Luke 3
3
Chapter 3.
1WAIGIEN Tiberius Cæsar ītlagadēlan sta tuda tlāalth waugu tlēlthaiandlu, Pontius Pilate ishin Judæa un governor-gagandlu, Herod ishin Galilee un tetrarch-gagandlu, waigien Philip il dōn ishin Ituraea isgien Trachonitis un ishin tetrarch-gagandlu, Lysanias ishin Abilene un tetrarch-gagandlu,
2Annas isgien Caiaphas ishin liplēt un itlagadagandlu, tiigunltha John, Zacharias git ijan, ā Shanung-itlagadas kil ijan.
3Waigien Jordan untlai odō tliga wau-tliwon is un il katlagan gien, tl dāung-as da kēshgadēlē un gudung-ung stīlthdie baptism-gai alth tla geu gu il gushugang-an;
4Tliku Isaiah nung prophetgas gia kogīnē ā kil kālung-as ging-an-a; Shalana gia keu-e lth ēlthgīdū, waigien lth lang-a tlayāgulthū, hin nung kil swonshung tligunltha gudung-āgung.
5Tladanai wautliwon tl stahūdāashang, waigien tldou wautliwon isgien, tliga kēāwos wautliwon ishin, hētga tl isdāashang; keu kitshkājūlung-as ishin yāgulthshāng, waigien keu dāung-as ishin ligulthshang;
6Waigien ga hēnung-asgai wautliwon Shanung-itlagadas gia kogunai keng-ashang, hin kālung-āgung.
7Althji alth tla il baptize-die un tl shkūleuon la ā istīidan hin il shudaian, Sik gitalung dalung isis, gīshdu kalthi-yilthdang isang-hasas sta dalung istīid-halang?
8Althji alth gudung-ung stilthda un ān las lth īnastldū, waigien, Abraham ū itil aung ijung, gum lth hin gudung-ung-ū; Shanung-itlagadas ashgai kwau-e sta Abraham un gitalung tla-kalthoulthing-ā-gung, hin dalung lth shudas altha.
9Waigien wēt-hun ū keutljou-e gin lthkai shkūshang-wē gu tlōdang; althji alth gin lthkai wautliwon gut gum ān lā īnastlans tl shkikundals gien, tsanūsi tl sisagung-gung, hin tla il shudaian.
10Gūsh tlou talung isdie lagung? waigien hin ga shkūlasgai la alth kianang-an.
11Kodats chi-stung nung dāasdlu, gum nung ga dāans ga il isdie lāgung; waigien tou nung dāas ishin ging-an il ūgai lāgung, waigien hin hanglthang tla il shudaian.
12Waigien giashouganung-lē-alung ishin tla il baptize-die un istlagan, Nung itlagadas, gūshū talung isdie lāgung? waigien hin la tl shudaian.
13Tliku king-gogung-ai shūs telg ith gum tl giashoudang-ū, waigien hin tla il shudaian.
14Waigien soldier haade ishin la alth kiānang-an, Waigien talung ishin, gushin talung etgai ū lāgung? hin tl shouon. Gum lth tl haada dāa-gūdang-ung-ū, gum lth ging-gang-an gin isdang-ū, waigien lth giasbougai ung-a gwūlāū, waigien hin tla il shudaian.
15Waigien tl haada nung da khatsāwon gien, tl wautliwon John Christ itsgai odō kwulthilgundān,
16John hanglthang hin tl wāutliwon shudaian, Lthā ū undl alth dalung baptize-dang; di telg nung dugwīas tlou katlang, waigien stashgagai ai sta lang-a tlāadai un ū gum di lā-ung-gung; lā ū Hants Las alth isgien das alth ishin dalung baptize-dāashang;
17Waigien il stlai ā yhitāwē lang-a ijung, yenkien wheat-nai stling-kou-e ung-a il tlashkwunagulths gien, wheat-nagai ai ishin wheat-gai gudā ung-a il isdie una; wheat-gai kul tlou tsanu gum tl kial-lthingans alth il ōgulthdāashang, hin tla il shudaian.
18Waigien gushou āda kwon alth isgien, gialthāng lā alth ishin tl haada geu gu il gushou-on;
19Waigien Herod nung tetrarch-gas Herodias kwai-ung jā sta isgien, gin dāung-a wautliwon il isdaian sta ishin John il stidaiandlu,
20Herod housen wautelg gin dāung-a isdaian gien, John kēchitnai ai il isdaian.
21Waigien tlistleuon tl haada wautliwon baptize-diēlandlu, Jesus ishin baptize-diēlan gien singlthgang il gushouondlu, sha tligai helthalan,
22Waigien nung Hants Las, kaldsida ging-an ets, la ing-gwī ijan, waigien kil ishin sha sta ijan, Di Git kwōyas ū dung ijung; dung alth di gudung-ai lāgung, waigien hin kil shouon.
23Waigien Jesus, tlistleuon gin tla il shkota-dīdandlu, la da tuda tlāale lthonālan, waigien Joseph git il ising tl gudung-gangan;
24Waigien Joseph Heli git ijan, Heli ishin Matthat git ijan, Matthat ishin Levi git ijan, Levi ishin Melchi git ijan, Melchi ishin Jannai git ijan, Jannai ishin Joseph git ijan,
25Joseph ishin Mattathias git ijan, Mattathias ishin Amos git ijan, Amos ishin Nahum git ijan, Nahum ishin Esli git ijan, Esli ishin Naggai git ijan,
26Naggai ishin Maath git ijan, Maath ishin Mattathias git ijan, Mattathias ishin Semein git ijan, Semein ishin Josech git ijan, Josech ishin Joda git ijan,
27Joda ishin Joanan git ijan, Joanan ishin Rhesa git ijan, Rhesa ishin Zerubbabel git ijan, Zerubbabel ishin Shealtiel git ijan, Shealtiel ishin Neri git ijan,
28Neri ishin Melchi git ijan, Melchi ishin Addi git ijan, Adli ishin Cosam git ijan, Cosam ishin Elmadam git ijan, Elmadam ishin Er git ijan,
29Er ishin Jesus git ijan, Jesus ishin Eliezer git ijan, Eliezer ishin Jorim git ijan, Jorim ishin Matthat git ijan, Matthat ishin Levi git ijan,
30Levi ishin Symeon git ijan, Symeon ishin Judas git ijan, Judas ishin Joseph git ijan, Joseph ishin Jonam git ijan, Jonam ishin Eliakim git ijan,
31Eliakim ishin Melea git ijan, Melea ishin Menna git ijan, Menna ishin Mattatha git ijan, Mattatha ishin Nathan git ijan, Nathan ishin David git ijan,
32David ishin Jesse git ijan, Jesse ishin Obed git ijan, Obed ishin Boaz git ijan, Boaz ishin Salmon git ijan, Salmon ishin Nahshon git ijan,
33Nahshon ishin Amminadab git ijan, Amminadab ishin Arni git ijan, Arni ishin Hezron git ijan, Hezron ishin Perez git ijan, Perez ishin Juda git ijan,
34Juda ishin Jacob git ijan, Jacob ishin Isaac git ijan, Isaac ishin Abraham git ijan, Abraham ishin Terah git ijan, Terah ishin Nahor git ijan,
35Nahor ishin Serug git ijan, Serug ishin Reu git ijan, Reu ishin Peleg git ijan, Peleg ishin Eber git ijan, Eber ishin Shelah git ijan,
36Shelah ishin Cainan git ijan, Cainan ishin Arphaxad git ijan, Arphaxad ishin Shem git ijan, Shem ishin Noah git ijan, Noah ishin Lamech git ijan,
37Lamech ishin Methuselah git ijan, Methuselah ishin Enoch git ijan, Enoch ishin Jared git ijan, Jared ishin Mahalaleel git ijan, Mahalaleel ishin Cainan git ijan,
38Cainan ishin Enos git ijan, Enos ishin Seth git ijan, Seth ishin Adam git ijan, Adam ishin Shanung-itlagadas git ijan.
Currently Selected:
Luke 3: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
