John 16

Chapter 16.

1GUM dalung tl ging-dldulthda-ung-ai un ashgai dalung ga lth shudagun.

2Synagogue-nagai sta dalung tl dang-gung-ashang; āng, dalung nung tldas Shanung-itlagadas un il lthong-gwilang il gudung-ases ashkoshgade dōng-ēlgung.

3Waigien nung Aung-as un isgien, di un ishin gum tl ūnshidang-gun alth ū, hin tl wauashang.

4Waigien ashgai dalung ga lth shudagun, tlistleuon ashkoshgut waudlu ēlthsdlu dalung ga lth shudagun ā dalung gudanung-ai una. Waigien ashgai kwūnan gum dalung ga lth shudang-gun, dalung kwulth lth ijun altha.

5Waigien wēt di nung kilkaidun ā lth isang-kashang; Gitlan-gu dung ijung? waigien gum hin dalung swon-hun di alth kianung-ung-gun.

6Waigien ashgai dalung ga lth shudagun alth ū, dalung gudung-ai sti-euon-gung.

7Hīkwon yenki dalung ga lth shugung; lth kaidai dalung un lāgung; gum lth kaidansdlu, tl gudung-ai wau nung ging-shosh-gītlēgas gum dalung un katla-ang-ases altha; lth kaidsdlu tlou, dalung ā la lth kil-isisang.

8Waigien tlistleuon il katlasdlu, gin dāung-a isgien, gin lā ishin, ging-kilisalang ishin hēt-tligai un il ūnshidulthdāashang;

9Gin dāung-a un tla il ūnshidulthdāashang gum di tl yetdans altha;

10Gin lā un tla il ūnshidulthdāashang, Aung ung ā lth isang-kasas gien, gum housen di dalung keng-ung-ases altha;

11Ging-kilisalang un tla il ūnshidulthdāashang, adshi hēt-tligai un nung ītlagadāsi tl ging-kilisalung-gun altha.

12Hawun gin kwon dalung ga shudie da di gudung-gung, waigien gum wēt un dalung dugwīālthing-ang-gung.

13Waikian tlistleuon Hants yenki ets katlasdlu, yenki gin ets wautliwon ai dalung il al-istalshang; gum gūstgang-an il gushuung-ases altha; tliku gin il gudung-ases ging-an swonan il shū-ashang; waigien gin isangkasas un dalung il ūnshidulthdāashang.

14Di un il yāgūdung-ādāashang; gin dīna il isdas gien, un dalung il ūnshidulthdāases altha.

15Nung Aung-as gin dāas wautliwon giagun ijung; althji alth ū gin dīna il isdas gien, un dalung il ūnshidulthdāāshang lth shugun.

16Kwai-umdsiwun tlan di dalung keng-gung; waigien housen gum jīng-ang-gundān di dalung keng-ashang, hin Jesus shouon.

17Lagia disciplesgai tich hin gu shudaian, Kwai-umdsiwun tlan di dalung keng-gung; waigien housen gum jīng-ang-gundān di dalung keng-ashang, nung Aung-as ā lth kaids altha; gūshū ā hin itil ga il shudang?

18Kwai-umdsiwun, hin il shūs gushinū ēdung? Gum tliku il shūs un itil ūnshidang-gung, hin il shū-āwon.

19Jesus la alth kianung-ai da il gudungwos un ūnshidalandlu, hin la il shūdāwon, Kwai-umdsiwun tlan di dalung keng-gung; waigien gum jīng-ang-gundan housen di dalung keng-ashang, hin lth shūgun edē gu gut alth dalung kianung-ūsh?

20Yenkien, yenkien dalung ga lth shugung, dalung saigas gien dalung gudung-ai sti-ishang, hēt-tligai tlou tlika gwūlā-ashang; dalung gudung-ai sti-ishang, waigien dalung gudung-ai stigai tlika gwūlā isīlthshang.

21Nung jada tlistleuon ga stīigunsdlu, il gudung-ai stigung-gung, ashkoshgut wau dlu lang-a ēlthsī altha; waigien tlistleuon il kaigīsdlu, hēt-tligai gu nung haada il kais alth il gudung-ai las alth il waugang-an ā tlan il gudanung-gung-gung.

22Waigien dalung ishin wēt gudung-ai stigung; waigien housen dalung lth keng-ashang, waigien tlika dalung gwūlāashang; waigien tlika dalung gwūlagai gum nung swonshung-hun dalung sta isdang-ashang.

23Waigien althsgai sing-ai ai gum di alth dalung kianung-ung-ashang. Yenkien, yenkien dalung ga lth shugung, Nung Aung-as alth gin da dalung kianunsdlu, di kyē agunan dalung ga il isdāashang.

24Gāwun di kyē agunan gin da dalung kianung-ung-gun; kianung-ūltha, waigien dalung da-ēlthshang, tlika dalung gwūlā-euon-ai una.

25Kēgung alth ashgai dalung ga lth shudagun; kēgung alth tlan dalung ā lth gūshū-ases ashkoshgade waudlu elthdalgung, waigien nung Aung-as alth duman dalung ga lth gialthandāashang.

26Althji sing-ai ai di kyē agunan gin da dalung kianung-ashang; Nung Aung-as ā dalung sing lth gūshū-ashang, waigien gum hin dalung lth shudang-gung;

27Nung Aung-as kodan dalung kwōyādas altha, di dalung kwōyādagun gien, nung Aung-as sta lth katlagun ishin dalung yetdagun altha.

28Nung Aung-as sta lth katlagun gien, hēt-tligai gu lth katlagun; housen hēt-tligai tlan lth elthdas gien, nung Aung-as ā lth kaidshang, hin Jesus shouon.

29Wēt yenki duman dung gūshugung, waigien gum kēgung alth dung gūshū-ung-gung.

30Gin wautliwon un dung ūnshits wēt un itil ūnshidung, waigien gum nung haada dung alth kianung-ai da dung gudung-ung-gung; althji alth ū Shanung-itlagadas sta dung ijan talung yetdang, hin lagia disciplesgai shouon.

31Jesus hin hanglthang il shudāwon, Wēt gu dalung yetdi?

32Gwokeng, dalung wautliwon tō-alung ā ung gia-kūstāases ashkoshgadai waudlu elth-dalgung, āng, waudlu elgung, waigien di swon dalung tudlisdlāashang; waigien gum ltha swonan isang-gung, nung Aung-as di kwulth isis altha.

33Di agunan dalung gudung-ai dlai-e un ashgai dalung ga lth shudagun. Hēt-tligai gu gin shing-idsa dalung āndung-gung-gung; waigien gudung-ung tl lādūga; hēt-tligai telg di dugwīāgung, hin Jesus shonon.

Currently Selected:

John 16: HAIDA

Highlight

Copy