John 17
17
Chapter 17.
1ASHGAI Jesus shudaian; waigien shi ga il kēilthaian gien, hin il shouon, Aung-a, ashkosh-gadai waudlu elgung; Git-ang un lth yāgūdung-ādi, dung Git dung un yāgūdung-ā-die una;
2Tl hēnung-a wautliwon un la dung ītla-dēlthdagun ging-an, la ga dung isdagun wautliwon ga hēnung-a swonung il isdie una.
3Shanung-itlagadas yikī swonshung dung is un tl ūnshits gien, Jesus Christ nung dung kilkaidun ishin un tl ūnshits ū hēnung-a swonung ijung.
4Hēt-tligai gu dung un lth yāgūdung-ādagun gien, lthong-gwila lth isdie un di ga dung isdagun lth elthgīdagun.
5Waigien wēt, Aung-a, hēt-tligai ijun konast un yāgūdung-ā dung alth lth dāgun alth di isgien kenung-un ishin lth yāgūdung-ādi.
6Hēt-tligai sta tl īlthansida di ga dung isdagun dung kyē un lth ūnshidulthdagun; dung gia ū il isūgun, waigien di ga la dung isdūgun, waigien dung kil duman il keng-ūgun.
7Wēt gin di ga dung isdagun wautliwon dung sta is un il ūnshitwong;
8Gūshou di ga dung isdagun la ga lth isdūgun altha; waigien il isdūgun gien, dung sta lth ijun yenki il ūnshitūgun, waigien di dung kilkaidun il yetdūgun.
9La sing lth gūshū-wong; gum hēt-tligai sing lth gūshū-ung-gung, di ga da ga isdagun sing ū lth gūshūgung, dung gia il iswos altha;
10Waigien giagun gin is wautliwon dung gia is gien, dung gia ishin giagun ijung; waigien alth di un yāgūdung-āgung.
11Waigien tlan hēt-tligai gu lth ijung, waigien atltas ū hēt-tligai gu ijung, waigien dung ā lth kaidung. Aung Las, di ga da ga isdagun lth kyāng agunan duman keng, itil ets ging-an il swonshung-āwē una.
12Hawun la kwulth lth isūgundlu, dung kyē agunan di ga la dung isdūgun duman lth keng-gun; waigien la ā lth lthotsūgun gien, gum il swon gū-ung-ūgun, tlan nung gougas git swonan gūgung; tliku gin lā kālung-as shūsi wai ging-an etgai una.
13Waigien wēt dung ā lth kaidung; waigien a gin is hēt-tligai gu lth shudang, gudungai ligai alth dīna il stah-wau-wē una.
14Dung gia gūshūe la ga lth isdūgun, waigien hēt-tligai la telg keng-ūgun, hēt-tligai gia gum di isans ging-an gum hēt-tligai gia il isang-wos altha.
15Hēt-tligai sta la dung isdāawe dū gum dung alth lth kianung-ung-gung, nung dāung-as sta duman la dung keng-awe dū dung alth lth kianung-gung.
16Gum hēt-tligai gia di isans ging-an la ishin gum hēt-tligai gia isang-wong.
17Yenki gin ets alth il tl-ligulthū; dung kil ū yenki ēdung.
18Hēt-tligai ā di dung kil-kaidun ging-an, la ishin hēt-tligai a lth kil-istīidūgun.
19Waigien la agunan agung lth tl-ligulthwong, la kodan ishin yenki gin et alth agung tl-ligulthawe una.
20Waigien gum atltas sing swonan lth gūshū-ung-gung, gai kil agunan di tl yetdas sing ishin lth gūshūgung;
21Tl wautliwon swonshung-ai una; Āung-a, di ā dung is gien, ltha ishin dung ā is ging-an, gai ishin itil ā itsgai una; di dung kil-kaidun hēt-tligai yetdie una.
22Waigien un yāgudung-ā di ga dung isdagun tla ga lth isdagun; itil swonshuns ging-an tl swonshung-ai una;
23Tla ā lth is gien, da ishin di ā ijung, tl wautliwon swonshung-ēlē una; di dung kilkaidun gien, di dung kwōyādagun ging-an, tla ishin dung kwōyādagun un hēt-tligai ūnshidai una.
24Aung-a, tlījan lth is gu di ga da ga isdagun ishin di kwulth itsgai da di gudung-gung; un yāgūdung-a di ga dung isdagun dīna tl kang-gai una; hēt-tligai itsgai konast-hun di dung kwōyādagun altha.
25Aung Las, hēt-tligai gum dung un ūnshidang-gun, di tlou dung un ūnshidun; waigien atltas ishin di dung kilkaidun un ūnshidun;
26Waigien dung kyē un tla lth ūnshidulthdagun, waigien un tla lth ūnshidulthdāashang; kwōyāda alth di dung kwōyādagun tla ā is gien, ltha ishin tla ā itsgai una, hin Jesus shouon.
Currently Selected:
John 17: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
