YOHANA 4

1KANDI Mukama waitu obuyamanyire Abafalisayo bahulire ngu Yesu ayegesa kandi ngu abatiza baingi okukira Yohana 2( baitu Yesu wenka atabatize,rundi abegeswabe), 3yaruga omu Buyudaya yagenda Galiraya. 4Kandi kikamuseme’ra okuraba omu Samaliya. 5Kandi yataha omu kika ekya Samaliya ekyetwa Sukara, ekihe’raine mutabaniwe Yusufu: kandi iziba lya Yakobo likaba liriyo. 6Kandi Yesu akaba ajwahire orugendo, yaika’ra ha iziba. Esaha zikaba zihikire nkomukaga. 7Hakaija omukazi Omusamaliya okutaha amaizi: Yesu yamugambira ati Mpa nywe. 8Baitu abegeswabe bakaba begenzire omu maka okugura ebyokulya. 9Kandi omukazi omusamaliya yamugambira ati Iwe, Omuyudaya, kiki ekirukusabisa ekyokunywa nyowe omukazi omusamaliya? ( Baitu Abayudaya tibaterena Nabasamaliya) 10Yesu yagarukamu namugambira ati Kakuba omunyire ekisembo ekya Ruhanga, nogu arukukugambira ati Apa nywe; iwe wakumusabire, nauwe yakukuhaire amaizi agomire. 11Omukazi yamugambira ati, Tata, tonyina kyokutaha, kandi Iziba lihamire: noiha nkaha amaizi ago agomire? 12Iwoli mukuru okukira isenkuru itwe Yakobo ayatuhaire iziba, nanywaho uwe nabanabe nenteze? 13Yesu yagarukamu namugambira ati Wena anyakunywa ha maizi ganu aligaruka okukwatwa iroho: 14baitu wena anyakunywa ha maizi agandimuha talikwatwa iroho ebiro Kwahumbura abafu nabaha obwomezi, nukwo Nomwana abaha ati obwomezi abayenda okuha. Nebiro; baitu amaizi agandimuha galifoka omundaye iziba lyamaizi nigadubuka hali obwomezi obutahwaho. 15Omukazi yamugambira ati Tata, mpa amaizi ago ndekega okukwatwa iroho, nobukwakuba okuija hanu hara okutaha. 16Yesu yamugambira ati Genda, oyete baro, ogaruke oije hanu. 17Omukazi yagarukamu namugambira ati Tinyina ibanyowe. Yesu yamugambira ati Ogambire kurungi oti Tinyina ibanyowe: 18baitu okaba oyina babaro batano; nogu owonyina hati tali baro: eki okigam,bire amananu 19Omukazi yamugambira ati Tata, nyetegerize nti iwoli nabi. 20Baisenkuru itwe baramyaga ha rusozi runu; nainywe mugamba ngu Ha Yerusalemu nuho Kisemereire abantu okuramizaga. 21Yesu yamugambira ati omukazi, ikiriza nyowe, akasumi nikaija, akamutaliramizamuga Isitwe ha rusozi runu nobuhokuba Yerusalemu. 22Inywe muramya ekimutarukumanya: itwe turamya ekiturukumanya: baitu okujunwa nukuruga omu Bayudaya. 23baitu akasumi nikaija, kandi kahikire, abarukuramya amazima akabararamizamuga Isitwe omu mwoyo namananu: baitu Isitwe nase’ra abali nkabo okuba abarukumuramya. 24Ruhanga mwoyo; nabo abamuramya kibahikirire okumuramya omu Mwoyo namananu. 25Omukazi yamugambira ati manyire nti Masiya naija ( ayetwa kristo): obwaliija alitusobo’ra ebigambo byona. 26Yesu yamugambira ati Ninyowonu arukubaza naiwe.

27Ahonaho abegeswabe baija; bahuni’ra baitu akab nabaza nomukazi; baitu busaho muntu ayagambire ati Nose’ra ki/ rundi ngu Kiki obaza nauwe? 28Kandi omukazi yasiga omunagagwe, yagenda omu kika, yagambira abantu ati, 29Muije, murole omuntu angambire ebinakozire byona: 30ogu nuwe Kristo? Baruga omu kika nibaija namberali. 31Kandi abegeswa bakaba nibamwesengereza nibagamba ngu 32rabi, lya. Baitu yabagambira ati Nyina ebyokulya ebimutarukumanya. 33Nukwo abegeswa babaza bonka ngu Haroho omuntu amuletire ekyokulya. 34Yesu yabagambira ati Ebyokulya byange nukwo kukora ayantumire ebyagonza, nokuhikiriza emirimoye. 35Inywe timurukugamba ngu Hasigaireho amezi ana, okugesa kuije? dora nimbagambira nti Muimukye amaiso ganyu, murole emisiri, emazire okwera okugeswa. 36Anyakugesa ahebwa empera, asoroza ebyana ebyobwomezi obutahwaho; anyakusiga nanyakugesa basemererwa hamu. 37Baitu ekigambo kinu nukwo kya mananu ngu Ondi asiga, Ondi agesa. 38Nyowe nkabantuma okugesa ekimutarakolire mirimo: abandi bakakora emirimo, nainyowe mutahire omu mirimo yabu.

39Kandi hali abomu kika eki Abasamaliya baingi bakamuikiriza habwekigambo kyomukazi, ayagambire ati Angambire ebinakozire byona. 40Kandi abasamaliya obubaizire namberali, bamwasengereza aikale nabo: yaikarayo ebiro bibiri. 41Abandi baingi bamuikiriza habwebigambobye: 42nibagambira omukazi ngu Hati bunu titurukuikiriza obwokugamba kwawe: baitu twehulire itwenka, twetegerize ngu Mananukwo ogu nuwe Mujuni wensi.

43Ebiro ebibiri obubyahinguireho yarugayo okugenda Galiraya. 44Baitu Yesu wenka akatebeza ati nabi tabaho kitinisa omu nsi yowabu. 45Nukwo obuyaizire Galiraya, Abagaliraya bamutangi’ra obubaboine ebigambo byona ebiyakolire Yerusalemu ha bugenyi: baitu nabo bakagenda ha bugenyi.

46Kandi yagaruka yaija ha Kana eya Galiraya, nambere yafoire amaizi amarwa. Hakaba haliyo omunyoro womukama, omwanawe akaba arwalire Kaperenaumu. 47Obuyahulire ngu Yesu arugire omu Buyudaya, aizire galiraya yagenda namberali, yamwesengereza asirimuke, akize omwanawe; baitu akaba amalize okufa. 48Yesu yamugambira ati Obumutabona obwokuro’raho nebyamahano timuliikiriza na kake. 49Omunyoro womukama yamugambira ati Tata, osirimuke omwana wange atakafire. 50Yesu yamugambira ati Wegendera; omwana wawe ayomire. Omuntu ogu yaikiriza ekigambo Yesu ekiyamugambire, yagenda. 51kandi obwakaba nasisrimuka, abairube rubale bamutangana nibagamba ngu Omwana wawe ayomire. 52Uwe yabakaguza esaha eyabandizemu okukira. Bamugambira ngu Ijo obuire nkesaha eyomusanju omusija gukamurugaho. 53Nukwo Ise yamunya ati nuhomu kasumi ako Yesu akayamugambiremu ati Omwana wawe ayomire: uwe yaikiriza nenjuye yona. 54kandi kanu niko kokuro’raho akakabiri Yesu akayakozire, obuyarugire Buyudaya okuija Galiraya.

Currently Selected:

YOHANA 4: BRR64

Highlight

Copy