūnshidans altha.
22Gum lth katla-ung-as gien, gum tla ā lth gūshū-ung-asdlu, gum tl dāang-un-dādung-gung; wēt tlou gum tliku tl gūshoulthing-e kang-gang-gung.
23Di telg nung kensdlu, di Aung telg ishin il keng-gung.
24Lthong-gwila gum nung haada kulat isda-ang-gun gum tla shū lth isda-ang-asdlu, gum tl dāung-un-dādung-gung; wēt tlou di isgien di Aung ishin tl keng-gun gien, itil telg tl keng-gun.
25Ging-gang-an di telg tl keng-gun, hin tlagia king-gogung-ai ā gūshou kālung-as wai ging-an etgai un adshi edung.
26Waigien tlistleuon tl gudung-ai wau gin shosh-gīt-lē, Hants yenki ets, nung Aung-as sta is, nung Aung-as sta dalung ā lth kilkaidses, katlasdlu, di unsta il shū-ashang;
27Waigien dalung ishin di unsta shugung, di alth dalung isgīgun altha, hin Jesus shouon.
Currently Selected:
John 15: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
