Luke 1
1
Chapter 1.
1TLIKU gin itil shu edan tl kwon kālung-ai isdagudung-gun alth-ū,
2Kwunstie sta ga keng-gang-an isgien, Shanung-itlagadas kil un ga liplētgāgan ishin, itil ga shudaian ging-an.
3Kwunstie sta gin wautliwon tliku edang-an un yenki di ūnshidulgun alth, duman dung un kālung-ai da di ishin gudung-gun, Theophilus lādsilthīs;
4Gin dung tl slikotadaian yenki edan un dung ūnshidai una.
5Herod Judæa tligai un king-gāgan nūt, nung liplētga Zacharias hin kyā ijan, waigien Abijah gia haadgai alth il lthong-gwil-gang-an; waigien Aaron gūjang-alung swon il īnāgan Elizabeth hin il kyāgan.
6Waigien il stung-won Shanung-itlagadas hang-gu lā-āwon, waigien Shalana gia king-go-gung-ai wautliwon isgien, tliku gin il et-hul-gang-an ishin ging-an tlishgūda ādan il etgiū-gang-an.
7Waigien gum il git-kai-ung-āwon, Elizabeth kekulaian altha, waigien il stung-won kē-ēlthāwon.
8Waigien Shanung-itlagadas hang-gu tliku la tl et halan ging-an nung liplētgas gia lthong-gwilie il isdagundān.
9Tliku ga liplētgasgai edang-an ging-an, Shalana gia temple-gai ai il kudsas gien, shkwūnūlou il ōgulthdie lāgan.
10Waigien shkwūnūlou tl ōgulthdaiandlu, tl shkūlas wantliwon kyāgūst singlthgang gushu-gang-an.
11Waigien Shalana gia angel-gai swon shkwūnūlou altar-gai sōolgūst giāns īl kang-an.
12Waigien Zacharias gudung-ai lthkwīdaian tlistleuon la il kang-andlu-a, waigien il lthwaugalan.
13Waigien nung angel-gas hin il shudaian, Zacharias gum lth lthwaugang: singlthgang dung gushus Shanung-itlagadas guduns altha, waigien dung jā Elizabeth nung īlthing-a dung odō sta kai-ishang, waigien John hin la dung kyādā-ashang.
14Waigien dung gudung-ai las gien, tlika dung gwūlā-ashang; waigien tl kwon la tl kais alth gudung-ai lā-ashang.
15Shalana hang-gu il eu-on-ses altha, wai-gien wine isgien gin dutga ishin gum il nīlthang-ashang; waigien ou-ung dulthi sta-hun anung Hants Las alth il stāūgā-ashang.
16Waigien Israel gitalung kwon Shalana Shanung-itlagadas gwī ung-a il tla-stīlthishang.
17Waigien Elijah gudung-ai isgien, dugwīgai alth ishin, la kōnast il kā-ashang, tl aungalung gudung-ai gitalung gwī il tla-stilths gien, ga geujiasgai ga lasgai kutung-gai ai ishin il al-istalai una; tl haada Shalana un agung elthgīdas il tla-elthgīgai una, hin la il shudaian.
18Gushinu adshi un di ūnshidulth-tljū-ashang? di kē-ēlths gien, di jā ishin kē-ēlths altha, waigien hin Zacharias nung angel-gas shudaian.
19Waigien nung angel-gas hin hanglthang il shudaian, Gabriel ltha-ū ijung, Shanung-itlagadas hang-gu nung giāans-a; waigien dung ā lth gushue un isgien, a gia-lthang lā is ishin dung ga lth shudie un di tl kilijun.
20Waigien, gwokeng, dung kilgūūdsāashang, waigien kilthgulie odō dung eshgāashang, ga shantlanai gut a gin is wai ging-an etgai keu-a, time-gai elthgīsdlu tliku lth shūs ging-an etses gum dung yet-dang-gun altha, hin la il shudaian.
21Waigien tl haadas Zacharias keu edan, waigien temple-gai ā il gū-hunsgadan un tl kuldung-āgan.
22Waigien tlistleuon il katla-waugandlu, tla ā gushue odō il eshgaian; waigien templegai ā gin unkuldung-a il kang-an un tl ūnshidan; waigien tla hung-ā stlang il akaiādaian, waigien hawun il kil-gāwon.
23Waigien waudlā, thistleuon sing gūt il lthong-gwilang-kashagan tlan ēlandlu, giang nai ā il kaidan.
24Waigien ashgai shantlanai dlā, il jā Elizabeth dulthgiēlan; waigien kōng kē-tlēlth gūt ung il salgādaian,
25Hin Shalana di isdagun, ga shantlanai ai di il keng-gundlu, tl haada shu di ēdans il gū-īlthdie una, waigien hin il shouon.
26Waigien kōng kē-tlū-unalandlu, Gabriel nung angel-ga Shanung-itlagadas sta Galilee ilna-gai swon Nazareth hin kyas gu katlagan,
27Nung dliang nung īlthing-a Joseph hin kias, David gia haadgai swon ijan, īnang-kasas un il katlagan; waigien nung dlians Mary hin kiāgan.
28Waigien la kwulth il kudsaian gien, Dung ā lth kil-lāgung, yenki dung tl tloulthligulths, Shalana dung alth ijung, hin il shouon.
29Waigien tliku il shouon alth Mary gudung ai lthkwīd-euon-an gien, tliku adshi gushue etgai odō il kwūlthalan.
30Waigien nung angel-gas hin il shudaian, Gum lth lthwaugang, Mary; Shanuug-itlaga-das dung alth gudung-ai las altha.
31Waigien, gwokeng, dung dulthgiēlth-shang, waigien nung īlthing-a dung kai-ishang, waigien JESUS hin la dung kyādāashang.
32Il euon-shang, waigien sha agwī Nung is Git hin il kyā-ashang; waigien Shalana Shanung-itlagadas David il aung gia aulthgahung-we la ga isdāashang;
33Waigien Jacob gia haadgai un il itla-gada-swonung-ashang; waigien lagia kingdomgai gum tlan elth-swonung-ung-ashang, hin nung angel-gas Mary shudaian.
34Gushinu adshi etishang, gum lth lāīnans altha? waigien hin Mary nung angel-gas shudaian.
35Waigien nung angel-gas hin hanglthang il shudaian, Nung Hants Las dung ing-gu isishang, waigien sha āgwī Nung is gia dugwi-gai dung ā lthkāūjēlthashang; althji alth ū nung dung kai-ises nung las isgien, Shanung-itlagadas Git ishin, hin kyāashang.
36Waigien, gwokeng, dung tou-i Elizabeth ishin kē-ēlths gien dulthgiēlgung; waigien kekula hin nung kyāgun da kōng kē-tlū-unulgung.
37Kil wautliwon Shanung-itlagadas sta isis gum dugwīa ādan isang-ases altha, hin nung angel-gas il shudaian.
38Shalana gītsada di ijung; tliku dung shus ging-an lth akwon di un edi, waigien hin Mary shouon. Waigien nung angel-gas la sta kaidan.
39Waigien ashgai shantlanai gut Mary giāagan gien, tliga gu tldou kwons ā ung il gūdūlthāgang-an, Judah tligai gu lana ijan ā-a;
40Waigien Zacharias kwulth il kudsaian gien, Elizabeth ā il kil-lāgan.
41Waigien tlistleuon Elizabeth Mary la ā kil-las gudang-andlu, il dul ā nung īḵutsūs yildang-an; waigien Elizabeth Hants Las alth stahgan;
42Waigien kwunan il kilthgūlaian, Tl jaadas shu dung las gien, nung dung kaiases ishin lāgung.
43Waigien gushintlou giagun Shalana-gai ou di keng-atlang?
44Gwokeng, tlistleuon di ā dung kil-las lth gudung-gundlu, nung īḵutsūs gudung-ai lā alth di dul ā yildung-gun.
45Waigien nung yetdagun ū lāgung; Shalana sta gin tl shudaian wai ging-an etses altha, waigien hin Elizabeth Mary shudaian.
46Waigien Mary hin shouon, Di althandai Shalana ā kil-lāgung,
47Waigien Shanung-itlagadas Nung alth di koguns alth di gudung-ai tlika-gūlāgun.
48Il gitsada jadas het gudung-ai ets il kang-an altha; adshi sta gūdista kang-gai wautliwon, nung las, hin di kyādāashang.
49Nung Dugwīa-euons di unyāgudungēlthdagun altha, waigien il kyē ū lāgung.
50Waigien gūdista kang-gai kwon shū sta la ga ga lthwaugasgai kalthshint il gudung-gung.
51Hyang alth dugwīa tla il kendaian; ga gudung-ai sha etsgai hawun gin odō kwulthilgundān il hagujang-an.
52Ga prince-gasgai aulthgahung-we sta hēt ga ung-a il isdaian, hēt ga ga gudung-ai etsgai ishin shī ga il isdaian.
53Ga k'wōtsgai gin lā alth il skisūdaian; waigien ga gin-lthing-asgai kēstlang-an il kilistīidan.
54Israel gitsadang da il tlaadan, Abraham un isgien, il gitalung un ishin.
55(Tliku itil aung-alung ga il shouon gingan) kung-gudung-ie ā ung-a il gūshgut-swonung-ai una, hin Mary shouon.
56Waigien Mary kōng kē-lthōnulth dlu la alth nāgan gien, gyang nai gwī silthgang il stēlan.
57Waigien Elizabeth kaigai dlu ga ēlan; waigien nung īlthing-a il kaian.
58Waigien la kwulthīt ga nāansgai isgien il tou-alung ishin Shalana la kalthshint gudung-euon-an ū gudang-an; waigien la alth tlika tl gwūlāgan.
59Waigien shin stanshang-āgandlu nung āḵutsūs circumcise-die un tl istlagan; waigien, Zacharias, hin la tl kyādang-kashagan, tliku il aung kyāgan ging-an-a.
60Gāanū; John hin tlou il kyāashang, wai-gien hin il ou hanglthang shouon.
61Gum dung tou-i swon-hun hin kyā-ang-gung, waigien hin la tl shudaian.
62Waigien il aung hung-ā stlang tl akaiadaian gien, tliku il kyāgai da il gudung-ai da la alth tl kiānang-an.
63Waigien gin kālung-ai gū da il kiānang-an gien, John, hinū il kyāng, hin il kālang-an. Waigien un tl kuldung-ā-ōdsou-on.
64Waigien hawīdan il helthi helthalan gien, il tong-il ishin ai otadan, waigien il gushouon gīen, Shanung-itlagadas ā il killāgan.
65Waigien tla kwulthīt ga nāang-an-gai wautliwon lthwaugalan; waigien Judæa tligai tldāwē kwons wautliwon ai tliku tl shouon wautliwon king-ā-kokūstlū-aian.
66Waigien ga gudang-an-gai wautliwon wau ā gūdanung-ēdan gien, Gushinu anung āḵutsūs ēdung-kasha-alth? hin tl shouon. Shalana stlai la alth ijan altha.
67Waigien il aung Zacharias Hants Las alth stahgan gien, gin unsta il shouon, waigien hin il shouon,
68Shalana Israel un nung Itlagadas ū lāgung; haadgai un ung-a il katlagan gien, tla il dahgan altha,
69Waigien David il gitsada gia nai ā kogan nushang-wē itil un il isdaian
70(Hetligai isīdan sta tliku prophet las helthi alth ung-a il shouou ging-an-a,)
71Itil telg ga kensgai sta isgien, itil tloulthdā-ung-ie da ga gudunsgai wautliwon stlai sta ishin itil il kogundaian;
72Itil aung-alung kalthshint il guduns gien, gin lā il shudaian ā ishin ung-a il gudanung-ai una;
73Abraham itil aung ā gushou tladsga alth gin il shudaian-a,
74Itil telg ga kensgai stlai sta itil kogunsdlu lthwauga ādan,
75Hēnung-a lā alth isgien, hēnung-a yā alth ishin, itil hēnung-askialthk la hang-gu la un talung lthong-gwilie un itil ga il isdie una.
76Nung āḵutsūs, waigien dā-ū sha āgwi Nung ets gia prophetgai hin kyā-ashang; Shalana gia keu-e elthgīdie un la konast dung kāases altha;
77Gyang haadgai il kogundāases isgien, tl dāung-as kalthshint ishin il gudung-ases un tla dung ūnshidulthdie una,
78Itil ītlagīda kung-gudung-as alth-ū, sha āgwī sta shantlan otulthgwai is itil un katlāashang,
79Alga ā isgien, kotal algagai ā ga tlodas ishin ā kokeshguts gien, keu dlaia ai itil al-istalai una, hin Zacharias shouon.
80Waigien nung āḵutsūs inastlaian gien, il gudung-ai tladsgēlan, waigien Israel haade la tl kendie keu, tligunltha il ijan.
Currently Selected:
Luke 1: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
